ᐃᐱᓯᒥᐅᓄᑦ 4
4
᙭ᔅᑑᓯᐅᑉ ᑎᒥᖓᑕ ᐊᑕᐅᓯᐅᓂᖓ
1ᑍᒤᒻᒪᑦ, ᐃᓇᑉᐸᑦᓯ ᐅᕙᖓ ᑎᒍᔭᐅᓯᒪᕕᖕᒦᑦᑐᖓ ᐊᑕᓂᖅ ᐱᑦᔪᑎᒋᓪᓗᒍ, ᒎᑎᒧᑦ ᕾᖁᔭᐅᓯᒪᓂᓯ ᐊᑐᑦᓯᐊᕐᓗᒍ ᐃᓅᖁᓪᓗᓯ ᑕᒪᑐᒧᖓ ᕾᖁᔭᐅᓯᒪᒐᑦᓯ. 2#ᑯᓘᓯ 3:12,13.ᑍᒪᓐᖓᑦ ᒥᑭᓕᑎᕐᓯᒪᓗᓯ ᐱᐅᔪᕆᖏᓪᓗᓯᓗ, ᕿᓄᐃᓵᕐᓗᓯ, ᐃᓕᑦᓯᓐᓄᑦ ᐊᑐᓂᑦ ᓇᒡᓕᖕᓂᕐᒥᒃ ᓴᖅᑭᑎᑦᓯᒋᑦᓯ ᐃᑲᔪᕐᑎᒌᖕᓂᒃᑯᑦ, 3ᐊᔪᐃᓐᓈᕆᓗᒍ ᐱᓇᓱᐊᕐᓯᐅᒃ ᐊᑕᐅᓯᐅᖃᑎᒌᑦᓯᐊᕐᓂᖅ ᐊᓂᕐᓂᒃᑯᑦ ᐱᓇᓱᐊᕐᓗᒍ ᑖᓐᓇ ᑲᑎᓐᖓᑦᓯᐊᕐᓂᐅᑉ ᕿᓚᒃᓯᒪᐅᑎᒋᖕᒪᒍ. 4ᑎᒥ ᐊᑕᐅᓯᐅᖕᒪᑦ ᐊᓂᕐᓂᕐᓗ ᐊᑕᐅᓯᐅᓪᓗᓂ, ᓲᕐᓗᑦᑕᐅᖅ ᕾᖁᔭᐅᓯᒪᒐᑦᓯ ᒎᑎᒧᑦ ᓂᕆᐅᒋᔭᒃᓴᖃᖁᓪᓗᓯ ᐊᑕᐅᓯᕐᒥᒃ, 5ᐊᑕᓂᖅ ᐊᑕᐅᓯᖅ, ᐅᒃᐱᕐᓂᖅ ᐊᑕᐅᓯᖅ, ᐹᑉᑎᑦᔪᑦ ᐊᑕᐅᓯᖅ; 6ᒎᑎ ᐊᑕᐅᓯᖅ ᐊᑖᑕᒋᔭᕗᓪᓗ ᑕᒪᑦᑕ, ᑕᒤᓐᓄᑦ ᐊᑕᓂᐅᔪᖅ ᑕᒤᑎᒍᓪᓗ ᐱᓇᓱᐊᕐᑐᖅ ᑕᒤᓐᓃᑦᑐᕐᓗ.
7ᑕᒪᑦᑕᓗ ᐊᑐᓂᑦ ᑐᓂᓯᕕᐅᓯᒪᕗᒍᑦ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᙭ᔅᑑᓯᐅᑉ ᑐᓂᓯᔪᒪᓂᖓᑕ ᐊᖏᓂᖓ ᒪᓕᒡᓗᒍ. 8#ᐃᓐᖏᕈᑦ 68:18.ᑍᒤᒻᒪᑦ ᐅᖃᕐᓯᒪᔪᖃᕐᐳᖅ,
“ᖁᑦᓯᖕᓂᕐᐹᒧᑦ ᖁᒻᒧᐊᒃᑲᒥ ᑎᒍᔭᐅᓯᒪᔪᑦ ᓇᒃᓴᓚᐅᕐᐰᑦ,
ᑐᓂᕐᕈᑎᓂᒡᓗ ᑐᓂᓯᓪᓗᓂ ᐃᓄᖕᓄᑦ.”
