ᕼᐊᐸᑲᐅᑉ ᐊᒡᓚᖏᑦ 3
3
ᕼᐊᐸᑲᐅᑉ ᑐᒃᓯᐊᕐᓂᖓ
1ᐅᑯᐊ ᑕᕝᕙ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᕼᐊᐸᑲᐅᑉ ᑐᒃᓯᐊᕈᑎᒋᓚᐅᕐᑕᖏᑦ:
2ᐊᑕᓃᖅ, ᑐᓴᕐᓯᒪᕗᖓ ᐅᓂᒃᑲᐅᓯᐅᓯᒪᓂᕐᓂᒃ,
ᐱᓇᓱᐊᕐᓂᕆᓯᒪᔭᑎᓪᓗ ᐊᑕᓃᖅ, ᓯᕘᕋᒋᕙᒃᑲ.
ᐱᓂᐊᕐᓂᕆᕙᓚᐅᕐᑕᑎᑦ ᐅᓪᓗᒥ ᓄᑕᐅᓯᓕᕐᓗᒋᑦ;
ᐱᓂᐊᕐᓂᕆᕙᓚᐅᕐᑕᑎᓪᓗ ᐅᓪᓗᒥ ᖃᐅᔨᔭᐅᑎᓪᓗᒋᑦ;
ᓂᓐᖓᐅᒪᓗᑎᑦ ᐃᖅᑬᓚᐅᕆᑦ ᓂᑲᒍᓱᖕᓂᕐᒥᒃ.
3ᒎᑎ ᑎᑭᑉᐳᖅ ᑏᒪᓂᒥᑦ;
ᐃᑦᔪᕐᓁᑦᑐᖅ ᐸᕌᓂᐅᑉ ᖃᖅᑲᖓᓂᑦ.
ᑖᑦᓱᒪ ᓂᕐᑐᕐᓇᕐᓂᖓᑕ ᕿᓚᒃ ᐅᓕᒃᓯᒪᕚ,
ᓄᓇᕐᔪᐊᓕᒫᕐᓗ ᑕᑕᑉᐳᖅ ᑖᑦᓱᒥᖓ ᓂᕐᑐᐃᓂᕐᒥᒃ. ᓰᓚ
4ᑖᑦᓱᒪ ᖃᐅᒻᒪᕆᖕᓂᖓ ᖃᐅᒻᒪᓚᒃᑎᑐᑦ ᑍᒤᑉᐳᖅ,
ᐊᒡᒐᖏᓐᓂᑦ ᖃᐅᒪᔪᖅ ᓇᓂᕈᐊᕐᑐᑎᑐᑦ ᑍᒤᑉᐳᖅ;
ᑕᕝᕙᓂᓗ ᐱᔪᓐᓇᕐᓂᖓ ᐃᔨᕐᓯᒪᕗᖅ.
5ᓯᕗᓂᖓᓂ ᖃᓂᒪᓇᕐᑐᑦ ᐃᖏᕐᕋᕗᑦ,
ᑭᖑᓂᑦᓯᐊᖓᓂᓗ ᑐᖁᓐᓇᕐᑐᑦ ᒪᓕᒡᓗᑎᒃ.
6ᓄᖅᑲᕐᒪᑦ, ᓄᓇᕐᔪᐊᖅ ᐊᐅᓚᓕᕐᐳᖅ;
ᑕᑯᓴᕐᒪᑦ ᐃᓅᖃᑎᒌᒡᔪᐊᑦ ᓴᔪᓕᕐᐳᑦ.
ᖃᖅᑬᑦ ᐃᓱᖃᖏᑦᑐᒥᑦ ᓯᐊᒻᒪᓕᕐᐳᑦ;
ᐱᖑᐊᕐᔪᐃᓪᓗ ᓄᖑᓱᐃᑦᑐᑦ ᑭᕕᓕᕐᐳᑦ,
ᑍᑦᓱᒪᓂᐊᓗᒃ ᑖᑦᓱᒪ ᐱᓱᒡᕕᒋᕙᓚᐅᕐᑕᖏᑦ.
7ᑯᓵᓐᒥᐅᑦ ᐃᓄᖏᑦ ᑕᑯᕙᒃᑲ ᑲᑉᐱᐊᓱᓕᕐᑐᑦ;
ᒥᑎᐊᓂᒥᐅᓪᓗ ᐃᓄᖏᑦ ᓴᔪᓕᕐᑐᑦ.
8ᐊᑕᓃᖅ, ᑰᖕᒧᑦ ᓂᓐᖓᒃᑎᑕᐅᕖᑦ?
ᐃᒪᕕᖕᒧᑦ ᓂᓐᖓᕕᒡᔪᐊᕐᑎᑕᐅᕖᑦ?
