ᐄᑉᕈᐃᓄᑦ 12

ᒎᑎ ᐊᑖᑕᕗᑦ

1ᑍᒤᒻᒪᑦ, ᐅᓄᕐᑐᕐᔪᐊᓂᒃ ᐅᒃᐱᕐᓂᑯᑦ ᐃᓅᓯᒪᔪᓂᒃ ᐊᕙᑕᖏᕐᑕᐅᓯᒪᒐᑦᑕ, ᐅᕙᑦᑎᓐᓄᑦ ᐊᒡᕕᐊᕐᑐᑦ ᐲᔭᓚᐅᕐᓚᕗᑦ, ᐊᔪᕐᓃᑦ ᐅᕙᑦᑎᓐᓄᑦ ᓂᐱᓐᖓᔪᑦ, ᐅᖁᒤᒃᓴᐅᑎᒋᔭᕗᓪᓗ; ᕿᓄᐃᓵᕐᓗᑕ ᐅᓪᓚᖃᑕᐅᓚᐅᕐᑕ ᑲᔪᓯᓗᑕ ᐅᐸᒐᓱᐊᕐᑕᕗᑦ ᓯᕗᓂᑦᑎᓐᓃᒻᒪᑦ, 2ᔩᓱᓯ ᑕᑯᓐᓈᕐᓗᒍ ᐅᒃᐱᕐᓂᑦᑎᓐᓂᒃ ᐱᒋᐊᕐᑎᑦᓯᔨᐅᓪᓗᓂᓗ ᓈᒻᒪᒃᓯᑎᑦᓯᔪᖅ, ᑖᓐᓇ ᖁᕕᐊᓱᖕᓂᒃᓴᒥᓂᒃ ᑕᑯᓐᓈᕋᒥ ᓴᓐᓂᖓᔪᓕᒃ ᕿᓄᐃᓵᕐᓗᓂ ᐊᑐᓚᐅᕐᐹ, ᑲᓐᖑᓇᕐᓂᖓ ᑲᒪᒋᓇᒍ, ᒫᓐᓇᓗ ᐃᒃᓯᕙᓕᕐᐳᖅ ᒎᑎᐅᑉ ᐃᒃᓯᕙᐅᑕᕐᔪᐊᖓᑕ ᑕᓕᕐᐱᐊᓂ.

3ᐃᓱᒪᒋᓚᐅᕐᓯᐅᒃ ᑖᑦᓱᒪ ᐊᑐᓚᐅᕐᑕᖓ ᐊᖏᔪᒥᒃ ᕿᓄᐃᓵᓚᐅᕐᐳᖅ ᐊᔪᕐᑐᓕᔪᓄᑦ ᐊᑭᕋᕐᑐᕐᑕᐅᒐᓗᐊᕋᒥ, ᓴᓐᖐᓕᖁᓇᓯ ᓴᐱᓕᖁᓇᓯᓗ. 4ᐊᔪᕐᑐᓕᓂᕐᒥᒃ ᓵᓚᖃᕋᓱᐊᕐᑎᓪᓗᓯ ᑐᖁᑕᐅᑐᐃᓐᓇᕆᐊᖃᓕᕐᓗᓯ ᓱᓕ ᐱᓚᐅᖏᓐᓇᑦᓯ. 5#ᔫᐱ 5:17; ᓲᓗᒨᓂ 3:11,12.ᐳᐃᒍᕐᐱᓯᐅᒃ ᐅᖃᐅᓰᑦ ᐱᕙᓪᓕᕐᓇᕐᑐᑦ ᐃᓕᑦᓯᓐᓄᑦ ᐅᖃᐅᓯᐅᓯᒪᔪᑦ ᕿᑐᕐᖓᖃᕐᓂᕋᕐᑐᑦ?

“ᐃᕐᓃᒃ, ᐊᑕᓂᐅᑉ ᐋᖅᑭᒋᐊᕐᓯᓂᖓᓂᒃ ᓇᕐᕈᑦᑍᓕᒋᑦ,

ᓴᐱᓕᕐᑍᓕᒋᓪᓗ ᑖᑦᓱᒧᖓ ᓱᐊᖓᔭᐅᒍᕕᑦ.

6ᐊᑕᓂᐅᑉ ᓇᒡᓕᒋᔭᓂ ᐋᖅᑭᒋᐊᕐᐸᖕᒪᒋᑦ,

ᕿᑐᕐᖓᕆᓕᕐᑕᓂᓗ ᑕᒪᕐᒥᒃ ᓱᒋᐊᕐᐸᒃᖢᓂᒋᑦ.”

