ᔨᕆᒤᐊᐅᑉ ᐊᒡᓚᖏᑦ 32
32
ᔨᕆᒤᐊᐅᑉ ᓄᓇᒥᒃ ᐱᕈᕐᓰᕕᒃᓴᕐᑖᕐᓂᖓ
1 #
ᐊᑕᓃᑦ ᐂᑉᐸᖏᑦ 25:1-7. ᐃᒫᒃ ᔨᕆᒤᐊ ᐊᑕᓂᕐᒧᑦ ᐅᖃᐅᑦᔭᐅᕗᖅ ᔨᑎᑬᐊᐅᑉ ᐊᖓᔪᖅᑳᕐᔪᐊᕆᔭᐅᓂᖓᑕ ᔫᑕᒥ ᐊᕐᕋᒍᐃᑦ ᖁᓕᖓᓐᓂ, ᓂᐱᑯᓁᓴᐅᑉ ᐊᖓᔪᖅᑳᕐᔪᐊᖑᓂᖏᑕ ᐊᕌᒍᐃᑦ 18ᖓᓐᓂ. 2ᑍᑦᓱᒪᓂᐅᑎᓪᓗᒍ ᐹᐱᓘᓂᒥᐅᑉ ᐊᖓᔪᖅᑳᕐᔪᐊᖓᑕ ᐅᓇᑕᕐᑐᒃᓴᖁᑎᖏᑦ ᐅᖓᓗᓯᓯᒪᓚᐅᕐᐳᑦ ᔨᕉᓴᓕᒥᒃ, ᔨᕆᒤᐊᓗ ᑎᒍᔭᐅᓯᒪᓚᐅᕐᐳᖅ ᔫᑕᐅᑉ ᐊᖓᔪᖅᑳᕐᔪᐊᖓᑕ ᐃᒡᓗᖁᑎᖓᓂ. 3ᔨᑎᑬᐊᐅᑉ ᔨᕆᒤᐊ ᑎᒍᔭᐅᓯᒪᑎᓕᓚᐅᕐᒪᒍ ᐅᖃᐅᑎᓪᓗᓂᐅᒃ, “ᓱᖕᒪᑦ ᓇᓚᐅᑦᑍᓇᓱᐊᖃᑦᑕᕐᐲᑦ? ᐅᖃᕐᓗᑎᑦ ᐃᒫᒃ, ‘ᐊᑕᓂᖅ ᐅᖃᕐᐳᖅ, ᐃᒡᓗᒐᓴᒡᔪᐊᖁᑎᓯ ᐱᔭᐅᑎᓐᓂᐊᕐᐸᒃᑲ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ, ᑎᒍᔪᒫᕐᐹᓪᓗ. 4ᔨᑎᑬᐊ ᔫᑕᒥᐅᑦ ᐊᖓᔪᖅᑳᕐᔪᐊᖓᑦ ᐊᓐᓇᒍᓐᓇᕐᓂᐊᓐᖏᓚᖅ ᑲᐅᓪᑎᐊᒥᐅᑦ ᐊᒡᒐᖏᓐᓂᑦ. ᐊᖓᔪᖅᑳᕐᔪᐊᖓᑦᑕᓗ ᑎᒍᔪᒫᕐᐹ, ᐅᖃᖃᑎᒋᔪᓐᓇᕐᓯᔪᒫᕐᐹᓗ ᑮᓇᕐᒥᑦ ᑮᓇᕐᒧᑦ ᓇᖕᒥᓂᖅ ᑕᐅᑐᒡᓗᓂᐅᒃ ᐃᔨᒥᑦ ᐃᔨᒧᑦ. 5ᔨᑎᑬᐊᓗ ᐹᐱᓘᓂᒧᓐᖓᐅᑎᔪᒫᕐᐹ, ᑍᑲᓃᑦᓱᒫᕐᐳᕐᓗ ᐊᑕᓂᕐᒧᑦ ᐱᓇᓱᐊᕐᕕᐅᓚᐅᖏᓐᓂᕐᒥᓂ, ᐊᑕᓂᖅ ᐅᖃᕐᐳᖅ, ᑲᐅᓪᑎᐊᒥᐅᓂᒃ ᐅᓇᑕᕋᓱᒃᑲᓗᐊᕈᕕᑦ ᓵᓚᖃᕐᓂᐊᓐᖏᓚᑎᑦ.’”