ᓄᕗᔧᑦ ᖄᖏᑎᒍᑦ ᐃᑭᒪᒐᕕᑦ;
ᓯᓚᕐᓂᕐᓗᐃᓪᓗ ᓄᕗᔭᑦ ᕿᒧᒃᓯᐅᑎᒋᕙᑎᑦ ᐊᒃᓴᓗᐊᓕᒃᑎᑐᑦ,
ᑕᒪᒃᑯᑎᒎᓇᕐᓗ ᓵᓚᖃᕐᑎᑦᓯᓪᓗᑎᑦ ᐃᓄᖁᑎᖕᓂᒃ.
9ᐱᑎᒃᓰᑦ ᕿᓗᓯᒪᓕᓚᐅᕐᐸᑦ ᐱᒋᐊᑐᐃᓐᓇᕆᐊᖃᓕᕐᓗᑎᑦ,
ᖃᕐᔪᐃᓪᓗ ᐱᑎᒃᓯᖕᓂ ᓄᕿᒻᒥᓕᓚᐅᕐᐸᑦ ᐱᓯᒋᐊᑐᐃᓐᓇᕆᐊᖃᓕᕐᓗᑎᑦ.
ᖃᐅᒻᒫᓪᓚᖁᑎᕕᓪᓗ ᓄᓇᕐᔪᐊᖅ ᖁᐱᑎᓚᐅᕐᐹ.
10ᖃᖅᑬᓪᓗ ᐃᓕᖕᓂᒃ ᑕᑯᒐᒥᒃ ᓴᔪᓕᕐᐳᑦ;
ᐃᒦᓪᓗ ᐃᒃᑑᓕᔮᕐᓗᑎᒃ ᖁᕕᓕᕐᐳᑦ ᕿᓚᖕᒥᑦ.
ᐃᒪᕐᔪᐊᕐᓗ ᐃᒃᑑᓕᔮᓕᕐᐳᖅ ᓄᓇᐅᑉ ᐊᑖᓂᑦ,
ᐃᒪᐅᓪᓗ ᐃᖏᐅᓕᖕᓂᖓ ᐳᕐᑐᓯᓪᓗᓂ.
11ᖃᕐᔪᕕᑦ ᓱᒃᑲᓕᓂᕐᒧᑦ ᖃᐅᒻᒪᓪᓚᖕᓂᖏᓐᓂ
ᖃᓗᒋᐊᕐᐱᓪᓗ ᓱᒃᑲᓂᖏᑕ ᕿᓪᓛᒋᕐᓂᖏᓐᓂ,
ᓯᕿᓂᖅ ᑕᖅᑭᕐᓗ ᐃᓂᒥᖕᓂ ᓄᖅᑲᖓᓚᐅᕐᐴᒃ.
12ᓄᓇᕐᔪᐊᒃᑯᑦ ᐱᓱᒃᐳᑎᑦ ᓂᓐᖓᐅᒪᓪᓗᑎᑦ;
ᓂᓐᖓᕕᒃᔪᐊᕐᓯᒪᓪᓗᑎᓪᓗ ᐃᓅᖃᑎᒌᒡᔪᐊᑦ ᑐᓪᓕᕋᕐᐸᑎᑦ.
13ᐊᓂᓚᐅᕐᐳᑎᑦ ᐃᓄᖁᑎᑎᑦ ᐱᐅᓕᔭᕐᑐᕐᓗᒋᑦ,
ᐊᖓᔪᖅᑳᕐᔪᐊᖑᖁᓪᓗᒍ ᓂᕈᐊᕐᓯᒪᔧᑦ ᐱᐅᓕᔭᕐᑐᕐᓗᒍ.
ᐱᐅᖏᑦᑐᓕᔪᑦ ᐊᖓᔪᖅᑳᖓᑦ ᐅᕐᕈᑎᓚᐅᕐᐸᑦ
ᒪᓕᒃᑎᖏᓪᓗ ᓄᖑᑦᓯᐊᓚᐅᕐᐸᑎᑦ.
14ᖃᕐᔪᕕᑦ ᑲᐱᓚᐅᕐᐹ ᐅᓇᑕᕐᑐᒃᓴᖁᑎᖏᑕ ᐊᖓᔪᖅᑳᖓᑦ,
ᐅᓚᔪᔭᕐᑎᑐᑦ ᕾᓕᕐᑎᓪᓗᒍ ᐅᕙᑦᑎᓐᓂᒃ ᓯᐊᒻᒪᕐᑎᑦᓯᔪᒪᓪᓗᓂ,
ᖁᕕᐊᓲᑎᖃᑐᐃᓐᓇᓚᐅᕐᐳᑦ ᐊᔪᕐᓴᕐᑐᓂᒃ
ᐄᓯᔪᑎᑐᑦ ᐱᔪᒪᓪᓗᑎᒃ ᖃᐅᔨᔭᐅᖏᓪᓗᑎᒃ.
