ᕼᐊᐸᑲᐅᑉ ᐊᒡᓚᖏᑦ 2
2
ᐊᑕᓂᐅᑉ ᑭᐅᓂᖓ ᕼᐊᐸᑲᒧᑦ
1ᖃᐅᔨᓴᕐᕕᖕᒦᑦᓱᒪᕗᖓ ᐊᕙᓗᕐᔪᐊᑉ ᓇᖏᕐᕕᖓᓂ, ᐅᑕᖅᑭᓗᖓ ᖃᓄᖅ ᐊᑕᓂᖅ ᐅᕙᓐᓄᑦ ᐅᖃᕐᓂᐊᕐᒪᖔᑦ, ᖃᓄᕐᓗ ᑭᐅᓂᐊᕐᒪᖔᕐᒪ ᓈᒻᒪᒃᓴᖏᑦᔪᑎᒋᔭᓐᓄᑦ.
2ᐊᑕᓂᐅᑉ ᑕᕝᕙ ᐃᒫᒃ ᑭᐅᓚᐅᕐᐹᖓ ᐅᖃᕐᓗᓂ: “ᑕᑯᑎᑦᓯᑦᔪᑎᒃᑲ ᐃᓕᖕᓄᑦ ᑎᑎᕋᒃᑭᑦ ᐅᔭᕋᒃᑯᑦ ᑕᑯᒃᓴᐅᑦᓯᐊᕐᓗᒋᑦ, ᐊᖅᑯᓵᕐᑐᓄᑦ ᐅᖃᓕᒫᕐᑕᐅᔪᓐᓇᖁᓪᓗᒋᑦ. 3#ᐄᑉᕈᐃᓄᑦ 10:37.ᑕᑯᑎᑦᔪᑎᑦ ᐱᕕᒃᓴᒥᖕᓂᒃ ᓇᓪᓕᐅᑎᕝᕕᐅᓯᒪᖏᒃᑲᓗᐊᕐᑎᓪᓗᒋᑦ; ᑭᖑᓪᓕᕐᐹᒥᒡᓕ ᐅᖃᐅᓯᖏᑦ ᓇᓪᓕᐅᑎᔪᒫᕐᐳᑦ ᓴᒡᓗᓂᐊᕋᑎᒡᓗ. ᓇᓪᓕᐅᑎᓂᐊᕐᓂᖓ ᐊᑯᓂᐅᖅᑰᔨᓂᐊᕋᓗᐊᕐᐳᖅ, ᐅᑕᖅᑭᑐᐃᓐᓇᕐᓯᐅᒡᓕ; ᐱᕕᒃᓴᖓ ᓇᓪᓕᐅᑎᓪᓚᕆᒍᒫᕐᒪᑦ, ᑭᖑᕙᕐᓂᐊᕋᓂᓗ. 4#ᕉᒪᒥᐅᓄᑦ 1:17; ᒐᓔᑎ 3:11; ᐄᑉᕈᐃᓄᑦ 10:38.‘ᐱᐅᔪᕆᔪᖅ ᑕᑯᓯᐅᒃ, ᑖᑦᓱᒪ ᑕᕐᓂᖓ ᓱᓕᓂᕐᑕᖃᓐᖏᓚᖅ ᐃᓅᔪᓐᓇᑦᔮᓇᓂᓗ, ᐃᓱᐊᕐᑐᓕᔪᕐᓕ ᐃᓅᔪᒫᕐᐳᖅ ᐅᒃᐱᕐᓂᕐᒥᒍᑦ.’”
