ᐄᑉᕈᐃᓄᑦ 9

ᐱᔨᑦᓯᕐᓂᖅ ᓄᓇᒦᑦᑐᒥᒃ ᕿᓚᖕᒦᑦᑐᒥᒡᓗ

1ᐊᖏᖃᑎᒌᖕᓂᖅ ᓯᕗᓪᓕᖅ ᐱᖁᔭᖃᓚᐅᕐᐳᖅ ᐱᔨᑦᓯᕐᓂᕐᒧᑦ ᓴᓇᔭᐅᓯᒪᔪᒥᒡᓗ ᐃᑦᔪᕐᓁᑦᑐᕕᖕᒥ ᐱᔨᑦᓯᕐᕕᒃᑕᖃᕐᓗᓂ. 2#ᒨᓯᓯ ᐂᑉᐸᖏᑦ 26:1-30; ᒨᓯᓯ ᐂᑉᐸᖏᑦ 25:31-40; ᒨᓯᓯ ᐂᑉᐸᖏᑦ 25:23-30.ᑐᐱᖅ ᓇᑉᐸᕐᑕᐅᓚᐅᕐᐳᖅ. ᓯᓚᓪᓕᕐᒥᓗ ᓇᓂᕈᐊᖃᕐᕕᖃᕐᓗᓂ, ᓵᑕᖃᕐᖢᓂᓗ ᓂᐊᖂᔭᓄᑦ ᐃᑦᔪᕐᓁᑎᑕᐅᓯᒪᔪᓄᑦ ᐃᓂᒃᓴᒥᒃ; ᑕᒪᓐᓇᓗ ᑍᔭᐅᕗᖅ ᐃᑦᔪᕐᓁᑦᑐᕕᖕᒥᒃ. 3#ᒨᓯᓯ ᐂᑉᐸᖏᑦ 26:31-33.ᑐᐱᐅᓪᓗ ᐃᓗᐊᓂ ᑖᓗᑕᕐᔪᐊᑉ ᐂᑉᐸᖓᑕ ᐅᖓᑖᓃᑦᑐᖅ ᐃᒡᓗᕈᓯᖅ ᑍᔭᐅᓪᓗᓂ ᐃᑦᔪᕐᓁᓐᓂᕐᐹᒥᒃ. 4#ᒨᓯᓯ ᐂᑉᐸᖏᑦ 30:1-6; ᒨᓯᓯ ᐂᑉᐸᖏᑦ 25:10-16; ᒨᓯᓯ ᐂᑉᐸᖏᑦ 16:33; ᒨᓯᓯ ᓯᑕᒪᖏᑦ 17:8-10; ᒨᓯᓯ ᐂᑉᐸᖏᑦ 25:16; ᒨᓯᓯ ᑕᓪᓕᒪᖏᑦ 10:3-5.ᑕᕝᕙᓂ ᒎᓗᒥᒃ ᑐᓂᕐᕈᓯᕐᕕᒃᑕᖃᕐᐳᖅ ᐃᓯᕐᓗᐊᕐᓂᑎᑦᓯᕕᖕᒥᒃ ᑎᐱᑦᓯᐊᕆᒃᓴᐅᒥᒃ; ᐊᖏᖃᑎᒌᒍᑏᓪᓗ ᐃᓂᖓ ᐃᒃᖠᕐᕕᒃ ᓯᓚᑎᓕᕐᓯᒪᔪᖅ ᒎᓗᒥᒃ. ᐃᓗᐊᓂ ᒎᓗᒥᒃ ᐃᒥᖃᐅᑎᑕᖃᕐᐳᖅ ᒫᓇᒥᒃ ᐃᓗᓕᓕᖕᒥᒃ, ᐂᕉᓂᐅᓪᓗ ᐊᔭᐅᑉᐱᐊᖓ ᐱᕈᕐᕕᐅᓯᒪᔪᖅ ᐅᖃᐅᔭᕐᓂᒃ, ᐅᔭᕌᒡᓗ ᓵᑦᑐᔮᖅ ᐊᖏᖃᑎᒌᒍᑎᖕᓂᒃ ᑎᑎᕋᕐᕕᒋᓯᒪᔫᒃ ᐃᓗᐊᓃᒃᑭᕗᑦ. 5#ᒨᓯᓯ ᐂᑉᐸᖏᑦ 25:18-22.ᐃᒃᖠᕐᕕᐅᓪᓗ ᖄᖓᓂ ᒪᕐᕉᓂᒃ ᓯᕈᐱᓐᖑᐊᖃᕐᐳᖅ ᐊᑐᓂ ᐃᓴᕈᓖᖕᓂᒃ ᓂᕐᑐᕐᓇᕐᑑᑉ ᓇᓗᓁᒃᑯᑕᖏᖕᓂᒃ, ᐃᓴᕈᖏᒃ ᐃᓵᖓᓪᓗᑎᒃ ᐃᒃᖠᕐᕕᐅᑉ ᒪᑐᖓᑕ ᖄᖓᓂ, ᓴᖅᑭᑎᑦᓯᔫᒃ ᐊᔪᕐᓃᑦ ᐃᓱᒪᒋᔭᐅᔪᓐᓁᕐᑕᐅᓂᖏᓐᓂᒃ. ᒫᓐᓇᓕ ᑕᒪᒃᑯᐊ ᐊᑐᓂᑦ ᐅᖃᐅᓯᕆᑦᓯᐊᕐᓗᒋ ᓇᓗᓁᕈᓐᓇᖏᑲᓚᐅᕐᑕᕗᑦ.

