ᐄᑉᕈᐃᓄᑦ 8
8
ᔩᓱᓯ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᕆᕙᕗᑦ
1 #
ᐃᓐᖏᕈᑦ 110:1. ᐅᖃᐅᑎᒋᔭᕗᑦ ᐃᒫᒃ ᑐᑭᖃᕐᐳᑦ: ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖃᕋᑦᑕ, ᕿᓚᖕᒦᑦᑑᑉ ᐊᖓᔪᖅᑳᕐᔪᐊᑉ ᐃᒃᓯᕙᐅᑕᕐᔪᐊᖓᑕ ᑕᓕᕐᐱᐊᓂ ᐃᒃᓯᕙᔪᒥᒃ, 2ᑖᓐᓇᓗ ᐱᔨᑦᓯᕐᑎᐅᕗᖅ ᐃᑦᔪᕐᓁᓐᓂᕐᐸᐅᔪᒥ, ᑐᐱᕐᒥ ᑐᒃᓯᐊᕐᕕᖕᒥ ᐋᖅᑭᑦᓯᐊᕐᓯᒪᔪᒥ ᐊᑕᓂᐅᑉ ᓇᑉᐸᕐᑎᓯᒪᔭᖓᓂ, ᐃᓄᖕᒧᑦ ᓇᑉᐸᕐᑎᑕᐅᓯᒪᓐᖏᑦᑐᖅ.
3ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑲᐅᔪᑦ ᐊᑐᓂᑦ ᑎᓕᔭᐅᓯᒪᕙᒃᐳᑦ ᐆᒪᔪᓂᒃ ᑐᖁᑦᓯᓪᓗᑎᒃ ᑐᓂᕐᕈᓯᖁᓪᓗᒋᑦ ᒎᑎᒧᑦ, ᑍᒤᒻᒪᑦᑕᐅᖅ ᑖᓐᓇ ᑐᓂᕐᕈᓯᕐᓂᕐᒥᒃ ᐱᔭᒃᓴᖃᕐᑐᒃᓴᐅᒋᕗᖅ. 4ᓄᓇᒦᒃᑯᓂᓕ, ᑐᓂᕐᕈᓯᕐᑎᑦᓯᔨᐅᒐᔭᓐᖏᓚᖅ, ᑐᓂᕐᕈᓯᕐᑎᑦᓯᔩᑦ ᐊᑐᐃᓐᓇᐅᖕᒪᑕ ᑐᓂᕐᕈᓯᕐᐸᒃᑐᑦ ᑐᓂᕐᕈᑎᓂᒃ ᐱᖁᔭᐅᓯᒪᔪᓂᒃ ᐱᖁᔭᑎᒍᑦ. 5#ᒨᓯᓯ ᐂᑉᐸᖏᑦ 25:40.ᑖᒃᑯᐊᓕ ᐱᓇᓱᐊᕐᑕᖓᑦ ᐃᑦᔪᕐᓁᑦᑐᕕᖕᒥ ᐊᑦᔨᑐᐃᓐᓇᐅᕗᑦ ᑕᕐᕋᑐᐃᓐᓇᐅᓪᓗᑎᒡᓗ ᕿᓚᖕᒦᑦᑐᒧᑦ. ᑍᒤᒻᒪᑦ ᒨᓯᓯ ᑐᐱᓕᐅᕐᓂᐊᓕᕐᒪᑦ ᐊᖏᖃᑎᒌᒍᑕᐅᓯᒪᔪᕐᑕᓕᖕᒥᒃ, ᐅᖃᐅᑦᔭᐅᓚᐅᕐᐳᖅ: “ᑲᒪᑦᓯᐊᕆᑦ ᑕᒤᓐᓂᒃ ᑕᑯᑎᑕᐅᑦᔪᑎᒋᓚᐅᕐᑕᕐᓂᒃ ᖃᖅᑲᒦᑎᓪᓗᑎᑦ ᓴᓇᖁᓪᓗᑎᑦ ᑍᒫᓪᓗᐊᖅ ᐊᑦᔨᒋᔭᐅᑎᓪᓗᒍ.” 6ᔩᓱᓯᓕ ᑐᓂᓯᕕᐅᓯᒪᕗᖅ ᑐᓂᕐᕈᓯᕐᑎᑦᓯᔨᐅᓂᐅᑉ ᐱᓇᓱᐊᒐᖓᓂᒃ ᐱᐅᓂᕐᓴᒻᒪᕆᐅᔪᒥᒃ ᐱᑐᖃᕆᔭᐅᓚᐅᕐᑐᒥᑦ; ᐊᖏᖃᑎᒌᒍᑕᐅᓯᒪᔪᒥᒃ ᐋᖅᑭᒃᓯᒪᖕᒪᑦ ᐊᖅᑯᓵᒐᐅᓪᓗᓂ ᒎᑎᐅᓪᓗ ᐃᓄᐃᓪᓗ ᐊᑯᕐᖓᓐᓂ, ᑐᓐᖓᕕᒃᓴᖃᕐᓗᓂᓗ ᐊᖏᕈᑕᐅᓯᒪᔪᒥᒃ ᐱᐅᓂᕐᓴᒥᒃ.
