ᐃᓗᐊᕐᓮᔩᑦ ᐊᒡᓚᖏᑦ 3
3
ᐃᓅᖃᑎᒌᑦ ᓄᓇᓕᑐᕾᑦ ᓅᓚᐅᓐᖏᑦᑐᑦ
1ᑍᒤᒻᒪᑦ ᐊᑕᓂᐅᑉ ᐃᓅᖃᑎᒌᒡᔪᐊᑦ ᓄᓇᕾᓐᓇᕐᑎᓚᐅᕐᐰᑦ ᐃᓴᕆᐊᓕᒥᐅᑦ ᐆᒃᑐᕈᒪᓪᓗᒋᑦ, ᑍᒃᑯᐊ ᐅᓇᑕᖃᑕᐅᓚᐅᕐᓯᒪᖏᑦᑐᑦ ᑬᓇᓂᒥ. 2ᑍᒤᓚᐅᕐᐳᖅ ᐃᓴᕆᐊᓕᐅᑉ ᑭᖑᕚᖏᑦ ᐃᓕᓐᓂᐊᕐᑎᑦᓱᒪᓪᓗᒋᑦ ᐅᓇᑕᕐᓂᕐᒥᒃ, ᐱᓗᐊᕐᑐᒥᒃ ᑖᒃᑯᐊ ᐅᓇᑕᖃᑕᐅᓚᐅᕐᓯᒪᖏᑦᑐᑦ. 3ᑖᒃᑯᐊ ᓄᓇᕾᓐᓇᓚᐅᕐᑐᑦ ᐱᓕᔅᑍᓂᒥ ᑕᓪᓕᒤᑦ ᐃᒡᓗᒐᓮᑦ ᑬᓇᓂᒥᐅᓪᓗ ᐃᓘᓐᓇᑎᒃ, ᓮᑐᓂᒥᐅᑦ, ᕼᐃᕔᑎᓪᓗ ᓄᓇᖃᕐᑐᑦ ᓕᐸᓇᓂᐅᑉ ᖃᖅᑲᖏᓐᓂ, ᖃᖅᑲᒥᑦ ᐰᓕ-ᕼᐊᕐᒪᓐᒥᑦ ᕼᐊᒫᑎ ᑎᑭᓪᓗᒍ. 4ᑖᒃᑯᐊ ᐆᒃᑑᑎᒃᓴᐅᓚᐅᕐᐳᑦ ᐃᓴᕆᐊᓕᒥᐅᓄᑦ, ᖃᐅᔨᓴᕈᑕᐅᖁᓪᓗᒋᑦ ᐃᓴᕆᐊᓕᒥᐅᑦ ᓈᓚᒐᔭᕐᒪᖔᑕ ᐊᑕᓂᐅᑉ ᐱᖁᔭᖏᓐᓂᒃ ᑐᓂᓚᐅᕐᑕᖏᓐᓂᒃ ᓯᕗᓕᖏᑦᓄᑦ ᒨᓯᓯᒃᑯᑦ. 5ᐃᓴᕆᐊᓕᒥᐅᑦ ᓄᓇᖅᑲᑎᖃᓚᐅᕐᐳᑦ ᑬᓇᓂᒥᐅᓂᒃ, ᕼᐃᑍᑎᓂᒡᓗ, ᐊᒧᕅᑎᓂᒡᓗ, ᐱᕆᔧᑎᓂᒡᓗ, ᕼᐃᕔᑎᓂᒡᓗ, ᔨᐳᓮᑎᓂᒡᓗ. 6ᐃᓅᖃᑎᑐᖃᕆᓐᖏᑕᒥᖕᓂᒡᓗ ᓄᓕᐊᓂᒃᐳᑦ ᐅᐃᓂᒡᓗᑎᒡᓗ ᑖᒃᑯᓇᖓᑦ ᒎᑎᓐᖑᐊᖏᓐᓂᒡᓗ ᐱᔨᑦᓯᓕᕐᓗᑎᒃ.