6 # ᒨᓯᓯ ᓯᑕᒪᖏᑦ 18:2-6. ᑕᒪᒃᑯᐊ ᑍᒫᒃ ᐋᖅᑭᒃᑕᐅᓯᒪᓚᐅᕐᐳᑦ, ᖃᐅᑕᒫᑦ ᑐᓂᕐᕈᓯᕐᑎᑦᓯᔩᑦ ᑐᐱᕐᒧᐊᕐᐸᓚᐅᕐᐳᑦ ᓯᓚᑖᓃᓐᓂᕐᓴᒧᑦ ᐱᓇᓱᐊᒐᒃᓴᒥᖕᓂᒃ ᐱᓇᓱᐊᕐᓗᑎᒃ, 7#ᒨᓯᓯ ᐱᖓᔪᖏᑦ 16:2-34.ᑐᓂᕐᕈᓯᕐᑎᑦᓯᔩᓪᓕ ᐊᖓᔪᖅᑳᖓᑦ ᑭᓯᒥ ᑐᐱᐅᑉ ᐃᓗᐊᓃᓐᓂᕐᐹᒧᐊᕐᐸᓚᐅᕐᐳᑦ, ᐊᕐᕌᒍᒥ ᐊᑕᐅᓯᐊᕐᓗᓂ, ᐊᐅᖕᒥᒃ ᓇᒃᓴᕐᓗᓂ, ᒎᑎᒧᑦ ᑐᓂᕐᕈᑎᒋᓪᓗᒋᑦ ᐃᒻᒥᓂᒃ ᐱᑦᔪᑎᒋᓪᓗᓂ ᐃᓄᐃᓪᓗ ᖃᐅᔨᒪᓇᑎᒃ ᐊᔪᕐᑐᓕᓂᖏᑦ ᐱᓪᓗᒋᑦ. 8ᐊᓂᕐᓂᖅ ᐃᑦᔪᕐᓁᑦᑐᖅ ᑐᑭᓯᓇᑦᓯᐊᕐᑐᒥᒃ ᓇᓗᓁᕐᓯᕗᖅ ᐃᑦᔪᕐᓁᓐᓂᕐᐹᒧᑦ ᓱᓕ ᐊᖅᑯᑎᒃᓴᖅ ᐊᖕᒪᕐᑕᐅᓯᒪᓚᐅᖏᒻᒪᑦ, ᑐᐱᐅᑉ ᓯᓚᑖᓂ ᐊᕙᓗᓕᐅᕐᓯᒪᔪᖅ ᓱᓕ ᐊᑐᕐᑕᐅᑎᓪᓗᒍ. 9ᑕᒪᓐᓇᓗ ᓇᓗᓁᒃᑯᑕᐅᕗᖅ ᐅᓪᓗᒥᒧᑦ, ᑐᓂᕐᕈᑕᐅᖁᔭᐅᔪᓂᒃ ᑐᓂᕐᕈᓯᕐᓂᕐᓗ ᐆᒪᔪᕕᓂᕐᓂᒃ ᓈᒻᒪᑦᓯᐊᓕᕐᑎᑦᓯᔪᓐᓇᖏᒻᒪᑕ ᐱᔨᑦᓯᕐᑐᑦ ᐃᓱᒪᖏᓐᓂᒃ. 10ᓂᕿᓄᑦ ᑍᒤᓕᐅᕆᐊᖃᓚᐅᕐᐳᑦ ᐃᒥᒃᓴᒧᓪᓗ ᓱᓇᑐᐃᓐᓇᕐᓂᒡᓗ ᐊᑦᔨᒌᖏᑦᑐᓂᒃ ᓴᓗᒻᒪᕐᑕᐅᑦᔪᑎᒃᓴᒧᑦ ᐱᐅᓯᕆᔭᐅᔪᑦ ᒪᓕᒃᑕᐅᓚᐅᕐᐳᑦ ᓄᑖᖅ ᐋᖅᑭᒋᐊᕐᑕᐅᔪᒫᕐᑐᖅ ᐊᑐᓕᓚᐅᖏᓐᓂᖓᓂ.

