ᐃᓗᐊᕐᓮᔩᑦ ᐊᒡᓚᖏᑦ 14
14
ᓵᒻᓲᓂ ᐊᕐᓇᕐᓗ ᑎᒻᓇᒥᐅᑕᖅ
1ᐅᓪᓗᐃᑦ ᐃᓚᖓᓐᓂ ᓵᒻᓲᓂ ᑕᐅᓄᖓ ᑎᒻᓇᓕᐊᕐᐳᖅ, ᑎᒻᓇᒥᓗ ᑕᑯᓪᓗᓂ ᐱᓕᔅᑍᓂᒥᐅᑦ ᐊᕐᓇᖏᑕ ᐃᓚᖓᓐᓂᒃ. 2ᐊᖏᕐᕋᕋᒥᓗ ᐊᑖᑕᓂᓗ ᐊᓈᓇᓂᓗ ᐅᖃᐅᑎᕔᑦ, “ᐱᓕᔅᑍᓂᒥᐅᒥᒃ ᐊᕐᓇᕐᑕᖃᕐᐳᖅ ᑎᒻᓇᒥ ᑕᑯᔭᓐᓂᒃ. ᐂᓚᐅᕐᓯᒃᑯᒃ ᓄᓕᐊᕐᑖᕆᓂᐊᕋᒃᑯ.”
3ᐊᑖᑕᖓᑕᓗ ᐊᓈᓇᖓᑕᓗ ᐊᐱᕆᕚ, “ᓇᓂᓯᓐᖏᓚᑏᑦ ᐊᕐᓇᒥᒃ ᐃᓚᕕᑦ ᐸᓂᖏᓐᓂᑦ, ᐃᓅᖃᑎᑦᑎᓐᓂᒡᓘᓐᓃᑦ ᓇᓪᓕᐊᓐᓂᑦ? ᑍᒫᒃ ᑭᐱᓯᒪᖏᑦᑐᓂᑦ ᐱᓕᔅᑍᓂᒥᐅᑕᕐᓂᑦ ᓄᓕᐊᓂᒋᐊᖃᕐᐲᑦ?”
ᓵᒻᓲᓂᐅᓪᓕ ᐊᑖᑕᓂ ᐅᖃᐅᑎᕚ, “ᑍᓐᓇ ᐊᕐᓇᖅ ᐂᓚᐅᕈᒃ ᐱᐅᒋᒐᒃᑯ.”
4ᐊᑖᑕᖓᓕ ᐊᓈᓇᖓᓗ ᖃᐅᔨᒪᓚᐅᓐᖏᓚᒃ ᐊᑕᓂᕐᒥᑦ ᑕᒪᓐᓇ ᐱᖕᒪᖔᑦ; ᑍᒤᑎᑦᓯᓚᐅᕐᒪᑦ ᐱᕕᒃᓴᓕᐅᕐᓗᓂ ᐱᓕᔅᑍᓂᒥᐅᓂᒃ ᐊᑭᓂᐊᕈᑎᒃᓴᒧᑦ. ᑍᑦᓱᒪᓂ ᐱᓕᔅᑍᓂᒥᐅᑦ ᐊᐅᓚᑦᓯᓚᐅᕐᒪᑕ ᐃᓴᕆᐊᓕᒥᐅᓂᒃ.
5ᓵᒻᓲᓂ ᑕᐅᓄᓐᖓᓚᐅᕐᐳᖅ ᑎᒻᓇᒧᑦ ᐊᑖᑕᓂᓗ ᐊᓈᓇᓂᓗ ᐱᖃᑎᒋᓪᓗᒋᒃ ᑍᑯᓐᖓᐅᓪᓗᑎᒃ ᐱᕈᕐᓰᕕᒃᑰᓚᐅᕐᐳᑦ ᑎᒻᓇᒥ, ᑐᓵᓕᕐᐳᕐᓗ ᐱᕈᕋᑖᒥᒃ ᓛᔭᒥᒃ ᓂᓪᓕᐊᔪᒥᒃ. 6ᑕᕝᕔᓐᓇᖅ ᐊᑕᓂᐅᑉ ᐊᓂᕐᓂᖓᑕ ᐱᔪᓐᓇᕐᓂᕐᔪᐊᖃᕐᓗᓂ ᑎᑭᑉᐹ, ᓛᔭᓗ ᐊᓕᒃᑐᕐᓗᒍ ᓲᕐᓗ ᒎᑦᓯᐅᑉ ᓄᕐᕋᖏᑦ ᐊᓕᒃᑐᕐᑕᐅᕙᖕᒪᑕ; ᓱᓇᒥᒃ ᑎᒍᒥᐊᓚᐅᓐᖏᓚᖅ, ᐊᑖᑕᓂᓕ ᐊᓈᓇᓂᓗ ᐱᓂᐊᕐᓂᕐᒥᓂᒃ ᐅᖃᐅᑎᓚᐅᓐᖏᓛᒃ.
