ᔧᒥᓯᐅᑉ ᐊᒡᓚᖏᑦ 2
2
ᐃᓅᖃᑎᑐᖃᕆᓐᖏᑕᒥᒃ ᓇᕐᕈᓂᐅᑉ ᐅᓗᕆᐊᓇᕐᓂᖓ
1ᐅᒃᐱᕐᑑᖃᑎᒃᑳ, ᐊᑦᔨᒌᓐᖏᑎᑦᓯᔪᒃᓴᐅᓐᖏᓚᓯ ᐃᓅᑉ ᑕᐅᑦᑐᐊ ᒪᓕᒡᓗᒍ ᐅᒃᐱᕐᑎᓪᓗᓯ ᐊᑕᓂᑦᑎᓐᓄᑦ ᔩᓱᓯ ᙭ᔅᑑᓯᒧᑦ, ᓂᕐᑐᕐᓇᕐᓂᕐᔪᐊᑉ ᐊᑕᓂᖓᓄᑦ. 2ᐊᖑᑦ ᑲᑎᒪᕕᑦᓯᓐᓄᑦ ᐃᑎᕐᐸᑦ ᒎᓗᒥᒃ ᓇᒡᒍᐊᕐᒥᓕᒃ#2:2 ᕿᑎᕐᓯᕐᒥᓕᒃ / ᓇᒡᒍᐊᕐᒥᓕᒃ ᐱᐅᔪᓂᒃᓗ ᐊᓐᓄᕌᕐᓯᒪᓗᓂ, ᐊᒻᒪ ᐊᖑᑦ ᐊᔪᕐᓴᕐᑐᖅ ᐊᓐᓄᕌᕐᓗᒃᑐᖅ ᐃᑎᕐᒥᓗᓂ, 3ᐊᖑᑦ ᐱᐅᔪᓂᒃ ᐊᓐᓄᕌᑦᓯᐊᕆᒃᑐᖅ ᑲᒪᒋᑦᓯᐊᕐᓂᕐᓴᕆᒍᑦᓯᐅᒃ ᐅᖃᐅᑎᓗᒍᓗ, “ᒪᐅᖓ ᐃᒃᓯᕙᐅᑕᕐᒧᑦ ᐱᐅᔪᒧᑦ ᐃᖏᓪᓗᑎᑦ,” ᐊᔪᕐᓴᕐᑐᒧᓪᓗ ᐅᖃᕐᒥᓗᓯ, “ᐊᕙᓂ ᓂᑯᕕᖓᓕᕆᑦ,” ᐅᕝᕙᓗ “ᒪᐅᖓ ᓇᑎᕐᒧᑦ ᐃᖏᓕᕆᑦ,” 4ᑍᒤᓕᐅᕈᑦᓯ ᑕᕝᕙ ᐸᓯᔭᒃᓴᐅᓕᕋᔭᓐᖏᓚᓰ? ᐊᑦᔨᒌᓐᖏᑎᑦᓯᓂᑦᓯᓐᓄᑦ, ᐃᓅᖃᑎᑦᓯᓐᓂᒡᓗ ᐃᖅᑲᕐᑐᐃᓪᓗᓯ ᐱᐅᖏᑦᑐᒥᒃ ᐃᓱᒪᖃᕐᓂᑦᓯᓐᓄᑦ.