6ᔨᕆᒤᐊ ᐅᖃᕐᐳᖅ, “ᐊᑕᓂᐅᑉ ᐅᖃᕐᕕᒋᕚᖓ: 7ᑕᑯᒋᑦ, ᕼᐊᓇᒥᐅᓪ ᐊᖓᕕᑦ ᓴᓗᒻᒥᐅᑉ ᐃᕐᓂᖓ ᐃᓕᖕᓄᑦ ᐅᖃᕆᐊᕐᑐᕈᒫᕐᒪᑦ ᐱᕈᕐᓰᕕᖁᑎᒥᓂᒃ ᓂᐅᕕᐊᖑᖁᔨᓗᓂ ᐊᓇᑑᑎᒦᑦᑐᒥᒃ ᐱᓐᔭᒥᓂᐅᑉ ᓄᓇᖓᓂ ᐃᓚᑐᐊᕆᖕᒪᑎᑦ ᓄᓇᖁᑎᖓᓂᒃ ᓂᐅᕕᕐᑐᒃᓴᑑᒐᕕᑦ. 8ᐊᑕᓂᐅᓪᓗ ᐅᖃᐅᓯᕆᔭᖓᑐᑦ ᐅᕙᓐᓄᑦ ᑍᒤᓚᐅᕐᐳᖅ, ᑕᕝᕙ ᕼᐊᓇᒥᐅᓪ ᐃᓪᓗᕋ#32:8 ᐃᓪᓗᕋ ᐅᕝᕙᓗ ᖃᑕᓐᖑᑎᒃᓴᕋ ᐅᕙᓐᓄᐊᓚᐅᕐᐳᖅ ᐊᖓᔪᖅᑳᕐᔪᐊᑉ ᐃᒡᓗᖁᑎᖓᓄᑦ ᐅᖃᐅᑎᓪᓗᖓᓗ, ᐱᕈᕐᓰᕕᖁᑎᒥᓂᒃ ᓂᐅᕕᖁᓪᓗᓂᖓ ᐊᓇᑑᑎᒦᑦᑐᒥᒃ ᐱᓐᔭᒥᓂᐅᑉ ᓄᓇᖓᓃᑦᑐᒥᒃ, ᐱᕈᕐᓰᕕᖁᑎᒥᓂᒃ ᓂᐅᕕᖁᓪᓗᓂᖓ. ᑕᕝᕙ ᖃᐅᔨᕗᖓ ᐊᑕᓂᐅᑉ ᑕᒪᓐᓇ ᐅᖃᐅᓯᕆᖕᒪᒍ. 9ᐊᓇᑑᑎᒦᑦᑐᕐᓗ ᐱᕈᕐᓰᕕᒃ ᓂᐅᕕᐊᕆᓚᐅᕐᐸᕋ ᐃᓚᓐᓂᑦ ᕼᐊᓇᒥᐅᓕᒥᑦ ᑮᓇᐅᔧᓪᓗ ᐅᖁᒤᓐᓂᖏᑦ ᖃᐅᔨᓴᓚᐅᓪᓗᒋᑦ ᐊᑭᖃᕐᐳᖅ ᓯᐅᓪᕕᕆᓂᒃ 17ᓂᒃ. 10ᐊᖏᖃᑎᒌᒍᑎᕗᒡᓗ ᓄᓇ ᐱᓪᓗᒍ ᐊᑎᓕᐅᕇᕋᑦᑎᒍ ᑕᑯᓐᓇᕐᑐᓪᓗ ᐊᑎᓕᐅᕐᑎᓪᓗᒋᑦ ᐊᑭᒋᓂᐊᕐᑕᖏᓪᓗ ᐅᖁᒤᓐᓂᕐᓂᐊᕈᑎᒧᑦ ᖃᐅᔨᓴᕐᐸᕗᒃ. 11ᑕᒪᕐᒥᒡᓗ ᓄᓇᑖᕋᓱᐊᕐᓂᕐᒧᑦ ᐊᖏᖃᑎᒌᒍᑎᓂᒃ ᓇᓗᓁᕐᓯᔪᑦ ᑎᒍᓪᓗᒋᑦ ᓇᕿᑦᓯᕕᐅᓯᒪᔪᓪᓗ ᓄᓇᖁᑎᑖᕐᓂᐅᑉ ᐃᓕᖅᑯᓯᒃᓴᖏᓐᓂᒃ ᓇᓗᓁᕐᓯᔪᑦ ᓇᕿᑎᑦᓯᕕᐅᓯᒪᖏᑦᑐᓪᓗ ᑎᑎᕋᕐᑕᖏᑦ. 