7ᐊᖏᖃᑎᒌᒍᑕᐅᓯᒪᔪᕐᓕ ᓯᕗᓪᓕᖅ ᐃᓗᐊᖏᑦᔪᑎᒃᓴᖃᓚᐅᖏᑉᐸᑦ, ᐊᓯᐊᓂᒃ ᐋᖅᑭᒃᓯᔪᖃᒃᑲᓐᓂᕆᐊᖃᕋᔭᓚᐅᓐᖏᓚᖅ. 8#ᔨᕆᒤᐊ 31:31-34.ᒎᑎᓕ ᓈᒻᒪᖏᑦᔪᑎᒃᓴᒥᒃ ᐃᓄᖁᑎᒥᓂᑦ ᓇᒡᕚᓚᐅᕋᒥ ᐅᖃᓚᐅᕐᐳᖅ:
“ᑕᑯᒋᑦ, ᐅᓪᓗᐃᑦ ᓇᓪᓕᐅᑦᓱᒫᕐᐳᑦ, ᐊᑕᓂᖅ ᐅᖃᕐᐳᖅ,
ᐊᖏᖃᑎᒌᖕᓂᕐᒥᒃ ᓄᑖᒥᒃ ᐋᖅᑭᒃᓯᓂᕆᔪᒫᕐᑕᕋ
ᐃᓴᕆᐊᓕᒥᐅᓄᑦ ᔫᑕᒥᐅᓄᓪᓗ.
9ᓯᕗᓕᕆᓚᐅᕐᑕᖏᓐᓄᑦ ᐊᖏᖃᑎᒌᒍᑎᒋᓚᐅᕐᑕᒪ ᐊᑦᔨᒋᔪᒫᓐᖏᓛ,
ᑍᑦᓱᒪᓂ ᑕᓯᐅᕐᓗᒋᑦ ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕋᒃᑭᑦ,
ᑲᒪᑦᓯᐊᓚᐅᖏᒻᒪᑕ ᐊᖏᖃᑎᒌᒍᑎᒋᓚᐅᕐᑕᓐᓂᒃ ᑖᒃᑯᓄᖓ,
ᑍᒤᒻᒪᑦ ᕿᒪᓚᐅᕐᐸᒃᑲ, ᐊᑕᓂᖅ ᐅᖃᕐᐳᖅ.
10ᐊᖏᖃᑎᒌᖕᓂᕐᒥᒡᓕ ᐋᖅᑭᒃᓯᔪᒫᕐᐳᖓ ᐃᓴᕆᐊᓕᐅᑉ ᐃᓄᖏᓐᓄᑦ
ᐅᓪᓗᓂ ᓇᓪᓕᐅᑎᔪᒫᕐᑐᓂ, ᐊᑕᓂᖅ ᐅᖃᕐᐳᖅ.
ᐱᖁᔭᒃᑲ ᐃᓱᒪᖏᓐᓄᑦ ᑐᖅᑯᕈᒫᕐᐸᒃᑲ
ᐆᒻᒪᑎᖏᓐᓂᓗ ᑎᑎᕋᕐᓗᒋᑦ.
ᑖᒃᑯᓇᖓᑦ ᒎᑎᒋᔭᐅᔪᒫᕐᐳᖓ,
ᑖᒃᑯᐊᓗ ᐃᓄᖁᑎᒋᔪᒫᕐᐸᒃᑲ.
11ᓇᓪᓕᐊᑦ ᐊᔪᕆᕐᑐᐃᔭᕆᐊᖃᕈᒫᓐᖏᓚᖅ ᐃᓅᖃᑎᒥᓂᒃ,
ᓄᓇᖅᑲᑎᒥᓂᒡᓘᓐᓃᑦ, ᐅᖃᐅᑎᓗᒍ, ‘ᐊᑕᓂᖅ ᖃᐅᔨᓕᕈᒃ,’
ᑖᒃᑯᐊᓕᒫᑦ ᐅᕙᓐᓂᒃ ᖃᐅᔨᒪᓕᕈᒫᕐᒪᑕ,
ᒥᑭᓐᓂᕐᐹᒥᑦ ᐊᖏᓂᕐᐹᖅ ᑎᑭᓪᓗᒍ.
12ᐱᐅᖏᑦᑐᓕᓂᖏᑦ ᐃᓱᒪᒋᔪᓐᓁᕈᒫᕋᒃᑭᑦ
ᐊᔪᕐᓂᖏᓪᓗ ᐃᖅᑲᐅᒪᔪᓐᓃᕈᒫᕐᐸᒃᑲ.”
13ᐅᖃᐅᓯᖃᓕᕋᒥᓕ ᐊᖏᖃᑎᒌᖕᓂᕐᒥᒃ “ᓄᑖᒥᒃ,” ᓯᕗᓪᓕᖅ ᐊᑐᕈᓐᓃᕐᑎᑉᐹ; ᓱᓇᑐᐃᓐᓇᕐᓗ ᐊᑐᕈᓐᓃᕐᑐᖅ ᓄᑕᐅᔪᓐᓃᕐᑐᕐᓗ ᓄᖑᓐᓂᐊᕐᐳᖅ.
Currently Selected:
ᐄᑉᕈᐃᓄᑦ 8: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