7ᐋᖅᑭᒋᐊᕐᑕᐅᓂᐅᓪᓕ ᐅᖁᒤᓐᓂᖓᓂᒃ ᕿᓄᐃᓵᕈᑎᖃᕆᐊᖃᕐᐳᓯ. ᑕᒪᑐᒨᓇ ᒎᑎᐅᑉ ᓴᖅᑭᑎᑦᓯᕕᒋᕚᓯ ᕿᑐᕐᖓᖃᕐᓂᕐᒥᓂᒃ; ᓇᓪᓕᐊᓐᓂᒃ ᕿᑐᕐᖓᕆᔭᐅᔪᒥᒃ ᐊᑖᑕᒥᓄᑦ ᐋᖅᑭᒋᐊᕐᑕᐅᓚᐅᕐᓯᒪᖏᑦᑐᖃᕐᐹ? 8ᐋᖅᑭᒋᐊᕐᑕᐅᕙᖏᒃᑯᑦᓯᓕ, ᐊᓯᓕᒫᓯ ᐋᖅᑭᒋᐊᕐᑕᐅᕙᒃᑎᓪᓗᒋᑦ, ᑕᕝᕙ ᑖᑦᓱᒧᖓ ᕿᑐᕐᖓᕆᔭᐅᓐᖏᓚᓯ ᑕᒫᓐᖕᒊᓐᓇᕐᓕ ᐃᓅᓯᒪᕗᓯ. 9ᑎᒥᑦᑎᒍᑦ ᐊᑖᑕᒋᔭᕗᑦ ᓱᒋᐊᕐᑎᒋᕙᓚᐅᕋᑦᑎᒋᑦ ᑍᒤᓕᐅᓚᐅᕐᓂᖏᑦ ᐅᐱᒋᕙᕗᑦ. ᑕᕝᕙᓕ ᐊᓂᕐᓂᒃᑯᑦ ᐊᑖᑕᒋᔭᕗᑦ ᓈᓚᒐᒃᓴᕆᓐᖏᓚᕘᑦ ᐃᓅᖁᓪᓗᑕ? 10ᑎᒥᑦᑎᒍᑦ ᐊᑖᑕᑦᑕ ᐋᖅᑭᒋᐊᕐᐸᓚᐅᕐᐹᑎᒍᑦ ᓯᕕᑭᑦᑐᒥᒃ ᓈᒻᒪᒐᓱᒋᔭᒥᖕᓄᑦ, ᒎᑎᐅᓪᓕ ᐋᖅᑭᒋᐊᕐᐸᒃᐹᑎᒍᑦ ᐅᕙᑦᑎᓐᓄᑦ ᐱᕙᓪᓕᕐᓇᕐᑐᒥᒃ, ᐃᑦᔪᕐᓁᓐᓂᖓᓂᒃ ᐃᓚᖏᐅᑎᖃᑕᐅᖁᓪᓗᑕ. 11ᐋᖅᑭᒋᐊᕐᑕᐅᑎᓪᓗᑕ ᐃᓱᒪᒋᕙᕗᑦ ᖁᕕᐊᓱᖏᑦᔪᑎᒃᓴᐅᓇᓱᒋᓪᓗᒍ ᕿᒃᓴᐅᑎᒋᕙᕗᑦ; ᐋᖅᑭᒋᐊᕐᑕᐅᕙᒃᑐᓪᓕ ᐱᕈᕐᓴᑎᓪᓗᒋᑦ ᑭᖑᓂᖓᒍ ᓮᒪᓇᕐᑐᒥᒃ ᐃᓗᐊᕐᑐᒥᒡᓗ ᐃᓅᓯᖃᕈᑕᐅᓂᕐᓴᐅᕗᖅ ᑍᒤᑦᑐᒃᑯᑦ ᐱᒋᐅᕐᓴᕐᑕᐅᓯᒪᔪᓄᑦ.

