ᕼᐆᓯᐊᑉ ᐊᒡᓚᖏᑦ 12
12
1“ᐃᕗᕅᒥ ᐊᓄᕆᒥᑦ ᓂᕆᕗᖅ, ᒪᓕᒃᐳᕐᓗ ᐊᓄᕆᒥᒃ ᐅᓪᓗᓕᒫᖅ ᓯᕿᓂᐅᑉ ᓄᐃᕕᐊᓂᓐᖔᕐᑐᒥᒃ; ᓴᒡᓗᖃᑦᑕᓕᕐᐸᓪᓕᐊᑐᐃᓐᓇᕐᐳᑦ ᐱᕋᔭᖃᑦᑕᓕᕐᐸᓪᓕᐊᓪᓗᑎᒡᓗ; ᐊᖏᖃᑎᖃᕐᓯᒪᕗᓪᓗ ᐊᓯᕆᐊᒥᐅᓂᒃ, ᐅᕐᓱᐃᓪᓗ ᐂᑦᑑᑕᐅᕗᑦ ᐄᑦᔨᑉᑎᒧᑦ.” 2ᐊᑕᓂᖅ ᔫᑕᒧᑦ ᐃᖅᑲᕐᑐᐃᑦᔪᑎᒃᓴᖃᕐᐳᖅ, ᔧᑯᓗ ᓱᒋᐊᕐᓂᐊᕐᐹ ᐊᑐᕐᑕᖏᑦ ᒪᓕᒡᓗᒋᑦ, ᐊᑭᓕᕐᓂᐊᕐᐹᓗ ᐱᓂᐊᕐᓂᖏᑦ ᒪᓕᒡᓗᒋᑦ. 3#ᒨᓯᓯ ᓯᕗᓪᓖᑦ 25:26.#ᒨᓯᓯ ᓯᕗᓪᓖᑦ 32:24-26.ᐃᒡᓕᐊᕐᒦᓪᓗᑎᒃ ᓱᓕ ᐊᖓᔪᓂ ᑭᖕᒥᖓᒍᑦ ᑎᒍᓚᐅᕐᐹ, ᐱᕈᕇᕋᒥᓗ ᓲᖑᓂᓂ ᐊᑐᕐᓗᒍ ᒎᑎᒥᒃ ᐊᒃᓱᕈᕐᓗᓂ ᐹᖃᑎᖃᓚᐅᕐᐳᖅ. 4#ᒨᓯᓯ ᓯᕗᓪᓖᑦ 28:10-22.ᐃᓛᒃ, ᐹᖃᑎᖃᓚᐅᕐᐳᖅ ᐂᖏᓕᒥᒃ ᓵᓚᖃᕐᓗᓂᓗ, ᖁᕝᕕᐅᕐᓗᓂ ᖁᕕᐊᒋᔭᐅᔪᒪᓕᓚᐅᕐᐳᖅ ᑖᑦᓱᒧᖓ. ᐱᑎᓕᒥ ᒎᑎᒥᒃ ᖃᐅᔨᓚᐅᕐᐳᖅ, ᑍᑲᓂᓗ ᒎᑎᐅᑉ ᐅᖃᕐᕕᒋᓚᐅᕐᐹ; 5ᐊᑕᓂᖅ ᒎᑎ ᖁᑦᓯᖕᓂᕐᐹᖑᔪᖅ, ᐊᑕᓂᕐᒥᒃ ᐊᑎᖃᕐᐳᖅ. 6ᒎᑎᖕᓄᑦ ᐃᑲᔪᕐᑕᐅᓗᑎᑦ ᑖᑦᓱᒧᖓ ᐅᑎᓕᕆᑦ, ᓇᒡᓕᖕᓂᕐᒥᒃ ᒪᓕᑦᓯᐊᕐᓂᕐᒥᒡᓗ ᑎᒍᒥᐊᑦᓯᐊᓕᕆᑦ, ᐅᑕᖅᑭᑦᓯᐊᕐᓗᑎᓪᓗ ᒎᑎᖕᓂᒃ ᑲᔪᓯᑦᓯᐊᕐᓗᑎᑦ.