9ᐅᓇ “ᖁᒻᒧᐊᒃᑲᒥ,” ᖃᓄᖅ ᑐᑭᖃᕐᐹ? ᐃᒫᒃ ᑐᑭᖃᕐᐳᖅ, ᓯᕗᓪᓕᕐᒥᒃ ᐊᒻᒧᐊᓚᐅᕋᒥ ᓄᓇᕐᔪᐊᑉ ᐊᒃᐸᓯᖕᓂᕐᐹᖓᓃᑦᑐᒧᑦ. 10ᑖᓐᓇ ᑕᕝᕙ ᐊᖅᑲᓚᐅᕐᑐᖅ ᑖᓐᓇᑦᓮᓐᓇᐅᒋᕗᖅ ᖁᒻᒧᐊᓚᐅᕐᑐᖅ ᕿᓔᑦ ᐅᖓᑖᓄᑦ ᖁᑦᓯᖕᓂᕐᐹᒧᑦ, ᐃᓘᓐᓇᓕᒫᑎᒃ ᐃᓗᒻᒥᕐᑕᐅᖁᓪᓗᒋᑦ. 11ᑖᑦᓱᒪᓗ ᑐᓂᕐᕈᓯᐊᕐᑎᓚᐅᕐᐰᑦ ᐃᓚᖏᑦ ᐋᐴᓯᑕᓕᓐᖑᕐᑎᓪᓗᒋᑦ, ᐃᓚᖏᑦ ᓇᓚᐅᑦᑍᔪᓐᖑᕐᑎᓪᓗᒋᑦ, ᐃᓚᖏᑦ ᓵᒋᐊᕐᑎᑦᓯᔨᓐᖑᕐᑎᓪᓗᒋᑦ, ᐃᓚᖏᑦ ᐅᒃᐱᕐᑐᓄᑦ ᑕᓯᐅᕐᑎᓐᖑᕐᑎᓚᐅᕐᐰᑦ ᐊᔪᕆᕐᑐᐃᔨᓐᖑᕐᑎᓪᓗᒋᓪᓗ. 12ᐃᑦᔪᕐᓁᑎᑕᐅᓯᒪᔪᑦ ᐱᓇᓱᐊᕈᑎᒃᓴᒥᖕᓂᒃ ᐊᔪᕐᓴᖏᓪᓗᑎᒃ ᐱᔨᑦᓯᕈᓐᓇᖁᓪᓗᒋᑦ, ᙭ᔅᑑᓯᐅᑉ ᑎᒥᖓ ᐋᖅᑭᒃᑕᐅᕙᓪᓕᐊᖁᓪᓗᒍ. 13ᑕᒪᑦᑕ ᑎᑭᐅᑎᓚᐅᖏᓐᓂᑦᑎᓐᓂ ᐅᒃᐱᕐᓂᑯᑦ ᐊᑕᐅᓯᐅᓕᖅᑲᖓᔪᒧᑦ ᖃᐅᔨᓂᕐᒧᓪᓗ ᒎᑎᐅᑉ ᐃᕐᓂᖓᓂᒃ, ᐅᒃᐱᕐᓂᕐᒥ ᐱᕈᕇᑦᓯᐊᕐᓂᕐᒧᑦ ᑎᑭᐅᑎᖁᓪᓗᑕ, ᙭ᔅᑑᓯᐅᑉ ᐃᓅᓯᖓᑕ ᓱᓇᒥᑦᓯᐊᕐᓂᖓ ᐊᒡᓛᑦ ᓇᓪᓕᕈᓐᓇᕐᓯᓗᒍ; 14ᓱᕈᓯᐅᔪᓐᓁᖁᓪᓗᑕ, ᒪᓕᖕᒧᑦ ᐊᐅᓚᑕᐅᔪᑎᑐᑦ ᐊᓄᕆᐅᓪᓗ ᓴᕿᖃᑦᑕᕐᓂᖓᓂᒃ ᒪᓕᑐᐃᓐᓇᕐᑐᑎᑐᑦ, ᑕᕝᕙ ᐊᔪᕆᕐᑑᓯᕐᓄᑦ ᓯᓔᕐᕆᒃᓯᔪᓄᑦ, ᑕᒻᒪᕐᑎᑦᓯᔪᓄᑦ ᑕᑯᒃᓴᐅᔪᒃᑯᑦ ᓱᓕᔫᔮᕐᓗᑎᒃ ᐱᓇᓱᐊᖃᑦᑕᕐᑐᓄᑦ. 