ᐃᓕᓯᒪᓃᑦ ᐃᒃᓖᓯᐊᓯᑏᔅ 10
10
1ᐊᓇᓐᖐᑦ ᑐᖁᖓᔪᑦ ᑎᐱᑦᓯᐊᕆᒃᓴᐅᑎ ᐅᕐᓱᕐᑎᕈᑎ ᒪᒤᓕᑎᑉᐹᑦ, ᑍᒫᒃ ᓯᓔᓐᓂᐅᑉ ᒥᑭᔫᑉ ᓯᓚᑐᓂᖅ ᐅᐱᒋᔭᐅᓂᕐᓗ ᓵᓚᒋᕚᒃ.
2ᓯᓚᑐᔫᑉ ᐆᒻᒪᑎᖓ ᑕᓕᕐᐱᒧᑦ ᑐᕌᕐᒪᑦ, ᓯᓔᑦᑑᓪᓕ ᐆᒻᒪᑎᖓ ᓴᐅᒥᒧᑦ ᑐᕌᕐᐳᖅ. 3ᐊᒡᓛᑦ ᐊᖅᑯᑎᒃᑯᑦ ᐱᓱᒃᑎᓪᓗᒍ, ᑐᑭᖃᖏᑦᑐᒥᒃ ᐱᓱᒃᐸᒃᐳᖅ, ᓯᓔᑦᑑᓂᕐᒥᓂᒃ ᑕᒤᓐᓄᑦ ᓇᓗᓁᕐᓯᓪᓗᓂ.
4ᐊᖓᔪᖅᑳᒥᑦ ᓂᓐᖓᒡᕕᐅᒍᕕᑦ, ᐃᓂᖕᓂᑦ ᓅᓐᓂᐊᕐᓇᒃ, ᓮᓕᓐᓂᐅᑉ ᑕᒻᒪᕈᑎᒃᓮᑦ ᐊᖏᔪᑦ ᓄᖅᑲᕐᑎᑦᓱᓐᓇᕐᒪᒋᑦ.
5ᐱᐅᖏᑦᑐᓕᓂᕐᓂᒃ ᑕᑯᓯᒪᕗᖓ ᓯᕿᓂᐅᑉ ᐊᑖᓂ, ᐊᖓᔪᖅᑳᓂᑦ ᐱᒋᐊᕐᑎᑕᐅᓯᒪᔪᓂᒃ: 6ᓯᓔᑦᑐᑦ ᐃᓕᔭᐅᓯᒪᖕᒪᑕ ᐊᖓᔪᖅᑲᐅᕕᖕᓄᑦ, ᐊᔪᕐᓴᖏᑦᑐᓪᓗ ᐃᓂᖃᕆᓪᓗᑎᒃ ᓯᐊᓛᖑᓂᕐᓴᓂᒃ. 7ᑕᑯᓯᒪᕗᖓ ᐱᔨᓂᒃ ᐃᑭᒪᔪᓂᒃ ᕿᒧᒃᓯᐅᑎᓂ, ᐊᖓᔪᖅᑳᕐᔪᐊᓪᓗ ᕿᑐᕐᖓᖏᓐᓂᒃ ᐱᓱᒃᑐᓂᒃ ᐱᔨᑎᑐᑦ.
