ᐃᓗᐊᕐᓮᔩᑦ ᐊᒡᓚᖏᑦ 2
2
ᐊᑕᓂᐅᑉ ᐂᖏᓕᖓ ᐴᑭᒻᒥ
1ᐊᑕᓂᐅᑉ ᐂᖏᓕᖓ ᒋᐅᓪᒐᐅᓪᒥ ᐱᓪᓗᓂ ᐴᑭᒻᒨᓚᐅᕐᐳᖅ ᐃᓴᕆᐊᓕᒥᐅᓪᓗ ᐅᖃᐅᑎᓪᓗᒋᑦ, “ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕐᐸᑦᓯ, ᐂᑎᓪᓗᓯᓗ ᓄᓇᒧᑦ ᓯᕗᓕᑦᓯᓐᓄᑦ ᐊᖏᕈᑎᒋᓚᐅᕐᑕᓐᓄᑦ, ᐅᖃᓚᐅᕋᒪ, ‘ᐊᖏᕈᑎᒋᓚᐅᕐᑕᕋ ᐃᓕᑦᓯᓐᓄᑦ ᓯᖁᒥᓐᓂᐊᓐᖏᓚᕋ. 2#ᒨᓯᓯ ᐂᑉᐸᖏᑦ 34:12,13; ᒨᓯᓯ ᑕᓪᓕᒪᖏᑦ 7:2-5.ᐊᖏᖃᑎᒌᒍᑎᓕᐅᕐᑐᒃᓴᐅᓐᖏᓚᓯᓗ ᐃᓄᖕᓂᒃ ᑕᒫᓂ ᓄᓇᖃᕐᑐᓂᒃ. ᑐᓂᕐᕈᓯᕐᕕᖏᓪᓗ ᓯᖁᒥᑕᒃᓴᕆᕙᓯ.’ ᐅᖃᐅᓯᕆᓚᐅᕐᑕᓐᓂᒡᓕ ᐊᑐᖏᓐᓇᑦᓯ. ᓱᖕᒪᑦ ᑍᒤᓕᐅᕐᐱᓰ? 3ᒫᓐᓇᓕ ᐅᖃᐅᑎᕙᑦᓯ ᑖᒃᑯᐊ ᐃᓄᐃᑦ ᐊᐅᓪᓚᕐᑎᓐᓂᐊᕈᓐᓃᕐᐸᒃᑲ ᓯᕗᓂᑦᓯᓐᓂ ᐊᑭᕋᕐᑐᕐᑎᒋᓂᐊᓕᕋᓯᐅᒃ ᒎᑎᓐᖑᐊᖏᓐᓂᓪᓗ ᐊᔪᓕᕐᑎᑕᐅᓗᓯ.” 4ᐊᑕᓂᐅᑉ ᐂᖏᓕᖓᑕ ᑍᒫᒃ ᐅᖃᐅᑎᖕᒪᒋᑦ, ᐃᓴᕆᐊᓕᒥᐅᑦ ᐃᓄᓕᒫᖏᑦ ᓂᐱᖅᑯᕐᑐᓪᓗᑎᒃ ᕿᐊᓚᐅᕐᐳᑦ. 5ᑕᒪᓐᓇ ᐱᓪᓗᒍ ᑍᓐᓇ ᓇᔪᕐᑕᖓ ᑍᔭᐅᕗᖅ ᐴᑭᒻᒥᒃ ᑕᕝᕙᓂᓗ ᑐᓂᕐᕈᓯᕐᐳᑦ ᐊᑕᓂᕐᒧᑦ.
