ᔧᒥᓯᐅᑉ ᐊᒡᓚᖏᑦ 4

ᓯᓚᕐᔪᐊᕐᒥᒃ ᐃᓚᓐᓈᖃᕐᓂᖅ

1ᐂᕙᓃᑦ ᓱᓇᒧᑦ ᐱᒋᐊᕐᐸᑦ ᓱᓇᒧᓪᓗ ᐊᑭᕋᕐᑑᑎᓂᖅ ᐱᒋᐊᕐᐸ ᐊᑯᓐᓇᑦᓯᓐᓂ?. ᐱᔪᒪᕕᒃᔪᐊᕐᓂᑦᓯᓐᓂᑦ ᐃᒃᖠᒍᖕᓂᑦᒥᓪᓗ ᐱᕗᑦ, ᑕᒪᒃᑯᐊ ᐃᓗᑦᓯᓐᓂ ᐅᓇᑕᕐᑐᑎᑑᕐᒪᑕ. 2ᐱᔪᒪᔭᕋᓗᐊᑦᓯᓂᒃ ᐱᖏᓐᓇᑦᓯ; ᑕᕝᕙ ᑐᖁᑦᓯᔪᒪᓂᕐᒧᑦ ᑎᑭᐅᑎᕙᒃᐳᓯ. ᐱᔪᒪᕕᒡᔪᐊᕐᑕᓯ ᐱᕙᓐᖏᓐᓇᑦᓯᐅᒃ; ᑕᕝᕙ ᐂᕙᓕᕐᐸᒃᐳᓯ ᐅᓇᑕᓕᕐᓗᓯᓗ. ᐱᔪᒪᔭᕋᓗᐊᑦᓯᓐᓂᒃ ᐱᕙᓐᖏᓚᓯ, ᑐᒃᓯᐊᕐᐸᖏᓐᓇᑦᓯ. 3ᑐᒃᓯᐊᕋᓗᐊᕋᑦᓯᓗ ᐱᕙᓐᖏᓚᓯ, ᑐᒃᓯᐊᕐᓂᓯ ᓈᒻᒪᖏᒻᒪᑦ, ᓇᖕᒥᓂᖅ ᐱᔪᒪᓃᓇᑦᓯᓐᓄᑦ ᐊᑐᕈᒪᓐᓗᒋᑦ ᑐᒃᓯᐊᕈᑎᖃᕋᑦᓯ. 4ᐊᓯᓐᓂᐊᕐᑎᐅᔪᓯ! ᖃᐅᔨᒪᓐᖏᓚᓰ ᓯᓚᕐᔪᐊᕐᒥᒃ ᐃᓚᓐᓈᖃᕐᓂᖅ ᒎᑎᒥᒃ ᐊᑭᕋᕐᑐᕐᓂᐅᖕᒪᑦ? ᑍᒤᒻᒪᑦ ᓇᓪᓕᐊᑦ ᓯᓚᕐᔪᐊᕐᒥᒃ ᐃᓚᓐᓈᖃᕈᒪᔪᖅ ᑖᓐᓇ ᒎᑎᒥᒃ ᐊᑭᕋᕐᑐᓕᕐᐳᖅ?

5ᐅᑉᕙᓘᓐᓃᑦ ᐃᓱᒪᕕᓯ ᐱᑦᔪᑎᖃᕋᑎᒃ ᒎᑎᐅᑉ ᐅᖃᐅᓯᖏᑦ ᐅᖃᕐᓯᒪᓇᓱᒋᕕᓯᐅᒃ, “ᒎᑎᐅᑉ ᓯᖕᓇᒋᓪᓗᒍ ᐱᒋᔪᒪᒪᕆᒃᐹ ᐊᓂᕐᓂᖅ ᐅᕙᑦᑎᓐᓂ ᐃᓂᖃᕐᑎᑕᓂ”? 6#ᓲᓗᒨᓂ 3:34.ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᓂᒃ ᑐᓂᓯᕗᖅ, “ᑍᒤᒪᑦ ᒎᑎᐅᑉ ᐱᐅᔪᕆᔪᑦ ᐊᑭᕋᕐᑐᕐᐰᑦ, ᐱᐅᔪᕆᖏᑦᑐᓪᓕ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᓂᒃ ᑐᓂᓯᕕᒋᕔᑦ.”

7ᑍᒤᒻᒪᑦ, ᒎᑎᒧᑦ ᑐᓂᒻᒪᕆᓕᕆᑦᓯ. ᓵᑖᓇᓯ ᐊᑭᕋᕐᑐᕐᓯᐅᒃ ᑖᑦᓱᒪ ᑕᕝᕙ ᕿᒫᓂᐊᕐᐹᓯ. 8ᒎᑎᒧᑦ ᖃᒡᓕᒋᑦᓯ ᑖᑦᓱᒪ ᑕᕝᕙ ᖃᒡᓕᓂᐊᕐᐹᓯ. ᐊᔪᕐᑐᓕᔨᐅᔪᓯ ᐊᒡᒐᓯ ᐅᐊᓴᕐᓯᐅᒃ, ᐆᒻᒪᑎᓯᓗ ᓴᓗᒻᒪᕐᓴᕐᓗᒋᑦ, ᐃᓕᑦᓯ ᒪᕐᕈᒍᓯᕐᑐᓯ. 9ᕿᒃᓵᓕᕆᑦᓯ ᕿᐊᓗᓯᓗ ᐅᒡᒍᐊᕐᓂᕐᒧᑦ. ᐃᒡᓚᕐᓂᓯ#4:9 ᐃᒫᒃ ᐃᔪᕐᓂᓯ ᕿᐊᓂᓐᖑᓕᕐᓕᑦ ᖁᕕᐊᓱᖕᓂᓯᓗ ᕿᒃᓵᖕᓂᓐᖑᕐᑎᓪᓗᒋᑦ. 10ᐊᑕᓂᕐᒧᑦ ᒥᑭᒡᓕᑎᕆᑦᓯ ᑖᑦᓱᒪ ᑕᕝᕙ ᒪᑭᑎᓐᓂᐊᕐᐹᓯ.

