ᕼᐆᓯᐊᑉ ᐊᒡᓚᖏᑦ 8
8
ᐊᑕᓂᐅᑉ ᐱᐅᒃᓴᖏᓐᓂᖓ ᐃᓴᕆᐊᓕᒥᐅᑦ ᒎᑎᓐᖑᐊᓄᑦ ᑐᒃᓯᐊᖃᑦᑕᕐᓂᖏᓐᓂᒃ
1“ᐅᓇᑕᕐᑐᕐᓯᐅᑏᑦ ᑎᑦᑐᓚᐅᑏᑦ ᐊᑐᐃᓐᓇᕈᓕᕐᓯᐅᒃ, ᑎᖕᒥᐊᑦ ᑎᒥᕕᓂᕐᑐᓲᑦ ᐊᐅᕐᓵᓕᕐᒪᑕ ᐊᑕᓂᐅᑉ ᐃᒡᓗᖓᑕ ᖁᓛᓂ, ᐃᓄᖁᑎᒪ ᐊᖏᖃᑎᒌᒍᑎᒃᑲ ᓯᖁᒥᓚᐅᕐᒪᒋᑦ, ᐊᑭᕋᕐᑐᓕᕐᓗᑎᒡᓗ ᐱᖁᔭᓐᓂᒃ. 2ᐅᕙᓐᓄᑦ ᓂᓪᓕᐊᓚᐅᕐᐳᑦ, ‘ᒎᑎᒐ, ᐃᓴᕆᐊᓕᒥᐅᖑᔪᒍᑦ ᖃᐅᔨᒪᕙᑦᑎᒋᑦ.’ 3ᐃᓴᕆᐊᓕ ᐱᐅᔪᒥᒃ ᐊᕕᑦᓯᓚᐅᕐᒪᑦ; ᐊᑭᕋᖏᑕ ᒪᓕᒍᒫᕐᐹᑦ.
4“ᐊᖓᔪᖅᑳᕐᔪᐊᕐᑖᓚᐅᕐᐳᑦ ᐅᕙᒃᑰᖏᑦᑐᖅ. ᐊᖓᔪᖅᑳᖁᑎᑖᓚᐅᕐᐳᑦ ᐅᕙᓐᓂᒃ ᖃᐅᔨᑎᑦᓯᓚᐅᕋᑎᒃ. ᓯᐅᓪᕕᕆᒥᖕᓂᒃ ᒎᓗᒥᖕᓂᒡᓗ ᒎᑎᓐᖑᐊᓕᐅᓚᐅᕐᐳᑦ ᐊᓯᕈᕐᑕᐅᑦᔪᑎᒃᓴᒥᖕᓂᒃ. 5ᓄᕐᕋᐅᔮᕐᑐᓐᖑᐊᖅ ᒎᑎᓐᖑᐊᓯ ᓇᕐᕈᒋᕙᕋ ᓴᒥᐊᕆᐊ. ᓂᓐᖓᐅᒪᓂᕋ ᑖᒃᑯᓄᖓ ᑐᕌᓕᕐᐳᖅ. ᖃᓄᖅ ᐊᑯᓂᐅᑎᒋᔪᖅ ᐃᑦᔪᕐᓁᓐᓂᕐᒧᑦ ᑎᑭᐅᑎᓇᓱᐊᕐᓂᐊᕐᐹᑦ? 6ᐃᓴᕆᐊᓕᒥ: ᓴᓇᔩᑦ ᓴᓇᓯᒪᔭᖓ, ᒎᑎᐅᓐᖏᓚᖅ; ᓴᒥᐊᕆᐊᒥ ᓄᕐᕋᐅᔮᕐᑐᓐᖑᐊᖅ ᓯᖁᒥᑕᐅᔪᒫᕐᐳᖅ. 7ᐊᓄᕆᒥᒃ ᑲᓐᖓᕐᓱᐃᒍᑎᒃ, ᐅᓚᔪᔭᕐᔪᐊᒥᒃ ᑲᑎᕐᓱᐃᔪᒫᕐᐳᑦ. ᓂᐊᖂᔭᒃᓮᑦ ᓂᐊᖁᖃᓐᖏᓚᑦ, ᓂᕆᔭᒃᓴᒥᒃ ᐱᕈᕐᕕᐅᓂᐊᓐᖏᓚᑦ; ᐱᕈᕐᕕᐅᒐᓗᐊᕐᐸᑕ ᓄᓇᖅᑲᑎᒋᓐᖏᑕᖏᑕ ᓂᕆᔪᒫᕐᐰᑦ. 8ᐃᓴᕆᐊᓕ ᐄᔭᐅᓯᒪᕗᖅ; ᒫᓐᓇ ᐃᓅᖃᑎᒌᒡᔪᐊᓃᓕᕐᒪᑕ ᐴᒍᑕᕐᑎᑐᑦ ᐊᑑᑎᖃᖏᑦᑐᑎᑐᑦ ᑍᒤᓕᕐᐳᑦ. 