ᐃᓕᓯᒪᓃᑦ ᐃᒃᓖᓯᐊᓯᑏᔅ 11
11
ᐊᖑᑦ ᓯᓚᑐᔪᖅ ᓱᓇᒥᒃ ᐱᓂᐊᕐᓂᖃᕐᒪᖔᑦ
1ᓂᐊᖂᔧᑦ ᐃᒫᓄᑦ ᐃᒋᒍᒃ, ᑕᕝᕙ ᓇᓂᔪᒫᕆᕙᑦ ᐅᓪᓗᐃᑦ ᐅᓄᕐᑐᑦ ᑭᖑᕐᒐᑦᑎᒍᑦ. 2ᐂᑦᑐᕐᑐᐃᓕᕆᑦ ᓂᕆᔭᒃᓴᓂᒃ 7ᓄᑦ, 8ᓄᓪᓘᓐᓃᑦ, ᖃᐅᔨᒪᖏᓐᓇᕕᑦ ᐱᐅᖏᑦᑐᒥᒃ ᓄᓇᒥ ᓱᔪᖃᕐᓂᐊᕐᒪᖔᑦ.
3ᓄᕗᔧᑦ ᐃᒪᖃᓕᕈᑎᒃ ᓄᓇᒧᑦ ᑯᕕᕙᒃᐳᑦ, ᓇᐹᕐᑐᖅ ᓇᑲᑕᐅᒍᓂ ᐅᕐᕈᕗᖅ ᐅᓪᓘᑉ ᓇᓛᓄᑦ ᐅᓐᓄᐊᓪᓘᓐᓃ ᓇᓛᓄᑦ, ᓇᐹᕐᑐᖅ ᐅᕐᕈᕕᖕᒥᓃᓪᓗᓂ ᑕᕝᕙ ᓇᓚᓕᕐᐳᖅ. 4ᐊᓄᕆᒥᒃ ᖃᐅᔨᒪᓇᓱᐊᕐᑐᖅ ᐱᕈᕐᓯᐊᒃᓴᓂᒃ ᐃᓕᐅᖅᑬᓐᖏᓚᖅ; ᓄᕗᔭᓂᒡᓗ ᕿᒥᕐᕈᔪᖅ ᐱᕈᕐᓯᐊᓂᒃ ᑲᑎᕐᓱᐃᓐᖏᓚᖅ. 5ᐊᓄᕆᐅᑉ ᐊᖅᑯᑎᖓᓂᒃ ᖃᐅᔨᒪᖏᓐᓇᕕᑦ, ᐅᕝᕙᓘᓐᓃᑦ ᓴᐅᓃᑦ ᖃᓄᖅ ᐊᖅᑭᒃᐸᓪᓕᐊᖕᒪᑕ ᐊᓈᓇᐅᑉ ᐃᒡᓕᐊᕐᖓᓂ, ᑍᒫᒃᑕᐅᖅ ᑐᑭᓯᔪᓐᓇᖏᓐᓂᕗᑎᑦ ᒎᑎᐅᑉ ᐱᓂᐊᕐᓂᖏᓐᓂᒃ, ᓱᓇᑐᐃᓐᓇᕐᓂᒃ ᓴᓇᓚᐅᕐᑐᑉ. 6ᐱᕈᕐᓯᐊᒃᓮᑦ ᓄᓇᒧᑦ ᑲᓐᖓᕐᓲᑎᒋᒃᑭᑦ ᐅᓪᓛᒃᑯᑦ, ᐅᓐᓄᒃᐸᓪᓗ ᐊᒡᒐᑎᑦ ᓱᓕᐊᒃᓴᖃᕈᓐᓃᕐᑎᑦᑍᓕᒃᑭᑦ; ᖃᐅᔨᒪᖏᓐᓇᕕᑦ ᓇᓕᐊᒃ ᑲᔪᓯᑦᓯᐊᕐᓂᐊᕐᒪᖔᑦ, ᐅᓇᓘᓐᓃᑦ ᐅᓇᖔᕐᓘᓐᓃᑦ, ᑕᒪᕐᒥᒡᓘᓐᓃᑦ ᐱᐅᔪᐃᓐᓇᐅᓂᐊᕐᒪᖔᑎᒃ.
7ᖃᐅᒪᔪᖅ ᐱᐅᔫᖕᒪᑦ, ᐱᐅᔫᓪᓗᓂᓗ ᓯᕿᓂᕐᒥᒃ ᑕᐅᑐᒋᐊᖅ. 8ᐃᓄᒃ ᐃᓅᒃᐸᑦ ᐊᕐᕌᒍᓂᒃ ᐅᓄᕐᑐᓂᒃ, ᐅᓪᓗᓂ ᑕᒤᓐᓂ ᖁᕕᐊᓱᒡᓕ; ᑭᓯᐊᓂᓕ ᐃᖅᑲᐅᒪᓗᓂ ᐅᓪᓗᐃᑦ ᐅᓄᕐᑐᑦ ᑖᕐᑑᓂᐊᕐᒪᑕ. ᑕᒪᒃᑯᐊ ᓱᕙᓕᑭᐊᖑᕗᑦ.
ᐃᓅᓱᒃᑐᓂᒃ ᐅᖃᐅᑦᔨᒋᐊᕐᓂᖅ
9ᖁᕕᐊᓱᒋᑦ ᐃᓅᓱᒃᑑᔪᑎᑦ, ᐃᓅᓱᖕᓂᕐᓂ, ᐆᒻᒪᑎᕕᓪᓗ ᖁᕕᐊᓱᒃᑎᓪᓕᑎᑦ ᐅᓪᓗᓂ ᐃᓅᓱᒃᑑᓂᕐᓂ. ᐆᒻᒪᑎᕕᑦ ᐊᑐᕈᒪᔭᖏᓐᓂᒃ ᐊᑐᕆᑦ, ᑕᑯᔭᕐᓂᒡᓗ ᑕᒤᓐᓂᒃ, ᖃᐅᔨᒪᓗᑎᓪᓕ ᑕᒪᒃᑯᓄᖓ ᑕᒤᓐᓄᑦ ᒎᑎᐅᑉ ᐃᖅᑲᕐᑐᕈᒫᕐᒪᑎᑦ.
10ᑍᒤᒻᒪᑦ ᐃᓱᒪᔮᕈᑎᑎᑦ ᐲᔭᒃᑭᑦ ᐆᒻᒪᑎᖕᓂᑦ, ᑎᒥᖕᓂᓪᓗ ᐱᐅᖏᑦᑐᓕᓃᑦ ᐲᔭᕐᓗᒋᑦ, ᐃᓅᓱᒃᑑᓃᑦ ᓴᓐᖏᔫᓃᓪᓗ ᓱᕙᓕᑭᐊᖑᖕᒪᑎᒃ.
Currently Selected:
ᐃᓕᓯᒪᓃᑦ ᐃᒃᓖᓯᐊᓯᑏᔅ 11: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