ᖃᐅᔨᒪᔭᐅᔪᒃᓮᑦ ᐅᓗᕆᐊᒋᔭᒃᓮᓪᓗ

12 # ᐂᓮᐊᓯ 35:3. ᑍᒤᒻᒪᑦ ᐊᒡᒐᓯ ᓄᑮᕈᑎᓯᒪᔪᑦ ᖁᒻᒧᐊᒃᑎᓕᕐᓯᒋᒃ ᓰᖅᑯᓯᓗ ᓴᓐᖐᓕᓯᒪᔪᑦ ᓴᓐᖏᒃᑎᓴᓕᕐᓯᒋᒃ, 13#ᓲᓗᒨᓂ 4:26.ᐊᖅᑯᑦ ᑐᑭᓕᐊᕐᑐᖅ ᐊᑐᓕᕐᓯᐅᒃ ᐃᑎᒐᓯ ᑐᓯᐊᑦᑐᑦ ᐊᔪᓕᖁᓇᒋᑦ ᐋᖅᑭᒃᑕᐅᖁᓪᓗᒋᓪᓕ.

14ᐃᓅᖃᑎᓕᒫᑦᓯᓐᓂᒃ ᐃᓅᖃᑎᖃᑦᓯᐊᕋᓱᐊᕆᑦᓯ, ᐃᓅᓯᖃᕐᓗᓯᓗ ᐃᑦᔪᕐᓁᑦᑐᒥᒃ ᑍᒫᒃ ᐃᓅᓯᖃᖏᑦᑐᑦ ᐊᑕᓂᖅ ᑕᑯᓂᐊᖏᒻᒪᑦᔪᒃ. 15#ᒨᓯᓯ ᑕᓪᓕᒪᖏᑦ 29:18.ᖃᐅᔨᓴᕆᑦᓯ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᐊᓐᓁᔪᖃᖁᓇᒍ; ᐱᕈᕐᑐᑎᑐᑦ ᒪᒤᓕᔪᑎᑐᑦ ᑍᒤᓕᔪᖃᕐᑍᓕᓕ ᐊᑭᕋᕐᑐᕐᑎᒌᖕᓂᕐᒥᒃ ᓴᖅᑭᑎᑦᓯᔪᒥᒃ, ᐅᓄᕐᑐᓪᓗ ᑕᒪᑐᒧᖓ ᓱᒃᑯᑎᕐᑕᐅᖁᓇᒋᑦ. 16#ᒨᓯᓯ ᓯᕗᓪᓖᑦ 25:29-34.ᐊᕐᓇᕐᓂᐊᕐᓂᕐᒧᑦ ᐊᖑᓐᓂᐊᕐᓂᕐᒧᓪᓗ ᐊᔪᓕᕈᑎᖃᕐᑐᖃᕐᑍᓕᓕ ᓈᒻᒪᖏᑦᑐᓂᒃᓘᓪᓃᑦ ᐃᓕᖅᑯᓯᖃᕋᓱᐊᕐᑐᖃᕐᑍᓕᓕ ᐃᑦᔪᕐᓇᕐᑐᒥᒃ ᐄᓴᑐᑦ ᑍᒤᑦᑐᒥᒃ, ᑖᑦᓱᒪ ᐊᑕᐅᓯᐊᕐᓗᓂ ᓂᕆᔭᒃᓴᒥᓄᑦ ᐃᕐᓂᐊᖑᖅᑳᕐᓯᒪᓂᓂ ᑐᓐᓂᖅᑯᑎᒋᓚᐅᕐᒪᒍ.#12:16 ᐂᑦᑑᑎᒋᓚᐅᕐᒪᒍ 17#ᒨᓯᓯ ᓯᕗᓪᓖᑦ 27:30-40.ᑭᖑᓂᖓᒍᑦ ᖃᐅᔨᒪᒐᑦᓯ, ᑭᖑᕐᖑᑎᔭᒃᓴᒥᒃ ᐱᔪᒪᓪᓗᓂ ᓮᒻᒪᕐᑎᑕᐅᔪᒪᓚᐅᕋᓗᐊᕐᒪᑦ ᐊᑖᑕᒥᓄᑦ, ᐊᔪᓕᕐᑎᑕᐅᓚᐅᕐᐳᕐᓕ, ᐱᓂᐊᕐᓂᕆᔭᖓ ᐊᓯᑦᔨᕐᑕᐅᔪᓐᓁᓪᓕᓚᐅᕐᒪᑦ, ᐊᒡᓛᑦ ᕿᐊᓪᓗᓂ ᐱᔪᒪᓇᓱᐊᓕᕋᓗᐊᕐᒪᑦ.