12ᑐᓂᓪᓗᒋᓪᓗ ᑖᒃᑯᐊ ᐸᕉᑭᒧ ᓂᕅᔭᐅᑉ ᐃᕐᓂᖓᓄᑦ, ᓂᕅᐊᓗ ᐊᑖᑕᖃᕆᕗᖅ ᒪᕼᐊᓮᐊᒥᒃ. ᐊᖓᒐ ᕼᐊᓇᒥᐅᓪ ᑕᑯᓐᓇᕐᑎᓪᓗᒍ ᐊᑎᓕᐅᖃᑕᐅᔪᓪᓗ ᑕᑯᓐᓇᕐᑎᓪᓗᒋᑦ, ᔫᑎᓪᓗ ᐊᖓᔪᖅᑳᕐᔪᐊᑉ ᐃᒡᓗᖓᓂᑦ ᖃᐅᔨᓴᕐᑎᐅᔪᑦ ᐃᒃᓯᕚᖃᑕᐅᔪᑦ ᑕᑯᓐᓇᕐᑎᓪᓗᒋᑦ. 13ᑖᒃᑯᐊ ᑐᓵᑎᓪᓗᒋᑦ ᐸᕉᒃ ᐅᖃᐅᑎᓚᐅᕐᐸᕋ, 14‘ᐃᒫ ᑕᕝᕙ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᑖᒃᑯᐊ ᓄᓇᑖᕐᓂᕐᒧᑦ ᐊᖏᖃᑎᒌᒍᑎᕗᑦ ᓇᕿᑦᔪᓯᕐᓯᒪᔪᑦ ᓇᕿᑦᔪᓯᕐᓯᒪᖏᑦᑐᓪᓗ ᑎᒍᓪᓗᒋᑦ ᒪᕋᕐᒧᑦ ᐴᒃᑭᑦ ᐊᑯᓂ ᑍᒤᓕᖓᒐᓗᐊᕐᓗᑎᒃ ᓱᕋᖁᓇᒋᑦ. 15ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᒪᑦ: ᐃᒡᓗᐃᓪᓗ ᐱᕈᕐᓰᕖᓪᓗ ᓄᓇᒥ ᑕᒫᓂ ᓂᐅᕐᕈᑎᒋᔭᐅᖃᑦᑕᕈᒫᕆᕗᑦ.’”
ᔨᕆᒤᐊᑉ ᑐᒃᓯᐊᕐᓂᖓ
16ᐸᕉᒃᒧᑦ ᓂᕅᐊᐅᑉ ᐃᕐᓂᖓᓄᑦ ᓄᓇᒥᒃ ᓂᐅᕕᕐᓯᒪᓂᓐᓂᒃ ᓇᓗᓁᕐᓯᑦᔪᑏᑦ ᑐᓂᔭᕇᕋᒃᑭᑦ, ᐊᑕᓂᕐᒧᑦ ᑐᒃᓯᐊᓕᕐᐳᖓ ᐅᖃᕐᓗᖓ, 17“ᐊᑕᓃᖅ ᐊᑕᓂᐅᓂᕐᐹᖑᔪᑎᑦ ᕿᓚᒃ ᓄᓇᕐᔪᐊᕐᓗ ᓴᓇᓚᐅᕐᐸᑎᑦ ᐱᔪᓐᓇᕐᓂᕐᔪᐊᕐᓄᑦ ᐊᔪᒐᖃᖏᓐᓂᕐᓄᓪᓗ, ᐃᓕᖕᓄᑦ ᐊᔪᕐᓇᕐᑐᖃᖏᒻᒪᑦ. 18ᐃᓄᒐᓴᒃᔪᐊᓄᑦ ᓇᒡᓕᒍᓱᖕᓂᕐᓂᒃ ᑕᑯᑎᑦᓯᕙᒃᐳᑎᑦ ᑭᓯᐊᓂᑦᑕᐅᖅ ᓯᕗᓕᖏᑕ ᐊᔪᕐᑐᓕᓯᒪᓂᖏᓐᓄᑦ ᑭᖑᕚᕇᑦ ᓱᒋᐊᕐᐸᒃᑭᕙᑎᑦ. ᐊᑕᓃᖅ ᐱᔪᓐᓇᕐᑐᕐᔪᐊᖑᓪᓗᑎᑦ ᒎᑎᐅᒐᕕᑦ ᖁᑦᓯᖕᓂᕐᐹᒍᓪᓗᑎᑦ ᐊᑎᖃᕐᐳᑎᓪᓗ ᐊᑕᓂᕐᒥᒃ ᐊᔪᒐᖃᖏᑦᑐᒥᒃ. 