ᕼᐆᓯᐊᑉ ᐊᒡᓚᖏᑦ 11
11
ᒎᑎᐅᑉ ᓇᒡᓕᖕᓂᖓ ᐃᓄᖁᑎᒥᓄᑦ ᐊᑭᕋᕐᑐᕐᑎᓄᑦ
1 #
ᒨᓯᓯ ᐂᑉᐸᖏᑦ 4:22; ᒫᑎᐅᓯ 2:15. “ᐃᓴᕆᐊᓕ ᓄᑕᕋᐅᑎᓪᓗᒍ, ᓇᒡᓕᒋᓚᐅᕐᐸᕋ, ᐃᕐᓂᕋ ᐄᑦᔨᑉᑎᒦᑎᓪᓗᒍ ᕾᖁᓚᐅᕐᐸᕋ. 2ᕾᖁᒃᑲᓐᓂᓕᕌᖓᒃᑭᑦ ᕿᒫᒃᑲᓐᓂᖃᑦᑕᓚᐅᕐᐳᑦ ᐅᕙᓐᓂᒃ, ᐰᓕᒧᑦ ᑐᓂᕐᕈᓯᖃᑦᑍᓐᓇᓚᐅᕐᐳᑦ, ᐃᑯᐊᓪᓔᕙᒃᓗᑎᒡᓗ ᑎᐱᑦᓯᐊᕆᒃᑐᓂᒃ ᒎᑎᓐᖑᐊᓄᑦ. 3ᐃᕗᕅᒥ ᓇᖕᒥᓂᖅ ᐃᓕᓐᓂᐊᕐᑎᓚᐅᕐᐸᕋ ᐱᓱᒋᐅᕐᓴᑎᓪᓗᒍ, ᑕᓕᓐᓄᑦ ᑎᒍᒥᐊᕐᓗᒋᑦ; ᖃᐅᔨᒪᓚᐅᓐᖏᓚᓪᓕ ᐋᖅᑭᓚᐅᕐᒪᖔᒃᑭᑦ. 4ᓄᓱᓚᐅᕐᐸᒃᑲ ᐊᒃᓱᓈᖃᕐᑎᓪᓗᒍ ᐃᓚᑦᓱᒍᓱᖕᓂᕐᒥᒃ, ᓇᒡᓕᖕᓂᕐᒧᑦ ᕿᓚᒃᓯᒪᔪᒧᑦ, ᑖᒃᑯᓄᖓᓗ ᐅᓂᐅᑕᖏᓐᓂᒃ ᐊᒡᓕᕈᖏᓐᓂᑦ ᐲᕐᓯᔪᑐᑦ ᑍᒤᓚᐅᕐᐳᖓ, ᐅᑯᓪᓗᖓᓗ ᑖᒃᑯᓄᖓ ᓂᕆᑎᓚᐅᕐᐸᒃᑲ. 5ᐅᑎᕈᒫᓕᕐᐳᑦ ᐄᑦᔨᑉᑎᒧᑦ, ᐊᓯᕆᐊᓗ ᐊᖓᔪᖅᑳᕐᔪᐊᕆᔪᒫᕐᐹᑦ, ᐅᕙᓐᓄᑦ ᐅᑎᕈᒪᓚᐅᖏᒻᒪᑕ. 6ᐃᒡᓗᒐᓴᖏᑦ ᓴᕕᒡᔪᐊᒧᑦ ᐊᕕᒃᑐᕐᑕᐅᔪᒫᕐᐳᑦ, ᐃᑎᕐᑕᕐᕕᖏᑕᓗ ᓴᓐᓂᕈᐊᖏᑦ ᐊᓯᕈᕐᓗᒋᑦ ᓄᖑᑦᓱᒫᕐᐰᑦ, ᓂᕆᔭᐅᔪᒫᕐᐳᓪᓗ ᐱᐅᓇᓱᒋᔭᒥᒍᑦ ᐱᓇᓱᐊᕐᐸᒃᑕᒥᖕᓄᑦ. 7ᐃᓄᖁᑎᒃᑲ ᐊᓚᕆᐊᖃᑦᑕᕐᐳᑦ ᕿᒤᔪᒪᓪᓗᑎᒃ ᐅᕙᓐᓂᒃ; ᑍᒤᒻᒪᑦ ᐅᓂᐅᑕᕐᑖᕐᑎᑕᐅᕗᑦ ᑐᐃᕐᒥᐅᑕᕐᓂᒃ, ᓇᐅᒧᓪᓘᓐᓃᑦ ᐲᕐᑕᐅᓂᐊᓐᖏᓚᑦ.