11᙭ᔅᑑᓯᓕ ᑎᑭᑦᑕᕇᕐᓯᒪᕗᖅ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑲᐅᓪᓗᓂ ᓈᒻᒪᑦᓯᐊᕐᑐᒥᒃ ᐱᐅᓯᐅᔭᕆᐊᖃᕐᑐᑦ ᑎᑭᐅᑎᓪᓗᓂᒋᑦ ᑐᐱᐅᓕᕐᐳᖅ ᐱᓇᓱᐊᕐᓂᖓ ᓈᒻᒪᖕᓂᕐᓴᐅᓪᓗᓂ ᐋᖅᑭᑦᓯᐊᕐᓯᒪᓂᕐᓴᐅᕗᖅ ᑐᐱᐅᓂᖓ ᑖᓐᓇ ᐃᓄᖕᒧᑦ ᓴᓇᔭᐅᓯᒪᓐᖏᓚᖅ, ᐃᒫᒃ, ᑕᒫᓃᑦᑐᓄᑦ ᐊᑦᔨᒋᔭᐅᓐᖏᓚᖅ. 12᙭ᔅᑑᓯᓕ ᐃᑦᔪᕐᓁᓐᓂᕐᐹᒧᑦ ᐃᓯᓚᐅᕐᐳᖅ ᐊᑕᐅᓯᐊᕐᓗᓂ ᑕᒤᓐᓄᑦ ᓈᒻᒪᒃᓯᑦᔪᑕᐅᓂᐊᓕᕐᑐᒥᒃ ᐃᓯᐅᑦᔨᓪᓗᓂ; ᒎᑦᓯᓪᓗ ᓄᕐᕋᐅᔮᕐᑑᓪᓘᓐᓃᑦ ᐊᐅᖓᓂᒃ ᓇᒃᓴᓚᐅᓐᖏᓚᖅ ᓇᖕᒥᓂᕐᓕ ᐊᐅᖕᒥᓂᒃ ᓇᒃᓴᓚᐅᕐᐳᖅ, ᐃᓱᖃᖏᑦᑐᒧᑦ ᐱᐅᓕᔭᐅᕕᒃᓴᒥᒃ ᐱᓂᐊᕈᑦᔨᓪᓗᓂ. 13#ᒨᓯᓯ ᐱᖓᔪᖏᑦ 16:15,16; ᒨᓯᓯ ᓯᑕᒪᖏᑦ 19:9,17-19.ᒎᑦᓯᐅᑉ ᐃᒻᒧᓯᐅᒊᓪᓗ ᐊᖑᓴᓪᓗᖏᑕ ᐊᐅᖏᓐᓄᑦ ᓄᕋᐅᔮᕐᑑᓪᓗ ᐊᕐᔭᓕᐅᕐᓂᖏᓐᓄᑦ ᐃᓄᐃᑦ ᐅᒃᐱᕐᓂᒃᑯᑦ ᐃᑦᔪᕐᓇᕐᑐᑦ ᑲᓐᖔᑎᕆᕕᐅᕙᓚᐅᕐᐳᑦ ᐃᑦᔪᕐᓁᑎᑕᐅᓪᓗᑎᒃ ᑕᑯᒃᓴᐅᔪᒃᑯᑦ ᓴᓗᒻᒪᕐᓴᕐᑕᐅᓂᕐᒥᒍᑦ. 14ᐊᖏᓂᕐᓴᒻᒪᕆᐊᓗᖕᒥᒡᓕ ᑕᕝᕙ, ᙭ᔅᑑᓯᐅᑉ ᐊᐅᖓ, ᐊᓂᕐᓂᒃᑯᑦ ᐃᓱᖃᖏᑦᑐᒃᑯᑦ ᐃᒻᒥᓂᒃ ᑐᓂᕐᕈᑕᐅᑎᓚᐅᕐᐳᖅ ᐸᓯᔭᒃᓴᐅᓂᖃᖏᑦᑐᖅ ᒎᑎᒧᑦ, ᑖᑦᓱᒪ ᐃᓱᒪᕗᑦ ᓴᓗᒻᒪᕐᐰᑦ ᐱᓂᐊᕐᓂᕐᓂᑦ ᑐᖁᖓᔪᓂᑦ, ᒎᑎᒥᒃ ᐆᒪᔪᒥᒃ ᐱᔨᑦᓯᕈᓐᓇᖁᓪᓗᒋᑦ.

