ᕼᐆᓯᐊᑉ ᐊᒡᓚᖏᑦ 9
9
ᕼᐆᓯᐊᑉ ᓇᓗᓁᕐᓯᓂᖓ ᐃᓴᕆᐊᓕᒥᐅᑦ ᓱᒋᐊᕐᑕᐅᓂᒃᓴᖓᓂᒃ
1ᖁᕕᐊᓱᒃᑍᓕᒋᑦ, ᐆ ᐃᓴᕆᐊᓖ, ᐃᓅᖃᑎᑦᓯ ᓇᓪᓕᐅᓐᓂᕐᓯᐅᕐᓂᖏᑎᑐᑦ ᖁᕕᐊᓲᑎᖃᕐᓂᐊᕐᓇᒃ; ᐊᑐᒐᕐᓂᒃ ᐱᓇᓱᐊᖃᑦᑕᕋᑦᓯ, ᒎᑎᑦᓯᓐᓂᒃ ᕿᒤᓪᓗᓯ. ᐊᑐᒐᕐᓂᒃ ᐊᑭᓖᓪᓗᓯ ᐱᓇᓱᐊᕐᓯᒪᒐᑦᓯ ᐃᕖᔧᕖᑦ ᓇᑎᖏᓐᓂ. 2ᐃᕖᔧᕕᐅᑉ ᓇᑎᖓᑕ ᕔᓂᓕᐅᕐᕕᐅᓪᓗ ᓂᕆᑎᓐᓂᐊᓐᖏᓔᑦ, ᕔᓂᐅᓪᓗ ᓄᑖᑉ ᐱᔪᓐᓇᕐᑎᑦᓱᒫᓐᖏᓔᑦ. 3ᐃᓂᕾᓐᓇᕈᒫᓐᖏᓚᓪᓗ ᐊᑕᓂᐅᑉ ᓄᓇᖓᓂ; ᐃᕗᕅᒥᓕ ᐅᑎᕈᒫᕐᐳᖅ ᐄᑦᔨᑉᑎᒧᑦ, ᓂᕆᔪᒫᕐᐳᓪᓗ ᓂᕿᓂᒃ ᓇᕐᕈᓇᕐᑐᓂᒃ ᐊᓯᕆᐊᒥ. 4ᕔᓂᒥᒡᓗ ᑐᓂᕐᕈᓯᕈᒫᓐᖏᓚᑦ ᐊᑕᓂᕐᒧᑦ, ᑐᓂᕐᕈᑎᖏᓪᓗ ᖁᕕᐊᒋᔭᐅᔪᒫᓐᖏᓚᑦ ᑖᑦᓱᒧᖓ. ᓂᐊᖂᔭᖏᓪᓗ ᕿᒃᓵᒃᑐᑦ ᓂᐊᖂᔭᖁᑎᖏᑎᑑᕈᒫᕐᐳᑦ; ᓂᕆᔪᓕᒫᓪᓗ ᓇᕐᕈᓇᕐᓯᑎᑕᐅᔪᒫᕐᐳᑦ; ᓂᐊᖂᔧᑦ ᑳᒍᓐᓁᕈᑎᒋᓇᓱᐊᑐᐃᓐᓇᕈᒫᕐᒪᒋᑦ; ᐊᑕᓂᐅᑉ ᐃᒡᓗᖓᓄᐊᕈᑦᔭᐅᔪᒫᓐᖏᓚᑦ. 5ᖃᓄᐃᓕᐅᕈᒫᕐᐱᓰ ᓇᓪᓕᐅᓐᓂᕐᓯᐅᕐᕕᐅᖁᔭᐅᓯᒪᔫᑉ ᐅᓪᓗᖏᓐᓂ, ᐊᑕᓂᐅᓪᓗ ᓇᓪᓕᐅᓐᓂᕐᓯᐅᕐᑕᐅᓂᖓᑕ ᐅᓪᓗᖓᓂ? 6ᑕᑯᒋᑦ, ᐊᓯᕈᕐᑕᐅᓂᕐᒥᑦ ᕿᒫᓇᓱᐊᕐᐳᑦ; ᐄᑦᔨᑉᑎᒥᐅᓪᓕ ᑲᑎᕐᓱᕈᒫᕐᐰᑦ, ᒥᒻᐱᓯᒥᐅᓪᓗ ᐃᓗᕕᕈᒫᕐᐰᑦ. ᓯᐅᓪᕕᕆᖁᑎᖏᑕᓗ ᐃᓂᖏᑦ ᐱᕈᕐᓂᕐᓗᒃᑐᓄᑦ ᐱᕈᕐᕕᐅᔪᒫᕐᐳᑦ, ᐅᕐᐱᒊᓪᓗ ᑲᑭᓪᓚᕐᓇᕐᑐᑦ ᑐᐱᖏᓐᓂ ᐱᕈᕈᒫᕐᐳᑦ.