ᒎᑎᐅᑉ ᐊᑐᖁᓐᖏᑕᖓᓂ ᐃᓅᔪᑦ ᓱᒋᐊᕐᑕᐅᓂᖏᑦ
5“ᓱᓕᓗ ᐱᐅᖏᑦᑐᓕᑦᔪᑎᖃᕐᐳᖅ ᕔᓂᒥᒃ, ᐃᓄᒃ ᐱᐅᔪᕆᕗᖅ ᐊᖏᕐᕋᕐᓯᒤᓐᓇᕈᓐᓇᕋᓂ. ᐱᔪᒪᕕᒡᔪᐊᕐᓂᖓ ᑲᑉᐱᐊᓇᕐᑐᕕᐅᑉ ᐱᔪᒪᓂᖓᑐᑦ ᑍᒤᑉᐳᖅ, ᑐᖁᑐᓪᓗ ᓈᒻᒪᒃᓯᔪᓐᓇᖏᑦᑐᑐᑦ. ᐃᓅᖃᑎᒌᒡᔪᐊᑦ ᐃᒻᒥᓄᑦ ᑲᑎᕐᓱᕐᐰᑦ, ᑲᑎᓪᓗᒋᓪᓗ ᓇᖕᒥᓂᖅ ᐃᓄᖁᑎᑖᕆᔭᒥᑐᑦ. 6ᐅᖃᐅᓯᐅᒐᔪᒃᑐᒥᒃ ᐅᖃᐅᓯᐅᖃᑦᑕᓕᕐᓂᐊᓐᖏᓛᑦ? ᒥᑕᐅᑕᐅᓗᑎᒡᓗ ᐅᖃᐅᓯᐅᖃᑦᑕᕐᓂᐊᓐᖏᓛᑦ? ᐅᖃᕐᓗᑎᒃ, ‘ᑲᑉᐱᐊᓐᓇᒦᒃ! ᐊᔪᕐᓴᕈᓐᓃᕐᑐᑦ ᑲᑎᕐᓱᐃᓂᕐᒧᑦ ᐱᒋᓐᖏᑕᒥᓂᒃ, ᖃᓄᖅ ᐊᑯᓂᐅᑎᒋᔪᖅ ᑍᒤᓕᐅᕐᓂᐊᕐᐹᑦ? ᐱᑖᕐᑐᕐᑐᓪᓗ ᐊᑭᓕᕐᑕᐅᔪᒪᓂᒃᑯᑦ.’”
7ᓂᕆᐅᓇᖏᑦᑐᒃᑯᑦ ᑕᕝᕙ ᐊᑭᓕᒃᓴᖃᕐᕕᒋᔭᑎᑦ ᒪᑭᑲᓪᓚᖕᓂᐊᓐᖏᓛᑦ? ᑐᐸᓕᕐᓂᐊᓐᖏᓛᑦ ᐃᓕᖕᓂᒃ ᓵᓚᖃᕐᓗᑎᒃ? ᑎᒡᓕᒐᕐᕕᐅᓕᕐᓗᑎᓪᓗ ᑖᒃᑯᓇᓐᖓᑦ. 8ᐃᓅᖃᑎᒌᒡᔪᐊᑦ ᐅᓄᕐᑐᑦ ᐱᖁᑎᖏᓐᓂᒃ ᐊᕐᓵᓚᐅᕋᑦᓯᐅᒃ, ᒫᓐᓇᓕ ᐃᓄᐃᑦ ᐊᒥᐊᒃᑯᖏᓐᓂᑦ ᐱᖁᑎᑦᓯᓐᓂᑦ ᐱᐅᕋᕐᕕᐅᓂᐊᓕᕐᐳᓯ, ᑐᖁᕅᖃᑦᑕᓚᐅᕐᓂᑦᓯᓐᓄᑦ ᓄᓇᒥᓗ ᐃᒡᓗᒐᓴᒡᔪᐊᖏᓐᓂᒡᓗ ᑲᑉᐱᐊᓱᒃᑎᑦᓯᔨᐅᓚᐅᕐᓂᑦᓯᓐᓄᑦ, ᓄᓇᖃᕐᑐᓄᑦ ᑖᒃᑯᓇᓂ.