18 # ᒨᓯᓯ ᐂᑉᐸᖏᑦ 19:16-22; 20:18-21; ᒨᓯᓯ ᑕᓪᓕᒪᖏᑦ 4:11,12; 5:22-27. ᖃᖅᑲᒧᑦ ᐊᒃᑐᕐᑕᐅᔪᓐᓇᕐᑐᒧᑦ ᑎᑭᖏᓐᓇᑦᓯ, ᐃᑯᐊᓚᔪᖃᕐᑐᒧᑦ, ᑕᒃᓯᕐᑐᒧᓪᓗ, ᑖᕐᑐᕐᔪᐊᒧᓪᓗ, ᐊᓄᕆᕐᔪᐊᕐᑐᒧᓪᓗ, 19ᑎᑦᑐᓚᐅᑎᐅᓪᓗ ᓂᐱᖓᓂᒃ, ᐅᖃᓪᓚᒃᑑᓪᓗ ᓂᐱᖓᓂᒃ ᐃᓄᐃᑦ ᑐᓴᕋᒥᒃ ᕿᓄᓕᓚᐅᕐᐳᑦ ᑍᒤᑦᑐᒥᒃ ᑐᓴᒃᑲᓐᓂᕈᒪᔪᓐᓃᕐᓗᑎᒃ. 20#ᒨᓯᓯ ᐂᑉᐸᖏᑦ 19:12,13.ᐅᖃᓪᓚᒃᑑᑉ ᐱᖁᔨᓂᖓᓂᒃ ᓲᖑᓗᐊᕐᓴᕋᒥᒃ ᐃᒤᓕᔪᒥᒃ, “ᐊᒡᓛᑦ ᓂᕐᔪᑏᑦ ᓇᓪᓕᐊᓐᓄᑦ ᖃᖅᑲᖅ ᐊᒃᑐᕐᑕᐅᒃᐸᑦ, ᑖᓐᓇ ᒥᓪᓗᕐᑕᐅᓗᓂ ᑐᖁᑕᐅᔪᒃᓴᐅᕗᖅ.” 21#ᒨᓯᓯ ᑕᓪᓕᒪᖏᑦ 9:19.ᑕᑯᔭᖏᓪᓗ ᑲᑉᐱᐊᓇᕐᑐᐊᓘᖕᒪᑕ ᒨᓯᓯ ᐅᖃᓚᐅᕐᐳᖅ, “ᑲᑉᐱᐊᓱᖕᓂᕐᒧᑦ ᓴᔪᓕᕐᐳᖓ.”

22ᐃᓕᑦᓯᓕ ᖃᖅᑲᒧᑦ ᓮᐅᓂᒧᑦ ᑎᑭᓯᒪᕗᓯ ᒎᑎᐅᑉ ᑐᖁᓱᐃᑦᑑᑉ ᐃᒡᓗᒐᓴᒡᔪᐊᖁᑎᖏᓐᓄᑦ, ᔨᕉᓴᓕᒧᑦ ᕿᓚᖕᒦᑦᑐᒧᑦ, ᐂᖏᓕᒐᓴᒡᔪᐊᓄᑦ ᓈᓴᕐᑕᐅᔪᓐᓇᖏᑦᑐᓄᑦ ᖁᕕᐊᓱᖃᑎᒌᒡᓗᑎᒃ ᑲᑎᒪᔪᓄᑦ, 23ᑕᒪᓐᓇ ᐅᐸᒃᑕᓯ ᒎᑎᐅᑉ ᐊᖓᔪᒃᓕᕐᐹᖁᑎᖏᑕ ᑲᑎᒪᕕᖓ, ᑕᕝᕙᓃᑦᑐᓪᓗ ᐊᑎᖏᑦ ᑎᑎᕋᕐᓯᒪᕗᑦ ᕿᓚᖕᒥ, ᒎᑎᒧᓪᓗ ᑎᑭᑉᐳᓯ, ᑕᒤᓐᓂᒃ ᐃᖅᑲᕐᑐᐃᔪᒧᑦ, ᐃᓄᐃᓪᓗ ᓇᓛᒎᕐᑐᑦ ᐊᓂᕐᓂᖏᑕ ᓈᒻᒪᒃᓯᑎᑕᐅᕕᖏᓐᓄᑦ, 24#ᒨᓯᓯ ᓯᕗᓪᓖᑦ 4:10.ᔩᓱᓯᓗ ᐅᐸᒃᐸᓯ, ᐊᖏᖃᑎᒌᖕᓂᕐᒥᒃ ᓄᑖᒥᒃ ᐱᔨᑦᓯᕐᑐᖅ, ᐊᐅᖕᒧᓪᓗ ᓯᕐᐸᕐᓴᕐᑕᐅᓯᒪᔪᒧᑦ ᐂᐱᓕᐅᑉ ᐊᐅᖓᓂᑦ ᐱᐅᓂᕐᓴᒥᒃ ᐅᖃᐅᓯᖃᕐᑐᒧᑦ.