7ᑕᐅᓄᖓᓗ ᐂᓚᐅᕐᐳᖅ ᐊᕐᓇᒧᑦ ᐅᖃᖃᑎᒋᓪᓗᒍᓗ, ᑖᑦᓱᒪᓗ ᓵᒻᓲᓂ ᖁᕕᐊᓱᒃᑎᑉᐹ. 8ᑭᖑᓂᖓᒍᓪᓕ ᓵᒻᓲᓂ ᐅᑎᕐᐳᖅ ᐂᓕᕐᓗᒍ; ᑍᑯᖓᓗ ᐂᓕᕐᓗᓂ ᐊᖅᑯᑎᐅᑉ ᓯᓚᑖᓄᐊᕐᐳᖅ ᑕᑯᔭᕐᑐᕐᓗᓂ ᓛᔭᒥᒃ ᑐᖁᓚᐅᕐᑕᒥᓂᒃ, ᑕᑯᓪᓗᓂᓗ ᑲᑎᓐᖓᔪᓂᒃ ᐃᒍᑦᓴᕐᓂᒃ ᓛᔭᐅᑉ ᑐᖁᖓᔫᑉ ᑎᒥᖓᑕ ᐃᓗᐊᓃᑦᑐᓂᒃ, ᕼᐊᓂᒥᒡᓗ. 9ᕼᐊᓂᒥᒡᓗ ᐊᒡᒐᖕᒥᓄᑦ ᖃᓗᓯᕗᖅ ᓂᕆᓕᕐᓗᒍᓗ ᐱᓱᒡᓗᓂ. ᐊᑖᑕᒥᓄᐊᕋᒥ ᐊᓈᓇᒥᓄᓪᓗ, ᐂᑦᑐᕐᐹᒃ ᓂᕆᓪᓗᑎᒡᓗ, ᐅᖃᐅᑎᓇᒋᒃ ᕼᐊᓂ ᓛᔭᐅᑉ ᑐᖁᖓᔫᑉ ᑎᒥᖓᓂᑦ ᐱᓚᐅᕐᒪᖔᕐᒥᐅᒃ.
10ᐊᑖᑕᖓᓗ ᐊᕐᓇᐅᑉ ᐃᒡᓗᖓᓄᐊᓚᐅᕐᐳᖅ, ᓵᒻᓲᓂᓗ ᓂᕆᕕᒃᔪᐊᕐᑎᑦᓯᓚᐅᕐᐳᖅ ᑍᑲᓂ; ᑍᒫᒃ ᐅᕕᒃᑬᑦ ᐊᖑᑏᑦ ᐱᐅᓯᖃᓚᐅᕐᒪᑕ. 11ᐃᓄᐃᓪᓗ ᑕᑯᒐᒥᑦᔪᒃ, ᑎᓕᓯᓚᐅᕐᐳᑦ ᐅᕕᒃᑲᓂᒃ ᐊᖑᑎᓂᒃ 30ᓂᒃ ᓇᔪᕐᑎᒋᓂᐊᕐᑕᖏᓐᓂᒃ. 12ᓵᒻᓲᓂᐅᑉ ᐅᖃᐅᑎᕔᑦ, “ᐅᖃᐅᑎᓚᐅᕐᓚᑦᓯ ᐅᖃᓐᖑᐊᕈᓯᕐᒥᒃ; ᑐᑭᖓ ᖃᐅᔨᔪᓐᓇᕈᑦᓯᐅᒃ ᐅᖃᐅᑎᓗᖓ, ᑐᑭᖓ ᖃᐅᔨᒍᑦᓯᐅᒃ, ᓂᕆᕕᒃᔪᐊᕐᓂᑦᑕ ᐅᓪᓗᐃᑦ ᐊᑯᓐᓂᖓᓂ, ᑐᓂᓂᐊᕐᐸᑦᓯ ᐃᓘᓐᓇᓯ ᖃᓪᓗᓈᕐᑕᑦᓯᐊᓂᒃ 30ᓂᒃ ᐊᓐᓄᕌᓂᒃ 30ᓂᒡᓗ ᐊᓐᓄᕌᓂᒃ ᓂᕆᕕᒃᔪᐊᕐᑐᕐᓯᐅᑎᓂᒃ. 13ᖃᓄᕐᓕ ᑐᑭᖃᕐᒪᖔᑦ ᐅᖃᐅᑎᔪᓐᓇᖏᒃᑯᑦᓯᓐᖓ, ᑕᕝᕙ ᐅᕙᓐᓄᑦ ᑐᓂᓯᔭᕆᐊᖃᕐᓂᐊᕐᐳᓯ ᖃᓪᓗᓈᕐᑕᑦᓯᐊᓂᒃ 30ᓂᒃ ᐊᓐᓄᕌᓂᒡᓗ 30ᓂᒃ ᓂᕆᕕᒡᔪᐊᕐᑐᕐᓯᐅᑎᓂᒃ.”
