ᐃᐱᓯᒥᐅᓄᑦ 6
6
ᓄᑕᕅᑦ ᐊᖓᔪᖅᑳᖏᓪᓗ
1 #
ᑯᓘᓯ 3:20. ᓄᑕᕅᑦ ᐃᓕᑦᓯ, ᐊᖓᔪᖅᑳᓯ ᓈᓚᒃᓯᒋᒃ ᐊᑕᓂᕐᒥ, ᑕᒪᓐᓇ ᓈᒻᒪᒃᑐᒥᒃ ᐱᓇᓱᐊᕐᓂᐅᖕᒪᑦ. 2#ᒨᓯᓯ ᐂᑉᐸᖏᑦ 20:12; ᒨᓯᓯ ᑕᓪᓕᒪᖏᑦ 5:16.“ᐊᑖᑍᓪᓗ ᐊᓈᓁᓪᓗ ᐅᐱᒋᑦᓯᐊᒃᑭᒃ” ᑖᓐᓇ ᐱᖁᔭᖅ ᓯᕗᓪᓕᐅᔪᖅ ᐊᖏᕈᑕᐅᓯᒪᔪᕐᑕᓕᒃ ᐃᒫᒃ, 3“ᖃᓄᐃᖏᑦᓯᐊᖁᓪᓗᑎᑦ ᐊᑯᓂᓗ ᐃᓅᖁᓪᓗᑎᑦ ᓄᓇᒥ.”
4 #
ᑯᓘᓯ 3:21. ᐃᓕᑦᓯ ᐊᑖᑕᐅᔪᓯ, ᕿᑐᕐᖓᓯ ᓂᓐᖓᒃᓴᕐᓂᐊᕐᓇᒋᑦ, ᐋᖅᑭᒃᓱᕋᓱᐊᕐᓯᒋᒡᓕ ᐱᕈᕐᐸᓪᓕᐊᑎᓪᓗᒋᑦ ᖃᐅᑦᔨᑎᖃᑦᓯᐊᖁᓪᓗᒋᑦ ᐃᓕᓯᒪᑦᓯᐊᕐᓇᕐᑐᓂᒃ ᐊᑕᓂᐅᑉ ᐊᔪᕆᕐᑑᓯᖏᓐᓂᒃ.
ᓂᐅᕕᐊᖑᓯᒪᓪᓗᑎᒃ ᐱᔩᑦ ᐊᖓᔪᖅᑳᖏᓪᓗ
5 #
ᑯᓘᓯ 3:22-25. ᐃᓕᑦᓯ ᓂᐅᕕᐊᖑᓯᒪᓪᓗᓯ ᐱᔨᐅᔪᓯ ᐊᖓᔪᖅᑳᓯ ᓄᓇᒦᑦᑐᑦ ᓈᓚᒃᓯᒋᒃ, ᓯᕘᕋᓗᓯ ᓴᔪᒡᓗᓯᓗ, ᓱᓕᑦᓯᐊᕐᓗᓯ ᐆᒻᒪᑎᑦᓯᒍᑦ, ᙭ᔅᑑᓯᒥᒃ ᐱᔨᑦᓯᕐᓂᕆᔭᑦᓯᑐᑦ. 6ᑕᑯᓐᓇᕐᑎᓪᓗᒋᑦ ᐱᑦᓯᐊᕋᓱᐊᑐᐃᓐᓇᖏᓪᓗᓯ, ᓈᒻᒪᒋᔭᐅᔪᒪᓂᕐᒧᑦ ᑖᒃᑯᓄᖓ; ᙭ᔅᑑᓯᐅᓪᓕ ᐱᔨᖏᑎᑐᑦ, ᐆᒻᒪᒻᒧᑦ ᐃᓗᖏᕐᓱᕐᑐᒧᑦ ᒎᑎᐅᑉ ᐱᔪᒪᔭᖓ ᓈᓚᒡᓗᒍ. 7ᐱᓇᓱᐊᒐᒃᓴᓯ ᐱᓇᓱᐊᑦᓯᐊᕋᓱᐊᕐᓯᐅᒃ ᖁᕕᐊᒋᓗᒋᑦ ᐊᑕᓂᕐᒧᑦ ᐱᔨᑦᓯᕐᑐᑎᑐᑦ ᐃᓄᑐᐃᓐᓇᕐᒥᒃ ᐃᓱᒪᖃᖏᓪᓗᓯ. 8ᖃᐅᔨᒪᒐᑦᓯ ᐱᓂᐊᑦᓯᐊᕐᓂᖏᑦ ᒪᓕᒡᓗᒋᑦ, ᐊᑕᓂᐅᑉ ᐊᑭᓕᕈᒫᕐᒪᒋᑦ ᐊᑐᓂᑦ, ᓂᐅᕕᐊᖑᓯᒪᓂᕐᒧᑦ ᐱᔨᐅᒐᓗᐊᕐᐸᑦ ᐱᔨᐅᖏᒃᑲᓗᐊᕐᐸᓪᓘᓐᓃᑦ.
