ᕼᐆᓯᐊᑉ ᐊᒡᓚᖏᑦ 7
7
1“ᐋᖅᑭᒍᒪᒐᓗᐊᕋᒃᑭᑦ ᐃᓴᕆᐊᓕᒥᐅᑦ, ᐱᐅᖏᑦᑐᓂᒃ ᐃᕗᕅᒥᐅᑦ ᐱᓇᓱᐊᕐᓂᖏᑦ ᓴᖅᑭᑉᐳᑦ, ᓴᒥᐊᕆᐊᒥᐅᓪᓗ ᐱᐅᖏᑦᑐᓕᓂᖏᑦ; ᓱᓕᖏᑦᑐᓂᒃ ᐋᖅᑮᖃᑎᖃᖃᑦᑕᕐᐳᑦ, ᑎᒡᓕᒃᑏᑦ ᐃᒡᓗᓄᑦ ᐃᓵᖃᑦᑕᕐᐳᑦ, ᐊᖅᑯᑎᒦᑦᑐᓂᒡᓗ ᑎᒡᓕᒐᕐᕕᖃᖃᑦᑕᕐᓗᑎᒃ. 2ᐃᓱᒪᓚᐅᕐᓯᒪᓐᖏᓚᓪᓘᓐᓃᑦ ᐱᐅᖏᑦᑐᓕᓂᖏᓐᓂᒃ ᐃᖅᑲᐅᒪᒐᔭᕐᓂᓐᓂᒃ; ᐊᔪᕐᑐᓕᓂᕐᒥᖕᓄᑦ ᐃᓗᒪᔭᐅᓕᕐᐳᑦ, ᑮᓇᕐᒪᓗ ᓯᕗᕌᓃᑉᐳᑦ.”
ᓯᓔᕐᕆᒃᓯᓇᓱᐊᕐᓃᑦ ᐊᖓᔪᖅᑳᕐᔪᐊᖃᕐᕕᖕᒦᑦᑐᓄᑦ
3“ᐊᖓᔪᖅᑳᕐᔪᐊᖅ ᖁᕕᐊᓱᒃᑎᑉᐹᑦ ᐱᐅᖏᑦᑐᓕᓂᕐᒥᖕᓄᑦ, ᐊᖓᔪᖅᑳᖁᑎᖏᓪᓗ ᓴᒡᓗᓂᒃᑯᑦ ᓯᓔᕐᕆᕔᑦ. 4ᐊᓯᓐᓂᐊᕐᑏᓐᓇᐅᕗᑦ; ᓂᕿᓕᐅᕐᕕᒃᑐᑦ ᐆᓇᕐᑐᑐᑦ ᑍᒤᑉᐳᑦ, ᓂᐊᖂᔭᓕᐅᕐᑎᒧᑦ ᐃᑯᐊᓪᓚᒃᓴᕐᑕᐅᓚᐅᖏᑦᑐᑐᑦ, ᓂᐊᖂᔭᓕᐊᖓ ᐳᕙᓪᓚᓚᐅᖏᓐᓂᖓᓂ. 5ᐊᖓᔪᖅᑳᕐᔪᐊᑦᑕ ᐊᖓᔪᖅᑳᖁᑎᖏᑕᓗ ᐅᓪᓗᖓᓐᓂ ᖃᓂᒻᒪᒃᐳᑦ ᕔᓂᐅᑉ ᐆᓇᕐᓯᑎᑦᓯᓂᖓᓄᑦ; ᑕᕝᕙ ᐊᒡᒐᓂ ᐃᓴᒃᐰᑦ ᒥᑕᐅᑎᖃᕐᑎᓄᑦ. 6ᓂᕿᓕᐅᕐᕕᒃᑐᑦ ᐆᒻᒪᑎᖏᑦ ᐆᑕᐅᕗᑦ ᐊᑭᕋᕐᑐᕋᓱᐊᕐᓂᕐᒧᑦ; ᐅᓐᓄᐊᓕᒫᖅ ᓂᓐᖓᐅᒪᓂᖏᑦ ᐃᓯᐊᕿᕗᑦ, ᑕᕝᕙ ᐅᓪᓛᒃᑯᑦ ᐃᑯᐊᓪᓚᒃᐳᑦ ᐃᑯᐊᓚᓕᕐᓗᑎᒃ.
7“ᐃᓘᓐᓇᑎᒃ ᐆᓇᒻᒪᕆᓕᕋᒥᒃ ᓂᕿᓕᐅᕐᕕᒃᑐᑦ, ᑕᕝᕙ ᐃᓄᐊᕐᐳᑦ ᐊᐅᓚᑦᓯᔨᒥᖕᓂᒃ. ᐊᖓᔪᖅᑳᓕᒫᖏᑦ ᐃᓄᐊᕐᑕᐅᕗᑦ; ᓇᓪᓕᐊᓐᓄᓪᓘᓐᓃᓪᓕ ᑐᒃᓯᐊᕐᕕᐅᓚᐅᓐᖏᓚᖓ.”