ᐅᖃᐅᓰᑦ ᐃᖅᑲᕐᑐᐃᒋᐊᓪᓚᖕᓃᑦ
7“ᑬᓇᓂᒥᐅᑦ ᓯᓔᕐᕆᒃᓯᔨᐅᕗᑦ, ᓱᓕᖏᑦᑐᓂᒃ ᐅᖁᒤᓐᓂᕐᓯᐅᑎᓂᒃ ᑎᒍᒥᐊᕐᐳᑦ, ᕿᒃᓵᒃᑎᑦᓯᔭᕆᐊᒃᓴᖅ ᖁᕕᐊᓱᒃᐳᑦ. 8ᐃᕗᕅᑎᓕ ᐅᖃᓚᐅᕐᐳᖅ, ‘ᐊᒃᓱᐃᓕᕗᖓ, ᓇᖕᒥᓂᖅ ᐊᔪᕐᓴᕈᓐᓃᕐᑎᑉᐳᖓ; ᖃᐅᔨᔭᐅᓂᐊᓐᖏᓚᖓ ᐱᑦᓯᐊᕐᓯᒪᖏᓐᓂᓐᓂᒃ.’ 9#ᒨᓯᓯ ᐱᖓᔪᖏᑦ 23:42,43.ᐅᕙᖓᐅᕗᖓ ᐊᑕᓂᖅ ᒎᑏᑦ, ᐄᑦᔨᑉᑎᒥᑦ ᐊᐅᓪᓚᕐᑎᑦᓯᓚᐅᕐᑐᖅ; ᑐᐱᕐᒦᑎᒃᑲᓐᓂᕐᓂᐊᕐᐸᑦᓯ, ᑍᑦᓱᒪᓂ ᐅᓪᓗᓂ ᐋᖅᑭᒃᑕᐅᓯᒪᓪᓗᑎᒃ ᓇᓪᓕᐅᓐᓂᕐᓯᐅᕐᕕᐅᕙᓚᐅᕐᑐᑎᑐᑦ. 10ᐱᔪᖃᓛᕐᑐᒥᒃ ᐅᖃᕐᑎᓐᓄᑦ ᐅᖃᐅᑦᔨᖃᑦᑕᓚᐅᕐᐳᖓ; ᑕᑯᑎᑕᐅᓃᓪᓗ ᐅᓄᕐᓯᑎᓚᐅᕐᐸᒃᑲ, ᐱᔪᖃᓛᕐᑐᓂᒡᓗ ᐊᑦᔨᐅᔪᑎᒍᑦ ᓇᓗᓁᕐᓯᖃᑦᑕᓚᐅᕐᐳᖓ ᐅᖃᕐᑎᒃᑯᑦ. 11ᒋᓕᐊᑎᒥ ᐊᔪᕐᑐᓕᓂᕐᑕᖃᕐᐸᑦ ᑕᒪᓐᓇ ᓄᖅᑲᓪᓚᕆᒍᒫᕐᐳᖅ; ᐃᒻᒧᒃᓯᐅᒐᕐᓂᒃ ᒋᐅᓪᒐᐅᓪᒥ. ᑐᓂᕐᕈᓯᕐᕕᖏᑦ ᐅᔭᕋᒃᑎᑐᑦ ᖃᓕᕇᒃᓯᒪᔪᑎᑐᑦ ᑍᒤᑐᐃᓐᓇᕈᒫᕐᐳᑦ ᐱᕈᕐᓰᕕᖕᒥ.” 12#ᒨᓯᓯ ᓯᕗᓪᓖᑦ 29:1-20.ᔧᑯ ᕿᒫᓚᐅᕐᐳᖅ ᓯᕆᐊᒧᑦ, ᐂᑉᐸᕐᑖᕈᒪᓂᕐᒥᓄᑦ ᐱᔨᐅᓚᐅᕐᐳᖅ, ᓄᓕᐊᕐᑖᒥᓄᑦ ᐊᑭᓕᐅᑦᔨᓪᓗᓂ ᓰᐱᓂᒃ ᐰᕐᓯᔨᐅᓕᓚᐅᕐᐳᖅ. 13#ᒨᓯᓯ ᐂᑉᐸᖏᑦ 12:50,51.ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᒍᑦ ᐊᑕᓂᐅᑉ ᐊᐅᓪᓚᐅᑎᓚᐅᕐᐹ ᐃᓴᕆᐊᓕ ᐄᑦᔨᑉᑎᒥᑦ, ᐅᖃᕐᑎᒥᒍᓪᓗ ᐰᕆᓚᐅᕐᐹ. 14ᐃᕗᕅᒻ ᓂᓐᖓᒃᓴᕐᓗᓂᐅᒃ ᓂᓐᖓᒃᑎᓚᐅᕐᐹ; ᑍᒤᒻᒪᑦ ᐊᑕᓂᐅᑉ ᐸᓯᔭᒃᓴᐅᓂᖏᑦ ᐊᐅᓈᕐᑎᑦᓯᓂᒃᑯᑦ ᑖᑦᓱᒧᖓ ᐱᑎᑦᓱᒫᕐᐰᑦ, ᐊᑭᓂᐊᕈᒫᕐᐹᓗ ᐋᖅᑭᒋᐊᕐᑕᐅᔭᕆᐊᖃᕐᓂᖓ ᒪᓕᒡᓗᒍ.
Currently Selected:
ᕼᐆᓯᐊᑉ ᐊᒡᓚᖏᑦ 12: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