9ᑲᑉᐱᐊᓐᓇᒦᒃ! ᓇᖕᒥᓂᖅ ᐃᓚᖏᑕ ᐊᔪᕐᓴᕈᓐᓁᕈᑎᒃᓴᖏᓐᓂᒃ ᐱᐅᖏᑦᑐᓕᓂᒃᑯᑦ ᐱᑖᕋᓱᐊᕐᑐᖅ, ᐃᓚᒋᔭᓂ ᖁᓪᓕᕐᐹᖑᑎᑦᓱᒪᓪᓗᒋᑦ, ᓴᐳᑎᔭᐅᔪᓐᓇᕈᒪᓗᓂ ᖃᓄᐃᓕᔭᐅᓐᓇᕐᑑᑉ ᐱᔪᓐᓇᕐᓂᖓᓂᑦ! 10ᐱᓇᓱᐊᕈᑎᒋᓚᐅᕐᑕᓯᓕ ᓇᖕᒥᓂᖅ ᐃᓚᒋᔭᑦᓯᓐᓄᑦ ᑲᓐᖑᓲᑎᒃᓴᓐᖑᕐᓯᒪᕗᖅ; ᐃᓅᖃᑎᒌᒡᔪᐊᓂᒃ ᐅᓄᕐᑐᓂᒃ ᓄᖒᑦᓯᖃᑦᑕᓚᐅᕐᓂᑦᓯᓐᓄᑦ; ᓇᖕᒥᓂᖅ ᐃᓅᓯᑦᓯᓐᓂᒃ ᑐᓂᓯᑦᔪᑎᒋᕙᓯ. 11ᐊᕙᓗᕐᔪᐊᑦ ᐅᔭᕋᖏᑦ ᓂᓪᓕᕈᒫᕐᐳᑦ, ᕿᔫᓂᖏᑕᓗ ᓴᐅᓂᖏᑦ ᑭᐅᓗᑎᒃ ᑖᒃᑯᓂᖓ.
12ᑲᑉᐱᐊᓐᓇᒦᒃ! ᐃᒡᓗᒐᓴᓕᐅᕐᑐᖅ ᑐᖁᕅᓂᒃᑯᑦ, ᐃᒡᓗᒐᓴᒡᔪᐊᓕᐅᕐᑐᕐᓗ ᐊᔪᕐᑐᓕᓂᒃᑯᑦ! 13ᑕᑯᒋᑦ, ᕿᓚᖕᒥᐅᒐᓴᒃᔪᐃᑦ ᐊᑕᓂᖓᑦ ᑍᒤᑎᑦᓯᓐᖏᓛᖅ? ᐃᓄᐃᑦ ᓴᓇᖕᒪᑕ ᐃᑯᐊᓪᓚᒃᑐᒃᓴᑐᐃᓐᓇᕐᓂᒃ, ᐃᓅᖃᑎᒌᒡᔪᐃᓪᓗ ᐃᒻᒥᖕᓂᒃ ᑕᖃᑎᑉᐳᑦ ᓱᓇᒃᓴᐅᖏᑦᑐᒧᑦ. 14#ᐂᓮᐊᓯ 11:9.ᓄᓇᕐᔪᐊᖅ ᑕᑕᑕᐅᔪᒫᕐᐳᖅ ᐃᓕᑕᕐᓯᓂᕐᒥᒃ ᐊᑕᓂᐅᑉ ᐱᓐᓇᕐᓇᕐᓂᖓᓂᒃ, ᐃᒪᐅᑉ ᐃᒪᕕᖕᒥᒃ ᐅᓕᒃᓯᓯᒪᓂᖓᑎᑐᑦ.