9 #
ᑯᓘᓯ 4:1;
ᒨᓯᓯ ᑕᓪᓕᒪᖏᑦ 10:17; ᑯᓘᓯ 3:25. ᐊᖓᔪᖅᑳᖑᔪᓯ, ᓂᐅᕕᐊᕆᓯᒪᓪᓗᒋᑦ ᐱᔨᒋᔭᓯ ᑍᒫᑦᓮᓐᓇᕐᑕᐅᖅ ᐱᓂᐊᕐᕕᒋᓯᒋᒃ, ᐃᓕᕋᓇᕐᓵᕐᑍᓕᒋᑦᓯᓗ ᓯᕘᕋᓵᕆᓂᒃᑯᑦ, ᐃᖅᑲᐅᒪᓗᓯ ᑕᒪᑦᓯ ᐊᖓᔪᖅᑳᖃᕋᑦᓯ ᐊᑕᐅᓯᕐᒥᒃ ᕿᓚᖕᒦᑦᑐᒥᒃ, ᑖᑦᓱᒪᓂᓗ ᐃᓄᐃᑦ ᐊᑦᔨᒌᖏᑦᑐᒥᒃ ᐱᓂᐊᕐᕕᐅᓐᖏᓚᑦ.
ᒎᑎᐅᑉ ᐅᓇᑕᕐᑐᒃᓴᖁᑎᖓᑕ ᐅᓇᑕᐅᑎᓕᒫᖏᓐᓂᒃ ᐊᓐᓄᕌᕐᓯᒪᓂᖅ
10ᑭᖑᓪᓕᕐᐹᒥᒡᓕ, ᓴᓐᖏᔫᒋᑦᓯ ᐊᑕᓂᕐᒥ ᐊᔪᒐᖃᖏᓐᓂᖓᑕ ᐱᔪᓐᓇᕐᑎᑦᓯᓂᖓᓄᑦ. 11ᒎᑎᐅᑉ ᐅᓇᑕᕐᑐᒃᓴᖁᑎᖓᑕ ᐊᓐᓄᕌᖏᑦ ᑕᒪᕐᒥᒃ ᐊᑎᓕᕐᓯᐅᒃ, ᓵᑖᓇᓯᐅᑉ ᐱᖏᑦᓯᕐᑐᕐᑑᑉ ᐅᐃᕕᕆᒃᓯᓂᖏᓐᓄᑦ ᓲᖑᖁᓪᓗᓯ. 12ᐃᓄᖕᓂᒃ ᑎᒥᖃᕐᑐᓂᒃ ᑕᑯᒃᓴᐅᔪᓂᒃ ᐅᓇᑕᖏᓐᓇᑦᑕ, ᐊᔪᖏᑦᑐᕐᔪᐊᓄᓪᓕ ᐅᓇᑕᕐᐳᒍᑦ, ᐱᔪᓐᓇᕐᑐᕐᔪᐊᓄᑦ, ᐊᐅᓚᑦᓯᔪᓄᑦ ᓯᓚᕐᔪᐊᕐᒥ ᐊᖓᔪᖅᑲᐅᔪᓄᑦ, ᐊᖓᔪᖅᑳᖑᑎᑕᐅᔪᓄᓪᓗ ᓯᓚᕐᔫᑉ ᑕᒪᑐᒪ ᑖᕐᑑᓂᖓᓂ ᐱᔪᓐᓇᕐᓂᕐᔪᐊᖃᕐᑐᓄᑦ, ᐊᓂᕐᓂᕐᓄᑦ ᐱᐅᖏᑦᑐᕐᔪᐊᓄᑦ ᕿᓚᐅᑉ ᐊᑖᓃᑦᑐᓄᑦ. 13ᑍᒤᒻᒪᑦ ᒎᑎᐅᑉ ᐅᓇᑕᕐᑐᒃᓴᖁᑎᖓᑕ ᐊᓐᓄᕌᖏᑦ ᑕᒪᕐᒥᒃ ᐊᑎᓕᕐᓯᐅᒃ, ᐅᓪᓗᖅ ᐱᐅᖏᑦᑐᖅ ᓇᓪᓕᐅᑎᒃᐸᑦ ᓵᓚᐅᖁᓇᓯ, ᐊᑭᕋᕐᑐᕐᑎᐅᑉ ᐱᒋᐊᕐᑕᕐᓂᖓᓂᒃ ᐃᓕᑦᓯᓐᓂᒃ; ᐅᓇᑕᕐᑎᓪᓗᓯ ᓵᓚᐅᖁᓇᓯ.