7 #
ᓘᑲᓯ 21:22. ᐅᓪᓗᐃᑦ ᓱᒋᐊᕐᑕᐅᕖᑦ ᑎᑭᑉᐳᑦ, ᐅᓪᓗᐃᓪᓗ ᐊᑭᓕᕐᑕᐅᕖᑦ ᑎᑭᑉᐳᑦ; ᐃᓴᕆᐊᓕ ᖃᐅᔨᓂᐊᕐᐳᖅ. ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᓯᓔᑦᑑᕗᖅ, ᐊᓂᕐᓂᓕᕆᔪᕐᓗ ᐃᓱᒤᕈᑎᕗᖅ, ᐱᐅᖏᑦᑐᓕᓂᓯ ᐊᖏᓗᐊᕐᓂᖓᓄᑦ ᐆᒥᓱᖕᓂᓯᓗ ᐊᖏᓗᐊᕐᓂᖓᓄᑦ. 8ᐃᕗᕅᑎᐅᑉ ᖃᐅᔨᓴᕐᑎᖓ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᒋᕚ, ᒎᑎᒪ ᐃᓄᖁᑎᖏᓐᓂ, ᑍᒪᓐᖓᓪᓕ ᓂᒐᕐᑎᑕᐅᓇᓱᐊᕐᐳᖅ ᐆᒥᓱᒃᑎᒧᑦ, ᒎᑎᖓᑕᓗ ᐃᒡᓗᖓᓂ ᐆᒥᒋᔭᐅᕗᖅ. 9#ᐃᓗᐊᕐᓮᔩᑦ 19:1-30.ᑖᒃᑯᐊ ᐃᒻᒥᖕᓂᒃ ᐃᑎᔪᒥᒃ ᓱᒃᑯᑎᕐᓯᒪᕗᑦ ᒋᐱᐊᑉ ᐅᓪᓗᖏᓐᓂ ᐱᔪᖃᓚᐅᕐᑐᑎᑐᑦ: ᐱᐅᖏᑦᑐᓕᓂᖏᑦ ᐃᖅᑲᐅᒪᓂᐊᕐᐰᑦ, ᐊᔪᕐᓂᖏᓪᓗ ᓱᒋᐊᕈᒫᕐᐰᑦ.
ᐃᓴᕆᐊᓕᐅᑉ ᐊᔪᕐᓂᖏᑦ ᐱᓂᐊᕐᓂᖏᓪᓗ
10 #
ᒨᓯᓯ ᓯᑕᒪᖏᑦ 25:1-5. “ᐃᓴᕆᐊᓕ ᓇᓂᕙᕋ, ᐸᐅᕐᖓᑎᑐᑦ ᐃᓄᖃᔪᐃᑦᑐᒦᑦᑐᑎᑐᑦ, ᓇᐹᕐᑑᑉ ᐱᒋᓕᖕᓂᒃ ᐸᐅᕐᖓᓕᐅᑉ ᓯᕗᓪᓕᕐᐹᒥᒃ ᐱᕈᕐᑎᑕᖏᑎᑐᑦ ᐊᕐᕌᒍᖏᑕ ᓯᕗᓪᓕᕐᐹᖓᓂ, ᓯᕗᓕᓯ ᑕᑯᓚᐅᕐᐸᒃᑲ. ᐂᓚᐅᕐᐳᓪᓕ ᐰᓕ-ᐱᐅᕆᒧᑦ, ᐃᒻᒥᖕᓂᒡᓗ ᓴᓂᕐᕙᒃᑎᓚᐅᕐᐳᑦ ᐰᓕᒧᑦ, ᐃᒻᒥᖕᓂᒡᓗ ᐱᐅᖏᑦᑐᒧᐊᕐᑎᓚᐅᕐᐳᑦ ᐱᐅᒋᔭᒥᓂ ᐊᑐᕐᓂᕐᒥᖕᓄᑦ. 11ᐃᕗᕅᑎᒥᐅᓪᓕ ᐱᓐᓇᕐᓇᕐᓂᖓ ᑎᖏᔪᒫᕐᐳᖅ ᑎᖕᒥᐊᑎᑐᑦ ᐃᕐᓂᐊᖑᔪᖃᕋᓂ, ᓯᖎᔪᖃᕋᓂ, ᕿᑐᕐᖓᒃᓴᕐᑖᕐᑐᖃᕋᓂᓗ. 12ᕿᑐᕐᖓᒥᖕᓂᒡᓗ ᐱᕈᐃᒐᓗᐊᕈᑎᒃ, ᕿᒃᓵᒃᑎᑦᓱᒫᕐᐸᒃᑲ ᐊᒥᐊᒃᑯᖃᕈᓐᓃᕐᑎᓪᓗᒋᑦ. ᑲᑉᐱᐊᓐᓇᒦᒃ ᑖᒃᑯᐊ ᕿᒪᒍᒃᑭᑦ!”
