ᔨᕆᒤᐊᐅᑉ ᐊᒡᓚᖏᑦ 21
21
ᔨᕉᓴᓕᐅᑉ ᓵᓚᒋᔭᐅᓂᒃᓴᖓᑕ ᐅᖃᐅᓯᐅᓂᖓ
1ᔨᕆᒤᐊ ᐊᑕᓂᕐᒧᑦ ᐅᖃᕐᕕᐅᓚᐅᕐᐳᖅ ᐅᑯᓂᖓ, ᐊᖓᔪᖅᑳᕐᔪᐊᑉ ᔨᑎᑬᐊᐅᑉ ᑎᓕᔭᖏᓐᓄᑦ ᑎᑭᑕᐅᒐᒥ ᐸᓱᕼᐅᕆᒧᑦ ᒪᓪᑬᔭᐅᑉ ᐃᕐᓂᖓᓄᑦ ᑐᓂᕐᕈᓯᕐᑎᑦᓯᔨᒧᓪᓗ ᔨᐸᓁᐊᒧᑦ ᒫᓯᐊᐅᑉ ᐃᕐᓂᖓᓄᑦ, ᐅᖃᕐᓗᑎᒡᓗ: 2#ᐊᑕᓃᑦ ᐂᑉᐸᖏᑦ 25:1-11; ᑯᕉᓂᑲ ᐂᑉᐸᖏᑦ 36:17-21.“ᐊᑕᓂᖅ ᖃᐅᔨᓇᓱᐊᕐᕕᒋᓚᐅᕈᒃ, ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᓂᐱᑯᓁᓴᐅᑉ ᐅᓇᑕᕆᐊᕐᑐᕈᒪᖕᒪᑎᒍᑦ, ᐊᑕᓂᐅᑉ ᑲᒪᓇᕐᑐᑎᒍᑦ ᐱᐅᔪᓂᒃ ᐱᓇᓱᐊᕈᑎᔪᓐᓇᕐᒪᖔᑎᒍᑦ, ᐅᓇᑕᕆᐊᕋᓱᐊᕐᑑᒐᓗᐊᓄᑦ ᑲᒪᒋᔭᐅᓂᐊᖏᓐᓇᑦᑕ.”
3ᔨᕆᒤᐊᐅᓪᓕ ᐅᖃᐅᑎᕔᑦ ᐅᖃᕐᓗᓂ, 4“ᔨᑎᑬᐊ ᐃᒫᒃ ᐅᖃᐅᑎᓯᐅᒃ, ‘ᐊᑕᓂᖅ ᐃᒫᒃ ᐅᖃᕐᐳᖅ, ᐃᓴᕆᐊᓕᒥᐅᑦ ᒎᑎᖓᑦ, ᑕᑯᒋᑦ, ᐅᓇᑕᐅᑎᒃᓴᓯ ᐊᑐᕐᓗᒋᑦ ᐃᓕᑦᓯᓐᓂᒃ ᓵᑦᓯᖔᕐᓂᐊᕐᐳᖓ ᐅᓇᑕᐅᑎᒃᓴᓕᐊᕆᓯᒪᔭᓯᓗ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᑲᐅᓪᑎᐊᒥᐅᑦ ᐅᓇᑕᕐᑎᖏᓐᓄᑦ ᒫᓐᓇ ᐃᒡᓗᒐᓴᒡᔪᐊᖃᕐᕕᑦᓯᓐᓂᒃ ᐃᓗᒪᓯᓗᑎᒃ ᐱᕖᕈᑦᔨᓯᒪᔪᓄᑦ ᐃᓕᑦᓯᓐᓂᒃ; ᐃᒡᓗᒐᓴᒡᔪᐊᖃᕐᕕᑦᓯ ᐃᓗᐊᓄᐊᕈᓐᓇᕐᓯᑎᓐᓂᐊᕐᐸᒃᑲ. 