ᐂᓮᐊᓯᐅᑉ ᐊᒡᓚᖏᑦ 39
39
ᐹᐱᓘᓂᒥᐅᓂᑦ ᐅᖃᕆᐊᕐᑐᕐᑐᑦ ᑎᑭᓐᓂᖏᑦ
ᐊᑕᓃᑦ ᐂᑉᐸᖏᑦ 20:12-19
1ᑍᑦᓱᒪᓂᐅᑎᓪᓗᒍ ᓱᓕ ᐹᐱᓘᓂᒥᐅᑉ ᐊᖓᔪᖅᑳᕐᔪᐊᖓᑦ ᒥᕈᑖᒃ-ᐸᓚᑖᓐ ᐸᓚᑖᓂᐅᑉ ᐃᕐᓂᖓ ᑐᓴᕋᒥ ᐊᖓᔪᖅᑳᕐᔪᐊᖅ ᕼᐃᓯᑬᐊᐅᑉ ᖃᓂᒪᓚᐅᕐᓗᓂ ᐋᖅᑭᒃᑕᐅᓂᖓᓂᒃ ᑎᑎᕋᕐᕕᒋᕚ ᑐᔪᕐᓗᒍᓗ ᑐᓂᕐᕈᑎᒥᓂᒃ. 2ᑕᕝᕙ ᕼᐃᓯᑬᐊᐅᑉ ᑎᑭᑎᑕᐅᔪᑦ ᑐᓐᖓᓱᒃᑎᑉᐰᑦ; ᕿᒥᕐᕈᐊᕐᑎᓪᓗᓂᒋᓪᓗ ᐊᒃᓗᐃᓐᓂᕐᒥᓂᒃ, ᓯᐅᓪᕕᕆᖁᑎᒥᓂᒃ, ᒎᓗᖁᑎᒥᓂᒃ, ᓂᕿᓄᓪᓗ ᐃᓚᐅᕈᑎᒃᓴᖁᑎᒥᖕᓂᒃ, ᒪᒪᕐᓴᐅᑎᖁᑎᒥᖕᓂᒡᓗ ᐅᓇᑕᐅᑎᖁᑎᒥᖕᓂᒡᓗ, ᐱᖁᑎᒃᑯᕕᖕᒥᓃᑦᑐᓕᒫᓂᒃ ᕿᒥᕐᕈᑎᑉᐰᑦ ᐊᖓᔪᖅᑲᐅᕕᖕᒥᓃᑦᑐᓕᒫᓂᒡᓗ. 3ᑕᕝᕙ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᐂᓮᐊᓯ ᐊᖓᔪᖅᑳᕐᔪᐊᕐᒧᑦ ᕼᐃᓯᑬᐊᒧᐊᕐᐳᖅ ᐊᐱᕆᓪᓗᓂᓗ: “ᓇᑭᓄᑯᐊ ᐱᓯᒪᔪᑦ, ᖃᓄᕐᓗ ᐅᖃᕐᕕᐅᕖᑦ ᑖᒃᑯᓄᖓ?” ᕼᐃᓯᑬᐊᐅᑉ ᑭᐅᕚ, “ᐅᖓᓯᒃᑐᒥᑦ ᐅᑯᐊ ᑎᑭᓯᒪᔪᑦ ᐹᐱᓘᓂᒥᑦ.” 4ᐂᓮᐊᓯᐅᑉ ᐊᐱᕆᒃᑲᓐᓂᕐᐹ, “ᐊᖓᔪᖅᑲᐅᕕᖕᓂᒃ ᓱᓇᓂᒃ ᑕᑯᑎᖅᑲᐅᕕᒌᑦ?” ᕼᐃᓯᑬᐊᐅᑉ ᑭᐅᕚ, “ᓱᓇᓕᒫᑦᓯᐊᓂᒃ ᕿᒥᕐᕈᓇᒃᑎᖅᑲᐅᔭᒃᑲ, ᐱᖁᑎᓕᒫᑦᑎᓐᓂᒃ ᕿᒥᕐᕈᓐᖏᑕᖃᓐᖏᓚᑦ.” 5ᐂᓮᐊᓯᐅᑉ ᕼᐃᓯᑬᐊ ᐅᖃᐅᑎᓕᕆᕚ, “ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᐅᖃᐅᓯᖏᑦ ᑐᓴᓕᒃᑭᑦ; 6ᑕᑯᒋᑦ, ᐅᓪᓗᐃᑦ ᓇᓪᓕᐅᑎᔪᒫᕐᐳᑦ ᐊᖓᔪᖅᑲᐅᕕᖕᓃᑦᑐᓕᒫᑦ ᓯᕗᓕᑦᓯ ᑲᑎᕐᓱᐊᕆᓯᒪᔭᖏᑦ ᐅᓪᓗᒥᒧᑦ ᑎᑭᓪᓗᒍ, ᐹᐱᓘᓂᒧᑦ ᐊᐅᓪᓚᕈᑦᔭᐅᔪᒫᕐᐳᑦ, ᓇᓪᓕᐊᓐᓂᒡᓘᓐᓃᑦ ᐊᒥᐊᒃᑯᔭᐅᔪᒫᓐᖏᓚᑦ. 7#ᑖᓂᐊᓕ 1:1-7; ᐊᑕᓃᑦ ᐂᑉᐸᖏᑦ 24:10-16; ᑯᕉᓂᑲ ᐂᑉᐸᖏᑦ 36:10.ᓇᖕᒥᓂᖅ ᐃᕐᓂᕕᑦ ᐃᓚᖏᑦ ᕿᑐᕐᖓᕐᑖᕆᓚᐅᕐᑕᑎᑦ, ᐊᐅᓪᓚᕈᑦᔭᐅᔪᒫᕐᐳᑦ ᓄᓕᐊᕈᓐᓁᓪᓕᑎᑕᐅᓗᑎᒃ ᑭᒡᒐᕐᑐᕐᑎᐅᓕᕐᓗᑎᒡᓗ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᐃᒡᓗᖓᓂ.” 8ᑕᕝᕙ ᕼᐃᓯᑬᐊ ᐂᓮᐊᓯᒧᑦ ᐅᖃᕐᐳᖅ, “ᐊᑕᓂᐅᑉ ᐅᖃᐅᓯᖏᑦ ᐅᖃᕐᑕᑎᑦ ᐱᐅᕗᑦ.” ᐅᖃᕐᑕᖓ ᑐᑭᖃᕋᓱᒋᓚᐅᕐᐹ, “ᓮᓕᑦᓯᐊᕐᓇᕐᑐᒥᒃ ᖃᓄᐃᓐᓇᕐᑐᖃᖏᑦᑐᒥᒡᓗ ᐃᓅᕕᒋᓛᕋᓱᒋᓪᓗᒍ.”
Currently Selected:
ᐂᓮᐊᓯᐅᑉ ᐊᒡᓚᖏᑦ 39: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