25 # ᒨᓯᓯ ᐂᑉᐸᖏᑦ 20:22. ᐃᒃᐱᒍᓱᑦᓯᐊᕆᑦᓯ ᐅᖃᓪᓚᒃᑐᖅ ᓈᓚᒍᒪᖏᓪᓗᒍ ᐱᖁᓇᓯ. ᑍᒃᑯᐊ ᓄᓇᕐᔪᐊᕐᒦᓪᓗᓂ ᐅᖃᓪᓚᒃᑎᓪᓗᒍ ᓈᓚᒍᒪᓚᐅᖏᑦᑐᑦ ᕿᒫᕕᒃᓮᕈᑎᓚᐅᕐᒪᑕ, ᐅᕙᒍᓪᓕ ᐊᖏᓂᕐᓴᒥᒃ ᕿᒫᔪᓐᓇᕐᓂᐊᓐᖏᓚᒍᑦ ᕿᓚᖕᒦᑦᑑᑉ ᐅᖃᐅᓯᖏᓐᓂᒃ ᓈᓚᒍᒪᓂᐊᖏᒃᑯᑦᑕ. 26#ᕼᐊᒊ 2:6.ᑍᑦᓱᒪᓂ ᓂᐱᖓᑕ ᓄᓇᕐᔪᐊᖅ ᓴᔪᒃᑎᓚᐅᕐᐹ; ᒫᓐᓇᓕ ᐊᖏᕈᑎᖃᕐᓗᓂ ᐅᖃᕐᓯᒪᕗᖅ, “ᓱᓕ ᐊᑕᐅᓯᐊᕐᓗᖓ ᓴᔪᒃᑎᑦᓯᒃᑲᓐᓂᕐᓂᐊᕐᐳᖓ ᓄᓇᕐᔪᐊᕐᒥ ᑭᓯᐊᓂᐅᖏᑦᑐᖅ ᕿᓚᖕᒥᓕᑦᑕᐅᖅ.” 27ᐅᓇ ᐅᖃᐅᓯᖅ, “ᓱᓕ ᐊᑕᐅᓯᐊᕐᓗᖓ,” ᓇᓗᓇᖏᑦᑐᒥᒃ ᓴᖅᑭᑎᑦᓯᕗᖅ ᐱᓐᖑᕐᑎᑕᐅᓯᒪᔪᑦ ᐊᐅᓚᑎᑕᐅᓂᐊᕐᒪᑕ ᐲᕐᑕᐅᓗᑎᒡᓗ, ᑖᒃᑯᐊ ᐊᐅᓚᑎᑕᐅᔪᓐᓇᖏᑦᑐᑦ ᑍᒤᓕᖕᒊᓐᓇᓕᖁᓪᓗᒋᑦ.

28ᑍᒤᒻᒪᑦ ᖁᔭᓕᓚᐅᕐᑕ ᐊᑕᓂᐅᕕᖕᒥᒃ ᐊᐅᓚᑎᑕᐅᔪᓐᓇᖏᑦᑐᒥᒃ ᐱᑎᑕᐅᓯᒪᓕᕋᑦᑕ, ᖁᔭᓕᓗᑕ ᒎᑎ ᑐᒃᓯᐊᕐᕕᒋᓚᐅᕐᓚᕗᑦ ᑖᑦᓱᒪ ᖁᕕᐊᒋᔭᖓᒍᑦ, ᐃᒃᐱᒋᑦᓯᐊᕐᓗᒍ ᐃᓕᕋᒋᓗᒍᓗ; 29#ᒨᓯᓯ ᑕᓪᓕᒪᖏᑦ 4:24.ᒎᑎᕗᑦ ᐃᑯᒪᐅᖕᒪᑦ ᓄᖒᑦᓯᔪᕐᔪᐊᖅ.

Currently Selected:

ᐄᑉᕈᐃᓄᑦ 12: EAIB

Highlight

Compare

Copy