5ᐅᕙᖓ ᓇᖕᒥᓂᖅ ᐅᓇᑕᕐᓂᐊᕐᐸᑦᓯ ᐱᔪᓐᓇᕐᓂᓐᓄᑦ, ᓂᓐᖓᐅᒪᓂᓐᓄᑦ ᓂᓐᖓᕕᒃᔪᐊᕐᓯᒪᓂᓐᓄᓪᓗ. 6ᐃᒡᓗᒐᓴᒡᔪᐊᕐᒥᐅᓪᓗ ᐱᒋᐊᕈᒃᑭᑦ ᐋᓐᓂᐊᓇᕐᑐᒧᑦ ᑐᖁᕋᕐᓂᐊᕐᐳᑦ ᐃᓄᐃᑦ ᐆᒪᔪᐃᓪᓗ. 7ᑕᒪᓐᓇᓗ ᐊᓂᒍᕐᒪᑦ, ᐊᑕᓂᖅ ᐅᖃᕐᐳᖅ, ᔨᑎᑬᐊ ᔫᑕᐅᑉ ᐊᖓᔪᖅᑳᕐᔪᐊᖓ, ᐊᖓᔪᖅᑳᖁᑎᖏᓪᓗ, ᐃᓄᐃᓪᓗ ᑐᖁᕋᕐᓇᕐᑐᒧᑦ ᐱᔭᐅᓂᐊᓐᖏᓚᑦ ᐅᓇᑕᕐᑐᓂᓘᓐᓃᑦ, ᑳᖕᓇᕐᑐᕐᔪᐊᒧᓪᓘᓐᓃᑦ ᐹᐱᓘᓂᒥᐅᓪᓘᓐᓃᑦ ᐊᖓᔪᖅᑳᕐᔪᐊᖓᓐᓄᑦ ᓂᐱᑯᓁᓴᒧᑦ, ᑖᒃᑯᐊ ᐊᒥᐊᒃᑰᔪᑦ ᑐᖁᑕᐅᑎᓐᓂᐊᕐᐰᑦ ᓇᒡᓕᒋᖏᓪᓗᒋᑦ ᐃᓚᑦᓱᒋᖏᓪᓗᒋᓪᓘᓐᓃᑦ.’
8“ᐃᓄᐃᑦ ᐅᖃᐅᑎᒃᑲᓐᓂᒃᑭᑦ, ᐊᑕᓂᖅ ᐃᒫᒃ ᐅᖃᕐᐳᖅ, ‘ᑕᑯᒋᑦ, ᐅᖃᐅᑎᕙᑦᓯ ᐃᓅᓯᖃᕐᓇᕐᑐᒥᒃ ᑐᖁᒧᐊᕐᓇᕐᑐᒥᒡᓗ. 9ᐃᒡᓗᒐᓴᒡᔪᐊᓃᑦᑐᑦ ᑐᖁᓂᐊᕐᐳᑦ ᐅᓇᑕᕐᑐᓂ, ᑳᖕᓇᕐᑐᕐᔪᐊᒃᑯᑦ ᐋᓐᓂᐊᓇᕐᑐᒃᑯᓪᓗ; ᓇᓪᓕᐊᓪᓕ ᑲᐅᓪᑎᐊᒥᐅᓄᑦ ᑐᓂᑦᔪᑎᒋᔭᕐᑐᕈᓂ ᐃᓗᒪᓗᓂᓯ ᐊᔪᓕᕐᑎᑦᓯᓯᒪᔪᓄᑦ, ᐃᓅᔪᓐᓇᕐᓂᐊᕐᐳᖅ, ᑐᓂᑦᔪᑎᒋᓂᓂ ᐊᓐᓇᒍᑎᒋᓂᐊᕐᒪᒍ ᐅᓇᑕᕐᓂᕐᒥᑦ. 10ᑍᒤᓕᐅᕈᒪᓂᕋ ᓴᖑᑎᑦᔮᔪᓐᓃᕐᐸᕋ ᐃᒡᓗᒐᓴᖕᓄᑦ ᐱᐅᔪᒥᒃ ᐱᓇᓱᐊᕐᓂᐊᖏᓐᓇᒪ ᐱᐅᖏᑦᑐᒥᒃ ᑭᓯᐊᓂ, ᐊᑕᓂᖅ ᐅᖃᕐᐳᖅ: ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ ᐱᔪᓐᓇᕐᓂᖃᕐᑎᑕᐅᓂᐊᕐᐳᖅ ᐊᓯᕈᐃᖁᓪᓗᒍ ᐃᑯᒪᒧᑦ.’”