ᔮᓱᐊᑉ ᑐᖁᓂᖓ
6ᔮᓱᐊᑉ ᐃᓴᕆᐊᓕᒥᐅᑦ ᐃᓄᖏᑦ ᐊᖏᕐᕋᖁᓕᕐᐰᑦ, ᐃᓘᓐᓇᑎᒡᓗ ᐂᓕᕐᐳᑦ ᓇᖕᒥᓂᖅ. ᓄᓇᖁᑎᑖᒥᖕᓄᑦ ᓄᓇᑖᕆᐊᕐᑐᓕᕐᓗᑎᒃ. 7ᔮᓱᐊᑉ ᐃᓅᓂᓕᒫᖓᓂ, ᐃᓴᕆᐊᓕᒥᐅᑦ ᐃᓄᖏᑦ ᐱᔨᑦᓯᓚᐅᕐᐳᑦ ᐊᑕᓂᕐᒥᒃ, ᑐᖁᓂᖓᑕᓗ ᑭᖑᓂᖓᒍᑦ ᑲᔪᓯᑦᓯᐊᓚᐅᕐᐳᑦ ᐊᖓᔪᖅᑳᖏᑦ ᐃᓅᑎᓪᓗᒋᑦ ᑕᑯᓚᐅᕐᑐᑦ ᐊᑕᓂᐅᑉ ᐱᓂᐊᕐᓂᕆᓚᐅᕐᑕᖏᓐᓂᒃ ᐃᓴᕆᐊᓕᒥᐅᓂ. 8ᔮᓱᐊᓕ ᓈᓂᐅᑉ ᐃᕐᓂᖓ, ᐊᑕᓂᐅᑉ ᐱᔨᖓ ᑐᖁᓚᐅᕐᐳᖅ ᐊᕐᕌᒍᖃᓕᕐᓗᓂ 110ᓂᒃ. 9#ᔮᓱᐊ 19:49,50.ᐃᓗᕕᕐᑕᐅᓪᓗᓂᓗ ᓄᓇᖁᑎᒥᓂ ᑎᒻᓇᑦ-ᕼᐃᕆᒃᒥ, ᓄᓇᒥ ᐃᕗᕅᒥ ᖃᖅᑲᐅᑉ ᒑᔅ ᐅᓐᓄᐊᓪᓗᐊᓂ. 10ᑭᖑᕚᕇᖑᓚᐅᕐᑐᑦ ᑐᖁᖕᒥᖕᒪᑕ, ᐊᓯᖏᑦ ᑭᖑᕚᕇᑦ ᐳᐃᒍᓚᐅᕐᐳᑦ ᐊᑕᓂᕐᒥᒃ ᐱᓂᐊᕐᓂᕆᓚᐅᕐᑕᖏᓐᓂᒡᓗ ᐃᓴᕆᐊᓕᒥᐅᓄᑦ.
ᐃᓴᕆᐊᓕᒥᐅᑦ ᑐᒃᓯᐊᖃᑦᑕᕈᓐᓃᕐᓂᖓᑦ ᐊᑕᓂᕐᒧᑦ
11ᐃᓴᕆᐊᓕᒥᐅᑦ ᐃᓄᖏᑦ ᐊᔪᕐᑐᓕᓚᐅᕐᐳᑦ ᐊᑕᓂᐅᑉ ᓵᖓᓂ ᐱᔨᑦᓯᓕᕐᓗᑎᒡᓗ ᐰᓕᓄᑦ ᒎᑎᓐᖑᐊᓄᑦ. 12ᐊᑕᓂᖅ ᑲᒪᒋᔪᓐᓃᕐᐹᑦ, ᓯᕗᓕᖏᑦᑕ ᒎᑎᖓᑦ, ᐊᐅᓪᓚᕐᑎᑦᓯᓚᐅᕐᑐᖅ ᑖᒃᑯᓂᖓ ᐄᑦᔨᑉᑎᒥᑦ: ᑐᒃᓯᐊᖃᑦᑕᓕᓚᐅᕐᐳᓪᓗ ᒎᑎᐅᑉ ᐊᓯᖏᓐᓄᑦ, ᐃᓄᐃᑦ ᓄᓇᖅᑲᑎᒋᔭᒥ ᒎᑎᖏᓐᓄᑦ. ᐹᒻᒪᒃᑎᕐᕕᒋᓪᓗᒋᓪᓗ; ᐊᑕᓂᕐᒥᒡᓗ ᓂᓐᖓᒃᓮᓚᐅᕐᐳᑦ. 