5ᑐᓴᕆᑦᓯ ᐅᒃᐱᕐᑑᖃᑎᒃᑳ ᓇᒡᓕᖕᓇᕐᑐᑦ. ᓯᓚᕐᔪᐊᕐᒥ ᐊᔪᕐᓴᕐᑐᑦ ᒎᑎᐅᑉ ᓂᕈᐊᕐᓯᒪᓐᖏᓔᑦ ᐅᒃᐱᕐᓂᕐᒥ ᐊᔪᕐᓴᕈᓐᓃᖁᓪᓗᒋᑦ ᑭᖑᕐᖑᑦᔨᖁᓪᓗᒋᓪᓗ ᐊᑕᓂᐅᕕᖕᒥᒃ ᓇᒡᓕᒃᑎᒥᓄᑦ ᐊᖏᕈᑎᒋᓯᒪᔭᒥᓂᒃ? 6ᐃᓕᑦᓯᓕ ᐊᔪᕐᓴᕐᑐᓂᒃ ᓇᕐᕈᖃᑕᐅᕙᒃᑲᑦᓯ. ᐊᔪᕐᓴᖏᑦᑐᓅᑦ ᐅᖁᒤᒋᔭᑦᓯᓐᓃᑎᑕᐅᕙᓐᖏᓚᓯ? ᑖᒃᑯᓇᓐᖓᓪᓗ ᐃᖅᑲᕐᑐᒐᒃᓴᓐᖑᕐᑎᑕᐅᕙᒡᓗᓯ. 7ᑖᒃᑯᐊ ᐅᖃᕐᓂᕐᓘᑎᖃᕐᐸᐳᑦ ᐱᐅᔪᒥᒃ ᑍᔭᐅᑦᔪᑎᑦᓯᓐᓂᒃ ᓇᕐᕈᓇᕐᓯᑎᑦᓯᓇᓱᐊᕐᓗᑎᒃ.
8 #
ᒨᓯᓯ ᐱᖓᔪᖏᑦ 19:18. ᐊᖓᔪᖅᑳᔪᐊᑉ ᐱᖁᔭᖓ ᐊᑐᑦᓯᐊᕈᑦᓯᐅᒃ ᒎᑎᐅᑉ ᐅᖃᐅᓯᖏᑦ ᒪᓕᒃᓗᒋᑦ, ᐃᒫ, “ᐃᓅᖃᑏᑦ ᐃᓕᒃᑐᑦ ᓇᒡᓕᒋᔭᒃᓴᕆᕙᑦ” ᑕᑉᕙ ᓈᒻᒪᒃᑐᒥᒃ ᐱᕗᑎᑦ. 9ᐊᑦᔨᒌᓐᖏᑎᑦᓯᕙᑲᑦᓯ, ᑕᕝᕙ ᐊᔪᕐᑐᓕᕗᓯ, ᐱᖁᔭᓄᓪᓗ ᐸᓯᔭᐅᒐᔭᕐᐳᓯ ᒪᓕᖏᓐᓂᕋᕐᑕᐅᓗᓯ. 10ᑭᓇᑐᐃᓐᓇᖅ ᐱᖁᔭᓂᒃ ᑕᒤᓐᓂᒃ ᒪᓕᑦᓯᐊᕐᑑᑉ ᐊᑕᐅᓯᕐᓕ ᒪᓕᖏᒃᑯᓂᐅᒃ ᑕᕝᕙ ᐱᖁᔭᑦ ᑕᒪᕐᒥᒃ ᐸᓯᔭᒃᓴᐅᑦᔪᑎᒋᕔᑦ. 11#ᒨᓯᓯ ᐂᑉᐸᖏᑦ 20:14; ᒨᓯᓯ ᑕᓪᓕᒪᖏᑦ 5:18; ᒨᓯᓯ ᐂᑉᐸᖏᑦ 20:13; ᒨᓯᓯ ᑕᓪᓕᒪᖏᑦ 5:17.ᑍᓐᓇ ᐅᖃᓚᐅᕐᓯᒪᖕᒪᑦ, “ᐊᓯᓐᓂᐊᕐᑐᒃᓴᐅᓐᖏᓚᑎᑦ,” ᐊᒻᒪ ᐅᖃᓚᐅᕆᕗᖅ, “ᐃᓄᐊᕐᑐᒃᓴᐅᓐᖏᓚᑎᑦ.” ᑕᕝᕙ ᐊᓯᓐᓂᐊᖏᒃᑲᓗᐊᕈᕕᑦ ᐃᓄᐊᕈᕕᓕ, ᑕᕝᕙ ᐱᖁᔭᑦ ᑕᒪᕐᒥᒃ ᐊᔪᕐᑐᓕᑦᔪᑎᒋᕙᑎᑦ. 12ᐅᖃᕅᒍᑦᓯ ᐱᓇᓱᐊᕈᑦᓯᓗ ᐃᖅᑲᕐᑐᕐᑕᐅᔪᒫᕐᑐᑎᑐᑦ ᐱᓇᓱᐊᖃᑦᑕᕆᑦᓯ ᐱᖁᔭᓄᑦ ᕿᓚᕈᑦᔮᕐᑎᑦᓯᔪᓄᑦ. 13ᐃᖅᑲᑐᕐᑕᐅᓂᕐᒧᑦ ᓂᑲᒋᔭᐅᒐᔭᓐᖏᓚᖅ ᓂᑲᒍᓱᓐᖏᑦᑐᒧᑦ; ᓂᑲᒍᓱᖕᓂᖅ ᓵᓚᖃᕐᑎᑦᓯᔪᓐᓇᕐᐳᖅ ᐃᖅᑲᕐᑐᕐᑕᐅᓂᒃᓴᒥᒃ.