19ᐃᓱᒪᒋᔭᑎᑦ ᐊᖏᔪᕐᔪᐊᖑᖕᒪᑕ ᐱᓂᐊᕐᓂᕐᑎᓪᓗ ᐊᔪᒐᖃᖏᑦᑐᕐᔪᐊᖑᓪᓗᑎᒃ; ᐃᓄᐃᓪᓗ ᐱᓂᐊᕐᓂᓕᒫᖏᑦ ᑕᑯᓐᓇᕋᕕᒋᑦ, ᐃᓄᐃᓪᓗ ᐱᐅᓯᖏᑦ ᒪᓕᒡᓗᒋᑦ ᐱᔭᕆᐊᖃᓕᕐᑕᖏᓐᓂᒃ ᐱᑎᑦᓯᕙᒃᑲᕕᑦ, ᐊᑭᓕᕐᐸᒃᓗᒋᓪᓗ ᐱᓂᐊᕐᓂᖏᑦ ᒪᓕᒡᓗᒋᑦ. 20ᐄᑦᔨᑉᑎᒥ ᓇᓗᓁᒃᑯᑕᓂᒃ ᑲᒪᓇᕐᑐᕐᔪᐊᓂᒡᓗ ᑐᑭᓯᑦᔪᑕᐅᔪᓐᓇᕐᑐᓂᒃ ᐱᓂᐊᖃᑦᑕᕐᓯᒪᕗᑎᑦ, ᐅᓪᓗᒥᓗ ᓱᓕ ᐱᓂᐊᕐᓂᕆᕙᒃᐸᑎᑦ ᐃᓄᓕᒫᓂᒃ ᐃᓴᕆᐊᓕᒥᐅᓂᒃ ᐊᓯᖏᓐᓂᒡᓗ ᐃᓅᖃᑎᒌᒡᔪᐊᓂᒃ ᖃᐅᔨᒪᔭᐅᑦᔪᑎᒋᕙᑎᓪᓗ ᓇᓂᑐᐃᓐᓇᖅ, ᐅᓪᓗᒥᒧᑦ. 21ᐃᓄᖁᑎᑎᑦ ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕋᕕᒋᑦ ᓇᓗᓁᒃᑯᑕᒃᑯᑦ ᑲᒪᓇᕐᑐᓪᓗ ᐊᑐᕐᓗᒋᑦ. ᐱᔪᓐᓇᕐᓂᕐᔪᐊᕐᓄᑦ ᐊᔪᒐᖃᖏᓐᓂᕐᓄᓪᓗ ᑲᑉᐱᐊᓇᕐᑐᒃᑯᑦ. 22ᓄᓇᒥᒡᓗ ᑕᒪᑐᒥᖓ ᓄᓇᑖᕐᑎᓯᒪᒐᕕᒋᑦ ᓯᕗᓕᖏᓐᓄᑦ ᐊᖏᕈᑎᒋᓚᐅᕐᑕᕐᓂᒃ ᓄᓇᒋᔭᐅᓕᖁᓪᓗᒍ, ᓂᕿᒃᓴᖃᑦᓯᐊᕐᑐᒥᒃ ᐊᔪᕐᓴᕐᓇᖏᑦᑐᒥᓗ ᓄᓇᖃᖁᓪᓗᒋᑦ. 23ᓄᓇᒧᓪᓗ ᑕᒪᐅᖓ ᑎᑭᓐᓇᒥᒃ ᓄᓇᖃᓕᓚᐅᕐᐳᑦ. ᓂᐱᖕᓂᒡᓕ ᓈᓚᓚᐅᓐᖏᓚᑦ ᐱᖁᔭᑎᓪᓗ ᒪᓕᒍᒪᓇᒋᑦ, ᑍᒤᒻᒪᑦ ᐱᖁᔭᕐᓂᒃ ᒪᓕᒍᒪᖏᒻᒪᑕ ᑲᑉᐱᐊᓇᕐᑐᓄᑦ ᑎᑭᕝᕕᐅᑎᓚᐅᕐᐸᑎᑦ.