15ᐃᒪᕐᔪᐊᖅ ᑐᓪᓕᕋᓚᐅᕐᐸᑦ ᕿᒻᒥᕐᔪᐊᖁᑎᖕᓄᑦ,
ᑕᕝᕙ ᐃᒪᕐᔪᐊᑉ ᐱᔪᓐᓇᕐᓂᖓ ᑍᒫᒃ ᓴᖅᑭᑎᓚᐅᕐᐸᑦ.
16ᑕᒪᓐᓇᓗ ᑐᓴᕋᒃᑯ, ᐃᓗᒐ ᓴᔪᓕᕐᐳᖅ;
ᖃᓂᕐᒪᓗ ᓯᓈ#3:16 ᖃᓂᕐᒪ ᓯᓈ ᐅᕝᕙᓗ ᖃᕐᖓᓯᓈᕋ ᐆᓕᒃᑐᑎᑐᑦ ᑍᒤᓕᕐᐳᖅ ᑲᑉᐱᐊᓱᖕᓂᕐᒧᑦ.
ᓴᐅᓂᒃᑲᓗ ᓴᐅᓂᓐᖑᔪᑎᑐᑦ ᑍᒤᓕᕐᐳᑦ,
ᐃᑎᒐᒃᑲᓗ ᖁᐂᔭᕿᑦᑖᓕᕐᐳᑦ ᑐᖕᒪᕐᑕᒃᑯᑦ.
ᓂᐱᖃᖏᓪᓗᖓ ᐅᑕᖅᑭᑐᐃᓐᓇᕐᓂᐊᓕᕐᐳᖓ ᑎᑭᓛᕐᑐᒥᒃ
ᒎᑎᐅᑉ ᓱᒋᐊᕐᓯᓂᒃᓴᖓᓂᒃ ᐅᕙᑦᑎᓐᓂᒃ ᓱᒃᑯᔨᐊᖃᕐᑐᓂᒃ.
17ᓇᐹᕐᑐᐃᑦ ᐱᒋᓕᖕᓂᒃ ᐸᐅᕐᖓᖃᕐᐸᒃᑐᑦ ᐱᕈᕐᕕᐅᖏᒃᑲᓗᐊᕐᐸᑕ
ᐸᐅᕐᖓᓂᒡᓗ ᕔᓂᒃᓴᓂᒃ ᐱᕈᕐᑐᖃᖏᒃᑲᓗᐊᕐᐸᑦ,
ᓇᐹᕐᑐᓪᓗ ᐅᕐᓱᒃᓴᓖᑦ ᐱᕈᕐᕕᐅᖏᒃᑲᓗᐊᕐᐸᑕ
ᐱᕈᕐᓰᕖᓪᓗ ᓂᐊᖂᔭᒃᓴᓂᒃ ᐱᕈᕐᕕᐅᖏᒃᑲᓗᐊᕐᐸᑕ,
ᓰᐱᓕᒫᓪᓗ ᑐᖁᒐᓗᐊᕐᐸᑕ
ᐃᒻᒧᒃᓯᐅᒊᓪᓗ ᐃᓂᒋᕙᒃᑕᖏᑦ ᐆᒪᔪᕐᑕᖃᕈᓐᓁᕋᓗᐊᕐᐸᑕ,
18ᓱᓕ ᖁᕕᐊᓱᒡᓗᖓ ᐊᑕᓂᖅ ᓂᕐᑐᕈᒪᕙᕋ,
ᒎᑎᓗ ᖁᕕᐊᓲᑎᒋᔪᒪᕙᕋ ᐱᐅᓕᔨᒋᒐᒃᑯ.
19 #
ᓴᒧᐃᓕ ᐂᑉᐸᖏᑦ 22:34; ᐃᓐᖏᕈᑦ 18:33. ᐊᑕᓂᖅ ᒎᑎ, ᐱᔪᓐᓇᕐᓂᖃᕐᕕᒋᒐᒃᑯ;
ᐃᑎᒐᒃᑲ ᑐᒃᑐᖓᔫᑉ ᐃᑎᒐᖏᑎᑐᑦ ᑍᒤᑎᒻᒪᒋᑦ,
ᖃᖅᑲᓂ ᐃᓐᓈᕈᕐᓂᓗ ᖁᐂᑦᑖᖁᓇᖓ ᖃᓄᐃᓕᖁᓇᖓᓗ.
Currently Selected:
ᕼᐊᐸᑲᐅᑉ ᐊᒡᓚᖏᑦ 3: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