15ᑕᒪᓐᓇ ᐱᑦᔪᑎᒋᓪᓗᒍ ᙭ᔅᑑᓯ ᐱᑦᔪᑦᔨᔨᐅᕗᖅ ᐊᖏᖃᑎᒌᒍᑎᒧᑦ ᓄᑖᒧᑦ, ᑖᒃᑯᐊ ᕾᖁᔭᐅᔪᑦ ᐊᖏᕈᑕᐅᒪᔪᒥᒃ ᐃᓱᖃᖏᑦᑐᒧᑦ ᑭᖑᕐᖑᑦᔨᖁᓪᓗᒋᑦ; ᒫᓐᓇᓕ ᑐᖁᒥᒍᑦ ᐱᐅᓕᔭᐅᑦᔪᑎᒃᓴᐅᓕᕐᐳᖅ ᐊᔪᕐᓂᕐᒥᑦ ᕿᓚᕈᑦᔮᕐᓯᖅᑯᓪᓗᒍ ᐊᑐᓚᐅᕐᑕᖏᓐᓂᑦ ᐊᖏᖃᑎᒌᖕᓂᕐᒥ ᓯᕗᓪᓕᕐᒥ.

16ᑐᖁᔪᑉ ᐱᔭᐅᔪᒃᓴᓕᐊᕆᓯᒪᔭᖏᑦ ᐃᓚᒥᓄᑦ, ᐱᔭᐅᔪᓐᓇᖁᓪᓗᒋᑦ ᐋᖅᑭᒃᓯᔪᕕᓂᐅᑉ ᑐᖁᓪᓚᕆᖕᓂᖓ ᓴᖅᑭᑎᑕᐅᔭᕆᐊᖃᕐᐳᖅ, 17ᑐᖁᔪᑉ ᐱᔭᐅᔪᒃᓴᓕᐊᕕᓂᖏᑦ ᐃᓚᒥᓄᑦ ᐱᔭᐅᔪᓐᓇᕐᓯᔪᓐᓇᕐᒪᑕ ᑭᓯᐊᓂ ᐃᓅᔪᓐᓃᕐᓯᒪᓕᕐᐸᑦ, ᐃᓅᑎᓪᓗᒍ ᐱᔭᐅᔪᓐᓇᖏᒻᒪᑕ. 18ᑍᒤᒻᒪᑦ ᐊᖏᖃᑎᒌᖕᓂᖅ ᓯᕗᓪᓕᖅ ᐊᒡᓛᑦ ᐊᑐᓕᕈᓐᓇᓚᐅᓐᖏᓚᖅ ᐊᐅᖕᒥᒃ ᐊᑐᓐᖏᑐᐊᕈᓂ. 19#ᒨᓯᓯ ᐂᑉᐸᖏᑦ 24:6-8.