ᔨᕆᒤᐊᐅᑉ ᐊᒡᓚᖏᑦ 12
12
ᔨᕆᒤᐊᐅᑉ ᐊᐱᕐᓱᕐᓂᖓ ᐊᑕᓂᕐᒥᒃ
1“ᐊᑕᓂᖅ ᐃᓱᐊᕐᓃᑦ ᓱᕐᕋᒍᓐᓇᖏᒻᒪᑦ, ᓇᓗᓕᕐᓯᒪᑦᔪᑎᒋᔭᒃᑲ ᓵᖕᓄᑦ ᓴᖅᑭᑦᓱᒪᕙᒃᑲ, ᓱᖕᒪᑦ ᐱᐅᖏᑦᑐᓕᔪᑦ ᐱᔪᓐᓇᑦᓯᐊᕐᐹᑦ? ᐅᒃᐱᖏᑦᑐᓪᓗ ᑲᔪᓯᑦᓯᐊᕐᓗᑎᒃ? 2ᑲᓐᖓᕐᓱᓚᐅᕐᐸᑎᑦ ᐊᒫᖃᑦᓯᐊᓕᕐᓗᑎᒡᓗ, ᐱᕈᕐᐳᑦ ᐸᐅᕐᖓᖃᓕᕐᓗᑎᒃ; ᖃᓂᑉᐳᑎᑦ ᖃᓂᖏᓐᓄᑦ ᐆᒻᒪᑎᖏᓐᓄᓪᓕ ᐅᖓᓯᒃᐳᑎᑦ. 3ᐅᕙᓐᓂᒡᓕ ᖃᐅᔨᒪᕗᑎᑦ, ᐊᑕᓃᖅ, ᐊᑐᕐᑕᓕᒫᒃᑲ ᑕᑯᓐᓇᕋᕕᒋᑦ, ᖃᓄᕐᓗ ᐃᓕᖕᓂᒃ ᐃᓱᒪᖃᕐᒪᖔᕐᒪ ᖃᐅᔨᓴᕈᓐᓇᕐᓗᑎᑦ. ᐱᐅᖏᑦᑐᓕᔪᑦ ᓴᓂᕐᕙᓚᐅᒃᑭᑦ ᓰᐱᑎᑐᑦ ᓴᓂᕐᕙᒃᑕᐅᓯᒪᔪᑎᑐᑦ ᐅᓪᓗᒧᑦ ᑐᖁᑕᐅᓂᒃᓴᖏᓐᓄᑦ. 4ᖃᓄᖅ ᐊᑯᓂᐅᑎᒋᔪᒥᒃ ᓄᓇ ᕿᒃᓵᖕᓂᐊᕐᐹ? ᐃᕕᒃᓱᒐᕕᓂᖏᓪᓗ ᑐᖁᓕᓗᑎᒃ? ᐃᓄᖏᑕ ᐱᐅᖏᓐᓂᖏᓐᓄᑦ, ᐆᒪᔪᑦ ᑎᖕᒥᐊᓪᓗ ᑐᖁᕋᓕᕐᐳᑦ, ᐅᖃᕐᒪᑕ, ‘ᐊᑕᓂᐅᑉ ᐱᐅᓯᕗᑦ ᖃᐅᔨᒪᓐᖏᓔ.’ 5ᐃᓄᖕᓂᒃ ᐅᓪᓚᐅᑎᖃᑎᖃᕐᓗᑎᑦ ᑕᖃᔨᐊᕆᔭᐅᒍᕕᑦ, ᖃᓄᕐᓕ ᕿᒻᒥᕐᔪᐊᓂᒃ ᓱᒃᑲᓕᐅᑎᖃᑎᖃᕈᓐᓇᕋᔭᕐᐲᑦ? ᓄᓇᒥ ᐊᑦᑕᕐᓇᕐᑐᖃᖏᑦᑐᒥ ᐹᓪᓚᖃᑦᑕᕈᕕᑦ ᔪᐊᕐᑕᓂᐅᑉ ᓇᐹᕐᑐᖃᕐᓂᖓᓃᓕᕈᕕᑦ ᖃᓄᕐᓕ ᐱᒐᔭᕐᐲᑦ? 6ᖃᑕᓐᖑᑎᕕᓪᓗ ᐃᒡᓗᒥᐅᖃᑎᕕᓪᓗ ᐊᒡᓛᑦ ᐊᑭᕋᕐᑐᓕᕐᐹᑎᑦ, ᐃᓕᖕᓂᒡᓗ ᐊᑭᕋᕐᑐᕐᑐᓂᒃ ᐃᑲᔪᕐᑐᐃᓕᕐᒪᑕ, ᐅᒃᐱᕆᑦᑍᓕᒃᑭᑦ ᐅᖃᓪᓚᑦᓯᐊᕐᑑᔮᕋᓗᐊᕐᐸᑕ ᐃᓕᖕᓄᑦ.”
