ᐃᐱᓯᒥᐅᓄᑦ 5
5
ᐃᓅᓯᖃᕐᓂᖅ ᖃᐅᒪᔪᒥ
1ᑍᒤᒻᒪᑦ ᒎᑎᒥᒃ ᒪᓕᒃᑎᐅᓕᕆᑦᓯ, ᑖᑦᓱᒪ ᕿᑐᕐᖓᕆᖕᒪᓯ ᓇᒡᓕᒋᓪᓗᓯ. 2#ᒨᓯᓯ ᐂᑉᐸᖏᑦ 29:18; ᐃᓐᖏᕈᑦ 40:6.ᐃᓅᓕᕆᑦᓯ ᓇᒡᓕᖕᓂᒃᑯᑦ, ᙭ᔅᑑᓯᐅᑦᑕᐅᖅ ᓇᒡᓕᒋᓚᐅᕐᒪᑎᒍᑦ ᐃᓅᓯᓂᓗ ᑐᓂᓚᐅᕐᒪᒍ ᐱᑦᔪᑎᒋᓪᓗᑕ, ᑐᓂᕐᕈᑎᒃᓴᐅᔪᒪᓪᓗᓂ ᑎᐱᑦᓯᐊᕆᒃᓴᐅᑕᐅᓗᓂ ᒎᑎᒧᑦ ᖁᕕᐊᒋᔭᐅᔪᒥᒃ.
3ᓄᓕᐊᕐᓂᕐᒥᒃ ᐊᑐᕐᓂᕐᓗᒃᑐᒥᒃ ᐱᐅᖏᑦᑐᓕᔨᓂᒡᓗ ᐱᔪᒪᕕᒡᔪᐊᕐᑎᓂᒡᓗ ᐅᖃᐅᓯᐅᔪᒃᓴᐅᔪᓐᓃᕐᐳᓯ, ᐃᑦᔪᕐᓁᑎᑕᐅᓯᒪᔪᑦ ᑍᒫᒃ ᐊᑐᕆᐊᖃᖏᒻᒪᑕ. 4ᐅᖃᐅᓯᕐᓘᑎᓂᒃ, ᒥᑕᐅᑎᖃᕐᓂᕐᓂᒃ, ᐅᖃᕐᓂᕐᓘᑎᓂᒡᓗ ᐊᑐᕐᑐᒃᓴᐅᔪᓐᓃᕐᐳᓯ; ᖁᔭᓕᖔᕐᓗᓯᓕ ᐱᒋᑦᓯ. 5ᖁᓚᕐᓇᖏᑦᑐᒥᒃ ᖃᐅᔨᒪᒐᑦᓯᐅᒃ ᐊᕐᓇᕐᓂᐊᕐᐸᒃᑐᑦ ᐊᖑᓐᓂᐊᕐᐸᒃᑐᓪᓗ ᐱᐅᖏᑦᑐᓕᔪᓪᓘᓐᓃᑦ, ᐱᔪᒪᕕᒃᔪᐊᕐᐸᒃᑐᓪᓗ (ᐱᔪᒪᕕᒃᔪᐊᕐᓂᖅ ᒎᑎᐅᑉ ᐊᓯᐊᓂᒃ ᐱᔨᑦᓯᕐᓂᐅᖕᒪᑦ), ᑕᒪᒃᑯᐊ ᒎᑎᐅᑉ ᙭ᔅᑑᓯᐅᓪᓗ ᐊᑕᓂᐅᕕᖓᓂᒃ ᑭᖑᕐᖑᑦᔨᖃᑕᐅᓂᐊᖏᒻᒪᑕ.