ᒨᓯᓯᐅᑉ ᐱᖁᔭᑦ ᑕᒪᕐᒥᒃ ᐃᓄᖕᓄᑦ ᐊᑐᐊᕇᕋᒥᒋᑦ ᓄᕐᕋᐅᔭᐅᑉ ᒎᑦᓯᐅᓪᓗ ᐊᐅᖏᓐᓂᒃ ᐱᓪᓗᓂ, ᐃᒪᕐᒥᒃ ᐃᓚᓪᓗᒋᑦ ᑖᒃᑯᐊ ᐱᖁᔧᑦ ᑎᑎᕋᕐᓯᒪᔪᑦ ᓯᕐᐸᕐᓴᓚᐅᕐᐰᑦ ᐃᓄᐃᓪᓗ ᑕᒪᕐᒥᒃ, ᕼᐃᓴᑉᓂᒃ ᓰᐱᑦ ᒥᖅᑯᖏᓐᓂᒃ ᐊᐅᖕᒥᒃ ᐃᑦᓴᒃᑎᕐᓯᒪᔪᑦ ᐊᑐᕐᓗᒋᑦ. 20ᐅᖃᕐᓗᓂ, “ᐅᓇ ᑕᕝᕙ ᐊᐅᒃ ᐊᖏᖃᑎᒌᖕᓂᕐᒥᒃ ᓇᓗᓁᕐᓯᔪᖅ ᒎᑎᐅᑉ ᐊᑐᕐᑕᐅᖁᔭᖏᓐᓂᒃ ᐃᓕᑦᓯᓐᓄᑦ.” 21#ᒨᓯᓯ ᐱᖓᔪᖏᑦ 8:15.ᑍᒫᑦᓮᓐᓇᕐᑕᐅᖅ ᐊᐅᖕᒧᑦ ᓯᕐᐸᕐᓴᓚᐅᕐᐰᑦ ᑐᐱᖅ ᑐᒃᓯᐊᕐᑎᓪᓗᒋᓪᓗ ᐱᖁᑏᑦ ᐊᑐᕐᑕᐅᕙᒃᑐᓕᒫᑦ. 22#ᒨᓯᓯ ᐱᖓᔪᖏᑦ 17:11.ᐃᓛᒃ, ᐱᖁᔭᖅ ᒪᓕᒡᓗᒍ ᑕᒪᑦᓯᐊᑲᓵᖏᑦ ᐊᐅᖕᒧᑦ ᓴᓗᒻᒪᕐᑕᐅᕗᑦ, ᐊᐅᒡᓗ ᑯᕕᔭᐅᓐᖏᑉᐸᑦ ᐊᔪᕐᓃᑦ ᐃᓱᒪᒋᔭᐅᔪᓐᓃᕈᓐᓇᓐᖏᓚᑦ.