ᐅᓯᓂᐅᓪ
7ᐃᓴᕆᐊᓕᒥᐅᑦ ᐃᓄᖏᑦ ᐱᐅᖏᑦᑐᐊᓗᖕᓂᒃ ᐱᓂᐊᕐᓂᖃᓚᐅᕐᐳᑦ ᐊᑕᓂᐅᑉ ᓵᖓᓂ, ᐊᑕᓂᖅ ᒎᑎᑎᒃ ᐳᐃᒍᕐᓗᒍ, ᐱᔨᑦᓯᓕᕐᓗᑎᒃ ᐰᓕᓂᒃ ᐊᓯᕋᑎᒥᒡᓗ ᒎᑎᓐᖑᐊᓂᒃ. 8ᑍᒤᒻᒪᑦ ᐊᑕᓂᖅ ᓂᓐᖓᓚᐅᕐᐳᖅ ᐃᓴᕆᐊᓕᒥᐅᓄᑦ ᐊᖓᔪᖅᑳᕐᔪᐊᒧᓪᓗ ᑯᓵᓐ-ᕆᓴᑍᒻ ᒥᓱᐳᑍᒥᐊᒥᐅᑕᕐᒧᑦ ᓵᓚᒋᔭᐅᑎᑉᐰᑦ, ᑯᓵᓐ-ᕆᓵᑍᒻᒥᒃ ᐱᔨᑦᓯᓚᐅᕐᐳᑦ ᐊᕐᕌᒍᓂᒃ 8ᓂᒃ. 9ᐃᓴᕆᐊᓕᒥᐅᓪᓕ ᐃᓗᖏᕐᓱᒻᒪᕆᒃᓗᑎᒃ ᑐᒃᓯᐊᓚᐅᕐᐳᑦ ᐊᑕᓂᕐᒧᑦ, ᐊᑕᓂᐅᓪᓗ ᐃᓴᕆᐊᓕᒥᐅᑦ ᑎᓕᓯᕕᒋᓚᐅᕐᐰᑦ, ᐊᖑᒻᒥᒃ ᓴᐳᑦᔨᓂᐊᕐᑐᒥᒃ, ᑖᓐᓇ ᐅᑎᓂ-ᐅᓪᒥᒃ ᐊᑎᖃᕐᐳᖅ, ᑬᓚᐱᐅᑉ ᓄᑲᖓᑕ ᑮᓇᑦᔨᐅᑉ ᐃᕐᓂᖓ. 10ᐊᑕᓂᐅᑉ ᐊᓂᕐᓂᖓᑕ ᐃᓗᒻᒥᕐᐹ, ᐃᓴᕆᐊᓕᒥᐅᓪᓗ ᐃᓱᐊᕐᓴᕐᓗᒋᑦ; ᐅᓯᓂᐅᓪ ᐅᓇᑕᕆᐊᓚᐅᕐᐳᖅ, ᐊᖓᔪᖅᑳᕐᔪᐊᖅ ᑯᓵᓐ-ᕆᓴᑍᒻ ᐊᑕᓂᐅᑉ ᑐᓂᓚᐅᕐᐹ ᑖᑦᓱᒧᖓ; ᑖᑦᓱᒪ ᑯᓵᓐ-ᕆᓴᑍᒻ ᓵᓚᒋᕚ. 11ᓄᓇᒥᓗ ᐅᓇᑕᕐᓂᖃᕈᓃᓚᐅᕐᐳᑦ ᐊᕐᕌᒍᓂᒃ 40ᓂᒃ, ᑭᖑᓂᐊᒍᓪᓗ ᐅᑎᓂ-ᐅᓪ ᑮᓇᑦᔨᐅᑉ ᐃᕐᓂᖓ ᑐᖁᕗᖅ.