ᐊᑕᓂᐅᑉ ᕿᒃᓵᒍᑎᖃᕐᓂᖓ ᐃᓄᖁᑎᒥᓂᒃ
7ᐃᓄᖁᑎᒃᑲ ᖁᔭᓈᕐᐸᒃᑲ, ᑭᖑᕐᖑᑎᔭᒃᓴᒃᑲᓗ ᕿᒪᒡᓗᒋᑦ; ᐃᓄᖁᑎᒃᑲ ᓇᒡᓕᒋᓚᐅᕐᑕᒃᑲ ᐊᑭᕋᖏᓐᓄᑦ ᑐᓂᑦᔪᑎᒋᓕᕐᐸᒃᑲ. 8ᐃᓄᖁᑎᒋᔪᒪᓯᒪᔭᒪ ᓇᐹᕐᑐᓃᑦᑐᑎᑐᑦ ᓛᔭᑎᑐᑦ ᐃᕐᓯᓵᓕᕐᒪᖓ, ᑍᒤᒻᒪᑦ ᐆᒥᒋᓕᕐᐸᒃᑲ. 9ᐃᓄᖁᑎᒋᔪᒪᓪᓗᒋᑦ ᓂᕈᐊᓚᐅᕐᑕᒃᑲ ᑎᖕᒥᐊᑎᑐᑦ ᐅᑭᓕᕆᐊᑐᑦ ᑍᒤᓕᕐᐳᑦ ᑎᖕᒥᐊᖑᖃᑎᖏᓐᓄᑦ ᓂᕆᔭᐅᓇᓱᐊᕐᑐᑎᑐᑦ, ᐆᒪᔪᑦ ᐃᕐᓯᓇᕐᑐᑦ ᕾᖁᓕᒃᑭᑦ ᑖᒃᑯᓂᖓ ᓂᕆᖃᑕᐅᓂᐊᓕᕐᒪᑕ. 10ᐰᕐᓯᔨᓄᑦ ᐅᓄᕐᑐᓄᑦ ᐸᐅᕐᖓᖃᕐᕕᒃᓴᖁᑎᒃᑲ ᑐᓪᓕᕋᕐᑕᐅᓪᓗᑎᒃ ᓯᖁᑦᑎᕐᑕᐅᕗᑦ, ᐱᕈᕐᓰᕕᖁᑎᑦᓯᐊᕆᓚᐅᕐᑕᒃᑲᓗ ᐊᑐᕐᑐᒃᓴᐅᔪᓐᓃᕐᓗᑎᒃ ᓱᓇᖃᕈᓐᓁᕐᓗᑎᒃ ᐱᕈᕐᑐᖃᕈᓐᓃᕐᐳᑦ. 11ᓄᓇᓕᒫᖅ ᐊᑐᕐᑐᒃᓴᐅᔪᓐᓃᕐᐳᖅ, ᓱᓇᑕᖃᕈᓐᓃᕐᐳᖅ, ᐅᕙᓐᓄᑦ ᕿᒃᓵᒡᓗᓂ ᕿᐊᕗᖅ. ᓄᓇᓕᒫᖅ ᐊᑐᕐᕕᒃᓮᕈᑎᕗᖅ, ᑭᓇᒧᓪᓘᓐᓃᑦ ᐃᒃᐱᒋᔭᐅᓐᖏᓚᖅ. 12ᐱᖑᓕᒫᑦ ᓇᐹᕐᑐᖃᖏᓐᓂᕐᒦᑦᑐᑦ ᓱᓇᖃᔪᐃᑦᑐᒥ ᓈᓯᒪᓕᕐᐳᑦ ᐊᓯᕈᐃᔭᕐᑐᕐᑐᓂᒃ; ᐊᑕᓂᐅᑉ ᐅᓇᑕᕆᐊᕐᑎᑕᖏᑦ ᓈᓯᓯᒪᔪᒫᕐᐳᑦ ᓄᓇᐅᑉ ᑭᒡᓕᖓᓂᑦ ᑭᒡᓕᖓᓄᑦ; ᓮᓕᔪᖃᕈᒫᓐᖏᓚᕐᓗ ᑎᒥᖃᕐᑐᒥᒃ. 13ᐃᓄᖁᑎᒃᑲ ᓂᐊᖂᔭᒃᓴᓂᒃ ᑲᓐᖓᕐᓱᐃᓚᐅᕐᐳᑦ ᐅᕐᐱᖕᓂᒡᓕ ᑲᑭᓐᓇᕐᑐᓕᖕᓂᒃ ᑲᑎᕐᓱᐃᕗᑦ, ᐱᓇᓱᐊᕐᓂᕐᒧᑦ ᑕᖃᑐᐃᓐᓇᕐᐸᒃᐳᑦ, ᐱᓇᓱᐊᕐᓂᖓᓪᓕ ᐱᕙᓪᓕᕐᓇᕐᑐᖃᓐᖏᓚᖅ. ᐱᕈᕐᑎᑕᕕᓂᕐᒥᓂᒃ ᑲᓐᖑᓲᑎᖃᕈᒫᕐᐳᑦ ᐊᑕᓂᐅᑉ ᓂᓐᖓᐅᓯᕐᒥᓄᑦ ᐱᓂᐊᕐᕕᒋᔪᒫᕐᒪᒋᑦ.
