ᕼᐆᓯᐊᑉ ᐊᒡᓚᖏᑦ 6
6
ᐃᓄᐃᑦ ᓱᓕᒻᒪᕆᒐᑎᒃ ᖃᕿᐊᓕᕐᓂᖓᑦ
1“ᕾᓗᓯ ᐅᑎᓚᐅᕐᑕ ᐊᑕᓂᕐᒧᑦ; ᑖᑦᓱᒪ ᐋᓐᓂᕐᓯᒪᖕᒪᑎᒍᑦ, ᐋᖅᑭᒍᒪᓪᓗᑕ; ᑖᑦᓱᒪ ᐃᑭᓕᕐᓯᒪᖕᒪᑎᒍᑦ, ᑖᑦᓱᒪᓗ ᒪᑦᑐᓯᕐᓂᐊᕐᐹᑎᒍᑦ. 2ᐅᓪᓘᒃ ᒪᕐᕉᒃ ᐊᓂᒍᕐᐸᑎᒃ ᐆᒻᒪᕐᑎᓐᓂᐊᕐᐹᑎᒍᑦ; ᐅᓪᓗᑦ ᐱᖓᔪᐊᓐᓂ ᒪᑭᑎᓐᓂᐊᕐᐹᑎᒍᑦ, ᐃᓅᓕᖁᓪᓗᑕ ᑖᑦᓱᒪ ᓵᖓᓂ. 3ᖃᐅᔨᓕᕐᓚᕗᑦ, ᖃᐅᔨᕚᓪᓕᕋᓱᓚᐅᕐᓚᕗᑦ ᐊᑕᓂᖅ; ᑕᕝᕙ ᐅᕙᑦᑎᓐᓄᑦ ᕾᓂᐊᕐᐳᖅ ᐅᓪᓘᑉ ᖃᐅᓕᕐᓂᖓᑐᑦ; ᐅᐱᕐᖓᒃᓵᒃᑯᑦ ᓯᓚᓗᒡᕕᐅᓕᕐᑐᑎᑐᑦ.”
4ᐊᑕᓂᕐᓕ ᐅᖃᕐᐳᖅ, “ᐃᕗᕅᒦ ᔫᑖᓗ ᐃᓕᑦᓯᓐᓅᑦ ᖃᓄᐃᓕᐅᕐᑐᒃᓴᐅᕗᖔ? ᓇᒡᓕᖕᓂᓯ ᓄᖑᑉᐸᖕᒪᑦ ᑕᒃᓯᕐᑎᑐᑦ ᐅᓪᓛᒃᑯᑦ ᐊᓯᐅᕙᒃᑐᑎᑐᑦ; ᐂᔪᖓᔪᑎᑐᓪᓗ ᖃᑯᐊᕐᑎᓯᒪᔪᑎᑐᑦ ᐅᓪᓘᑉ ᐱᒋᐊᕐᓂᖓᓂ ᐊᓯᐅᕙᒃᑐᑐᑦ. 5ᑍᒤᒻᒪᑦ ᐱᔪᖃᓛᕐᑐᒥᒃ ᐅᖃᕐᑎᒃᑲ ᑎᓕᓚᐅᕐᐸᒃᑲ, ᐅᖃᕆᐊᕐᑐᖁᓪᓗᒋᑦ ᐅᖃᐅᓯᕐᓄᑦ ᑐᖁᓚᐅᕐᐸᒃᑲ, ᐃᖅᑲᕐᑐᐃᓂᕋᓗ ᐱᒋᐊᓚᐅᕐᐳᖅ ᖃᐅᒻᒪᓕᕐᑐᑎᑐᑦ. 6#ᒫᑎᐅᓯ 9:13; 12:7.ᓇᒡᓕᖕᓂᓯ ᓱᖁᓯᔪᐃᑦᑐᖅ ᐱᔪᒪᕙᕋ ᐆᒪᔪᓂᒃ ᑐᓂᕐᕈᓯᕐᓂᐅᖏᑦᑐᖅ, ᒎᑎᒥᒃ ᖃᐅᔨᖁᕙᒃᑲ, ᑐᓂᕐᕈᑎᓂᑦ ᐃᑯᐊᓪᓚᑎᑦᓯᓂᑐᐃᓐᓇᐅᖏᑦᑐᒥᒃ.
7“ᐋᑕᒥᑐᓪᓕ ᐊᖏᖃᑎᒌᖕᓂᕆᓚᐅᕐᑕᕗᑦ ᓯᖁᒥᓚᐅᕐᐹᑦ; ᑕᕝᕙᓂᓗ ᐅᕙᓐᓄᑦ ᐅᒃᐱᕐᓂᕐᒥᓂᒃ ᑲᔪᓯᔪᓐᓃᓚᐅᕐᐳᑦ. 8ᒋᓕᐊᑏᑦ ᐃᒡᓗᒐᓴᐅᕗᑦ ᐃᓄᖃᕐᑐᖅ ᐱᐅᖏᑦᑐᓕᔪᓂᒃ, ᐃᓄᐊᕐᑎᓂᒡᓗ. 9ᑐᓂᕐᕈᓯᕐᑎᓯᔩᑦ ᑕᕝᕙᓂ ᑎᒡᓕᒃᑎᑐᑦ ᑍᒤᑉᐳᑦ ᐅᑕᖅᑭᕙᒃᑐᑐᑦ ᐅᐸᓗᐃᓪᓗᒋᑦ ᐃᓄᖕᒥᒃ ᓵᓚᒋᓪᓗᒍ ᑎᒡᓕᒃᐸᒃᑐᑐᑦ; ᐊᒡᓛᑦ ᐊᖅᑯᑎᒃᑯᒃ ᓯᑭᒻᒧᐊᖓᔪᒥ ᐃᓄᐊᕐᐸᒃᐳᑦ, ᑍᒫᒡᓗ ᐱᐅᖏᑦᑐᓂᒃ ᐱᓇᓱᐊᕐᐸᒃᐳᑦ. 10ᑕᑯᓯᒪᕗᖓ ᐱᐅᖏᑦᑐᐊᓗᖕᓂᒃ ᐃᓴᕆᐊᓕᐅᑉ ᑭᖑᕚᖏᓐᓂ; ᐃᓄᖁᑎᒃᑲ ᐃᕗᕅᒥᐅᑦ ᑕᕝᕙᓂ ᐊᓯᓐᓂᐊᖃᑦᑕᕐᐳᑦ ᐊᑐᒐᕐᓂᒃ ᐱᖃᑎᑲᕐᑐᑎᑐᑦ, ᐃᓴᕆᐊᓕᒥᐅᑦ ᓇᕐᕈᓇᕐᑎᑕᐅᕗᑦ.
11“ᐃᓕᑦᓯᓗ, ᔫᑕᐅᑉ ᐃᓄᖏᑦ, ᑲᑎᕐᓱᐃᕕᒃᓴᒥᒃ ᐋᖅᑮᕕᒋᓯᒪᕙᑦᓯ, ᐃᓄᖁᑎᒃᑲ ᐅᑎᕐᑎᓕᕈᒃᑭᑦ ᐱᕙᓪᓕᐅᑎᒃᓴᖏᓐᓂᒃ.”
Currently Selected:
ᕼᐆᓯᐊᑉ ᐊᒡᓚᖏᑦ 6: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