15ᐅᕙᒍᓪᓕ ᓱᓕᔪᒥᒃ ᐅᖃᓪᓚᒃᑐᒃᓴᐅᕗᒍᑦ ᓇᒡᓕᖕᓂᒃᑯᑦ, ᐱᕈᕐᐸᓪᓕᐊᔪᒃᓴᐅᒐᑦᑕ ᑕᒤᑦᑎᒍᑦ ᙭ᔅᑑᓯᒧᑦ, ᑕᕝᕙ ᓂᐊᖂᔪᒧᑦ. 16#ᑯᓘᓯ 2:19.ᑖᑦᓱᒪ ᑎᒥᐅᑉ ᐃᓚᓕᒫᖏᑦ ᑲᓱᕐᑎᓯᒪᖕᒪᒋᑦ ᑲᑎᓐᖓᑎᓪᓗᒋᓪᓗ, ᑎᒥᓕᒫᖅ ᐃᓗᐃᑦᑐᓐᖑᕐᑎᓪᓗᒍ ᓇᒡᒍᐊᖏᑦ ᑲᓱᕐᑎᓯᒪᓪᓗᒋᑦ, ᑎᒥᐅᑉ ᐃᓚᓕᒫᖏᑦ ᐊᑑᑎᒋᒋᐊᓕᖕᒥᖕᓄᑦ ᐊᑐᑦᓯᐊᓕᑐᐊᕐᒪᑕ, ᑕᕝᕙ ᑎᒥ ᐱᕈᕐᐸᓪᓕᐊᓕᕐᐳᖅ ᐋᖅᑭᒃᐸᓪᓕᐊᓕᕐᓗᓂᓗ ᐃᒻᒥᓂᒃ ᓇᒡᓕᖕᓂᒃᑯᑦ.
ᐃᓅᓯᖅ ᓄᑖᖅ ᙭ᔅᑑᓯᒥ
17ᐊᑕᓂᐅᑉ ᐱᖁᔨᓂᖓᒍᑦ ᐃᓂᕐᑎᕐᐸᑦᓯ, ᐅᒃᐱᖏᑦᑐᑎᑐᑦ ᐃᓅᔭᕆᐊᖃᕈᓐᓃᕋᑦᓯ, ᐊᑐᖏᑦᑐᓂᒃ ᐃᓱᒪᖃᕐᓗᑎᒃ ᐃᓅᓇᓱᐊᕐᑐᑎᑐᑦ; 18ᑐᑭᓯᓯᒪᓂᕐᒥᖕᓂᒃ ᑖᕐᓯᑎᑦᓯᓯᒪᕗᑦ, ᐃᓅᓯᕐᒧᓪᓗ ᒎᑎᐅᑉ ᑐᓂᓯᒪᔭᖓᓄᑦ ᐃᓚᒋᔭᐅᓐᖏᓚᑦ ᓇᓗᓂᕐᒧᑦ ᐃᓗᒥᐅᑕᒥᖕᓄᑦ, ᐆᒻᒪᑎᖏᑕ ᓯᑎᓂᖏᓐᓄᑦ; 19ᑲᓐᖑᓱᖕᓂᕐᒥᒃ ᐃᒃᐱᒋᔭᖃᕈᓐᓃᕐᐳᑦ; ᐃᒻᒥᖕᓂᒡᓗ ᑐᓂᕗᑦ ᐊᔪᕐᑐᓕᓂᕐᒧᑦ, ᓇᕐᕈᓇᕐᑐᓂᒡᓗ ᖃᓄᐃᑦᑐᑐᐃᓐᓇᕐᓂᒃ ᐱᓇᓱᐊᕐᐳᑦ ᐱᒃᑲᓐᓂᕈᒪᕙᓪᓕᐊᑐᐃᓐᓇᕐᓗᑎᒡᓗ.