ᐊᑕᓂᐅᑉ ᐊᖏᕐᓂᖓ ᐃᓴᕆᐊᓕᒥᐅᑦ ᐊᓯᖏᓐᓃᑦᑐᓄᑦ
14ᐃᒫᒃ ᐊᑕᓂᖅ ᐅᖃᕐᐳᖅ, “ᐃᓄᖁᑎᒪ ᐃᓴᕆᐊᓕᒥᐅᑦ ᐊᓯᖏᑦ ᐊᑲᐅᖏᑦᑐᓕᔪᑦ ᑎᒍᓯᓚᐅᕐᑐᑦ ᑖᒃᑯᓂᖓ ᓄᓱᒍᒫᕐᐸᒃᑲ ᓄᓇᖏᓐᓂᑦ, ᔫᑕᒥᐅᓪᓗ ᐱᔭᐅᕕᒋᓯᒪᔭᖏᓐᓂᑦ ᓄᓱᒍᒫᕆᕙᒃᑲ. 15ᓄᓱᒌᕈᒃᑭᓪᓗ ᐃᓚᑦᓱᒋᓕᕈᒫᕆᕙᒃᑲ, ᐅᑎᕐᑎᓪᓗᒋᓪᓗ ᐊᑐᓂᑦ ᑭᖑᕐᖑᑎᔭᒃᓴᔭᖏᓐᓄᑦ ᐊᑐᓂᓪᓗ ᓄᓇᖏᓐᓄᑦ. 16ᑕᒪᑐᒪ ᑭᖑᕐᖓᒍᑦ, ᐊᒃᓱᕈᕐᓗᑎᒃ ᐃᓄᖁᑎᒪ ᐱᐅᓯᖏᓐᓂᒃ ᐃᓕᓐᓂᐊᕋᔭᕐᐸᑕ, ᐅᖃᕕᒍᑎᖃᕐᓗᑎᒡᓗ ᐊᑎᓐᓂ, ‘ᐊᑕᓂᖅ ᐃᓅᖕᒪᑦ,’ ᑍᒫᒃᑕᐅᖅ ᐃᓄᖁᑎᒃᑲ ᐃᓕᓐᓂᐊᕐᑎᓚᐅᕐᒪᒋᑦ ᐅᖃᕕᒡᕕᖃᖁᓪᓗᒋᑦ ᐰᓕᒧᑦ, ᑖᒃᑯᐊ ᒪᑭᑦᓱᒫᕐᐳᑦ ᐃᓄᖁᑎᒪ ᐊᑯᕐᖓᓐᓂ. 17ᐃᓅᖃᑎᒌᒡᔪᐊᓪᓕ ᓇᓪᓕᖏᑦ ᓈᓚᖏᑉᐸᑕ, ᑕᕝᕙ ᓄᓱᑦᓯᐊᒻᒪᕆᒍᒫᕐᐸᒃᑲ ᐊᓯᕈᕐᓗᒋᓪᓗ, ᐊᑕᓂᖅ ᐅᖃᕐᐳᖅ.”
Currently Selected:
ᔨᕆᒤᐊᐅᑉ ᐊᒡᓚᖏᑦ 12: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