24“ᑕᑯᒋᑦ, ᐃᑳᕈᑎᕐᔪᐊᑦ ᐃᒡᓗᒐᓴᒡᔪᐊᓂᑦ ᓵᓚᒃᓴᕈᑕᐅᓂᐊᕐᑐᑦ ᐋᖅᑭᒃᓯᒪᓕᕐᐳᑦ, ᐅᓇᑕᕐᓂᖃᓕᕐᒪᑦ ᑳᖕᓇᕐᑐᕐᔪᐊᖃᓕᕐᐳᖅ ᐋᓐᓂᐊᓇᕐᑐᖃᓕᕐᓗᓂᓗ ᓇᓗᓇᕈᓐᓃᕐᐳᑦ ᑲᐅᓪᑎᐊᒥᐅᓄᑦ ᐃᒡᓗᒐᓴᒡᔪᐊᑦ ᐱᔭᐅᓂᐊᓕᕐᑐᑦ. ᐅᖃᐅᓯᕆᓚᐅᕐᑍᑦ ᓇᓪᓕᐅᑎᕗᖅ, ᑕᑯᒋᓪᓗ, ᑕᒪᓐᓇ ᑕᑯᓕᕐᐹᑦ. 25ᑲᐅᓪᑎᐊᒥᐅᓄᑦ ᐃᒡᓗᒐᓴᒡᔪᐊᑦ ᐱᔭᐅᓂᐊᕋᓗᐊᕐᑎᓪᓗᒋᑦ, ᐃᒡᕕᓪᓕ ᐊᑕᓃᖅ ᒎᑎᐅᔪᑎᑦ, ᐅᕙᓐᓄᑦ ᐅᖃᕐᐳᑎᑦ, ᐱᕈᕐᓰᕕᒃ ᓂᐅᕕᐊᕆᒍᒃ ᓂᐅᕕᕈᑏᓪᓗ ᐊᑎᓕᐅᕐᑕᐅᑎᓕᒃᑭᑦ ᑕᑯᓐᓇᕐᑐᓄᑦ.”
26ᐊᑕᓂᐅᑉ ᔨᕆᒤᐊ ᐅᖃᐅᑎᕚ, 27“ᑕᑯᒋᑦ, ᐅᕙᖓ ᐊᑕᓂᐅᕗᖓ, ᒎᑎᐅᔪᖅ ᐃᓄᓕᒫᓄᑦ, ᐊᔪᕐᓇᓗᐊᕐᑐᖃᕐᐹ ᐅᕙᓐᓄᑦ? 28#ᐊᑕᓃᑦ ᐂᑉᐸᖏᑦ 25:1-11; ᑯᕉᓂᑲ ᐂᑉᐸᖏᑦ 36:17-21.ᑍᒤᒻᒪᑦ ᐊᑕᓂᖅ ᐃᒫᒃ ᐅᖃᕐᐳᖅ, ᑕᑯᒋᑦ, ᑲᐅᓪᑎᐊᒥᐅᓄᑦ ᐃᒡᓗᒐᓴᒡᔪᐊᑦ ᑐᓂᓕᕐᐸᒃᑲ ᓂᐱᑯᓁᓴᒧᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ, ᑖᑦᓱᒪᓗ ᑎᒍᓂᐊᕐᐹ. 29ᑲᐅᓪᑎᐊᒥᐅᓪᓗ ᑎᑭᒃᑯᑎᒃ ᐃᒡᓗᒐᓴᒡᔪᐊᑦ ᐃᑯᐊᓪᓚᒍᒫᕐᐹᑦ, ᐃᑯᒪᒧᑦ ᓄᖑᑕᐅᖁᓪᓗᒋᑦ, ᑍᒃᑯᐊᓗ ᓂᓐᖓᒡᕕᒋᓚᐅᕐᑕᒃᑲ ᒎᑎᓐᖑᐊᒧᑦ ᐰᓕᒧᑦ ᑐᓂᕐᕈᓯᖃᑦᑕᕐᓂᖏᓐᓄᑦ ᕔᓂᒥᒃ ᐃᒡᓗᒥ ᖄᖏᓐᓂ; ᐃᑯᒪᒧᑦ ᓄᖑᑕᐅᑎᓐᓂᐊᕐᐸᒃᑲ. 