ᔧᒥᓯᐅᑉ ᐊᒡᓚᖏᑦ 1
1
ᓇᓗᓁᕐᓯᑦᔪᑏᑦ
1 #
ᒫᑎᐅᓯ 13:55; ᒫᑯᓯ 6:3; ᐋᐴᓯᑕᓖᑦ 15:13; ᒐᓔᑎ 1:19. ᔧᒥᓯ, ᒎᑎᐅᑉ ᐊᑕᓂᑦᑕᓗ ᔩᓱᓯᐅᑉ ᙭ᔅᑑᓯᐅᑉ ᐱᔨᖓ,
ᑭᖑᕚᕇᓄᑦ 12ᓄᑦ ᓯᓚᕐᔪᐊᕐᒥ ᓇᓂᑐᐃᓐᓈᕐᑐᓄᑦ; ᑐᓐᖓᓱᒋᑦᓯ.
ᐅᒃᐱᕐᓂᖅ ᓯᓚᑐᓂᕐᓗ
2ᐅᒃᐱᕐᑑᖃᑎᒃᑲ ᖁᕕᐊᓱᒪᕆᒋᑦᓯ, ᓱᓇᑐᐃᓐᓇᕐᓄᑦ ᐊᑦᔨᒌᖏᑦᑐᓄᑦ ᐆᖁᒤᑐᒦᑎᑕᐅᓕᕈᑦᓯ, 3ᖃᐅᔨᒪᒐᑦᓯ ᐅᒃᐱᕐᓂᑦᓯ ᐆᒃᑐᕐᑕᐅᓂᖓ ᕿᓄᐃᓵᕈᓐᓇᕐᓯᓂᕐᒥᒃ ᐱᑎᑦᓯᖕᒪᑦ. 4ᕿᓄᐃᓵᕐᓂᖅ ᑲᔪᓯᑦᓯᐊᕐᑐᒃᓴᐅᕗᖅ, ᓈᒻᒪᒃᓯᑦᓯᐊᖁᓪᓗᓯ ᐱᔭᕇᑦᓯᐊᕐᓗᓯᓗ, ᓱᓇᒥᒡᓗ ᑭᓐᖒᒪᔭᖃᕈᓐᓃᖁᓪᓗᓯ. 5ᓇᓪᓕᕐᓯᓕ ᓯᓚᑐᓂᕐᒥᒃ ᐊᔪᕐᓴᕈᓂ, ᒎᑎᒧᑦ ᑐᒃᓯᐊᕐᑐᒃᓴᐅᕗᖅ, ᑖᑦᓱᒪ ᑕᑉᕙ ᑐᓂᓯᕕᒋᓂᐊᕐᐹ ᐱᔪᒪᔭᖓᓂᒃ. ᐃᓄᓕᒫᑦ ᑐᓂᓯᕕᒋᕙᖕᒪᒋᑦ ᖁᕕᐊᒋᓪᓗᒋᑦ ᐊᓐᓂᕈᓱᒐᓂᓗ. 6ᐅᒃᐱᑦᓯᐊᕐᓗᓂ ᑐᒃᓯᐊᕐᓕ, ᖁᓚᖏᑦᓯᐊᕐᓗᓂ, ᓇᓪᓕᐊᑦ ᖁᓚᕐᑐᖅ ᐃᒪᕕᐅᑉ ᒪᓕᖏᑎᑐᑦ ᐊᓄᕆᒧᑦ ᐊᐅᓚᑕᐅᔪᑎᑐᑦ ᑍᒤᒻᒪᑦ. 7ᐃᓄᒃ ᑍᒤᑦᑐᖅ ᐊᑕᓂᕐᒧᑦ ᑐᓂᓯᕕᐅᓂᐊᕋᓱᒋᓗᓂ ᐃᓱᒪᔪᒃᓴᐅᓐᖏᓚᖅ; 8ᖁᓚᕐᑐᖅ ᒪᕐᕉᖕᓂᒃ ᐃᓱᒪᖃᕋᒥ, ᓴᖑᓴᕅᑉᐳᖅ ᐱᓂᐊᕐᓂᕐᒥᓂ ᑕᒤᓐᓂ.