13ᐊᑕᓂᖅ ᑲᒪᒋᔪᓐᓃᕋᒥᑦᔪᒃ, ᐱᔨᑦᓯᓕᕐᓗᑎᒃ ᐰᓕᓂᒃ ᐋᔅᑕᕉᑎᒥᒡᓗ ᒎᑎᓐᖑᐊᓂᒃ. 14ᑍᒤᒻᒪᑦ ᐊᑕᓂᖅ ᓂᓐᖓᓚᐅᕐᐳᖅ ᐃᓴᕆᐊᓕᒥᐅᓄᑦ, ᑎᒡᓕᒃᑎᓄᑦ ᐱᓕᕆᐊᖑᑎᓚᐅᕐᐰᑦ ᑎᒡᓕᒐᕐᕕᐅᑎᓪᓗᒋᓪᓗ; ᐊᑭᕋᖏᓐᓄᓪᓗ ᐊᕙᑎᖏᓐᓃᑦᑐᓄᑦ ᓵᓚᒋᔭᐅᑎᓚᐅᕐᐰᑦ, ᑍᒤᒻᒪᑦ ᐊᑭᕋᒥᖕᓂᒃ ᓵᓚᖃᕈᓐᓁᓪᓕᓚᐅᕐᐳᑦ. 15ᐅᓇᑕᕆᐊᑐᐊᕌᖓᑕᓗ, ᐊᑕᓂᐅᑉ ᐅᓇᑕᖃᑦᑕᓕᓚᐅᕐᐰᑦ, ᓲᕐᓗ ᑍᒫᒃ ᓯᕗᓂᖓᒍᑦ ᐅᖃᐅᑎᓚᐅᕋᒥᒋᑦ. ᑍᒫᒡᓗ ᐊᖏᕐᕕᒋᓚᐅᕋᒥᒋᑦ; ᕿᒃᓵᖕᓂᖃᒻᒪᕆᓚᐅᕐᐳᓪᓗ.
16ᐊᑕᓂᐅᓪᓕ ᑐᓂᓚᐅᕐᐰᑦ ᐃᓱᐊᕐᓮᔨᓂᒃ, ᑖᒃᑯᐊᓗ ᐱᐅᓕᒃᓯᓚᐅᕐᐳᑦ ᑎᒡᓕᒐᕐᑎᒋᔭᖏᓐᓂᑦ. 17ᓱᓕᓕ ᓈᓚᓚᐅᓐᖏᓚᑦ ᐃᓱᐊᕐᓮᔨᓂᒃ; ᐊᓯᓐᓂᐊᕐᑐᑎᑐᑦ ᒎᑎᐅᑉ ᐊᓯᖏᓐᓂᒃ ᒎᑎᖃᓕᓚᐅᕐᒪᑕ ᑐᒃᓯᐊᖃᑦᑕᓕᕐᓗᑎᒡᓗ ᑖᒃᑯᓄᖓ; ᑭᖑᓂᖓᒍᑦ ᓯᕗᓕᕕᓂᖏᑦᑕ ᐃᓕᖅᑯᓯᖏᓐᓂᒃ ᐱᐅᓯᖃᕈᓐᓃᓚᐅᕐᐳᑦ, ᐊᑕᓂᐅᑉ ᐱᖁᔭᖏᓐᓂᒃ ᓈᓚᑦᓯᐊᓚᐅᕐᑐᑎᑐᑦ, ᑖᒃᑯᐊᓕ ᑍᒤᑦᑐᓐᓃᓚᐅᕐᐳᑦ. 18ᐊᑕᓂᐅᑉ ᐃᓴᕆᐊᓕᒥᐅᑉ ᐃᓱᐊᕐᓮᔨᓂᒃ ᑐᓂᑐᐊᕐᒪᒋᑦ ᐊᑕᓂᐅᑉ ᐃᓚᒋᖃᑦᑕᓚᐅᕐᐰᑦ ᐃᓗᐊᕐᓮᔩᑦ, ᐃᓄᖕᓂᒡᓗ ᐱᐅᓕᒃᓯᓚᐅᕐᐳᖅ ᐊᑭᕋᖏᓐᓂᑦ, ᐃᓗᐊᕐᓮᔩᑦ ᐃᓅᓂᖏᓐᓂ ᐊᑕᓂᐅᑉ ᓈᒃᑭᒋᓚᐅᕐᐰᑦ ᐊᓂᕐᓴᐅᒥᓂᖃᓚᐅᕐᒪᑕ ᐅᑯᒤᒃᓴᕐᓂᕐᒥᖕᓂᒃ ᐊᒃᓱᕈᕐᑎᑕᐅᓂᕐᒥᖕᓂᒡᓗ. 