14 #
ᐂᓮᐊᓯ 11:5;
ᐂᓮᐊᓯ 59:17. ᑍᒤᒻᒪᑦ ᓇᖏᕐᓗᓯ ᐸᕐᓇᒃᓯᒪᓕᕆᑦᓯ, ᕿᑎᑦᓯᒍᑦ ᑕᑦᓯᕈᓯᔭᕐᓗᓯ ᓱᓕᓂᕐᒥᒃ, ᓴᒡᕕᖕᒥᐅᑕᖅ ᐊᑎᓗᒍ ᓇᓛᒎᕐᓂᖅ, 15#ᐂᓮᐊᓯ 52:7.ᑲᒥᒃᓯᒪᒋᑦᓯᓗ ᐅᖃᐅᓰᑦ ᑐᓴᕈᒥᓇᕐᑐᑦ ᓮᒻᒪᕐᑎᑕᐅᓇᕐᑐᑦ ᐅᖃᐅᓯᕆᔪᓐᓇᕐᓗᒋᑦ ᐊᑐᐃᓐᓇᐅᖁᓪᓗᓯ; 16ᐱᔭᕆᐊᖃᕐᓂᕐᐸᐅᕗᕐᓕ ᑕᒤᓐᓂᑦ, ᐅᒃᐱᕐᓂᖅ ᓴᐴᓗᑕᕆᓗᒍ; ᑖᑦᓱᒧᖓ ᓵᑖᓇᓯᐅᑉ ᖃᕐᔪᖏᓐᓂᒃ ᐃᑯᒪᓕᖕᓂᒃ ᖃᒥᑦᓯᔪᓐᓇᖁᓪᓗᓯ. 17#ᐂᓮᐊᓯ 59:17.ᓇᓴᕐᓯᒪᓗᓯ ᐱᐅᓕᔭᐅᓂᕐᒥᒃ, ᐊᓂᕐᓂᐅᓪᓗ ᓴᕕᒃᔪᐊᖓᓂᒃ ᐱᓯᒪᓗᓯ, ᑕᕝᕙ ᒎᑎᐅᑉ ᐅᖃᐅᓯᖏᓐᓂᒃ. 18ᑐᒃᓯᐊᑦᓮᓐᓇᕆᑦᓯ ᐊᓂᕐᓂᒃᑯᑦ, ᑐᒃᓯᐊᕈᑎᖃᕐᓗᓯ ᓱᓇᑐᐃᓐᓇᕐᓂᒃ ᕿᓄᓗᓯᓗ. ᐃᒃᐱᒍᓱᑦᓯᐊᕆᑦᓯ ᓴᐱᓕᕐᑍᓕᓗᓯ, ᑐᒃᓯᐅᑦᔨᕙᒡᓗᓯ ᐃᑦᔪᕐᓁᑎᑕᐅᓯᒪᔪᓂᒃ ᑕᒤᓐᓂᒃ, 19ᐅᕙᖓᑦᑕᐅᖅ ᑐᒃᓯᐅᑎᓯᓐᖓ, ᑐᓂᓯᕕᐅᖁᓪᓗᖓ ᐅᖃᐅᓯᒃᓴᒥᒃ ᓯᕘᕋᖏᓪᓗᖓ ᐅᖃᓪᓚᒋᐊᖃᓕᕌᖓᒪ ᐅᖃᐅᓰᑦ ᑐᓴᕈᒥᓇᕐᑐᑦ ᓇᓗᓇᕐᓂᖏᑦ ᓇᓗᓁᕈᓐᓇᕐᓗᒋᑦ. 20ᑕᒪᑐᒧᖓ ᐅᖃᐅᓯᕐᓄᑦ ᑐᓴᕈᒥᓇᕐᑐᓄᑦ ᑎᓕᔭᐅᓯᒪᒐᒪ ᐅᖃᕐᑎᐅᖁᓪᓗᖓ, ᒫᓐᓇ ᑎᒍᔭᐅᓯᒪᕕᖕᒦᒐᓗᐊᕐᑐᖓ; ᓯᕘᕋᓇᖓ ᐅᖃᕈᓐᓇᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᓲᕐᓗ ᐅᖃᓪᓚᒃᑐᒃᓴᐅᒐᒪ.
