ᕼᐆᓯᐊᑉ ᐊᒡᓚᖏᑦ 13
13
ᐃᓴᕆᐊᓕᒧᑦ ᐃᖅᑲᕐᑐᐃᓃᑦ ᑭᖑᓪᓕᕐᐹᑦ
1ᐃᕗᕅᒥ ᐅᖃᓪᓚᓕᕐᒪᑦ ᐃᓄᐃᑦ ᓴᔪᒃᐳᑦ; ᐃᒻᒥᓂᒃ ᐊᖏᒡᓕᑎᓚᐅᕐᐳᖅ ᐃᓴᕆᐊᓕᒥ; ᐸᓯᔭᒃᓴᐅᓕᓚᐅᕐᐳᕐᓕ ᐰᓕᒧᑦ ᑐᒃᓯᐊᕋᒥ, ᑐᖁᓪᓗᓂᓗ. 2ᒫᓐᓇᓗ ᐊᔪᕐᑐᓕᕙᓪᓕᐊᑐᐃᓐᓇᕐᐳᑦ, ᓴᓇᕗᓪᓗ ᓴᕕᕋᔭᖕᓂᒃ ᐊᐅᒃᑎᑦᓯᓪᓗᑎᒃ ᒎᑎᓐᓐᖑᐊᒃᓴᒥᖕᓂᒃ, ᒎᑎᓐᖑᐊᓕᐅᕐᐳᑦ ᑕᑯᒥᓇᕐᑐᓂᒃ ᓯᐅᓪᕕᕆᓂᒃ, ᑲᑐᑦᔨᓪᓗᑎᒃ ᓴᓇᓐᖑᐊᕈᓐᓇᕐᑐᓄᑦ ᓴᓇᔭᐅᕗᑦ. ᑖᒃᑯᓄᖓ ᑐᓂᕐᕈᓯᓕᕋᒥᒃ ᐅᖃᕐᐳᑦ, “ᑐᓂᕐᕈᓯᕐᑐᑦ ᑯᓂᒃᓯᓕᑦ ᓄᕐᕋᐅᔭᓐᖑᐊᒥᒃ!” 3ᑍᒤᒻᒪᑦ ᐊᑦᔨᖃᕈᒫᕐᐳᑦ ᐅᓪᓛᒥ ᐳᔪᕐᑎᑐᑦ ᐅᕝᕙᓗ ᐅᓪᓛᒃᑯᑦ ᖃᑯᐊᕐᓯᒪᔪᑎᑐᑦ ᐊᐅᒃᑕᐅᓕᕋᒥ ᐊᓯᐅᕙᓪᓕᐊᔪᑐᑦ, ᓂᐊᖂᔭᒃᓴᐅᑉ ᓯᓚᑉᐱᐊᖓᑐᑦ ᑎᒃᑕᐅᔪᑎᑐᑦ ᐃᕖᔧᕕᖕᒥᑦ ᐅᕝᕙᓗ ᐳᔫᕐᑐᑎᑐᑦ ᐃᒐᓛᒃᑯᑦ. 4“ᐅᕙᖓᐅᕗᖓ ᐊᑕᓂᖅ ᒎᑏᑦ ᐄᑦᔨᑉᑎᐅᑉ ᓄᓇᖓᓂᑦ ᐊᐅᓪᓚᕐᑎᑦᓯᓚᐅᕐᑐᖅ; ᐊᓯᓐᓂᒃ ᒎᑎᒥᒃ ᖃᐅᔨᓂᐊᓐᖏᓚᑎᑦ, ᐊᓯᓐᓂᒡᓗ ᐱᐅᓕᔨᑕᖃᕐᓇᓂ. 5#ᒨᓯᓯ ᑕᓪᓕᒪᖏᑦ 8:11-17.ᑲᑎᒪᓚᐅᕐᐸᒋᑦ ᐃᓄᖃᔪᐃᑦᑐᒥ, ᓄᓇᒥᓗ ᐃᒪᖃᖏᑦᑐᒥ. 