ᔫᑕᒥᐅᑦ ᐊᖓᔪᖅᑳᕐᔪᐊᖏᑕ ᐃᖅᑲᕐᑐᕐᑕᐅᓂᖏᑦ
11“ᐅᖃᕐᑐᒃᓴᐅᒋᕗᑎᑦ ᔫᑕᐅᑉ ᐊᖓᔪᖅᑳᕐᔪᐊᖓᑕ ᐃᒡᓗᖓᓄᑦ, ‘ᐊᑕᓂᐅᑉ ᐅᖃᐅᓯᖓ ᑐᓴᕐᓯᐅᒃ, 12ᑍᕕᑎᐅᑉ ᐊᖓᔪᖅᑳᕐᔪᐊᖑᓂᖓᓄᑦ ᑭᖑᕚᖑᔪᓯ, ᐊᑕᓂᖅ ᐃᒫᒃ ᐅᖃᕐᐳᖅ: “ᓈᒻᒪᓈᕐᓯᒪᔪᒥᒃ ᐱᓇᓱᐊᖃᑦᑕᕆᑦᓯ ᖃᐅᑕᒫᑦ, ᓴᐳᑦᔨᓯᒪᓇᓱᐊᖃᑦᑕᕐᓗᓯᓗ ᑎᒡᓕᒡᕕᐅᓯᒪᔪᓂᒃ, ᓂᓐᖓᒡᓗᖓ ᐊᑭᓂᐊᖁᓇᖓ ᐃᑯᐊᓚᔪᑎᑐᑦ, ᐱᐅᖏᑦᑐᓕᓂᓯ ᐃᑯᐊᓚᒃᑕᐅᖁᓪᓗᒋᑦ, ᖃᒥᑕᐅᓂᐊᓐᖏᓚᕐᓗ ᓇᓪᓕᐊᓐᓄᓪᓘᓐᓃᑦ.”’ 13ᑕᑯᒋᑦ, ᔨᕉᓴᓕᒥᐅᑕᐅᔪᓯ ᐊᑲᐅᒋᓐᖏᓚᑦᓯ, ᓇᕐᓴᒥᐅᑕᐅᔪᓯ, ᕾᕐᑑᓂᖓᓂ ᓄᓇᖃᕐᑐᓯ, ᐊᑕᓂᖅ ᐅᖃᕐᐳᖅ, ᐅᖃᕐᐳᓯ, ‘ᑭᒃᑯᑦ ᐅᕙᑦᑎᓐᓂᒃ ᐅᓇᑕᕋᓱᐊᕐᐹᑦ? ᑭᒃᑯᓪᓗ ᐱᔭᐅᑦᔧᕐᓯᒪᕕᑦᑎᓐᓄᑦ ᐃᑎᕈᓐᓇᕐᐹᑦ?’ 14ᓱᒋᐊᕐᓂᐊᕐᐸᑦᓯ ᐱᓂᐊᕐᓂᓯ ᐱᕈᕐᑎᑕᖏᑦ ᒪᓕᒡᓗᒋᑦ, ᐊᑕᓂᖅ ᐅᖃᕐᐳᖅ; ᓇᐹᕐᑐᖁᑎᑦᓯᓐᓂᒃ ᐃᑯᐊᓪᓔᓂᐊᕐᐳᖓ ᓇᔪᕐᑕᓕᒫᓯᓗ ᐃᑯᐊᓚᓗᑎᒃ ᓄᖑᑕᐅᔪᒫᕐᐳᖅ.”
Currently Selected:
ᔨᕆᒤᐊᐅᑉ ᐊᒡᓚᖏᑦ 21: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