20ᐃᓕᑦᓯ ᑍᒫᒃ ᐃᓕᓐᓂᐊᕐᓯᒪᓐᖏᓚᓯ ᙭ᔅᑑᓯᒥ! 21ᑖᑦᓱᒥᖓᑦ ᑐᓴᑦᓯᐊᓚᐅᕐᐳᓯ ᑖᑦᓱᒪᓗ ᒪᓕᒃᑎᖏᑎᑐᑦ ᐊᔪᕆᕐᑐᕐᑕᐅᓯᒪᕗᓯ, ᓱᓕᓂᖅ ᑕᕝᕙ ᔩᓱᓯᒦᒻᒪᑦ. 22#ᑯᓘᓯ 3:9.ᑍᒤᒻᒪᑦ ᐃᓅᓯᑐᖃᓯ ᐊᑐᕈᓐᓁᕐᓯᐅᒃ ᐃᓕᖅᑯᓯᕐᓘᑎᐅᕙᓚᐅᕐᑐᑦ ᐊᓚᕐᓗᒋᑦ, ᐃᒃᓯᒎᕐᓂᕐᒧᑦ ᐃᒻᒥᖕᓂᒃ ᐊᓯᕈᐃᓂᐅᖕᒪᑕ ᑕᒻᒪᕐᓇᕐᑐᒧᑦ. 23ᐃᓱᒪᓯᓗ ᓄᑖᓐᖑᕐᑎᑕᐅᔪᒃᓴᐅᕗᑦ ᐊᓂᕐᓂᕐᒥ, 24#ᑯᓘᓯ 3:10; ᒨᓯᓯ ᓯᕗᓪᓖᑦ 1:26.ᐃᓅᓯᖅ ᓄᑖᖅ ᐊᑎᓕᕐᓯᐅᒃ, ᐱᓐᖑᕐᑎᑕᐅᓯᒪᔪᖅ ᒎᑎᒧᑦ ᐊᑦᔨᐅᖁᓪᓗᒍ ᓴᖅᑭᑎᑦᓯᓗᓂᓗ ᐃᓅᓯᕐᒥᒃ ᓱᓕᔪᒥᒃ ᐋᖅᑭᑦᓯᐊᕐᓯᒪᔪᒥᒃ ᐃᑦᔪᕐᓁᑦᑐᒥᒡᓗ.
25 #
ᓴᑲᕅᐊ 8:16. ᑍᒤᒻᒪᑦ, ᓱᓕᖏᓐᓂᖅ ᕿᒪᓕᕐᓯᐅᒃ, ᓱᓕᔪᒥᒡᓕ ᐅᖃᖃᑦᑕᕐᑐᒃᓴᐅᕗᓯ ᐃᓅᖃᑎᑦᓯᓐᓄᑦ, ᑕᒪᑦᑕ ᐃᓚᒌᖑᒐᑦᑕ ᑎᒥᐅᑉ ᐃᓚᖏᓐᓄᑦ ᑕᕝᕙ ᙭ᔅᑑᓯᐅᑉ ᑎᒥᖓᓄᑦ. 26#ᐃᓐᖏᕈᑦ 4:4.ᓂᓐᖓᒃᑯᑦᓯ ᓂᓐᖓᖕᓂᑦᓯᓐᓄᑦ ᐊᔪᕐᑐᓕᑎᑕᐅᓂᐊᕋᓯ; ᓯᕿᓂᖅ ᓂᐱᑦᓯᐊᕆᓗᒍ ᓂᓐᖓᐅᒪᓂᐊᕋᓯ. 27ᓵᑖᓇᓯᓗ ᐱᕕᒃᓴᖃᓕᕐᑎᓐᓂᐊᕐᓇᒍ. 