9ᐊᓯᕆᐊᒧᐊᓚᐅᕐᒪᑕ, ᐱᖁᓐᓂᖏᑦᑐᑐᑦ ᓯᐅᑎᖅᑯᕐᑐᔪᑐᑦ ᐃᓄᑐᐊᑎᑐᑦ; ᐃᕗᕅᑎ ᐱᖃᑎᒃᓴᕐᓯᐅᕐᐳᖅ ᓄᓕᐊᕐᑎᓂᒃ. 10ᐃᓇᑦᓯᓚᐅᕋᓗᐊᕐᐳᑦ ᐃᓚᑖᕈᒪᓪᓗᑎᒃ ᐃᓅᖃᑎᒌᒡᔪᐊᓂᑦ, ᑲᑎᕐᓱᕐᓂᐊᕐᐸᒃᑲᓕ ᒫᓐᓇᑦᓴᐅᑎᒋᒃᑯᑦ. ᕿᒃᓵᒃᑎᑕᐅᑬᓐᓇᕈᒫᕐᐳᓪᓕ ᐊᖓᔪᖅᑳᕐᔪᐊᕐᒧᑦ ᑎᓕᔭᐅᓯᒪᔪᒧᑦ ᐊᖓᔪᖅᑳᖁᑎᖏᓐᓄᓪᓗ ᐅᖁᒤᒃᓴᕐᑎᑕᐅᓕᕈᑎᒃ.
11“ᐃᕗᕅᑎ ᐅᓄᕐᑐᓂᒃ ᑐᓂᕐᕈᓯᕐᕕᓕᐅᕐᓯᒪᖕᒪᑦ ᐊᔪᕐᑐᓕᓂᕐᒧᑦ, ᑖᒃᑯᓄᖓᓗ ᑐᓂᕐᕈᓯᕐᕖᑦ ᐊᔪᕐᑐᓕᓂᐅᓕᕐᐳᑦ. 12ᑎᑎᕋᕐᕕᒋᓚᐅᕋᓗᐊᕐᐸᒃᑲ ᐱᐅᔪᓂᒃ ᐱᖁᔭᓐᓂᒃ 10,000ᓂᒃ, ᐱᐅᒋᔭᐅᓚᐅᓐᖏᓚᓪᓕ ᑲᒪᓂᐊᕈᑕᐅᓪᓗᑎᒡᓗ. 13ᑐᓂᕐᕈᓯᕆᐊᒥᒃ ᐆᒪᔪᓂᒃ ᖁᕕᐊᒋᔭᖃᕐᐳᑦ; ᑐᓂᕐᕈᑎᕕᓃᓪᓗ ᓂᕆᕙᒡᓗᒋᑦ; ᐊᑕᓂᐅᓪᓕ ᖁᕕᐊᒋᓚᐅᓐᖏᓔᑦ. ᑕᕝᕙ ᐱᐅᖏᑦᑐᓕᓂᖏᑦ ᐃᖅᑲᓚᐅᕐᐰᑦ, ᐊᔪᕐᓂᖏᓪᓗ ᓱᒋᐊᕐᓗᒋᑦ; ᐄᑦᔨᑉᑎᒧᑦ ᐅᑎᕐᓂᐊᕐᐳᑦ.
14“ᐃᓴᕆᐊᓕᓕ ᐳᐃᒍᕐᓯᒪᖕᒪᑦ ᐱᓐᖑᕐᑎᑦᓯᔨᒥᓂᒃ, ᐃᒡᓗᕐᔪᐊᓕᐅᕐᓯᒪᓪᓗᓂᓗ ᐊᖓᔪᖅᑳᒃᑯᕕᖕᓂᒃ; ᔫᑕᓗ ᐅᓄᕐᑐᓂᒃ ᓴᐴᓗᑕᓕᖕᓂᒃ ᐃᒡᓗᒐᓴᓕᐅᕐᓯᒪᓕᕐᐳᖅ; ᐃᒡᓗᒐᓴᖏᓪᓕ ᐃᑯᐊᓪᓚᒃᑕᐅᑎᑦᓱᒫᕐᐸᒃᑲ, ᑐᓐᖓᕕᒋᔭᖏᓪᓗ ᓄᖑᑕᐅᔪᒫᕐᐳᑦ.”
Currently Selected:
ᕼᐆᓯᐊᑉ ᐊᒡᓚᖏᑦ 8: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