ᐃᖅᑲᕐᑐᖃᑦᑕᐅᑎᓂᐅᑉ ᐅᓗᕆᐊᓇᕐᓂᖓ

11ᐃᓕᑦᓯᓐᓄᑦ ᐊᑐᓂᑦ ᓈᒻᒪᒃᓴᖏᓪᓗᓯ ᐅᖃᕐᓂᕐᓗᖃᑦᑕᐅᑎᓂᐊᕋᓯ, ᐅᒃᐱᕐᑑᖃᑎᒌᑦ, ᐅᒃᐱᕐᑑᖃᑎᒥᓂᒃ ᐅᖃᕐᓂᕐᓘᑎᓕᒃ ᐅᕝᕙᓗ ᐃᖅᑲᕐᑐᐃᔪᖅ, ᐱᖁᔭᓂᒃ ᐅᖃᕐᓂᕐᓘᑎᖃᕐᒪᑦ ᐃᖅᑲᕐᑐᐃᓪᓗᓂᓗ. ᐱᖁᔭᓂᒡᓕ ᐃᖅᑲᕐᑐᐃᒍᕕᑦ, ᑕᕝᕙ ᐱᖁᔭᓂᒃ ᒪᓕᒃᑎᐅᓐᖏᓚᑎᑦ ᐃᖅᑲᕐᑐᐃᔨᐅᕗᑎᓪᓕ. 12ᐊᑕᐅᓯᕐᓕ ᐱᖁᔭᕐᑖᕐᑎᑦᓯᔨᐅᕗᖅ ᐃᖅᑲᕐᑐᐃᔨᐅᓪᓗᓂᓗ, ᑖᓐᓇ ᑭᓯᒥ ᐱᐅᓕᓯᔪᓐᓇᕐᐳᖅ ᐊᓯᕈᐃᔪᓐᓇᕐᓗᓂᓗ. ᑭᓇᐅᒐᕕᓪᓕ ᐃᓅᖃᑎᖕᓂᒃ ᐃᖅᑲᕐᑐᐃᔪᓐᓇᕐᐱᑦ?

ᐱᐅᔪᕆᓂᐅᑉ ᐅᓗᕆᐊᓇᕐᓂᖓ

13 # ᓲᓗᒨᓂ 27:1. ᐅᖃᕐᕕᒋᓕᕐᐸᑦᓯ ᐃᒫᒃ ᐅᖃᕐᐸᒃᑐᓯ, “ᐅᓪᓗᒥ ᖃᐅᒃᐸᓪᓘᓐᓃᑦ ᐃᒃᑯᓄᖓ ᐃᒡᓗᒐᓴᖕᓄᑦ ᐊᐅᓪᓚᕐᓂᐊᕐᐳᒍ ᐊᕐᕌᒍᒥᒡᓗ ᐊᑕᐅᓯᕐᒥᒃ ᑕᕝᕙᓃᓐᓂᐊᕐᐳᒍᑦ, ᐃᖅᑲᓁᔮᕐᑖᕐᓗᑕᓗ ᑮᓇᐅᔭᓕᐅᕈᒪᕗᒍᑦ.” 14ᖃᐅᔨᒪᓐᖏᓚᓯᓕ ᖃᐅᒃᐸᐅᓛᕐᑐᒥᒃ, ᐃᓅᓯᓯ ᖃᓄᐃᑦᑑᓛᕐᒪᖔᑦ? ᐳᔪᕐᑎᑐᑦ ᑍᒤᑉᐳᖅ ᓴᖅᑭᑬᓐᓇᕐᓗᓂ ᑕᕝᕔᓐᓇᕐᓗ ᐊᓯᐅᕗᖅ. 15ᐃᒫᒡᓕ ᐅᖃᖔᕐᑐᒃᓴᐅᕗᓯ, “ᐊᑕᓂᖅ ᐱᖁᔨᒃᐸᑦ, ᐃᓅᓂᐊᕐᐳᒍᑦ ᐃᒤᑦᑐᓂᒡᓗ ᐱᓇᓱᐊᕐᓗᑕ ᐃᒫᒡᓘᓐᓃᑦ.” 16ᑍᒤᒻᒪᑦ, ᐱᔪᓐᓇᕋᓱᒋᓂᕐᒧᑦ ᐱᐅᔪᕆᓕᕐᐸᒃᑲᑦᓯ. ᐱᐅᔪᕆᓃᑦ ᑍᒤᑦᑐᑦ ᐱᐅᖏᑦᑑᖕᒪᑕ.

17ᓇᓪᓕᐊᑦ ᐱᐅᔪᒥᒃ ᐱᓇᓱᐊᕆᐊᖃᕐᑕᒥᓂᒃ ᖃᐅᔨᒪᔪᖅ ᐱᓇᓱᐊᕋᓂᓗ, ᑖᑦᓱᒧᖓ ᑕᒪᓐᓇ ᐊᔪᕐᑐᓕᓂᐅᕗᖅ.

Currently Selected:

ᔧᒥᓯᐅᑉ ᐊᒡᓚᖏᑦ 4: EAIB

Highlight

Copy