15ᑲᑉᐱᐊᓐᓇᒦᒃ! ᐃᓅᖃᑎᒥᓂᒃ ᐃᒥᕐᑎᑦᓯᔪᖅ ᓂᓐᖓᐅᒪᓂᐅᑉ ᐃᒥᐅᑎᖓᓄᑦ, ᐋᖓᔮᕐᑎᑦᓯᓗᓂᓗ, ᑲᓐᖑᒋᔭᖏᑦ ᑕᑯᔪᒪᓪᓗᒋᑦ. 16ᐃᕝᕕᖔᕐᓕ ᑲᓐᖑᓱᒃᑎᑕᐅᓂᕐᒥᒃ ᐃᓗᔭᐅᓂᐊᕐᐳᑎᑦ ᐅᐱᒋᔭᐅᓂᕐᒥᒃ ᐱᖏᓪᓗᑎᑦ! ᐃᒥᕐᑎᑕᐅᖔᕐᓂᐊᕐᐳᑎᑦ ᐋᖓᔮᕐᑎᑕᐅᓗᑎᑦ, ᐊᑕᓂᐅᑉ ᓇᖕᒥᓂᖅ ᐃᒥᐅᑎᒥᓂᑦ ᐃᒥᕐᑎᓐᓂᐊᕐᒪᑎᑦ ᓱᒋᐊᕐᑕᐅᑦᔪᑎᖕᓂᒃ, ᐅᐱᒋᔭᐅᓂᕆᔧᓪᓗ ᒧᒥᖕᓂᐊᕐᐳᖅ ᑲᓐᖑᓱᒃᑎᑕᐅᓂᕐᒧᑦ. 17ᓕᐸᓇᓂᐅᑉ ᓇᐹᕐᑐᖁᑎᖏᑦ ᓇᑲᑎᓚᐅᕋᕕᒋᑦ; ᒫᓐᓇ ᓇᑲᑕᐅᓂᐊᓕᕐᐳᑎᑦ, ᐆᒪᔪᖁᑎᖏᑦ ᑐᖁᕋᓚᐅᕋᕕᒋᑦ ᑍᒤᓚᐅᕐᓂᕐᓄᑦ ᑲᑉᐱᐊᓱᒃᑎᑕᐅᓂᐊᓕᕐᐳᑎᑦ. ᑕᒪᓐᓇ ᑍᒤᑕᐅᑦᔪᑎᒋᓂᐊᕐᐸᑦ ᑐᖁᕅᖃᑦᑕᕐᓂᕆᓚᐅᕐᑍᑦ ᐱᑦᔪᑎᒋᓪᓗᒍ, ᐱᑦᓯᐊᖃᑦᑕᓚᐅᖏᓐᓇᕕᑦ ᓄᓇᒥᒃ ᐃᒡᓗᒐᓴᒡᔪᐊᓂᒡᓗ ᑕᕝᕙᓂᓗ ᓄᓇᖃᕐᑐᓂᒃ.
18ᒎᑎᓕᐊᕆᔭᐅᓯᒪᔪᖅ ᓱᓇᒧᑦ ᐊᑑᑎᖃᕐᐹ? ᓴᓇᔨᒥᓄᑦ ᓴᓇᔭᐅᓯᒪᖕᒪᑦ ᓴᕕᕋᔭᖕᒥᑦ, ᓴᒡᓗᓂᕐᒧᑦ ᐊᔪᕆᕐᑐᐃᑦᔪᑕᐅᓪᓗᓂ. ᖃᓄᕐᓕ ᓴᓇᔪᕕᓂᐅᑉ ᐱᕙᓪᓕᐅᑎᒋᒐᔭᕐᐸᐅᒃ ᓴᓇᔭᕕᓂᓂ ᐱᔪᓐᓇᐅᑎᒋᓇᓱᐊᕈᓂᐅᒃ? ᒎᑎᒋᓇᓱᒃᑕᖓ ᐅᖃᕈᓐᓇᕐᑎᓐᓇᒍ! 19ᑲᑉᐱᐊᓐᓇᒦᒃ! ᕿᔪᖕᒧᑦ ᐅᖃᖃᑦᑕᕐᑐᖅ, “ᑐᐸᓕᕆᑦ!” ᐅᕝᕙᓗ ᐅᔭᕋᖕᒧᑦ ᑐᓵᖏᑦᑐᒧᑦ, “ᒪᑭᓕᕆᑦ!” ᑖᓐᓇ ᐃᓕᖕᓂᒃ ᑕᑯᑎᑦᓯᔪᓐᓇᕐᐹ? ᑕᑯᒋᑦ, ᒎᓗᒥᒃ ᓯᐅᓪᕕᕆᒥᒡᓘᓐᓃᑦ ᖄᐹᓕᕐᓯᒪᕗᖅ, ᐊᓂᕐᓵᕐᑐᕈᓐᓇᕋᓂᓗ.
20ᐊᑕᓂᖅ ᑐᒃᓯᐊᕐᕕᒃᔪᐊᖁᑎᒥᓂ ᐃᑦᔪᕐᓁᑦᑐᒦᑉᐳᖅ; ᓄᓇᕐᔪᐊᕐᒥᐅᓕᒫᑦ ᓂᐸᖏᕐᓕᑦ ᑖᑦᓱᒪ ᓵᖓᓂ.
Currently Selected:
ᕼᐊᐸᑲᐅᑉ ᐊᒡᓚᖏᑦ 2: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
