ᐄᑉᕈᐃᓄᑦ 13
13
ᒎᑎᐅᑉ ᖁᕕᐊᒋᔭᖓᓃᓂᖅ
1ᐅᒃᐱᖃᑎᒌᒃᑐᑎᑐᑦ ᓇᒡᓕᒃᑎᒋᑦᓮᓐᓇᕆᑦᓯ. 2#ᒨᓯᓯ ᓯᕗᓪᓖᑦ 18:1-8; 19:1-3.ᓯᓂᒃᑕᕐᕕᐅᔪᒪᓗᓯ ᑐᓐᖓᓮᖃᑦᑕᕆᑦᓯ ᓂᐅᕐᕈᐊᓂᒃ, ᐃᓚᖏᑦ ᑍᒤᓕᐅᕋᒥᒃ ᖃᐅᔨᒪᓇᑎᒃ ᐂᖏᓕᓂᒃ ᑐᓐᖓᓱᒃᑎᑦᓯᓯᒪᖕᒪᑕ. 3ᑎᒍᔭᐅᒪᔪᑦ ᐃᖅᑲᐅᒪᓯᒋᒃ, ᑎᒍᔭᐅᓯᒪᖃᑎᒋᔭᑦᓯᑐᑦ ᐱᓗᒋᑦ; ᐱᑦᓯᐊᕐᑕᐅᖃᑦᑕᖏᑦᑐᓪᓗ, ᐃᖅᑲᐅᒪᓯᒋᒃ ᑎᒥᒥᑦᑕᐅᖅ ᐃᓅᖕᒥᒐᑦᓯ.
4ᓄᓕᐊᕇᖕᓂᖅ ᑕᒤᓐᓄᑦ ᐅᐱᒋᔭᐅᑦᓯᐊᕆᐊᖃᕐᐳᖅ, ᓄᓕᐊᕇᓪᓗ ᐃᓐᓇᖓᕕᐊ ᓇᕐᕈᓇᕐᓯᑎᑕᐅᑦᑍᓕᓕ; ᓄᓕᐊᕇᖕᓂᕐᒥᒃ ᐊᑐᕐᓂᕐᓗᒃᑐᑦ ᐊᓯᓐᓂᐊᕐᑐᓪᓗ ᒎᑎᐅᑉ ᓱᒋᐊᕈᒫᕐᒪᒋᑦ.
5 #
ᒨᓯᓯ ᑕᓪᓕᒪᖏᑦ 31:6,8; ᔮᓱᐊ 1:5. ᐃᓅᓯᓯ ᑮᓇᐅᔭᓂᒃ ᐱᔪᒪᓗᐊᕐᓂᕐᒥᑦ ᓴᐳᑎᓯᒪᓯᐅᒃ, ᐱᒋᔭᓯᓗ ᑕᒫᓂ ᓈᒻᒪᒋᓯᒋᒃ; ᐅᖃᕐᓯᒪᖕᒪᑦ, “ᕿᒪᓚᐅᕐᓯᒪᓂᐊᓐᖏᓚᑦᓯ; ᖁᔭᓈᕐᓂᐊᕐᓇᓯᓗ.” 6#ᐃᓐᖏᕈᑦ 118:6.ᑍᒤᒻᒪᑦ ᖁᓚᖏᓪᓗᑕ ᐅᖃᕈᓐᓇᕐᐳᒍᑦ,
“ᐊᑕᓂᖅ ᐃᑲᔪᕐᑎᒋᒐᒃᑯ, ᐃᕐᓯᓂᐊᓐᖏᓚᖓ;
ᐃᓄᖕᓄᑦ ᖃᓄᐃᓕᐅᕐᑕᐅᔪᓐᓇᕐᓂᐊᖏᓚᖓ.”
7ᐃᖅᑲᐅᒪᓯᐅᒃ ᓯᕗᓕᕐᑎᓯ, ᒎᑎᐅᑉ ᐅᖃᐅᓯᖏᓐᓂᒃ ᐃᓕᑦᓯᓐᓄᑦ ᐅᖃᕐᐸᒃᑐᑦ; ᐃᓱᒪᒋᓯᐅᒃ ᖃᓄᖅ ᐃᓅᓯᖃᕐᒪᖔᑕ, ᐅᒃᐱᕐᓂᖏᓪᓗ ᒪᓕᒡᓗᒋᑦ. 8ᔩᓱᓯ ᙭ᔅᑑᓯ ᐊᓯᑦᔨᓚᐅᕐᓯᒪᓐᖏᓚᖅ ᐃᑉᐸᒃᓴᖅ ᐅᓪᓗᒥᓗ ᐃᓱᖃᖏᑦᑐᒧᓪᓗ. 9ᑕᒻᒪᕐᑎᑕᐅᑦᑍᓕᒋᑦᓯ ᐊᔪᕆᕐᑑᓯᕐᓄᑦ ᖃᓄᐃᑦᑐᑐᐃᓐᓇᕐᓄᑦ ᐊᑦᔨᐅᖏᑦᑐᓄᓪᓗ; ᐱᐅᔪᒻᒪᕆᐅᕗᖅ ᐃᓗᒃᑯᑦ ᓲᖑᑎᑕᐅᓂᕐᒥᒃ ᐱᓯᒪᓗᓂ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ, ᓂᕿᓄᑦ ᐱᓇᓂ, ᓂᕿᓄᑦ ᒪᓕᒐᒃᓴᓂᒃ ᒪᓕᒃᑑᒐᓗᐊᑦ ᐃᑲᔪᕐᑕᐅᓯᒪᖏᒻᒪᑕ.