ᑕᕝᕙ ᐅᖃᐅᑎᕚᑦ, “ᐅᖃᓐᖑᐊᕈᓯᕐᒥᒃ ᐅᖃᐅᑎᓚᐅᕐᑎᒍᑦ, ᑐᓴᕐᓂᐊᕋᑦᑎᒍ.”
14ᑕᕝᕙ ᐅᖃᐅᑎᕔᑦ,
“ᓂᕆᔨᒥᑦ ᓂᕆᔭᒃᓴᖅ ᓴᖅᑭᑉᐳᖅ;
ᓴᓐᖏᔪᒥᑦ ᓰᕐᓇᕐᑐᖅ#14:14 ᓰᕐᓇᕐᑐᖅ ᐅᕝᕙᓗ ᒪᒪᕐᑐᖅ ᓴᖅᑭᑉᐳᖅ.”
ᐅᓪᓗᐃᑦ ᐱᖓᓱᑦ ᓈᑎᓪᓗᒋᑦ ᓱᓕ ᐅᖃᓐᖑᐊᕈᓯᐅᑉ ᑐᑭᖓᓂᒃ ᖃᐅᔨᓚᐅᓐᖏᓚᑦ.
15ᐅᓪᓗᐃᑦ 7ᖓᓐᓂ ᐅᖃᓚᐅᕐᐳᑦ ᓵᒻᓲᓂᐅᑉ ᓄᓕᐊᖓᓄᑦ, “ᐅᐃᑦ ᓯᓔᕐᕆᓗᒍ ᐅᖃᐅᑎᓚᐅᕈᒃ ᐅᖃᖑᐊᕈᓯᐅᑉ ᑐᑭᖓᓂ. ᑍᒤᓕᐅᖏᒃᑯᕕᑦ, ᐊᑖᑕᕕᑦ ᐃᓪᓗᖓ ᐃᑯᐊᓪᓚᖕᓂᐊᕐᐸᕗᑦ ᐃᑯᐊᓪᓚᖃᑕᐅᓗᑎᑦ, ᕾᖁᔨᓚᐅᕐᐱᓰᒃ ᑎᒡᓕᒍᒪᓪᓗᓯᒃ ᐅᕙᑦᑎᓐᓂᑦ?”
16ᓵᒻᓲᓂᐅᑉ ᓄᓕᐊᖓ ᓵᖓᓂ ᕿᐊᓪᓗᓂ ᐅᖃᐅᑎᕚ, “ᐆᒥᒋᒐᕕᖓ ᓇᒡᓕᒋᓇᖓ; ᓄᓇᖅᑲᑎᒃᑲ ᐅᖃᓐᖑᐊᕈᓯᕐᒥᒃ ᐅᖃᐅᑎᓚᐅᕐᐸᑎᑦ ᑐᑭᖓᓂᒡᓘᓐᓃᑦ ᐅᖃᐅᑎᓚᐅᖏᓐᓇᕕᖓ!”