6ᑭᓇᒃᑯᑐᐃᓐᓇᕐᓄᑦ ᓯᓔᕐᕆᔭᐅᓂᐊᕋᓯ ᐅᖃᐅᓯᕐᓄᑦ ᓱᓕᖏᑦᑐᓄᑦ, ᑍᒤᑦᑐᑦ ᐱᓪᓗᒋᑦ ᒎᑎᐅᑉ ᓂᓐᖓᐅᓯᖓ ᑎᑭᓐᓂᐊᕐᒪᑦ ᑖᑦᓱᒥᖓ ᓈᓚᖏᑦᑐᓄᑦ. 7ᑍᒤᒻᒪᑦ ᐱᓂᐊᕐᓂᖏᑦ ᐃᓚᐅᕕᒋᔭᒃᓴᕆᓐᖏᓚᓯ. 8ᐃᓕᑦᓯᑦᑕᐅᖅ ᒪᑐᒪ ᓯᕗᕐᖓᒍᑦ ᑖᕐᑐᒥᐅᖑᓚᐅᕋᑦᓯ, ᒫᓐᓇᓕ ᐊᑕᓂᕐᒥ ᖃᐅᒪᔪᒦᓕᕐᐳᓯ; ᑍᒤᒻᒪᑦ ᖃᐅᒪᔫᑉ ᕿᑐᕐᖓᖏᑎᑐᑦ ᐃᓅᓕᕆᑦᓯ, 9ᖃᐅᒪᔫᑉ ᐱᕈᕐᑎᑕᖏᑦ ᐊᒥᒐᖏᒻᒪᑕ ᐱᑦᓯᐊᕐᓃᑦ ᖃᓄᐃᑦᑐᑐᐃᓐᓁᑦ ᓇᓛᒎᕐᓂᖅ, ᓱᓕᓂᕐᓗ. 10ᖃᐅᔨᓇᓱᐊᕆᑦᓯᓗ ᓱᓇᐅᖕᒪᖔᑦ ᐊᑕᓂᐅᑉ ᖁᕕᐊᒋᔭᖓ. 11ᑖᕐᑑᑉ ᐱᓂᐊᕐᓂᖏᑦ ᐊᑐᖏᑦᑐᑦ ᐃᓚᐅᖃᑕᐅᕕᒋᓂᐊᕋᓯᒋᒃ, ᖃᐅᒪᔪᒧᓪᓕ ᓴᖅᑭᑎᖔᕐᓯᒋᒃ. 12ᓴᖅᑭᔮᖏᑦᑐᒥᒃ ᐱᓂᐊᕐᓂᕆᕙᒃᑕᖏᑦ ᐊᒡᓛᑦ ᐅᖃᐅᓯᕆᔭᕆᐊᒃᓴᖏᑦ ᑲᓐᖑᓇᕐᐳᑦ; 13ᖃᐅᒪᔪᒧᓪᓕ ᓴᖅᑭᑎᑕᐅᔪᑦ ᓱᓇᑐᐃᓐᓁᑦ ᑕᑯᒃᓴᐅᓕᕐᐸᒃᐳᑦ, ᑕᕝᕙ ᑕᑯᒃᓴᐅᓕᕐᑐᑦ ᖃᐅᒪᔪᒦᓕᕐᐳᑦ; 14ᑍᒤᒻᒪᑦ ᐅᖃᕐᓯᒪᔪᖃᕐᐳᖅ,
“ᑐᐸᓕᕆᑦ, ᓯᓂᒃᑐᑎᑦ, ᒪᑭᓪᓗᑎᓪᓗ ᑐᖁᖓᔪᓂᑦ,
ᑕᕝᕙ ᙭ᔅᑑᓯᐅᑉ ᖃᐅᒻᒪᒃᕕᒋᓂᐊᕐᐹᑎᑦ.”
15ᑍᒤᒻᒪᑦ ᐃᒃᐱᒍᓱᑦᓯᐊᕆᑦᓯ ᐃᓅᓯᑦᓯᓐᓂᒃ, ᓯᓔᑦᑐᑎᑐᑦ ᐃᓅᖏᓪᓗᓯ ᓯᓚᑐᔪᑎᑐᓪᓕ ᐃᓅᒋᑦᓯ. 16#ᑯᓘᓯ 4:5.ᓇᐅᒃᑯᑐᐃᓐᓇᖅ ᐱᕕᒃᓴᕆᔭᓯ ᐊᑐᑦᓯᐊᕋᓱᐊᕐᓯᐅᒃ, ᐅᓪᓗᐃᑦ ᑖᒪᒃᑯᐊ ᐱᐅᖏᑦᑐᐊᓘᖕᒪᑕ. 17ᑍᒤᒻᒪᑦ ᐃᓕᑦᓯᓐᓂᒃ ᓯᓔᕐᕆᓂᐊᕋᓯ, ᖃᐅᔨᓕᕆᑦᓯᓕ ᖃᓄᖅ ᐱᖁᔭᐅᖕᒪᖔᑦᓯ ᐊᑕᓂᕐᒧᑦ.