10ᑐᓂᕐᕈᓯᕐᑎᑦᓯᔩᑦ ᑐᐱᕐᓂ ᐱᓇᓱᐊᕐᐸᒃᑐᑦ ᓂᕆᔭᕆᐊᖃᓐᖏᓚᑦ ᑐᓂᕐᕈᓯᕐᕕᖁᑎᑦᑎᓐᓂᑦ. 11#ᒨᓯᓯ ᐱᖓᔪᖏᑦ 16:27.ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖏᑦ ᓂᕐᔪᑏᑦ ᐊᐅᖏᓐᓂᒃ ᓇᒃᓴᕐᓗᑎᒃ ᐃᑦᔪᕐᓁᓐᓂᕐᐹᒧᑦ ᑐᓂᕐᕈᓯᕆᐊᕐᑐᕐᐸᒃᐳᑦ ᐊᔪᕐᓃᑦ ᐱᑦᔪᑎᒋᓪᓗᒋᑦ; ᓂᕐᔪᑏᓪᓕ ᓂᕿᖏᑦ ᓄᓇᓖᑦ ᓯᓚᑖᓅᕈᑦᔭᐅᕙᒃᐳᑦ ᐃᑯᐊᓪᓚᒃᑕᐅᓂᐊᕐᑎᓪᓗᒋᑦ. 12ᑕᕝᕙ ᔩᓱᓯᑦᑕᐅᖅ ᑐᖁᓚᐅᕐᐳᖅ ᐃᒡᓗᒐᓮᑦ ᓯᓚᑖᓂ ᐃᓄᐃᑦ ᐸᓯᔭᒃᓴᐅᔪᓃᕐᑎᑕᐅᖁᓪᓗᒋᑦ ᓇᖕᒥᓂᖅ ᐊᐅᖕᒥᒍᑦ. 13ᑍᒤᒻᒪᑦ ᐅᐸᓚᐅᕐᓚᕗᑦ ᓄᓇᓖᑦ ᓯᓚᑖᓄᑦ, ᒥᑕᐅᑕᐅᓂᖓᓂᒃ ᐱᖃᑎᒋᓗᒍ. 14ᒫᓂ ᐃᒡᓗᒐᓴᖃᖏᓐᓇᑦᑕ ᐱᒌᓐᓇᕐᓂᐊᕐᑕᑦᑎᓐᓂᒃ, ᐃᒡᓗᒐᓴᒡᔪᐊᓂᒡᓕ ᓯᕗᓂᑦᑎᓐᓂ ᓂᕆᐅᒋᔭᖃᕐᐳᒍᑦ. 15ᑖᑦᓱᒨᓇ ᑲᔪᓯᓗᑕ ᑐᓂᕐᕈᓯᓚᐅᕐᑕ ᒎᑎᒧᑦ ᓂᕐᑐᐃᓂᕐᒥᒃ, ᑕᕝᕙ ᑐᓂᕐᕈᓯᕐᓂᕐᒥᒃ ᖃᓂᑦᑎᒍᑦ ᓇᓗᓁᕐᓯᓪᓗᑕ ᑖᑦᓱᒪ ᐊᑕᓂᐅᓂᖓᓂᒃ. 16ᓄᖅᑲᐅᑦᔨᓂᐊᕋᓯ ᐱᑦᓯᐊᕐᓂᕐᒥᒃ ᐱᖁᑎᑦᓯᓐᓂᒡᓗ ᑲᑐᑦᔨᖃᑎᖃᕐᓂᕐᒥᒃ, ᑕᒪᒃᑯᐊ ᑐᓂᕐᕈᑏᑦ ᒎᑎᐅᑉ ᖁᕕᐊᒋᖕᒪᒋᑦ.
17ᓯᕗᓕᕐᑎᓯ ᓈᓚᒃᓯᒋᒃ ᐱᖁᔨᓂᖏᓪᓗ ᐊᑐᑦᓯᐊᕐᓗᒋᑦ; ᑕᕐᓂᑦᓯᓐᓂᒃ ᑲᒪᒋᔭᖃᕐᒪᑕ, ᐱᓂᐊᕐᓂᕆᔭᒥᓂᒃᑕᐅᖅ ᓇᓗᓁᕐᓯᔭᕆᐊᖃᕈᒫᕐᒪᑕ ᒎᑎᒧᑦ. ᖁᕕᐊᓱᒡᓗᑎᒃ ᐱᓇᓱᐊᖁᓪᓗᒋᑦ, ᖁᕕᐊᓱᖏᑦᑑᖏᓪᓗᑎᒃ, ᖁᕕᐊᒋᖏᓪᓗᒍ ᐱᓇᓱᐊᕐᐸᑕ ᐃᓕᑦᓯᓐᓄᑦ ᐃᑲᔪᕐᓂᖃᑦᔮᖏᒻᒪᑕ.