6ᓄᓇᒧᓪᓕ ᓂᕿᒃᓴᖃᑦᓯᐊᕐᑐᒧᑦ ᑎᑭᒐᒥᒃ ᐊᕿᐊᑦᑐᓚᐅᕐᐳᑦ, ᓈᒻᒪᒃᓯᓪᓗᑎᒡᓗ, ᐊᕿᐊᑦᑐᓱᓕᕋᒥᒃ ᐆᒻᒪᑎᒥᒍᑦ ᐱᐅᔪᕆᓕᓚᐅᕐᐳᑦ; ᑍᒤᒻᒪᑦ ᐳᐃᒍᓚᐅᕐᐹᖓ. 7ᑍᒤᒻᒪᑦ ᑖᒃᑯᓄᖓ ᓛᔭᑎᑑᕐᓂᐊᓕᕐᐳᖓ, ᓕᐸᕐᑎᑐᑦ ᑎᕐᓕᐊᕐᓯᓂᐊᕐᐳᖓ ᐊᖅᑯᑎᖏᓐᓂ. 8ᐅᐸᖕᓂᐊᕐᐸᒃᑲ ᓇᓄᕐᑎᑐᑦ ᓂᕕᐅᕐᑐᑎᑐᑦ ᐊᑎᕐᑕᒥᓂᒃ, ᐊᓕᒃᑐᕐᓗᒋᑦ ᐃᓯᕕᓐᓂᐊᕐᐸᒃᑲ ᖃᑎᒐᖏᑦ, ᑕᕝᕙᓂᓗ ᓂᕆᓂᐊᕐᐸᒃᑲ ᓛᔭᑎᑐᑦ, ᐃᕐᓯᓇᕐᑐᓄᑦ ᐆᒪᔪᓄᑦ ᓱᕋᒃᑎᕐᑕᐅᒐᔭᕐᓂᖏᑎᑐᑦ.
9“ᐃᓴᕆᐊᓖ, ᐊᓯᕈᕐᓂᐊᕐᐸᒋᑦ; ᑭᓇᒧᑦ ᐃᑲᔪᕐᑕᐅᓂᐊᕐᐲᑦ? 10#ᓴᒧᐃᓕ ᓯᕗᓪᓖᑦ 8:5,6.ᐊᓯᓐᓂᒃ ᐊᖓᔪᖅᑳᕐᔪᐊᕐᑕᖃᕐᐸᑦ, ᐃᓕᑦᓯᓐᓂᒃ ᐱᐅᓕᒃᓯᔪᓐᓇᕐᐹ? ᐊᖓᔪᖅᑳᖁᑎᓯᓕ ᓇᐅᒃ, ᐃᓕᑦᓯᓐᓂᒃ ᓴᐳᓐᓂᐊᕐᓂᐊᕐᑐᑦ? ᑖᒃᑯᓄᖓ ᐅᖃᓚᐅᕋᑦᓯ ‘ᐊᖓᔪᖅᑳᕐᔪᐊᒥᒃ ᐊᖓᔪᖅᑳᖁᑎᖏᓐᓂᒡᓗ ᑐᓂᓯᕕᒋᓚᐅᕐᑎᒍᑦ’? 11#ᓴᒧᐃᓕ ᓯᕗᓪᓖᑦ 10:17-24; ᓴᒧᐃᓕ ᓯᕗᓪᓖᑦ 15:26.ᐊᖓᔪᖅᑳᕐᔪᐊᓂᒃ ᓂᓐᖓᒃᓗᖓ ᑐᓂᓯᕕᒋᓚᐅᕐᐸᑦᓯ, ᐲᕐᑎᓕᕐᐸᒃᑲᓗ ᓂᓐᖓᐅᓯᒃᑯᑦ.
