ᕼᐆᓯᐊᑉ ᐊᒡᓚᖏᑦ 14
14
ᕼᐆᓯᐊᑉ ᓴᐳᓐᓂᐊᕐᓂᖓ ᐃᓴᕆᐊᓕᒥᒃ
1ᐃᓴᕆᐊᓖ, ᐅᑎᓚᐅᕆᑦ ᐊᑕᓂᕐᒧᑦ ᒎᑎᖕᓄᑦ, ᐹᓪᓚᒃᓯᒪᒐᕕᑦ ᐱᐅᖏᑦᑐᓕᓂᕐᓄᑦ. 2ᐅᖃᐅᓯᕐᓂᒃ ᑎᒍᓯᓕᕆᑦ ᐅᑎᕐᓗᑎᓪᓗ ᐊᑕᓂᕐᒧᑦ, ᐅᖃᐅᑎᓗᒍᓗ, “ᐱᐅᖏᑦᑐᓕᓂᓕᒫᑦ ᐲᔭᒃᑭᑦ; ᐱᐅᔪᑦ ᐃᓚᓕᐅᕐᓗᒋᑦ ᓮᒻᒪᕐᑎᑎᒍᑦ ᑕᕝᕙ ᑐᓂᓯᓂᐊᕐᐳᒍᑦ ᖃᓂᑦᑕ ᐱᕈᕐᑎᑕᖏᓐᓂᒃ. 3ᐊᓯᕆᐊᒧᑦ ᐱᐅᓕᔭᐅᓂᐊᓐᖏᓚᒍᑦ, ᕿᒻᒥᕐᔪᐊᒃᑰᕐᓂᐊᓐᖏᓚᒍᑦ; ᐅᖃᕐᓂᐊᕈᓐᓁᕐᐳᒍᓪᓗ, ‘ᒎᑎᕗᑦ,’ ᐊᒡᒐᑦᑕ ᓴᓇᓯᒪᔭᖏᓐᓄᑦ. ᐃᓕᖕᓂᑦ ᐃᓕᐊᕐᔪᐃᑦ ᓂᑲᒋᔭᐅᓂᕐᒥᒃ ᓇᒡᕚᕐᒪᑕ.”
ᐊᑕᓂᐅᑉ ᐃᓅᓯᕐᒥᒃ ᓄᑖᒥᒃ ᐃᓴᕆᐊᓕᒧᑦ ᐱᑎᑦᓯᓂᐊᕐᓂᕋᕐᓂᖓ
4“ᐋᖅᑭᖕᓂᐊᕐᐸᒃᑲ ᐅᒃᐱᖏᓐᓂᖏᓐᓂᑦ; ᓇᒡᓕᒋᓂᐊᕐᐸᒃᑲ ᐃᓱᒪᕐᓱᕐᓗᖓ, ᓂᓐᖓᐅᒪᓂᕋ ᓴᖑᖕᒪᑦ ᑖᒃᑯᓇᓐᖓᑦ. 5ᐅᓪᓛᒃᑯᑦ ᖃᑯᐊᕐᑎᓯᒪᔪᑐᑦ ᑍᒤᓐᓂᐊᕐᐳᖓ ᐃᓴᕆᐊᓕᒧᑦ; ᐱᕈᕐᓯᐊᑎᑐᑦ ᐱᕈᕐᓂᐊᕐᐳᖅ, ᐊᒫᖏᓪᓗ ᑕᑭᒡᓕᑎᓐᓂᐊᕐᐸᒃᑲ ᓇᐹᕐᑐᑎᑐᑦ ᖃᑯᕐᑕᑎᑐᑦ ᕾᕈᓕᒃᑎᑐᑦ ᓕᐸᓇᓂᒦᑦᑐᑎᑐᑦ. 6ᐊᕙᓚᖓᔪᖏᑦ ᓯᐊᒻᒪᒍᒫᕐᐳᑦ ᐃᓯᕕᖓᑦᓯᐊᕐᓗᑎᒃ; ᐅᕐᓱᒃᓴᓕᒃᑎᑐᑦ ᑕᑯᒥᓇᕐᓯᔪᒫᕐᐳᖅ, ᑎᐱᖓᓗ ᓕᐸᓇᓂᒥᐅᑎᑑᕈᒫᕐᓗᓂ. 7ᑖᒃᑯᐊ ᐅᑎᕈᒫᕐᐳᑦ ᑕᕐᕋᓕᓂᓐᓂᓗ ᐃᓂᖃᓕᕐᓗᑎᒃ, ᐱᕈᕐᐸᓪᓕᐊᓕᕈᒫᕐᐳᑦ ᓂᐊᖂᔭᒃᓴᑎᑐᑦ; ᐱᕈᕈᒫᕐᐳᑦ ᐃᓯᕕᑦᓯᐊᕐᓗᑎᒃ ᕔᓂᓕᒃᓴᑎᑐᑦ, ᑎᐱᖃᓕᕈᒫᕐᐳᓪᓗ ᕔᓂᑎᑐᑦ ᓕᐸᓇᓂᒥᐅᑕᑎᑐᑦ. 8ᐃᕗᕅᒥ, ᒎᑎᓐᖑᐊᑦ ᖃᓄᐃᓕᐅᕆᐊᖃᕐᐸᒃᑳ? ᐅᕙᖓ ᑭᐅᓯᒪᕗᖓ ᐃᓕᑦᓯᓐᓂᒡᓗ ᑲᒪᓕᕐᓗᖓ. ᑐᖑᔪᐃᓐᓇᕐᑐᑎᑐᑦ ᓇᐹᕐᑐᑐᑦ ᑍᒤᑉᐳᖓ, ᐱᕈᕐᑎᑕᑎᑦ ᐅᕙᓐᓂᑦ ᐱᕗᑦ.”
ᓄᖅᑲᐅᓯᕈᑏᑦ
9ᓇᓪᓕᐊᑦ ᓯᓚᑐᔪᖅ, ᑕᒪᒃᑯᓂᖓ ᑐᑭᓯᓕᕐᓕ; ᓇᓪᓕᐊᑦ ᖃᐅᔨᔪᓐᓇᕐᑐᖅ ᑖᒃᑯᓂᖓ ᖃᐅᔨᓕᕐᓕ; ᐊᑕᓂᐅᑉ ᐊᖅᑯᑎᖏᑦ ᓈᒻᒪᑦᓯᐊᕐᒪᑕ; ᐃᓱᐊᕐᑐᑦ ᑕᒪᓐᓇ ᐊᑐᕐᐹᑦ, ᐱᐅᖏᑦᑐᓕᔪᓪᓕ ᑕᒪᐅᓇ ᐹᓪᓚᒃᐳᑦ.
Currently Selected:
ᕼᐆᓯᐊᑉ ᐊᒡᓚᖏᑦ 14: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