ᐊᔪᕐᓴᕐᓂᖅ ᐊᔪᕐᓴᓐᖏᓐᓂᕐᓗ
9ᐅᒃᐱᕐᑑᖃᑎᓕ ᐊᔪᕐᓴᕐᑐᖅ ᒪᑭᑎᑕᐅᒍᓂ ᐅᐱᒍᓱᒃᑐᒃᓴᐅᕗᖅ, 10#ᐂᓮᐊᓯ 40:6,7.ᐅᒃᐱᕐᑑᖃᑎᑦᑕᐅᖅ ᐊᔪᕐᓴᓐᖏᑦᑐᖅ ᐊᔪᕐᓴᓕᕈᓂ ᖁᕕᐊᓱᒃᑐᒃᓴᐅᒋᕗᖅ, ᐊᔪᕐᓴᕐᓂᖅ ᓄᖑᑦᓱᒫᕐᒪᑦ ᓄᓇᒥ ᐱᕈᕐᑐᑦ ᑐᖁᓕᕙᖕᓂᖏᑎᑐᑦ. 11ᓯᕿᓂᖅ ᓴᖅᑭᒻᒪᑦ ᑭᐊᒃᐸᓗᒻᒪᕆᒡᓗᓂ ᐱᕈᕐᑐᑦ ᐆᑕᐅᕗᑦ; ᓄᓇᕋᖏᓪᓗ ᓄᕗᖏᓐᓃᑦᑐᑦ ᑲᑕᒐᕐᐳᑦ, ᑕᑯᒥᓇᕐᓂᖏᓪᓗ ᓄᖑᑕᐅᕗᑦ. ᑍᒫᒃᑕᐅᖅ ᐃᓄᒃ ᐊᔪᕐᓴᓐᖏᑦᑐᖅ ᐱᓇᓱᐊᒐᕐᒥᓂᒃ ᐱᓇᓱᐊᕐᑎᓪᓗᒍ ᑐᖁᓕᔪᒫᕆᕗᖅ.
ᐆᒃᑐᕐᑕᐅᓂᖅ ᐱᔪᒥᓵᕐᑕᐅᓂᕐᓗ
12ᐃᓄᒃ ᓮᒻᒪᕐᑎᑕᐅᑦᔪᑎᒃᓴᖃᕐᐳᖅ ᐱᐅᓐᖏᑦᑐᒧᑦ ᐱᔪᒥᓵᕐᑕᐅᓂᕐᒥᒃ ᕿᓄᐃᓵᕐᓗᓂ ᐊᓂᒍᐃᔪᖅ, ᐱᐅᖏᑦᑐᒥᒃ ᐱᔪᒥᓵᕐᑕᐅᓂᕐᒥᒃ ᐊᓂᒍᐃᒍᓂ ᑕᕝᕙ ᓂᐊᖂᓯᕐᑕᐅᔪᒫᕐᐳᖅ ᐃᓅᓯᕐᒥᒃ ᒎᑎᐅᑉ ᐊᖏᕈᑎᒋᓯᒪᔭᖓᓂᒃ ᓇᒡᓕᒋᔨᒥᓄᑦ. 13ᐃᓄᒃ ᐱᐅᖏᑦᑐᒥᒃ ᐱᔪᒥᓵᕐᑕᐅᓕᕈᓂ ᐅᖃᕐᑐᒃᓴᐅᓐᖏᓚᖅ, “ᒎᑎᒧᑦ ᐱᐅᖏᑦᑐᒥᒃ ᐱᔪᒥᓵᕐᑕᐅᓕᕐᐳᖓ”; ᒎᑎ ᐱᐅᖏᑦᑐᒥᒃ ᐱᔪᒥᓵᕆᔨᐅᓐᖏᓇᒥ ᐱᐅᖏᑦᑐᒧᑦ ᐱᔪᒥᓵᕆᓂᐊᓐᖏᓚᖅ ᑭᓇᒥᒡᓘᓐᓃᑦ. 14ᐃᓄᒡᓕ ᐱᔪᒥᓵᕐᑕᐅᓕᕐᐳᖅ ᐃᒃᖠᒎᕐᓂᕐᒥᓄᑦ ᑲᔪᖏᕐᓴᕐᑕᐅᓪᓗᓂ ᓇᖕᒥᓂᖅ ᐱᔪᒪᓂᐊᓗᖕᒥᓄᑦ. 15ᑭᖑᕐᖓᒍᑦ ᐱᔪᒪᓂᐊᓗᒃ ᓄᑕᕋᒃᓴᕆᔭᐅᓕᕋᒥ ᐊᔪᕐᑐᓕᓂᕐᒥᒃ ᐃᕐᓂᐊᖃᕐᐳᖅ; ᐊᔪᕐᓂᖅ ᐱᕈᕇᕋᒥ ᑐᖁᒥᒃ ᐃᕐᓂᐊᖃᕐᐳᖅ.