18ᐋᖓᔮᕐᓂᐊᕋᓯ ᐅᐂᓂᑐᕐᓂᕐᒧᑦ, ᑕᒪᓐᓇ ᓱᒃᑯᑎᕆᑐᐃᓐᓇᕐᒪᑦ ᐃᓄᓯᑦᓯᓐᓂᒃ; ᐊᓂᕐᓂᕐᒥᒡᓕ ᐃᓗᒻᒥᕐᑕᐅᖔᓕᕆᑦᓯ. 19#ᑯᓘᓯ 3:16,17.ᑍᕕᑎᐅᑉ ᐃᓐᖏᕈᑎᖏᓐᓂᒃ ᐱᓯᕐᓂᒡᓗ ᐊᓂᕐᓂᒃᑯᓪᓗ ᐃᓐᖏᕐᓂᕐᓂᒃ ᐅᖃᖃᑎᒌᖃᑦᑕᕆᑦᓯ, ᐃᓐᖏᕐᓗᓯ ᓂᑦᔭᐅᓯᔭᕆᑦᓯ ᐊᑕᓂᕐᒧᑦ ᐆᒻᒪᑎᑦᓯᒍᑦ ᓂᕐᑐᐃᓗᓯ. 20ᑕᒤᑕᓗ ᑍᒪᓐᖓᑦ ᖁᔭᓕᑦᔪᑎᒋᖃᑦᑕᕐᓯᒋᑦ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐊᑎᖓᓂ ᒎᑎᒧᑦ ᐊᑖᑕᒧᑦ.
ᓄᓕᐊᕇᑦ ᐅᐃᒌᓪᓗ
21ᐃᓕᑦᓯᓐᓄᑦ ᐊᑐᓂᑦ ᑐᓂᖃᑦᑕᐅᑎᓯᒪᑦᓯᐊᕆᑦᓯ ᙭ᔅᑑᓯᒧᑦ ᑐᓂᓯᒪᓂᕆᔭᑦᓯᑐᑦ.
22 #
ᑯᓘᓯ 3:18; 1 ᐲᑦᑐᕉᓯ 3:1. ᐊᕐᓁᑦ ᐃᓕᑦᓯ, ᐅᐃᑦᓯᓐᓄᑦ ᑐᓂᓯᒪᒋᑦᓯ, ᐊᑕᓂᕐᒧᑦ ᑐᓂᓯᒪᓂᑦᓯᑐᑦ. 23ᐊᖑᑦ ᓂᐊᖂᖕᒪᑦ ᓄᓕᐊᒥᓄᑦ ᙭ᔅᑑᓯᑦᑕᐅᖅ ᓂᐊᖁᕆᔭᐅᖕᒪᑦ ᐅᒃᐱᕐᑑᖃᑎᒌᓄᑦ, ᑕᕝᕙ ᑎᒥᒥᓄᑦ, ᓇᖕᒥᓂᕐᓗ ᐱᐅᓕᔨᐅᓪᓗᓂ ᑖᒃᑯᓄᖓ. 24ᐅᒃᐱᕐᑑᖃᑎᒌᑦ ᐃᒻᒥᖕᓂᒃ ᑐᓂᓯᒪᖕᒪᑕ ᙭ᔅᑑᓯᒧᑦ, ᑍᒫᒃᑕᐅᖅ ᐊᕐᓁᑦ ᐅᐃᒥᖕᓄᑦ ᑐᓂᓯᒪᒻᒪᕆᒃᑐᒃᓴᐅᒋᕗᑦ ᓱᓇᓕᒫᓄᑦ.