ᐃᕼᐅᑦ
12ᐃᓴᕆᐊᓕᒥᐅᑦ ᐃᓄᖏᑦ ᓱᓕ ᐱᐅᖏᑦᑐᐊᓗᖕᒥᒃ ᐱᓂᐊᕐᓂᖃᓕᓚᐅᕆᕗᑦ ᐊᑕᓂᐅᑉ ᓵᖓᓂ; ᐊᑕᓂᐅᓪᓗ ᐃᒡᓚᓐ ᒧᐊᐱᒥᐅᑦ ᐊᖓᔪᖅᑳᕐᔪᐊᖓᑦ ᓴᓐᖏᓂᕐᓴᐅᓕᕐᑎᓚᐅᕐᐹ ᐃᓴᕆᐊᓕᒥᐅᓂᑦ. 13ᑖᓐᓇ ᑲᑎᖁᔨᓚᐅᕐᐳᖅ ᐊᒧᓁᑎᓂᒃ ᐊᒪᓕᑬᑎᓂᒡᓗ; ᐅᓇᑕᕆᐊᖃᑎᒋᓪᓗᒋᑦ ᓵᓚᖃᓚᐅᕐᐳᑦ ᐃᓴᕆᐊᓕᒥᐅᓂᒃ ᔨᕆᑯᓗ ᓵᓚᒋᓪᓗᒍ, ᐃᒡᓗᒐᓮᑦ ᐹᒥᓂᒃ ᓇᐹᕐᑐᓕᒃ. 14ᐃᓴᕆᐊᓕᒥᐅᑦ ᐃᓄᖏᑦ ᐃᒡᓚᓂᒧᑦ ᓯᐊᓛᖑᓕᓚᐅᕐᐳᑦ ᒧᐊᐱᒥᐅᑦ ᐊᖓᔪᖅᑳᕐᔪᐊᖓᓄᑦ ᐊᕐᕌᒍᓂᒃ 18ᓂᒃ.
15ᐃᓴᕆᐊᓕᒥᐅᑦ ᐃᓗᖏᕐᓱᕐᓗᑎᒃ ᓂᓪᓕᐊᓕᓚᐅᕆᕗᑦ ᐊᑕᓂᕐᒧᑦ, ᐊᑕᓂᐅᓪᓗ ᐃᓴᕆᐊᓕᒥᐅᑦ ᑎᓕᓯᕕᒋᓚᐅᕐᐰᑦ, ᐊᖑᒻᒥᒃ ᓴᐳᑦᔨᓂᐊᕐᑐᒥᒃ. ᑖᓐᓇ ᐃᕼᐅᑦ, ᒋᕋᐅᑉ ᐃᕐᓂᖓ, ᐱᓐᔭᒥᓂᐅᑉ ᑭᖑᕚᖏᓐᓂᑦ ᐱᔪᖅ, ᑖᓐᓇ ᓴᐅᒥᐅᓚᐅᕐᐳᖅ. ᐃᓴᕆᐊᓕᒥᐅᑦ ᐃᓄᖏᑕ ᑎᓕᓚᐅᕐᐹ ᐊᖓᔪᖅᑳᕐᔪᐊᕐᒧᑦ ᐃᒡᓚᓐᒧᑦ, ᒧᐊᐱᒥᐅᑕᕐᒧᑦ ᐊᑭᓕᐅᑎᒥᖕᓂᒃ ᑐᓂᕐᕈᑎᓂᒃ ᑐᓂᓯᒋᐊᕐᑐᖁᓪᓗᒍ. 16ᐃᕼᐅᓪᓕ ᓴᕕᓕᐅᓚᐅᕐᐳᖅ ᐃᒡᓗᒃᑐᑦ ᑮᓇᓕᖕᒥᒃ, ᑕᑭᓂᓕᖕᒥᒃ ᐃᑎᒐᒥᒃ ᐊᕝᕙᕐᒥᒡᓗ. ᐃᓂᓕᐅᕐᐹᓗ ᖁᒃᑐᕋᕐᒥᓂ ᑕᓕᕐᐱᖕᒥ ᐊᓐᓄᕌᒥ ᐃᑭᐊᖓᓂ. 17ᑐᓂᕐᕈᑏᓪᓗ ᐊᑭᓕᐅᑏᑦ ᑐᓂᓚᐅᕐᐰᑦ ᐃᒡᓚᓐᒧᑦ, ᒧᐊᐱᒥᐅᑦ ᐊᖓᔪᖅᑳᕐᔪᐊᖓᓐᓄᑦ, ᐃᒡᓛᓐᓕ ᖁᐃᓂᔪᒻᒪᕆᐊᓘᓚᐅᕐᐳᖅ. 18ᐃᕼᐆᓪᓗ ᑐᓂᕐᕈᑎᓂᒃ ᐂᑐᕋᒥᐅᒃ, ᑍᒃᑯᐊ ᐊᒡᔭᕐᓯᓚᐅᕐᑐᑦ ᐅᑎᖁᓚᐅᕐᐰᑦ ᐊᖏᕐᕋᒧᑦ. 19ᐃᕼᐅᓪᓕ ᐃᒻᒥᓂᒃ ᐅᑎᕆᐊᓚᐅᕐᐳᖅ ᓴᓇᓐᖑᐊᕐᓯᒪᔪᑦ ᐅᔭᕅᑦ ᒋᐅᓪᒐᐅᑉ ᖃᓂᒋᔭᖓᓂᑦ, ᐅᑎᕐᓗᓂᓗ ᐃᒡᓚᓐᒧᑦ, ᐅᖃᐅᑎᓪᓗᒍᓗ, “ᐊᖓᔪᖅᑳᕐᔪᐊᒻᒪᕇᒃ, ᐅᖃᐅᓯᒃᓴᖃᕐᐳᖓ ᐃᓕᖕᓄᑦ ᑐᓴᕐᑕᐅᔭᕆᐊᖃᖏᑦᑐᒥᒃ.” ᑖᓐᓇ ᐅᖃᕐᐳᖅ, “ᓂᐱᖃᖏᓪᓗᓯ.”