30ᐃᓴᕆᐊᓕᒥᐅᑦ ᔫᑕᒥᐅᓪᓗ ᐃᓄᖏᑦ ᓵᓐᓂ ᐱᐅᖏᑦᑐᐃᓐᓇᕐᒥᒃ ᐃᓕᖅᑯᓯᖃᕐᓯᒪᖕᒪᑕ ᒪᒃᑯᖕᓂᕐᒥᖕᓂᑦ, ᐃᓴᕆᐊᓕᒥᐅᓪᓕ ᓂᓐᖓᒃᓮᕗᑦ ᐊᒡᒐᖏᑕ ᐱᓂᐊᕐᓂᖏᑎᒍᑦ, ᐊᑕᓂᖅ ᐅᖃᕐᐳᖅ. 31ᑖᒃᑯᐊ ᐃᒡᓗᒐᓴᒡᔪᐊᑦ ᓂᓐᖓᒃᓮᓂᖏᓐᓄᑦ ᓂᓐᖓᒃᓯᒪᕗᖓ, ᓴᓇᔭᐅᓂᕐᒥᓂᑦ ᐱᒋᐊᕐᓗᓂ ᐅᓪᓗᒥᒧᑦ ᑎᑭᓪᓗᒍ, ᑍᒤᒻᒪᑦ ᓵᓐᓂᑦ ᐲᕈᒪᕙᒃᑲ. 32ᐃᓴᕆᐊᓕᒥᐅᓪᓗ ᔫᑕᒥᐅᓪᓗ ᐃᓄᖏᑕ ᓂᓐᖓᐅᑎᒃᓴᓕᐅᓚᐅᕐᒪᖓ ᐱᐅᖏᑦᑐᓂᒃ ᐱᓇᓱᐊᕐᓂᕐᒥᖕᓄᑦ ᐊᖓᔪᖅᑳᕐᔪᐊᖏᑎᒍᑦ, ᓯᕗᓕᕐᑎᖁᑎᖏᑎᒍᓪᓗ, ᑐᓂᕐᕈᓯᕐᑎᑦᓯᔨᖁᑎᖏᑎᒍᑦ ᒎᑎᒧᓪᓗ ᐅᖃᕐᑎᖁᑎᖏᑎᒍᑦ, ᐃᓄᒃᑎᒍᓪᓗ ᔫᑕᒥᐅᑎᒍᑦ ᔨᕉᓴᓕᒥᓗ ᓄᓇᖃᕐᑐᓄᑦ. 33ᐅᕙᓐᓂᒃ ᑐᓄᐃᓚᐅᕐᒪᑕ ᓵᓐᖓᓇᓱᐊᕈᓐᓃᕐᓗᑎᒡᓘᓐᓃᑦ ᐊᔪᕆᕐᑐᖃᑦᑕᓚᐅᕋᓗᐊᕐᐸᒃᑲ ᐅᓄᕐᑐᐃᕐᓱᕐᓗᒋᑦ ᓈᓚᒍᒪᓚᐅᓐᖏᓚᓪᓕ, ᑐᓴᕈᒪᓇᑎᒡᓘᓐᓃᑦ ᐋᖅᑭᒋᐊᕐᓯᓂᕆᓇᓱᐊᕐᑕᓐᓂᒃ. 34#ᐊᑕᓃᑦ ᐂᑉᐸᖏᑦ 23:10; ᔨᕆᒤᐊ 7:30,31; 19:1-6.ᒎᑎᓐᖑᐊᒥᖕᓂᒃ ᓇᕐᕈᓇᕐᑐᕐᔪᐊᓂᒃ ᐃᒡᓗᖁᑎᓐᓄᐊᕐᓯᓯᒪᖕᒪᑕ ᐅᕙᓐᓂᒃ ᐊᑎᓕᖕᒧᑦ, ᓱᕈᕐᑎᑕᐅᓪᓗᓂ. 35#ᐊᑕᓃᑦ ᐂᑉᐸᖏᑦ 23:10; ᔨᕆᒤᐊ 7:31; ᒨᓯᓯ ᐱᖓᔪᖏᑦ 18:21.