8 #
ᒨᓯᓯ ᑕᓪᓕᒪᖏᑦ 29:23. “ᖃᓄᕐᓕ ᐃᓕᖕᓂᒃ ᓴᐱᓕᕈᓐᓇᕐᐳᖔ ᐃᕗᕅᒥ? ᖃᓄᕐᓕ ᓴᒃᑯᐃᔪᓐᓇᕐᐳᖔ, ᐃᓴᕆᐊᓖ? ᖃᓄᕐᓕ ᐊᑦᔨᐅᑎᑦᑐᓐᓇᕐᐱᒌᑦ ᐊᑦᒪᒧᑦ? ᖃᓄᕐᓕ ᐱᓂᐊᕐᕕᒋᔪᓐᓇᕐᐱᒌᑦ ᔨᐳᐃᒻᑐᑦ? ᐆᒻᒪᑎᒐ ᐃᒃᐱᖕᓂᐊᕗᖅ ᐃᓗᓐᓂ, ᐃᓚᑦᓱᒍᓱᖕᓂᕋ ᓂᕈᒥᒃᓯᕗᖅ ᐊᕿᓕᓪᓗᓂᓗ. 9ᓂᓐᖓᐅᒪᓂᕐᒪ ᓂᑲᒍᓱᖏᓐᓂᖓ ᑲᔪᓯᑎᓐᓂᐊᓐᖏᓚᕋ, ᐃᕗᕅᒥᓗ ᐊᓯᕈᒃᑲᓐᓂᕐᓂᐊᕈᓁᕐᐸᕋ, ᒎᑎᐅᒐᒪ ᐃᓄᑐᐃᓐᓇᐅᓇᖓᓗ, ᐃᑦᔪᕐᓁᑦᑐᑐᐊᖅ ᐊᑯᓐᓇᑦᓯᓐᓂ, ᕾᓂᐊᓐᖏᓚᖓ ᐊᓯᕈᐃᔭᕐᑐᕐᖓ. 10ᐱᓱᖕᓂᐊᕐᐳᑦ ᐊᑕᓂᕐᒥᒃ ᒪᓕᒡᓗᑎᒃ, ᖃᓕᖑᐊᕐᑐᑐᑦ ᓛᔭᑐᑦ ᓂᓪᓕᐊᓕᕈᒪ; ᐃᓛᒃ ᖃᓕᖑᐊᕐᓂᐊᕐᐳᖅ, ᕿᑐᕐᖓᖏᓪᓗ ᕾᔪᒫᕐᐳᑦ ᓯᕿᓂᐅᑉ ᓂᐱᕕᐊᓂᑦ ᓴᔪᒡᓗᑎᒃ. 11ᐄᑦᔨᑉᑎᒥᑦ ᑎᑭᑦᓱᒫᕐᐳᑦ ᓯᕘᕋᓂᕐᒧᑦ ᓴᔪᒡᓗᑎᒃ ᑎᖕᒥᐊᑎᑐᑦ, ᑑᕕᑎᑐᓪᓗ ᐊᓯᕆᐊᑉ ᓄᓇᖓᓂᑦ; ᐅᑎᕐᑎᑦᓱᒫᕐᐸᒃᑲᓗ ᐊᖏᕐᕋᖏᓐᓄᑦ, ᐊᑕᓂᖅ ᐅᖃᕐᐳᖅ.”
ᐃᓴᕆᐊᓕᐅᓪᓗ ᔫᑕᐅᓪᓗ ᐃᒋᑕᒃᓴᕈᕐᑎᑕᐅᓂᖏᑦ
12ᐊᑕᓂᖅ ᐅᖃᕐᐳᖅ, “ᐃᕗᕅᒥᐅᑉ ᓴᒡᓗᓂᕐᒥᒃ ᐱᓂᐊᕐᕕᒋᓯᒪᕚᖓ, ᐃᓴᕆᐊᓕᐅᓪᓗ ᑭᖑᕚᖏᑕ ᓴᒡᓗᕿᓪᓗᓂᖓ; ᔫᑕᓕ ᓱᓕ ᐃᓅᖃᑎᖃᕐᐳᖅ ᒎᑎᒥᒃ, ᓱᖁᓯᓚᐅᖏᑦᑐᑑᕗᕐᓗ ᐃᑦᔪᕐᓁᑦᑐᒧᑦ.
Currently Selected:
ᕼᐆᓯᐊᑉ ᐊᒡᓚᖏᑦ 11: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