19ᐃᓱᐊᕐᓮᔨᓕ ᑐᖁᑐᐊᕐᒪᑦ, ᐃᓄᐃᑦ ᐅᑎᖃᑦᑕᓚᐅᕐᐳᑦ ᐱᐅᓯᑐᖃᕐᒥᖕᓄᑦ ᐱᐅᖏᓐᓂᕐᓴᐅᓕᕐᐸᒡᓗᑎᒡᓗ ᓯᕗᓕᕆᓚᐅᕐᑕᒥᖕᓂᑦ. ᒎᑎᐅᑉ ᐊᓯᖏᓐᓂᒃ ᒎᑎᖃᖃᑦᑕᓚᐅᕐᒪᑕ, ᐱᔨᑦᓯᕐᓗᒋᑦ ᑐᒃᓯᐊᕐᕕᒋᓪᓗᒋᓪᓗ; ᐱᓂᐊᕐᓂᕐᒥᖕᓂᒡᓗ ᓴᒃᑯᓚᐅᓐᖏᓚᑦ. 20ᐊᑕᓂᖅ ᓂᓐᖓᓚᐅᕐᐳᖅ ᐃᓴᕆᐊᓕᒥᐅᓄᑦ ᐅᖃᕐᓗᓂᓗ, “ᐃᓅᖃᑎᒌᑦ ᓯᖁᒥᑦᓯᓚᐅᕐᒪᑕ ᐊᖏᖃᑎᒌᒍᑎᒋᓯᒪᔭᓐᓂᒃ ᐱᖁᔨᑦᔪᑎᒋᓚᐅᕐᑕᓐᓂᒃ ᓯᕗᓕᖏᓐᓄᑦ. ᓈᓚᒃᓯᒪᖏᓐᓂᖏᓐᓄᑦ ᐅᕙᓐᓂᒃ, 21ᐊᐅᓪᓚᕐᑎᑦᓯᓂᐊᕈᓐᓃᕐᐳᖓ ᐃᓅᖃᑎᒌᒡᔪᐊᓂᒃ ᓄᓇᖃᕐᑐᑐᖃᕐᓂᒃ ᔮᓱᐊᑉ ᐊᐅᓪᓚᕐᑎᓚᐅᓐᖏᑕᖏᓐᓂᒃ ᑐᖁᑎᓪᓗᒍ. 22ᐊᑐᕐᓂᐊᕐᐸᒃᑲᓕ ᖃᐅᔨᓴᐅᑎᒋᓗᒋᑦ ᐃᓴᕆᐊᓕᒥᐅᓂᒃ, ᐃᓅᓯᖃᕈᒪᖕᒪᖔᑕ ᓯᕗᓕᕕᓂᕐᒥᒃᑎᑐᑦ ᐊᑕᓂᐅᑉ ᐊᑐᕐᑕᐅᖁᔭᖏᓐᓂᒃ ᑍᒤᑦᓱᒪᖏᒻᒪᖔᑕᓘᓐᓃᑦ.” 23ᑍᒤᒻᒪᑦ ᐊᑕᓂᐅᑉ ᐃᓅᖃᑎᒌᒡᔪᐊᑦ ᑕᒫᓂ ᓄᓇᖃᕐᑐᑐᕾᑦ ᑕᒫᓃᖏᓐᓇᕐᑎᓚᐅᕐᐰᑦ, ᐊᑕᐅᑦᓯᒃᑯᑦ ᐊᐅᓪᓚᕐᑎᓐᓇᒋᑦ, ᔮᓱᐊᒥᒡᓗ ᐱᔪᓐᓇᕐᓂᖃᕐᑎᑦᓯᓚᐅᕐᓂᕐᒥᑐᑦ ᐱᔪᓐᓇᕐᓂᖃᕐᑎᓚᐅᓐᖏᓔᑦ.
Currently Selected:
ᐃᓗᐊᕐᓮᔩᑦ ᐊᒡᓚᖏᑦ 2: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