ᒎᑎᓐᖑᐊᓪᓗ ᐰᓕᐅᑉ ᐃᓂᒃᓴᖏᓐᓂᒃ ᐳᕐᑐᔪᓂᒃ ᓴᓇᓯᒪᕗᑦ ᐱᓐ ᕼᐃᓇᐅᑉ ᓇᕐᓴᖓᓂ, ᑐᓂᕐᕈᓯᕈᒪᓪᓗᑎᒃ ᐃᕐᓂᕐᒥᖕᓂᒃ ᐸᓂᖕᒥᖕᓂᒡᓗ ᒎᑎᓐᖑᐊᒧᑦ ᒧᓕᑭᒧᑦ, ᑎᓕᓚᐅᕐᓯᒪᖏᒃᑲᓗᐊᕐᐸᒃᑲ, ᐃᓱᒪᒋᓚᐅᕐᓯᒪᓇᒍᓘᓐᓃᑦ, ᑍᒫᒃ ᐱᐅᖏᑦᑐᐊᓗᖕᒥᒃ ᐊᑐᕐᓗᑎᒃ, ᔫᑕᐅᑉ ᐃᓄᖏᑦ ᐊᔪᕐᑐᓕᑎᑉᐰᑦ.”
ᐊᖏᕐᕕᐅᓂᖅ ᓂᕆᐅᒋᔭᒃᓴᒥᒃ
36ᑍᒤᒻᒪᑦ ᐊᑕᓂᖅ ᐃᒫᒃ ᐅᖃᕐᐳᖅ, ᐃᓴᕆᐊᓕᒥᐅᑦ ᒎᑎᖓ, “ᐃᒡᓗᒐᓴᒡᔪᐊᑦ ᑖᒃᑯᐊ ᐅᖃᐅᓯᕆᒐᕕᒋᑦ ᐅᓇᑕᕐᓂᒃᑯᑦ, ᑳᖕᓇᕐᑐᕐᔪᐊᒃᑯᑦ, ᐋᓐᓂᐊᓇᕐᑐᑎᒍᓪᓗ ᐱᔭᐅᓂᐊᕐᓂᕋᕐᓗᒋᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ, 37ᑕᑯᒋᑦ, ᑲᑎᕐᓱᕈᒫᕆᕙᒃᑲ ᓄᓇᓕᖕᓂᑦ ᓂᓐᖓᕕᒡᔪᐊᕐᓂᓐᓄᑦ ᐊᐅᓪᓚᕐᑎᑕᐅᕕᒋᓚᐅᕐᑕᖏᓐᓂᑦ, ᑕᒪᐅᖓᓗ ᐅᑎᕐᑎᑦᓱᒫᕐᐸᒃᑲ, ᐃᓅᓯᖃᓕᕐᑎᓪᓗᒋᑦ ᐃᓂᓪᓚᖓᑦᓯᐊᕐᓇᕐᑐᒥᒃ. 38ᐃᓄᖁᑎᒋᔪᒫᕐᐸᒃᑲ, ᑖᒃᑯᐊᓗ ᒎᑎᒋᔪᒫᕐᐹᖓ. 39ᐊᑕᐅᓯᕐᒥᒃ ᐆᒻᒪᑎᖃᕐᑎᑦᓱᒫᕐᐸᒃᑲ ᐊᑕᐅᓯᕐᒥᒡᓗ ᐊᖅᑯᑎᖃᕐᑎᓪᓗᒋᑦ, ᐅᕙᓐᓂᒃ ᓯᕘᕋᒋᔭᖃᖁᓪᓗᒋᑦ ᐃᓱᖃᖏᑦᑐᒧᑦ, ᐱᐅᓂᕐᓴᒦᖁᓪᓗᒋᑦ ᑭᖑᕚᒃᓴᖏᓪᓗ. 40ᐊᖏᖃᑎᒋᔪᒫᕐᐸᒃᑲ ᐃᓱᖃᖏᑦᑐᒧᑦ ᐊᑐᕐᓂᐊᕐᑐᒥᒃ, ᐱᐅᔪᒥᒡᓗ ᐱᓇᓱᐊᕐᕕᒌᓐᓇᕈᒫᕐᐸᒃᑲ, ᓯᕘᕋᓂᕐᒥᒡᓗ ᐆᒻᒪᑎᖏᓐᓄᑦ ᐃᓕᓯᔪᒫᕐᐳᖓ, ᕿᒤᓚᐅᕐᓯᒪᖁᓇᒋᑦ ᐅᕙᓐᓂᒃ. 