᙭ᔅᑑᓯᐅᑉ ᑐᓂᕐᕈᑕᐅᓂᖓᑕ ᐊᔪᕐᓃᑦ ᐲᔭᕐᐰᑦ

23ᑕᒪᒃᑯᐊ ᕿᓚᖕᒦᑦᑐᓄᑦ ᐊᑦᔨᒋᔭᐅᔪᑦ ᓴᓗᒻᒪᕐᑕᐅᔭᕆᐊᖃᓚᐅᕐᐳᑦ ᑕᒪᒃᑯᑎᒎᓇᖅ, ᕿᓚᖕᒦᑦᑐᓪᓕ ᑐᓂᕐᕈᓯᕈᑕᐅᔭᕆᐊᖃᕐᐳᑦ ᐱᐅᓂᕐᓴᒥᒃ ᑕᒪᒃᑯᓇᖓᑦ ᑐᓂᕐᕈᑕᐅᕙᒃᑐᓂᑦ. 24᙭ᔅᑑᓯ ᐃᑎᓚᐅᕐᐳᖅ, ᐃᑦᔪᕐᓁᑦᑐᕕᖕᒧᑦ ᐊᒡᒐᓄᑦ ᓴᓇᔭᐅᓯᒪᖏᑦᑐᒧᑦ, ᕿᓚᖕᒦᑦᑐᒧᑦ ᑕᕝᕗᖓ ᐊᑦᔨᐅᑎᑕᐅᓯᒪᔪᒧᑦ, ᓇᖕᒥᓂᕐᓗ ᕿᓚᖕᒧᐊᓚᐅᕐᐳᖅ ᒎᑎᐅᑉ ᓵᖓᓄᑦ ᓴᖅᑭᑦᓱᒪᓪᓗᓂ ᐱᑦᔪᑎᒋᓪᓗᑕ. 25ᔫᑎᑦ ᑐᓂᕐᕈᓯᕐᑎᑦᓯᔨᖏᑕ ᐊᖓᔪᖅᑳᖏᑦ ᐃᑎᖃᑦᑕᓚᐅᕐᐳᑦ ᐃᑦᔪᕐᓁᓐᓂᕐᐹᒧᑦ ᐊᕐᕌᒍᑕᒫᑦ ᐆᒪᔫᑉ ᐊᐅᖓᓂᒃ ᓇᒃᓴᕐᓗᑎᒃ, ᙭ᔅᑑᓯᓕ ᐅᓄᕐᑐᐃᓱᕐᓗᓂ ᐃᑎᕐᓯᒪᓐᖏᓚᖅ ᐃᒻᒥᓂᒃ ᑐᓂᕐᕈᑎᒋᔭᕐᑐᕐᓗᓂ; 26ᑍᒤᒃᑯᓂ ᐋᓐᓂᐊᑎᑕᐅᖃᑦᑕᕋᔭᓚᐅᕐᐳᖅ ᐅᓄᕐᑐᐃᓱᕐᓗᓂ ᑍᒪᓐᖓᑦ ᓯᓚᕐᔪᐊᑉ ᐱᓐᖑᕐᑎᑕᐅᓂᖓᓂᑦ. ᑭᓯᐊᓂᓕ, ᒫᓐᓇ ᓴᖅᑭᓯᒪᕗᖅ ᐊᑕᐅᓯᐊᑐᐃᓐᓇᕐᓗᓂ, ᓯᓚᕐᔫᑉ ᓇᒡᒐᑖ ᖃᒡᓕᓕᕐᑎᓪᓗᒍ, ᐊᔪᕐᓂᕐᒥᒃ ᐲᕐᓯᖁᓪᓗᒍ ᓇᖕᒥᓂᖅ ᑐᓂᕐᕈᑎᒋᓂᕐᒥᒍᑦ. 27ᐃᓄᐃᓪᓗ ᐊᑕᐅᓯᐊᕐᓗᑎᒃ ᑐᖁᔭᕆᐊᖃᕐᒪᑕ, ᑭᖑᓂᖓᒍᓪᓕ ᐃᖅᑲᕐᑐᕐᑕᐅᕕᒃᓴᖃᕐᐳᑦ. 28#ᐂᓮᐊᓯ 53:12.ᑍᒫᒃᑕᐅᖅ ᙭ᔅᑑᓯ, ᐊᑕᐅᓯᐊᕐᓗᓂ ᑐᓂᕐᕈᑎᒋᔭᐅᓚᐅᕐᐳᖅ ᐊᒥᓱᑦ ᐊᔪᕐᓂᖏᑦ ᐲᔭᕐᑕᐅᖁᓪᓗᒋᑦ, ᑭᖑᓪᓕᕐᒥᒡᓕ ᓴᖅᑭᑦᓱᒫᕆᕗᖅ, ᐊᔪᕐᓂᕐᒥᒃ ᐱᑦᔪᑎᖃᕈᓐᓁᕐᓗᓂ ᐱᐅᓕᓯᔭᕐᑐᓕᕐᓗᓂᓕ ᐅᑕᖅᑭᔪᓂᒃ ᑖᑦᓱᒥᖓ.

Currently Selected:

ᐄᑉᕈᐃᓄᑦ 9: EAIB

Highlight

Compare

Copy