16ᐅᐃᕕᕆᔭᐅᓂᐊᕋᓯ, ᓇᒡᓕᒋᔭᒃᑲ ᐅᒃᐱᕐᑑᖃᑎᒃᑲ. 17ᑐᓂᕐᕈᑏᑦ ᐱᐅᔪᑦ ᑐᓂᕐᕈᑎᓪᓗ ᓈᒻᒪᑦᓯᐊᕐᑐᑦ ᑕᒪᕐᒥᒃ ᕿᓚᖕᒥᑦ ᐱᕗᑦ, ᖃᐅᒪᔪᒥᑦ ᐊᑖᑕᒥᑦ ᐱᕗᑦ ᑖᑦᓱᒪᓂ ᑕᕐᕋᕐᒥᒃ ᐊᓯᑦᔨᕐᐸᓪᓕᐊᔪᖃᓐᖏᓚᖅ ᐊᓯᓐᖑᕐᐸᓪᓕᐊᔪᖃᕋᓂᓗ. 18ᑖᑦᓱᒪ ᐱᔪᒪᔭᓂ ᒪᓕᒡᓗᒍ ᐱᓐᖑᕐᑎᓚᐅᕐᐹᑎᒍᑦ ᐅᖃᐅᓯᕐᒧᑦ ᓱᓕᔪᒧᑦ ᓯᕗᓪᓕᕐᐸᐅᓗᑕ ᐱᕈᖁᓪᓗᑕ ᐱᓐᖑᕐᑎᑕᖏᓐᓂᑦ.
ᑐᓴᕐᑕᒥᒃ ᐱᓇᓱᐊᕈᑎᖃᕐᓂᖅ
19᙭ᔅᑑᓯᒥᐅᖑᖃᑎᒃᑲ ᓇᒡᓕᖕᓇᕐᑐᓯ, ᐅᓇ ᖃᐅᔨᒪᓯᐅᒃ. ᐃᓄᐃᑦ ᑕᒪᕐᒥᒃ ᑐᓴᕐᓴᕅᓪᓕᑦ, ᐅᖃᕐᓴᕅᓐᖏᓪᓗᑎᒃ, ᓂᓐᖓᒃᓴᕅᖏᓪᓗᑎᒡᓗ. 20ᐃᓅᑉ ᓂᓐᖓᐅᒪᓂᖓ ᒎᑎᐅᑉ ᐃᓗᐊᕐᑐᓕᓂᖓᓂᑦ ᐱᖏᒻᒪᑦ. 21ᑍᒤᒻᒪᑦ ᐱᓂᐊᕐᓂᕐᓗᖕᓂᓕᒫᑦ ᓈᒻᒪᖏᑦᑐᓂᒃᓗ ᐱᓇᓱᐊᕐᓃᑦ ᐊᑐᕈᓐᓁᕐᓯᒋᒃ ᐱᐅᔪᕆᖏᓪᓗᓯᓗ ᐃᓚᓕᐅᕐᓯᐅᒃ ᐅᖃᐅᓯᖓ ᐃᓗᑦᓯᓐᓄᑦ ᑲᓐᖓᕐᓲᑎᒋᔭᖓ, ᑕᒪᓐᓇ ᐃᓕᑦᓯᓐᓂᒃ ᐱᐅᓕᓯᔪᓐᓇᕐᒪᑦ.