41ᐱᐅᔪᒥᒃ ᐱᓇᓱᐊᕐᕕᒋᔭᕆᐊᖏᑕ ᖁᕕᐊᒋᕙᒃᑲ, ᓄᓇᒧᓪᓗ ᑕᒪᐅᖓ ᑲᓐᖓᕐᓲᑎᒋᔪᒫᕐᐸᒃᑲ ᐃᓄᒋᔭᐅᖏᓐᓇᖁᓪᓗᒋᑦ ᑲᔪᓯᑦᓯᐊᕐᓗᑎᒃ, ᐆᒻᒪᑎᓐᓄᑦ ᐃᓘᓐᓈᓄᑦ ᐃᓱᒪᓐᓄᓪᓗ ᐃᓘᓐᓈᓄᑦ.
42“ᐃᒫᒃ ᐊᑕᓂᖅ ᐅᖃᕐᐳᖅ, ᖁᕕᐊᓇᖏᑦᑐᕐᔪᐊᓂᒃ ᑎᑭᕝᕕᐅᑎᓚᐅᕋᒃᑭᑦ, ᑍᒫᒃᑕᐅᖅ ᐱᐅᔪᒥᒃ ᑎᑭᕝᕕᐅᑎᑦᓱᒫᕐᐸᒃᑲ ᑍᒫᒃ ᐊᖏᕐᕕᒋᓯᒪᒐᒃᑭᑦ. 43ᐱᕈᕐᓰᕖᓪᓗ ᑕᒫᓂ ᓂᐅᕕᐊᖑᔪᓐᓇᕐᓯᔪᒫᕆᕗᑦ ᐅᖃᕐᐸᓚᐅᕋᓗᐊᕐᑎᓪᓗᓯ ᓱᓇᑕᖃᖏᓐᓂᕐᒧᑦ ᐃᓄᖃᕐᑐᒃᓴᐅᔪᓐᓃᕐᓂᕋᕐᓗᒋᑦ ᐆᒪᔪᖃᕐᑐᒃᓴᐅᔪᓐᓃᕐᓂᕋᕐᓗᒋᓪᓗ ᑲᐅᓪᑎᐊᒥᐅᓄᑦ ᑐᓂᔭᐅᓯᒪᓕᕐᒪᑦ. 44ᐱᕈᕐᓰᕕᖃᕐᕕᒃᓮᑦ ᓂᐅᕕᐊᖑᖃᑦᑕᓕᕈᒫᕐᐳᑦ ᓯᐅᓪᕕᕆᓄᑦ, ᓄᓇᖁᑎᑖᕈᑎᒡᓗ ᐊᑎᓕᐅᕐᑕᐅᕙᒡᓗᑎᒃ, ᓇᕿᑦᔪᓯᕐᑕᐅᓗᑎᒡᓗ ᐱᓐᔭᒥᓂᐅᑉ ᓄᓇᖓᓂ ᔨᕉᓴᓕᒥᓗ, ᔫᑕᒥᓗ, ᖃᖅᑲᒥᐅᓪᓗ ᓄᓇᓕᖏᓐᓂ, ᓯᐱᓚᒥᐅᓪᓗ ᐃᒡᓗᒐᓴᖏᓐᓂᑦ ᓂᒋᑉᒥᓗ ᓄᓇᖃᕐᑐᓂᒃ, ᓄᓇᑐᖃᖏᓐᓄᑦ ᐅᑎᕐᑎᑦᓱᒫᕐᐸᒃᑲ, ᐊᑕᓂᖅ ᐅᖃᕐᐳᖅ.”
Currently Selected:
ᔨᕆᒤᐊᐅᑉ ᐊᒡᓚᖏᑦ 32: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
