ᐂᓮᐊᓯᐅᑉ ᐊᒡᓚᖏᑦ 20
20
ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᐊᓐᓄᕌᖃᖏᓐᓂᖓᑕ ᑐᑭᓯᑦᔪᑎᒃᓴᐅᓂᖓ
1ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᓵᕐᒍᓂᐅᑉ ᐱᖁᔨᓂᖓᓄᑦ ᐊᓯᕆᐊᒥᐅᑦ ᐅᓇᑕᕐᑎᖁᑎᖏᑕ ᐊᖓᔪᖅᑳᖓᑦ ᐅᓇᑕᕆᐊᕐᕕᖃᓚᐅᕐᐳᖅ ᐱᓕᔅᑎᐊᒥ ᐃᒡᓗᒐᓴᒡᔪᐊᓂᒃ ᐋᔅᑖᑦᒥᐅᓂᒃ, ᓵᓚᒋᓪᓗᓂᒋᓪᓗ. 2ᐊᕐᕌᒍᑦ ᐱᖓᓱᑦ ᓯᕗᓂᖓᓂ ᐊᑕᓂᐅᑉ ᐂᓮᐊᓯ ᐂᒨᓯᐅᑉ ᐃᕐᓂᖓ ᐅᖃᐅᑎᓚᐅᕐᐹ, ᐃᑎᒐᒍᑎᒥᓂᒃ ᐲᕐᓯᖁᓪᓗᒍ ᐊᓐᓄᕅᔭᖁᓪᓗᓂᐅᒡᓗ ᕿᒃᓵᒃᑐᕐᓯᐅᑎᓂᒃ ᐊᑐᕐᑕᖏᓐᓂᒃ, ᐊᑕᓂᖅ ᓈᓚᒡᓗᒍ ᐱᓱᑲᑕᓕᓚᐅᕐᐳᖅ ᐃᑎᒐᒍᑎᖃᕋᓂ ᐊᓐᓄᕌᖃᕋᓂᓗ. 3ᑕᕝᕙ ᐊᑕᓂᖅ ᐅᖃᕐᐳᖅ, “ᐱᔨᒐ ᐂᓮᐊᓯ ᐊᕐᕌᒍᓂᒃ ᐱᖓᓱᓂᒃ ᐱᓱᑲᑕᖃᑦᑕᓚᐅᕐᐳᖅ ᐃᑎᒐᒍᑎᖃᕋᓂ ᐊᓐᓄᕌᖃᕋᓂᓗ, ᑕᒪᓐᓇ ᓇᓗᓁᒃᑯᑕᐅᕗᖅ ᑲᒪᓇᕐᑑᓪᓗᓂᓗ ᐄᑦᔨᑉᑎᒥᐅᑦ ᐃᑎᐅᐱᐊᒥᐅᓪᓗ ᐱᐅᓯᕆᔪᒫᕐᑕᖓᓐᓂᒃ. 4ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᑎᒍᔭᓂ ᐊᐅᓪᓚᕈᑎᔪᒫᕐᐰᑦ ᓄᓇᓕᖕᓂᑦ ᐃᑎᐅᐱᐊᒥᐅᓂᑦ ᒪᕐᕈᐃᖑᑎᓪᓗᒋᑦ ᐃᓐᓁᓪᓗ ᓄᑕᖅᑲᓪᓗ ᐱᓱᒍᒫᕐᐳᑦ ᐃᑎᒐᒍᑎᖃᖏᓪᓗᑎᒃ ᐊᓐᓄᕌᖃᖏᓪᓗᑎᒡᓗ ᐅᒃᐸᑎᖏᑦ ᓴᖅᑭᔮᕈᒫᕐᐳᑦ ᑲᓐᖑᓲᑎᒃᓴᐅᔪᒫᕐᐳᕐᓗ ᑕᒪᓐᓇ ᐄᑦᔨᑉᑎᒥᐅᓄᑦ. 5ᐃᑎᐅᐱᐊᒥᐅᓂᒃ ᑕᑎᒃᓴᕐᐸᓚᐅᕐᑐᑦ ᐄᑦᔨᑉᑎᒥᐅᓂᒡᓗ ᐱᐅᓯᑎᑦᓯᓯᒪᓗᐊᕐᐸᓚᐅᕐᑐᑦ ᓯᕘᕋᓕᕈᒫᕐᐳᑦ ᓂᕆᐅᒋᔭᒃᓮᕈᑎᓗᑎᒡᓗ. 6ᐅᓪᓗᐃᑦ ᑍᒃᑯᐊ ᓇᓪᓕᐅᑎᒃᐸᑕ ᐱᓕᔅᑎᐊᑉ ᓄᓇᖓᑕ ᓯᒡᔭᒥᐅᖁᑎᖏᑦ ᐅᖃᕈᒫᕐᐳᑦ, ᑕᑯᒋᑦ ᓴᐳᑦᔨᔨᒋᓂᐊᕋᓱᒋᓚᐅᕐᑕᕗᑦ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᐱᔪᓐᓇᕐᓂᖓᓂᑦ ᖃᓄᕐᓕ ᐃᓅᔪᒫᓕᕐᐱᑕ?”
Currently Selected:
ᐂᓮᐊᓯᐅᑉ ᐊᒡᓚᖏᑦ 20: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