ᐅᒃᐱᕐᓂᖅ ᐱᓂᐊᕐᓂᕐᓗ
14ᐅᒃᐱᕐᑑᖃᑎᒃᑳ, ᖃᓄᖅ ᐊᑐᕐᓇᕋᔭᕐᐸ, ᐅᒃᐱᕐᓂᖃᕐᓂᕋᕈᑦᓯ ᐱᓂᐊᕐᓂᒃᑯᓪᓗ ᓴᖅᑭᑎᖏᓪᓗᒍ? ᐅᒃᐱᕐᓂᑦᓯ ᑕᑉᕙ ᐱᐅᓕᔪᓐᓇᕐᐹᓰ? 15ᐅᒃᐱᕐᑑᖃᑏᑦ ᐊᖑᑦ ᐊᕐᓇᕐᓗᓐᓃᑦ ᐊᓐᓄᕌᕐᓗᒃᓗᓂ ᖃᐅᑕᒫᓪᓗ ᓂᕿᒃᓴᖃᖏᓪᓗᓂ, 16ᐃᓚᑦᓯᓐᓂᑦ ᐅᖃᐅᑦᔭᐅᒃᐸᑦ, “ᐃᓱᒪᔮᖏᓪᓗᑎᑦ ᐊᐅᓪᓚᓕᕆᑦ, ᐅᖅᑰᓯᐊᕆᑦ ᓂᕆᓗᑎᓪᓗ ᐊᕿᐊᑦᑐᕆᑦ,” ᑐᓂᓯᕕᒋᓇᒍᓗ ᑎᒥᐅᑉ ᐊᑐᒐᒃᓴᖏᓐᓂᒃ, ᖃᓄᖅ ᑕᒪᓐᓇ ᐱᕙᓪᓕᕐᓇᕋᔭᕐᐹ? 17ᑍᒤᒃᑭᕗᕐᑕᐅᖅ ᐅᒃᐱᕐᓂᖅ ᑖᓐᓇᑑᓗᓂ, ᐱᓂᐊᕐᓂᕐᒥᒃ ᐃᓚᖃᖏᒃᑯᓂ, ᑐᖁᖓᕗᖅ.