ᐊᖓᔪᖄᕐᔪᐊᓪᓗ ᐱᔨᓕᒫᖏᑦ ᐊᓂᕗᑦ ᐃᒡᓗᕈᓯᖓᓂᑦ.
20ᑕᕝᕙ ᐃᕼᐅᑎᐅᑉ ᐅᐸᒃᐹ, ᐃᓄᑑᓪᓗᓂ ᐃᒃᓯᕙᑎᓪᓗᒍ ᓂᒡᓚᕐᓯᕐᕕᖕᒥᓂ ᐃᒡᓘᑉ ᖃᖓᓂ, ᐅᖃᐅᑎᓪᓗᒍᓗ, “ᐅᖃᐅᓯᒃᓴᖃᕐᐳᖓ ᐃᓕᖕᓄᑦ ᒎᑎᒥᑦ ᐱᔪᒥᒃ.” ᐊᖓᔪᖅᑳᕐᔪᐊᕐᓗ ᐃᒃᓯᕙᐅᑕᒥᓂᑦ ᓂᑯᕕᑉᐳᖅ. 21ᓴᐅᒥᖕᒥᓄᑦ ᐃᕼᐅᑎᐅᑉ ᓴᕕᒡᔪᐊᓂ ᑎᒍᕚ ᑕᓕᕐᐱᖕᒥᓃᑦᑐᖅ ᐊᖓᔪᖅᑳᕐᔪᐊᕐᓗ ᑲᐱᓪᓗᒍ ᓈᖓᒍᑦ. 22ᓴᕕᒡᔪᐊᑉ ᐅᓂᒃᑕᕐᕕᖓ ᐃᓗᖓᓄᐊᖃᓯᐅᑎᓚᐅᕐᐳᖅ, ᐅᕐᓱᖓᓄᑦ ᓴᕕᒡᔪᐊᖅ ᑕᓕᓪᓗᓂ, ᓴᕕᒡᔪᐊᖅ ᐊᒧᓚᐅᖏᒻᒪᒍ ᓈᖓᓂᑦ; ᐃᕐᕋᕕᖏᓪᓗ ᐊᓂᓪᓗᑎᒃ. 23ᐃᕼᐅᑦᓗ ᐊᓂᕗᖅ ᐅᒃᑯᐊᕐᓗ ᐊᑦᑐᖏᕐᓗᒍ, 24ᐊᓂᓯᒪᓕᕐᑎᓪᓗᒍ, ᐱᔨᖏᑦ ᕾᒐᒥᒃ ᐅᒃᑯᐊᖅ ᐊᑦᑐᖏᕐᓯᒪᖕᒪᑦ, ᐃᒡᓘᑉ ᖁᓛᓄᑦ ᐃᑎᕐᕕᒃ, ᐊᖓᔪᖅᑳᕐᔪᐊᖅ ᐃᓗᐊᓃᒻᒪᑦ ᐃᓱᒪᒋᕚᑦ ᐊᓇᕆᐊᕐᑐᕐᓯᒪᓇᓱᒋᓪᓗᒍ ᐃᒡᓘᑉ ᖁᓛᓂ ᐃᒡᓗᕈᓯᕐᒥ. 25ᐊᑯᓂᒍᓱᓕᕐᓗᑎᒃ ᐅᑕᖅᑭᓚᐅᕐᐳᑦ, ᐃᒡᓗᕈᓯᕐᓕ ᐅᒃᑯᐃᕐᐸᓪᓕᐊᖏᒻᒪᒍ, ᐲᕈᑎᒥᒃ ᑎᒍᓯᓪᓗᑎᒃ ᐅᒃᑯᐃᕐᐹᑦ; ᑕᑯᓪᓗᑎᒡᓗ ᐊᖓᔪᖅᑳᖓᑦ ᓇᑎᕐᒥ ᓇᓚᔪᖅ ᑐᖁᖓᓪᓗᓂ. 