ᓄᖅᑲᐅᓯᕈᑏᑦ ᑕᕝᕙᐅᕗᑏᕐᓃᓪᓗ
21 #
ᐋᐴᓯᑕᓖᑦ 20:4; 2 ᑎᒧᑎ 4:12. #
ᑯᓘᓯ 4:7,8. ᐊᒻᒪᑦᑕᐅᖅ ᓱᓕ ᖃᐅᔨᒪᖁᓪᓗᓯ ᖃᓄᐃᒻᒪᖔᕐᒪ ᓱᓕᕆᖕᒪᖔᕐᒪᓗ, ᑍᑭᑰᓯᐅᑉ ᑕᒤᓐᓂᒃ ᐅᖃᐅᑎᔪᒫᕐᐹᓯ. ᖃᑕᓐᖑᑎᒋᒐᑦᑎᒍ ᓇᓪᓕᖕᓇᕐᑐᖅ ᓱᖁᓯᔪᐃᑦᑑᓪᓗᓂ ᐊᑕᓂᕐᒥᒃ ᐱᔨᑦᓯᕐᑐᖅ. 22ᐃᓕᑦᓯᓐᓄᑦ ᑎᓕᕙᕋ ᑍᒫᒃ ᐱᓇᓱᐊᖁᓪᓗᒍ, ᖃᓄᐃᒻᒪᖔᑦᑕ ᖃᐅᔨᒪᖁᓪᓗᓯ, ᐃᓕᑦᓯᓐᓂᒃ ᑲᔪᖏᕐᓮᒃᑲᓂᕈᒪᓪᓗᑕ.
23ᐅᒃᐱᕐᑑᖃᑎᒌᑦ ᑕᒪᕐᒥᒃ ᓮᓕᓂᖃᕐᓕᑦ, ᓇᓪᓕᖕᓂᕐᒧᑦ ᐅᒃᐱᕐᓂᖃᕐᓕᑦ, ᒎᑎᒥᑦ ᐊᑖᑕᒥᑦ ᐊᑕᓂᕐᒥᓪᓗ ᔩᓱᓯ ᙭ᔅᑑᓯᒥᑦ. 24ᒎᑎᐅᓪᓗ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᐃᓚᒋᔭᐅᓕᑦ, ᐊᑕᓂᕐᒥᒃ ᔩᓱᓯ ᙭ᔅᑑᓯᒥᒃ ᓇᒡᓕᒋᔭᖃᕐᑐᑦ, ᑲᔪᓯᑦᓯᐊᕐᑐᒥᒡᓗ ᐅᖓᒋᔭᖃᕐᑐᑦ ᑖᑦᓱᒥᖓ.
Currently Selected:
ᐃᐱᓯᒥᐅᓄᑦ 6: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