12“ᐃᕗᕅᒥᐅᑉ ᐱᐅᖏᑦᑐᓕᓂᖏᑦ ᕿᓚᒃᓱᕐᑕᐅᓯᒪᕗᑦ, ᐊᔪᕐᓂᖏᓪᓗ ᑐᖅᑯᕐᑕᐅᓯᒪᓪᓗᑎᒃ ᐃᓕᔭᐅᓯᒪᕗᑦ. 13ᐊᕐᓇᐅᑉ ᐃᕐᓂᓱᒃᑑᑉ ᓯᓪᓕᒪᓕᓂᖓᓄᑦ ᑎᑭᑕᐅᕗᖅ, ᑖᓐᓇᓕ ᓯᓔᑦᑑᓪᓗᓂ ᐃᕐᓂᐅᕗᖅ; ᒫᓐᓇᓗ ᐃᓅᓕᕐᕕᒃᓴᖓᑕ ᓇᓪᓕᐅᑎᑎᓪᓗᒍ ᐃᒡᓕᐊᕐᒥᑦ ᐊᓂᕕᖓᓄᐊᕋᓱᐊᓐᖏᓚᖅ. 14#1 ᑯᕆᓐᑎ 15:55.ᐊᑭᓕᕐᑕᒃᓴᕆᕙᒃᑳ ᑐᖁᖓᔪᑦ ᐃᓂᖏᑕ ᐱᔪᓐᓇᕐᓂᖏᓐᓂᑦ? ᐅᑎᕐᑎᑕᒃᓴᕆᕙᒃᑲᓘ ᑐᖁᒥᑦ? ᑐᖂ ᐋᓐᓂᐊᑎᑦᓯᓃᑦ ᓇᐅᒃ? ᑐᖁᖓᔪᑦ ᐃᓂᖏᑕ ᐊᓯᕈᕐᓯᓃᑦ ᓇᐅᒃ? ᐃᓚᑦᓱᒍᓱᖕᓂᖅ ᐃᔨᓐᓂᑦ ᐃᔨᕐᓯᒪᕗᖅ. 15ᐱᕈᕐᑐᑦ ᐊᑯᕐᖓᓐᓂ ᐱᕈᕐᑐᖃᑦᓯᐊᕋᓗᐊᕐᐳᖅ, ᐊᓄᕆᓗ ᓯᕿᓂᐅᑉ ᓄᐃᕕᐊᓂᑦ ᑎᑭᓐᓂᐊᕐᐳᖅ ᐊᑕᓂᐅᑉ ᐊᓄᕆᖁᑎᖓ, ᐃᓄᖃᔪᐃᑦᑐᒥᑦ ᐱᔪᖅ; ᐃᒥᕐᑕᕐᕕᖏᓪᓗ ᐳᐊᓚᕖᑦ ᐸᓂᕐᓂᐊᕐᐳᑦ, ᑰᒐᓛᖏᓪᓗ ᐸᓂᕐᓂᐊᕐᐳᑦ; ᓯᕐᓗᐊᖏᓐᓃᑦᑐᓪᓗ ᐱᔪᒥᓇᕐᑐᖁᑎᓕᒫᖏᑦ ᐊᓯᕈᕈᒫᕐᐳᑦ. 16ᓴᒥᐊᕆᐊᑉ ᐸᓯᔭᒃᓴᐅᓂᓂ ᓇᖕᒪᒃᑕᒃᓴᕆᕚ, ᐊᑭᕋᕐᑐᓕᓚᐅᕐᒪᑦ ᒎᑎᒥᓂᒃ; ᐅᕐᕈᑎᑕᐅᔪᒫᕐᐳᑦ ᓴᕕᒡᔪᐊᒧᑦ, ᐊᕐᓁᓪᓗ ᓄᑕᕋᖏᑦ ᓄᓇᒧᑦ ᐃᒋᐅᖅᑲᕐᑕᐅᔪᒫᕐᐳᑦ, ᐊᕐᓁᓪᓗ ᓄᑕᕋᒃᓴᓖᑦ ᐱᓚᒃᑕᐅᔪᒫᕐᐳᑦ ᓰᒃᑕᐅᓗᑎᒃ.”
Currently Selected:
ᕼᐆᓯᐊᑉ ᐊᒡᓚᖏᑦ 13: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