25 #
ᑯᓘᓯ 3:19; 1 ᐲᑦᑐᕉᓯ 3:7. ᐃᓕᑦᓯ ᐊᖑᑎᐅᔪᓯ, ᓄᓕᐊᓯ ᓇᒡᓕᒋᓯᒋᒃ, ᙭ᔅᑑᓯᐅᑦᑕᐅᖅ ᐅᒃᐱᕐᑑᖃᑎᒌᑦ ᓇᒡᓕᒋᓚᐅᕐᒪᒋᑦ ᐃᒻᒥᓂᒡᓗ ᑐᓂᓪᓗᓂ ᑖᒃᑯᐊ ᐱᓪᓗᒋᑦ. 26ᑍᒤᓚᐅᕐᐳᕐᓕ ᐅᒃᐱᕐᑑᖃᑎᒌᑦ ᐃᑦᔪᕐᓁᑎᑦᓱᒪᓪᓗᒋᑦ, ᐅᐊᓴᓚᐅᕐᐰᑦ ᓴᓗᒻᒪᕐᑎᓪᓗᒋᓪᓗ ᐃᒪᕐᒧᑦ ᐅᖃᐅᓯᕐᒧᓪᓗ, 27ᐅᒃᐱᕐᑑᖃᑎᒌᑦ ᐃᒻᒥᓄᑦ ᐱᑎᑦᓱᒪᓪᓗᒋᑦ ᑕᑯᒥᓇᕐᑑᓕᕐᑎᓪᓗᒋᑦ, ᓴᓗᒪᑦᓯᐊᕐᓗᑎᒃ ᐸᓯᔭᒃᓴᐅᓂᖃᕈᓐᓃᕐᑎᓪᓗᒋᑦ, ᐱᐅᖏᑦᑐᒥᒃ ᑕᕐᓴᖃᖏᑦᓯᐊᕐᓗᑎᒃ ᐃᒧᓪᓕᖓᓂᖃᕋᑎᒡᓗ, ᓱᓇᑐᐃᓐᓇᕐᒧᓪᓗ ᓈᒻᒪᓐᖏᑦᔪᑎᒃᓴᖃᖏᓪᓗᑎᒃ. 28ᑍᒫᒃᑕᐅᖅ ᐊᖑᑏᑦ ᓄᓕᐊᑎᒃ ᓇᒡᓕᒋᔭᒃᓴᕆᕔᑦ ᑎᒥᒥᖕᓂᒃ ᓇᖕᒥᓂᖅ ᓇᒡᓕᒋᓂᕐᒥᑐᑦ. ᐊᖑᑦ ᓄᓕᐊᒥᓂᒃ ᓇᒡᓕᒍᓱᒃᑐᖅ ᑖᓐᓇ ᓇᖕᒥᓂᖅ ᓇᒡᓕᒋᕗᖅ. 29ᑎᒥᒥᓂᒃ ᓇᖕᒥᓂᕐᒥᓂᒃ ᐆᒥᓱᒃᑐᖃᓚᐅᕐᓯᒪᖏᒻᒪᑦ, ᓂᕆᑎᖃᑦᑕᕐᐹᓕ ᑲᒪᒋᑦᓯᐊᕐᓗᓂᐅᒡᓗ, ᙭ᔅᑑᓯᑦᑕᐅᖅ ᑍᒤᓕᐅᕐᒪᑦ ᐅᒃᐱᕐᑑᖃᑎᒌᓄᑦ, 30ᑖᑦᓱᒪ ᑎᒥᖓᑕ ᓱᓇᑐᐃᓐᓇᕆᖕᒪᑎᒍᑦ. 31#ᒨᓯᓯ ᓯᕗᓪᓖᑦ 2:24.“ᑍᒤᒻᒪᑦ ᐊᖑᑎᐅᑉ ᐊᑖᑕᓂ ᐊᓈᓇᓂᓗ ᕿᒪᖕᓂᐊᕐᐹᒃ ᓄᓕᐊᓂ ᑲᑎᒫᖓᕈᒪᓗᒍ, ᑖᒃᑯᐊᒃᓗ ᒪᕐᕉᒃ ᑎᒥᒃᑯᑦ ᐊᑕᐅᓯᐅᓕᕐᓂᐊᕐᐳᒃ.” 32ᑕᕝᕙᓂ ᐅᖃᐅᓯᐅᔪᒥ ᓇᓗᓇᕐᓂᖓ ᐃᑎᔫᒐᓗᐊᖅ ᓇᓗᓇᕈᓐᓃᕐᑎᑕᐅᕗᖅ, ᑐᑭᓯᒐᒃᑯ ᐅᖃᐅᓯᖃᕐᒪᑦ ᙭ᔅᑑᓯᒥᒃ ᐅᒃᐱᕐᑑᖃᑎᒌᓂᒡᓗ. 33ᑍᒫᒃᑕᐅᖅ ᐃᓕᑦᓯ ᐊᖑᑏᑦ ᐊᑐᓂᑦ ᓄᓕᐊᒥᖕᓂᒃ ᓇᒡᓕᒍᓱᒃᑐᒃᓴᐅᖕᒪᑕ ᐃᒻᒥᓂᒃ ᓇᒡᓕᒋᓂᕐᒥᒃᑎᑐᑦ, ᐊᕐᓁᓪᓗ ᐊᑐᓂᑦ ᐅᒃᐱᒍᓱᑦᓯᐊᕐᑐᒃᓴᐅᕗᑦ ᐅᐃᒥᖕᓂᒃ.
Currently Selected:
ᐃᐱᓯᒥᐅᓄᑦ 5: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