26ᐃᕼᐅᑦᓕ ᕿᒪᒃᓯᓚᐅᕐᐳᖅ ᐅᑕᖅᑭᓂᖏᓐᓂ. ᐅᔭᕅᑦ ᓴᓇᓐᖑᐊᕐᓯᒪᔪᑦ ᖄᖏᕐᐰᑦ ᖀᒫᓪᓗᓂᓗ ᓰ-ᐃᕋᒧᑦ. 27ᑎᑭᓐᓇᒥᓗ ᑎᑦᑐᓚᐅᑎᒥᒃ ᓂᓕᕐᑎᑦᓯᕗᖅ ᐃᕗᕅᒻ ᖃᖅᑲᖏᓐᓂ; ᐃᓴᕆᐊᓕᒥᐅᓪᓗ ᕾᖁᓪᓗᒋᑦ ᐅᓇᑕᕆᐊᕐᑐᖃᑎᒋᕔᑦ ᑕᐅᓄᖓ, ᑖᓐᓇ ᓯᕗᓪᓕᕐᐸᐅᓪᓗᓂ. 28ᐅᖃᐅᑎᓪᓗᒋᓪᓗ, “ᒪᓕᒃᓯᓐᖓ; ᐊᑕᓂᐅᑉ ᓵᓚᖃᕐᑎᒻᒪᓯ, ᒧᐊᐰᑎᓂᒃ ᐊᑭᕋᑦᓯᓐᓂᒃ.” ᐃᕼᐅᑦ ᒪᓕᒃᐹᑦ ᑕᐅᓄᖓ ᔪᐊᕐᑕᓂᒥ ᐃᑳᕐᕕᖏᓐᓂ ᒧᐊᐱᒥᐅᑦ ᐅᑕᖅᑭᓪᓗᒋᑦ, ᐊᑕᐅᓯᕐᒥᒡᓘᓐᓃᑦ ᐃᑳᕐᑐᖃᓚᐅᓐᖏᓚᖅ. 29ᐅᓪᓗᒥ ᑍᑦᓱᒪᓂ 10,000ᓂᒃ ᑐᖁᕅᓚᐅᕐᐳᑦ, ᒧᐊᐱᒥᐅᑦ ᐅᓇᑕᕐᑐᒃᓴᖏᓐᓂᒃ ᓴᓐᖏᔪᓂᒃ, ᐊᔪᖏᑦᑐᕐᔪᐊᓂᒃ. ᐊᑕᐅᓯᕐᓘᓐᓃᑦ ᕿᒫᔪᓐᓇᓚᐅᓐᖏᓚᖅ. 30ᐅᓪᓗᒥᒃ ᑍᑦᓱᒪᓂ ᐃᓴᕆᐊᓕᒥᐅᑦ ᓵᓚᖃᓚᐅᕐᐳᑦ ᒧᐊᐱᒥᐅᓂᒃ, ᓄᓇᖓᓗ ᐅᓇᑕᕐᓂᖃᕈᓐᓃᓚᐅᕐᐳᑦ ᐊᕐᕌᒍᓂᒃ 80ᓂᒃ.
ᓴᒻᒐᕆ
31ᑭᖑᓂᐊᒍᓪᓗ ᐃᓱᐊᕐᓮᔨᐅᓚᐅᕐᑐᖅ ᓴᒻᒐᕆ ᐊᓇᑎᐅᑉ ᐃᕐᓂᖓ. ᐃᓴᕆᐊᓕᒥᐅᓂᒃ ᓴᐳᑦᔨᓚᐅᕐᐳᖅ ᑐᖁᑦᓯᓪᓗᓂ 600ᓂᒃ ᐱᓕᔅᑍᓂᒥᐅᓂᒃ ᐃᒻᒧᒃᓯᐅᒐᕐᒥᒃ ᑐᒡᒐᐅᑎᒧᑦ.
Currently Selected:
ᐃᓗᐊᕐᓮᔩᑦ ᐊᒡᓚᖏᑦ 3: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