28ᑎᒡᓕᒃᐸᓚᐅᕐᑐᖅ ᑎᒡᓕᖃᑦᑕᕈᓐᓁᕐᓕ, ᓇᖕᒥᓂᕐᓕ ᐃᖅᑲᓁᔭᓕᕐᓕ, ᐱᐅᔪᒥᒃ ᐱᓇᓱᐊᕐᓗᓂ ᓇᖕᒥᓂᖅ ᐃᓅᑦᔪᑎᒃᓴᓕᐊᒥᓄᑦ ᒪᑭᑕᑎᒍᓐᓇᕐᓯᓂᐊᕐᒪᑦ, ᐊᓯᒥᓂᒡᓗ ᐊᔪᕐᓴᕐᑐᓂᒃ ᐃᑲᔪᕈᓐᓇᕐᓯᓗᓂ. 29ᐅᖃᐅᓯᕐᓘᑎᓂᒃ ᐋᓐᓂᕐᓇᕐᑐᓂᒃ ᐅᖃᖃᑦᑕᕈᓁᕆᑦᓯ, ᐃᑲᔪᕐᑐᓂᒡᓕ ᐱᕙᓪᓕᕐᓇᕐᑐᓂᒃ ᐅᖃᖔᖃᑦᑕᓕᕆᑦᓯ, ᐱᐅᔪᓂᒃ ᐋᖅᑭᒃᓲᑎᒃᓴᓂᒃ ᐱᔭᕆᐊᓕᖕᓂᒡᓗ ᐱᕙᓪᓕᕐᑎᑦᓯᔪᓐᓇᕐᑐᓂᒃ, ᐅᖃᐅᓯᕆᔭᓯ ᐱᕙᓪᓕᕈᑎᒃᓴᐅᖁᓪᓗᒋᑦ ᑐᓵᔪᓄᑦ. 30ᒎᑎᐅᓪᓗ ᐊᓂᕐᓂᖓ ᐃᑦᔪᕐᓁᑦᑐᖅ ᕿᒃᓵᒃᑎᓐᓂᐊᕋᓯᐅᒃ, ᑖᑦᓱᒧᖓ ᓇᓗᓁᒃᑯᓯᕐᑕᐅᓯᒪᒐᑦᓯ ᐅᓪᓗᒧᑦ ᐱᐅᓕᔭᐅᕕᒃᓴᒧᑦ. 31ᒪᒃᑯᐊ ᑕᒪᕐᒥᒃ ᐊᑐᕈᓐᓁᕐᓯᒋᒃ ᐅᒋᐊᓐᖑᓂᖅ, ᓂᓐᖓᕕᒡᔪᐊᕐᓂᖅ, ᓂᓐᖓᖕᓂᖅ, ᕾᒐᓛᖃᑦᑕᐅᑎᓂᖅ ᒥᑕᐅᑎᖃᕐᓂᕐᓗ, ᖃᓄᑐᐃᓐᓇᕐᓗ ᐆᒥᓲᑎᓃᑦ ᑕᒪᕐᒥᒃ. 32#ᑯᓘᓯ 3:13.ᐃᒫᒡᓕ ᐱᓕᕆᑦᓯ, ᐃᓕᑦᓯᓐᓄᑦ ᐱᑦᓯᐊᖃᑦᑕᐅᑎᓗᓯ, ᓂᑲᒋᖃᑦᑕᐅᑎᓗᓯᓗ ᐊᑐᓂᑦ, ᐃᓱᒪᒋᔪᓐᓁᖃᑦᑕᐅᑎᕙᒡᓗᓯᓗ, ᓲᕐᓗ ᒎᑎᐅᑉ ᐃᓱᒪᒋᔪᓐᓁᕐᕕᒋᓚᐅᕐᒪᓯ ᙭ᔅᑑᓯᒃᑯᑦ.
Currently Selected:
ᐃᐱᓯᒥᐅᓄᑦ 4: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