18ᐅᖃᕐᑐᖃᕋᔭᕐᐸᑦ, “ᐅᒃᐱᕐᓂᖃᕐᐳᑎᑦ, ᐅᕙᖓᓕ ᐱᓂᐊᕐᓂᖃᕐᐳᖓ.” ᐅᒃᐱᕐᓂᕐᒥᒃᓕ ᐱᓂᐊᕐᓂᕐᒥᒃ ᐃᓚᖃᖏᑦᑐᒥᒃ ᑕᑯᑎᓚᐅᓐᖓ, ᐅᒃᐱᕐᓂᓐᓂᒃᑕᐅᖅ ᑕᑯᑎᓐᓂᐊᕋᒃᑭᑦ ᐱᓂᐊᕐᓂᒃᑯᑦ. 19ᐊᑕᐅᓯᕐᒥᒃ ᒎᑎᒥᒃ ᐅᒃᐱᕆᔭᖃᕐᐳᑎᑦ; ᓈᒻᒪᑦᑎᐊᕐᑐᒥᒃ ᐱᕗᑎᑦ. ᐊᓂᕐᓂᕐᓗᐃᑦᑕᐅᖅ ᑍᒫᒃ ᐅᒃᐱᕐᒥᖕᒪᑕ ᓴᔪᒡᓗᑎᒡᓗ. 20ᓯᓔᑦᑐᑎᑦ ᑕᑯᑎᑕᐅᔪᒪᕖ ᐅᒃᐱᕐᓂᐅᑉ ᐱᓂᐊᕐᓂᕐᒥᒃ ᐃᓚᖃᖏᑦᑑᑉ ᐊᑑᑎᖃᖏᓐᓂᖓᓂᒃ? 21#ᒨᓯᓯ ᓯᕗᓪᓖᑦ 22:1-14.ᓯᕗᓕᕕᓂᕗᑦ ᐂᑉᕋᕼᐋᒻ ᐃᓗᐊᕐᓯᑎᑕᐅᓚᐅᓐᖏᓛᖅ ᐃᕐᓂᕐᒥᓂᒃ ᐂᓴᑭᒥᒃ ᑐᓂᕐᕈᓯᕐᕕᖕᒧᐊᕐᓯᒐᒥ? 22ᑕᕝᕙ ᑕᑯᕗᑎᑦ ᐅᒃᐱᕐᓂᖓ ᐱᓂᐊᕐᓂᖓᓗ ᐊᑕᐅᑦᓯᒃᑯᑦ ᐱᓇᓱᐊᖃᑎᒌᓚᐅᕐᒪᑎᒃ. 23#ᒨᓯᓯ ᓯᕗᓪᓖᑦ 15:6; ᑯᕉᓂᑲ ᐂᑉᐸᖏᑦ 20:7; ᐂᓮᐊᓯ 41:8.ᒎᑎᐅᑉ ᐅᖃᐅᓯᖏᑦ ᓇᓚᐅᑦᓯᕗᑦ ᐃᒤᓕᔪᑦ, “ᐂᑉᕋᕼᐋᒻ ᒎᑎ ᐅᒃᐱᕆᕚ, ᑕᒪᑐᒧᖓ ᐃᓗᐊᕐᓯᑎᑕᐅᓂᕋᕐᑕᐅᕗᖅ”; ᑍᔭᐅᓕᕐᓗᓂᓗ ᒎᑎᐅᑉ ᐃᓚᓐᓈᖓᓂᒃ. 24ᑕᕝᕙ ᑐᑭᓯᕗᓯ ᐃᓄᒃ ᐃᓗᐊᕐᓯᑎᑕᐅᖕᒪᑦ ᐱᓂᐊᕐᓂᕐᒥᒍᑦ ᐅᒃᐱᕐᓂᒃᑯᑐᐃᓐᓇᐅᖏᑦᑐᖅ.
25 #
ᔮᓱᐊ 2:1-21. ᑍᒫᑦᓮᓐᓇᕐᑕᐅᖅ ᐊᖑᓐᓂᐊᕐᑎ ᕅᕼᐋᐱ ᐃᓗᐊᕐᓯᑎᑕᐅᓚᐅᕐᐳᖅ ᐱᓂᐊᕐᓂᕐᒥᒍᑦ ᐃᓴᕆᐊᓕᒥᐅᑦ ᖃᐅᔨᓴᕆᐊᕐᓯᒪᑎᑕᖏᓐᓂᒃ ᑐᓐᖓᓱᒃᑎᑦᓯᓚᐅᕐᒪᑦ ᐃᑲᔪᕐᓗᒋᓪᓗ ᐊᖅᑯᑎᐅᑉ ᐊᓯᐊᒍᑦ ᐊᐅᓪᓚᕐᑎᓪᓗᒋᑦ.
26ᓲᕐᓗ ᑎᒥ ᐊᓂᕐᓂᖃᖏᒃᑯᓂ ᑐᖁᖓᖕᒪᑦ, ᑍᒫᒃᑕᐅᖅ ᐅᒃᐱᕐᓂᖅ ᐱᓂᐊᕐᓂᕐᒥᒃ ᐃᓚᖃᖏᒃᑯᓂ ᑐᖁᖓᒋᕗᖅ.
Currently Selected:
ᔧᒥᓯᐅᑉ ᐊᒡᓚᖏᑦ 2: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