13ᐃᕗᕅᑎᐅᑉ ᕿᑐᕐᖓᖏᑦ ᑍᕆᒥᐅᑦ ᑕᑯᓚᐅᕋᒃᑭᑦ, ᐂᑦᑑᑕᐅᓕᕐᑎᓪᓗᒋᑦ ᓂᕿᒃᓴᐅᓂᐊᕐᑐᑐᑦ; ᐃᕗᕅᑎᐅᓪᓗ ᕿᑐᕐᖓᓂ ᐊᓂᑎᓐᓂᐊᕐᐰᑦ ᑐᖁᑕᐅᖁᓪᓗᒋᑦ. 14ᑐᓂᓯᕕᒋᓚᐅᒃᑭᑦ ᐊᑕᓃᖅ, ᓱᓇᒥᒃ ᑐᓂᓯᕕᒋᓂᐊᕐᐱᒌᑦ? ᐃᒡᓕᐊᖏᑦ ᐃᕐᓂᐊᕐᓗᖁᓪᓗᒋᑦ ᐊᒫᒪᖏᓪᓗ ᐃᒻᒧᐃᕈᑎᖁᓪᓗᒋᑦ.
ᐊᑕᓂᐅᑉ ᐃᖅᑲᕐᑐᐃᓂᖓ ᐃᓴᕆᐊᓕᒥᒃ
15“ᐱᐅᖏᑦᑐᓕᓂᓕᒫᖏᑦ ᒋᐅᓪᒐᐅᓪᒦᑉᐳᑦ; ᑕᕝᕙᓃᑦᑐᑦ ᐆᒥᒋᕙᒃᑲ. ᐊᔪᕐᑐᓕᓂᖏᑦ ᐱᑦᔪᑎᒋᓪᓗᒋᑦ ᐃᒡᓗᓐᓂᑦ ᐊᓂᑎᓐᓂᐊᕐᐸᒃᑲ. ᓇᒡᓕᒋᓂᐊᕈᓐᓁᕐᐸᒃᑲ; ᐊᖓᔪᖅᑳᖁᑎᓕᒫᖏᑦ ᐊᑭᕋᕐᑐᕐᒪᑕ. 16ᐃᕗᕅᑎ ᓱᒋᐊᕐᑕᐅᕗᖅ, ᐊᒫᖏᑦ ᐸᓂᕐᒪᑕ, ᐱᕈᕐᕕᐅᓂᐊᕈᓐᓁᕐᐳᖅ. ᕿᑐᕐᖓᕐᑖᕋᓗᐊᕐᐸᑕ, ᓇᒡᓕᒋᒻᒪᕆᒃᑕᖏᑦ ᑐᖁᓐᓂᐊᕐᐸᒃᑲ.”
ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᐅᖃᐅᓯᖏᑦ ᐃᓴᕆᐊᓕᒥᐅᑦ ᐱᓪᓗᒋᑦ
17ᒎᑎᒪ ᐃᒋᑦᓱᒫᕐᐰᑦ, ᑖᑦᓱᒥᖓ ᓈᓚᓚᐅᖏᒻᒪᑕ; ᓇᓂᑐᐃᓐᓈᕐᑐᓄᑦ ᐃᓅᖃᑎᒌᒡᔪᐊᓄᑦ ᐂᖃᑦᑕᕈᒫᕐᐳᑦ ᓄᓇᖃᓪᓚᕆᖏᓪᓗᑎᒃ.
Currently Selected:
ᕼᐆᓯᐊᑉ ᐊᒡᓚᖏᑦ 9: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