ᑕᕝᕙ ᐅᖃᐅᑎᕚ, “ᑕᑯᒋᑦ, ᐊᑖᑕᒐᓘᓐᓃ ᐊᓈᓇᒐᓘᓐᓃᑦ ᐅᖃᐅᑎᓚᐅᓐᖏᓚᒃᑲ, ᓱᖕᒪᓪᓕ ᐅᖃᐅᑎᔭᕆᐊᖃᕐᐸᒌᑦ?” 17ᕿᐊᑦᔪᑎᒋᓚᐅᕐᐹᓕ ᐅᓪᓗᓂᒃ 7ᓂᒃ ᓂᕆᕕᒃᔪᐊᕐᓇᐅᑎᓪᓗᒍ. ᐅᓪᓗᐃᓪᓕ 7ᖓᓂ ᐅᖃᐅᑎᓚᐅᕐᐹ ᐅᖃᓐᖑᐊᕈᓯᐅᑉ ᑐᑭᖓᓂᒃ, ᐊᒃᓱᕉᑎᓚᐅᕐᒪᒍ ᑍᒪᓐᖓᑦ, ᐊᕐᓇᐅᑉ ᓄᓇᖃᑎᓂ ᐅᖃᐅᑎᓚᐅᕐᐰᑦ. 18ᐊᖑᑎᓪᓗ ᐃᒡᓗᒐᓴᒡᔪᐊᕐᒥᐅᑦ ᐅᖃᐅᑎᓚᐅᕐᐹᑦ ᐅᓪᓗᐃᑦ 7ᖓᓂ, ᓯᕿᓂᖅ ᓂᐱᓚᐅᕐᑎᓐᓇᒍ ᓱᓕ,
“ᓱᓈ ᓯᕐᓇᕐᓂᕐᓴᐅᕙ ᕼᐊᓂᒥᑦ?
ᓱᓇᓘ ᓴᓐᖏᓂᕐᓴᐅᕙ ᓛᔭᒥᑦ?”
ᓵᒻᓲᓂᐅᑉ ᐅᖃᐅᑎᕔᑦ,
“ᐃᒧᒃᓯᐅᒐᖁᑎᓐᓂᒃ ᑲᒪᓚᐅᖏᒃᑯᑦᓯ,
ᖃᐅᔨᒪᒐᔭᓐᖏᓚᓯ ᐅᖃᓐᖑᐊᕈᓯᕐᒪ ᑐᑭᖓᓂᒃ.”
19ᑕᕝᕔᓐᓇᖅ ᐊᑕᓂᐅᑉ ᐊᓂᕐᓂᖓᑕ ᐱᔪᓐᓇᕐᑐᕐᔪᐊᖑᓪᓗᓂ ᑎᑭᑉᐹ, ᑕᐅᓄᖓᓗ ᐂᕗᖅ ᐊᓯᑭᓗᓂᒧᑦ, ᑕᕝᕙᓂᓗ ᐊᖑᑎᓂᒃ 30ᓂᒃ ᐃᒡᓗᒐᓴᒡᔪᐊᕐᒥᐅᓂᒃ ᑐᖁᑦᓯᓪᓗᓂ, ᐊᓐᓄᕅᔭᕐᐰᑦ, ᐊᓐᓄᕌᓪᓗ ᑐᓂᓪᓗᒋᑦ ᐊᖑᑎᓄᑦ ᐅᖃᓐᖑᐊᕈᓯᐅᑉ ᑐᑭᖓᓂᒃ ᓇᓚᐅᑦᓯᓚᐅᕐᑐᓄᑦ. ᐊᒃᓱᐊᓗᒃ ᓂᓐᖓᐅᒪᓪᓗᓂ ᐊᑖᑕᒥ ᐃᒡᓗᖓᓄᑦ ᐅᑎᕐᐳᖅ. 20ᓵᒻᓲᓂᐅᓪᓗ ᓄᓕᐊᖓ ᑐᓂᔭᐅᕗᖅ ᐊᖑᒻᒧᑦ ᐃᓚᒋᓚᐅᕐᑕᖓᓄᑦ ᑲᑎᑎᑕᐅᓪᓗᓂ ᓵᒻᓲᓂᐅᑉ ᐊᖑᑎᖁᑎᒋᓚᐅᕐᑕᖓᓄᑦ.
Currently Selected:
ᐃᓗᐊᕐᓮᔩᑦ ᐊᒡᓚᖏᑦ 14: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