18ᑐᒃᓯᐅᑎᑎᒍᑦ, ᖁᓚᖏᓐᓇᑦᑕ ᐸᓯᔭᒃᓴᐅᖏᑦᑐᒥᒃ ᐃᓱᒪᖃᕐᓂᑦᑎᓐᓂᒃ, ᑕᒤᑎᒍᓪᓗ ᐅᐱᓐᓇᕐᑐᒥᒃ ᐱᓇᓱᐊᕈᒪᓪᓗᑕ. 19ᕿᓄᕕᒋᕙᑦᓯ ᐊᒃᓱᕈᕐᓗᖓ ᒎᑎᒧᑦ ᑐᒃᓯᐊᖁᓪᓗᓯ ᐱᑦᔪᑎᒋᓗᖓ ᐃᓕᑦᓯᓐᓄᑦ ᐅᑎᕐᑎᑕᐅᔪᓐᓇᖁᓪᓗᖓ ᐊᑯᓂᐅᓗᐊᕐᑎᓐᓇᒍ.
ᓄᖅᑲᐅᑎᒃᑲᓐᓂᖅ ᑐᒃᓯᐊᕐᓂᕐᒥ
20ᒎᑎᐅᑉ ᓮᒻᒪᕐᑎᑦᓯᔨᐅᑉ ᑐᖁᖓᔪᓂᑦ ᒪᑭᑎᑦᓯᔫᑉ ᐊᑕᓂᑦᑎᓐᓂᒃ ᔩᓱᓯᒥᒃ, ᓰᐲᑦ ᐰᕐᓯᔨᕐᔪᐊᖓᓂᒃ, ᐊᖏᖃᑎᒌᖕᓂᐅᑉ ᐃᓱᖃᖏᑦᑑᑉ ᐊᐅᖓᓄᑦ, 21ᑖᑦᓱᒪ ᐱᔪᓐᓇᕐᑎᓪᓕᓯ ᐱᓂᐊᑦᓯᐊᕐᓂᕐᓂᒃ ᑕᒤᓐᓂᒃ ᐱᔪᓐᓇᑦᓯᖁᓪᓗᓯ ᑖᑦᓱᒪ ᐱᔪᒪᔭᖓᒍᑦ, ᐃᓗᑦᓯᓐᓂ ᐱᓇᓱᐊᕐᓗᓂ ᖁᕕᐊᒋᔭᒥᓂᒃ, ᔩᓱᓯ ᙭ᔅᑑᓯᒃᑯᑦ; ᑖᓐᓇ ᓂᕐᑐᕐᑕᐅᓕ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒥᓐ.
ᐅᖃᐅᓰᑦ ᓄᖅᑲᐅᓯᕈᑏᑦ
22ᕿᓄᕕᒋᕙᑦᓯ ᐅᒃᐱᖃᑎᒃᑲ, ᕿᓄᐃᓵᕐᓗᓯ ᐅᖃᐅᓰᑦ ᐱᕙᓪᓕᕈᑎᒃᓮᑦ ᓈᓚᒃᓯᐅᒃ, ᐃᓕᑦᓯᓐᓄᑦ ᑎᑎᕋᕐᑕᒃᑲ ᓁᑦᑑᒐᓗᐊᑦ. 23ᖃᐅᔨᒪᖁᕙᑦᓯ ᐅᒃᐱᖃᑎᕗᑦ ᑎᒧᑎ ᑎᒍᔭᐅᓯᒪᕕᖕᒥᑦ ᐊᓂᑎᑕᐅᓯᒪᓕᕐᒪᑦ, ᐊᑯᓂᐅᖏᑦᑐᖅ ᑎᑭᑐᐊᕐᐸᑦ ᐱᖃᑎᒋᓗᒍ ᐃᓕᑦᓯᓐᓄᑦ ᑎᑭᓐᓇᓱᐊᓛᕐᐳᖓ.
24ᓯᕗᓕᕐᑎᓕᒫᓯ ᑕᕝᕙᐅᕗᑏᕐᐸᕗᑦ ᐃᑦᔪᕐᓁᑎᑕᐅᓯᒪᔪᓕᒫᓪᓗ. ᐃᑕᓕᒥᐅᓪᓗ ᐅᒃᐱᖃᑎᑦᑕ ᑕᕝᕙᐅᕗᑏᕐᐹᓯ.
25ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᐃᓚᒋᔭᐅᒋᑦᓯ ᑕᒪᑦᓯ. ᐋᒥᓐ.
Currently Selected:
ᐄᑉᕈᐃᓄᑦ 13: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