22ᐅᖃᐅᓯᕐᓕ ᐱᓇᓱᐊᕈᑎᒋᓯᐅᒃ, ᑐᓵᑐᐃᓐᓇᖏᓪᓗᒍ, ᑐᓵᑐᐃᓐᓇᕈᑦᓯ ᓇᖕᒥᓂᖅ ᐅᐃᕕᕆᒐᑦᓯ. 23ᑭᓇᑐᐃᓐᓇᖅ ᐅᖃᐅᓯᕐᒥᒃ ᑐᓴᑐᐃᓐᓇᕐᑎ ᐱᓇᓱᐊᕈᑎᖃᕐᐸᖏᑦᑐᖅ, ᑖᑦᓱᒪ ᐊᑦᔨᒋᕚ ᐃᓄᒃ ᑕᕐᕋᕐᑑᑎᒃᑯᑦ ᑮᓇᕐᒥᓂᒃ ᕿᒥᕐᕈᔪᖅ; 24ᐃᒻᒥᓂᒃ ᕿᒥᕐᕈᐊᓚᐅᕐᓗᓂ ᑕᕝᕙᓐᖓᑦ ᓅᓐᓇᒥ ᑮᓇᕐᒥ ᖃᓄᐃᓕᖓᓂᖓ ᑕᕝᕔᓐᓇᖅ ᐳᐃᒍᕐᐹ. 25ᑭᓇᑐᐃᓐᓇᖅ ᑕᑯᑦᓯᐊᕐᑐᖅ ᐱᖁᔭᓂᒃ ᕿᓚᕈᑦᔮᕐᓯᔪᓂᒃ, ᐃᓄᖕᓂᒃ, ᐊᑕᕕᒌᓐᓇᓕᕐᓗᒋᓪᓗ, ᑖᓐᓇ ᓈᓚᑐᐃᓐᓇᓐᖏᓚᖅ ᐳᐃᒍᑐᐃᓐᓇᕋᓂᓗ ᐱᓂᐊᕈᑎᒋᓪᓗᒋᓪᓕ ᐊᑐᓕᕐᐰᑦ, ᐃᓄᒃ ᑍᒤᓕᐅᕐᑐᖅ ᓮᒻᒪᕐᑎᑕᐅᓂᐊᕐᐳᖅ ᐱᓇᓱᐊᕐᓂᕆᔭᒥᓂ.
26ᐅᒃᐱᕋᓱᒋᔪᒥᒃ ᐃᓕᑦᓯᓐᓃᑦᑐᖃᕐᐸᑦ, ᐅᖃᓂᓗ ᐊᑐᕐᓂᕐᓗᒃᑍᓕᓂᕐᒧᑦ ᐱᓯᒪᔪᓐᓇᖏᒃᑯᓂᐅᒃ ᐆᒻᒪᑎᓂ ᐅᐃᕕᕆᕚ, ᑕᑉᕙ ᐅᒃᐱᕐᓂᖓ ᐊᑑᑎᖃᓐᖏᓚᖅ. 27ᐅᒃᐱᕐᓂᖅ ᐸᓯᔭᒃᓴᐅᓂᖃᖏᑦᑐᖅ ᓱᓕᔪᕐᓗ ᒎᑎᐅᑉ ᐊᑖᑕᐅᑉ ᓈᒻᒪᒋᔭᖓ ᐃᒤᑦᑑᕗᖅ; ᐃᓕᐊᕐᔪᐃᑦ ᐳᓛᕆᐊᖃᑦᑕᕐᓗᒋᑦ ᐅᐃᒡᒐᕐᓃᓪᓗ ᐅᖁᒤᒃᓴᕐᓂᖏᓐᓂᒃ ᐃᑲᔪᕐᓗᒋᑦ, ᓇᖕᒥᓂᕐᓗ ᐃᑦᔪᕐᓇᕐᓯᑎᑕᐅᑦᑍᓕᓗᓂ ᓯᓚᕐᔪᐊᕐᒥᐅᑦ ᐱᐅᓯᖏᓐᓄᑦ.
Currently Selected:
ᔧᒥᓯᐅᑉ ᐊᒡᓚᖏᑦ 1: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