ᐃᓴᕆᐊᓕᒥᐅᑦ ᐃᓅᖃᑎᒌᒡᔪᐊᓪᓗ
8“ᐃᕗᕅᒥᐅᑦ ᐃᓄᖏᑦ ᐃᒻᒥᖕᓄᑦ ᑲᑦᑐᓯᐅᑎᕗᑦ ᐃᓅᖃᑎᒌᒡᔪᐊᓄᑦ; ᓂᐊᖂᔭᑎᑐᑦ ᒧᒥᒃᓯᒪᖏᑦᑐᑎᑐᑦ ᐂᐸᔪᑎᑐᑦ ᑍᒤᑉᐳᑦ. 9ᖃᐅᔨᒪᓐᖏᓚᑦ ᑕᐱᖃᕐᓂᕐᒥᖕᓄᑦ ᓲᖑᓂᒃᓴᖏᑦ ᓄᖑᑕᐅᖕᒪᑕ; ᓂᐊᖁᖏᑦ ᕿᑦᔭᒃᑎᑕᐅᓕᕐᐳᑦ, ᑕᒪᑐᒥᖓᓕ ᖃᐅᔨᓐᖏᓚᓪᓘᓐᓃᑦ. 10ᐃᓴᕆᐊᓕᒥᐅᑦ ᐃᓄᖏᑕ ᐱᐅᔪᕆᓂᖏᑦ ᐃᒻᒥᖕᓄᑦ ᐊᑭᕋᕐᑐᕐᐳᑦ; ᓱᓕᓕ ᐅᑎᓚᐅᓐᖏᓚᑦ ᐊᑕᓂᕐᒧᑦ ᒎᑎᒥᖕᓄᑦ, ᑖᑦᓱᒥᖓᓗ ᕿᓂᓚᐅᕋᑎᒃ, ᑕᒪᒃᑯᐊ ᐊᑐᕐᑎᓪᓗᒋᑦ. 11ᐃᕗᕅᒥᐅᑦ ᑑᕕᑎᑐᑦ ᓯᓔᑦᑐᑎᑐᑦ ᓇᒧᑐᐃᓐᓈᕐᑐᑎᑐᑦ ᑍᒤᑉᐳᑦ, ᐄᑦᔨᑉᑎᒧᑦ ᐃᑲᔪᕐᑕᐅᔪᒪᕗᑦ, ᑭᖑᓂᐊᒍᑦ ᐊᓯᕆᐊᒧᑦ ᐂᓪᓗᑎᒃ. 12ᐃᖏᕐᕋᑎᓪᓗᒋᑦ ᓄᓗᐊᒃᑲ ᐃᓯᕕᑦᓱᒫᕐᐸᒃᑲ ᑖᒃᑯᓄᖓ; ᓄᓗᐊᕐᑎᓪᓗᒋᑦ ᑎᖕᒥᐊᑎᑐᑦ ᖃᖓᑕᑎᓪᓗᒋᑦ ᑲᑕᒃᑎᑕᐅᔪᑎᑐᑦ; ᓱᒋᐊᕈᒫᕐᐸᒃᑲ ᐱᐅᖏᑦᑐᓕᓂᖏᑦ ᐱᓪᓗᒋᑦ.
13“ᑲᑉᐱᐊᓐᓇᒦᒃ ᑖᒃᑯᐊ, ᐅᕙᓐᓂᒃ ᕿᒤᓚᐅᕐᒪᑕ! ᐅᕙᓐᓂᒃ ᐊᑭᕋᕐᑐᓕᓚᐅᕐᒪᑕ, ᐊᓯᕈᕐᑕᐅᔪᒫᓕᕐᐳᑦ! ᐱᐅᓕᔪᒪᓚᐅᕋᓗᐊᕐᐸᒃᑲ, ᐅᕙᓐᓂᒡᓕ ᓴᒡᓗᑦᔪᑎᖃᓚᐅᕐᐳᑦ. 14ᐆᒻᒪᑎᒥᖕᓂᑦ ᐱᔪᒥᒃ ᐱᓇᑎᒃ ᑐᒃᓯᐊᕐᕕᒋᓚᐅᕐᐹᖓ, ᐃᓐᓇᖓᕕᖕᒥᖕᓂᑦ ᐃᓚᓐᓂᕐᓴᕐᓗᑎᒃ ᑐᒃᓯᐊᕐᕕᒋᓚᐅᕋᓗᐊᕐᐹᖓ; ᕿᓄᓪᓗᑎᒃ ᓂᐊᖂᔭᒃᓴᒥᒃ ᕔᓂᒥᒡᓗ ᐃᒻᒥᖕᓂᒃ ᑭᓪᓕᐊᓪᓗᑎᒃ, ᐅᕙᓐᓂᒃ ᐊᑭᕋᕐᑐᓚᐅᕐᐳᑦ. 15ᐱᔭᕆᐅᕐᓴᕐᑎᓚᐅᕋᓗᐊᕐᐸᒃᑲ ᓲᖑᓯᑎᓪᓗᒋᓪᓗ, ᐅᕙᓐᓄᓪᓕ ᐱᐅᖏᑦᑐᒥᒃ ᐊᑭᕋᕐᑐᓕᓚᐅᕐᐳᑦ. 16ᒎᑎᓐᖑᐊᓄᑦ ᓵᖃᑦᑕᕐᐳᑦ; ᐱᑎᒃᓯᐅᕗᑦ ᑐᕚᕆᔭᒃᓴᐅᖏᑦᑐᑦ, ᐊᖓᔪᖅᑳᖁᑎᖏᑦ ᑐᖁᔪᒫᕐᐳᑦ ᓴᕕᒡᔪᐊᓄᑦ ᖃᓂᒃᑯᑦ ᒥᑕᐅᑎᖃᖃᑦᑕᓚᐅᕐᒪᑕ. ᑕᒪᓐᓇᓗ ᐄᑦᔨᑉᑎᒥᐅᓄᑦ ᒥᑕᐅᑕᐅᑦᔪᑎᒋᔪᒫᕐᐹᑦ.”
Currently Selected:
ᕼᐆᓯᐊᑉ ᐊᒡᓚᖏᑦ 7: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