8 #
ᐃᓐᖏᕈᑦ 7:15; ᓲᓗᒨᓂ 26:27. ᓄᓇᒥ ᐃᑎᕐᓴᓕᐅᕐᑐᖅ ᑕᕝᕗᖓ ᑲᑕᖕᓂᐊᕐᐳᖅ, ᓇᓪᓕᐊᓪᓗ ᐊᕙᓗᒃᑯᑦ ᐃᑎᕐᑐᖅ ᖁᒡᓗᒋᐊᒥᑦ ᑮᔭᐅᓂᐊᕐᐳᖅ. 9ᓇᓪᓕᐊᓪᓗ ᐅᔭᕋᖕᓂᒃ ᐃᒡᓗᒃᓴᓕᐅᕐᑐᖅ, ᑕᒪᒃᑯᓄᖓ ᐋᓐᓂᑐᐃᓐᓇᕆᐊᖃᕐᐳᖅ; ᓇᓪᓕᐊᓪᓗ ᓇᐹᕐᑐᕕᓂᕐᓂᒃ ᖁᓪᓗᐃᔪᖅ ᑕᒪᒃᑯᓄᖓ ᐋᓐᓂᑐᐃᓐᓇᕆᐊᖃᕆᕗᖅ. 10ᐅᓕᒪᐅᑎ ᐃᐱᖏᑦᑑᒃᐸᑦ, ᑮᓇᖓ ᐃᐱᒃᓴᕐᓯᒪᖏᑉᐸ, ᑕᕝᕙ ᐊᒃᓱᕈᒃᑲᓐᓂᕆᐊᖃᕐᐳᖅ; ᓯᓚᑐᓂᕐᒧᓪᓕ ᐱᓇᓱᐊᕐᑍᑦ ᐊᔪᕐᓇᓐᖏᓚᖅ. 11ᖁᒡᓗᒋᐊᖅ ᑮᓯᒃᐸᑦ ᐃᓚᓐᓂᕐᓴᕐᑕᐅᖄᕋᓂ, ᑕᕝᕙ ᖁᒡᓗᒋᐊᓕᕆᔨ ᐱᕚᓪᓕᕈᑎᒃᓴᖃᓐᖏᓚᖅ. 12ᐅᖃᐅᓰᑦ ᓯᓚᑐᔪᒥᑦ ᐱᔪᑦ ᖁᕕᐊᒋᔭᐅᓕᕐᓇᕐᐳᑦ, ᓯᓔᑦᑐᕐᓕ ᖃᓂᕐᒥᓄᑦ ᓄᖑᑕᐅᕗᖅ. 13ᐅᖃᐅᓰᑦ ᖃᓂᖓᓂᑦ ᐊᓂᔪᑦ ᓯᕗᓪᓕᕐᐹᑦ ᓯᓔᑦᑑᕗᑦ; ᑭᖑᓪᓕᕐᐹᓪᓗ ᐅᖃᐅᓯᖏᑦ ᐱᐅᖏᑦᑐᐊᓘᓪᓗᑎᒃ ᓂᓐᖓᖕᓂᐅᕗᑦ. 14ᓯᓔᑦᑐᖅ ᐅᖃᐅᓯᕐᓂᒃ ᐅᓄᕐᑐᕈᕐᑎᑦᓯᕗᖅ. ᐃᓄᖕᒥᒡᓗ ᖃᐅᔨᒪᔪᖃᓐᖏᓚᖅ ᓱᔪᖃᕐᓂᐊᕐᒪᖔᑦ; ᑭᐊᓗ ᐅᖃᐅᑎᔪᓐᓇᕐᐹ ᑭᖑᓂᖓᓂ ᓱᔪᖃᕐᓂᐊᕐᒪᖔᑦ?
15ᓯᓔᑦᑐᖅ ᐱᓇᓱᐊᕐᓂᖓᑕ ᑕᖃᑎᑉᐹ, ᓄᓇᓕᒡᔪᐊᓄᓪᓗ ᐂᔭᕆᐊᒥᒃ ᐊᖅᑯᑎᖓᓂᒃ ᓇᓗᕗᖅ.
16ᑲᑉᐱᐊᓐᓇᒦᒃ ᓄᓇ, ᐊᖓᔪᖅᑳᕐᔪᐊᓯ ᓄᑕᕋᐅᒃᐸᑦ, ᐊᖓᔪᖅᑳᔪᐊᓪᓗ ᕿᑐᕐᒐᖏᑦ ᓂᕆᕕᒃᔪᐊᖃᑦᑕᕐᐸᑕ ᐅᓪᓛᑯᑦ. 17ᑐᓱᓐᓇᕐᐳᑎᓪᓕ ᓄᓇ ᐊᖓᔪᖅᑳᕐᔪᐊᓯ ᐊᖓᔪᖅᑳᓂᑦ ᕿᑐᕐᖓᕆᔭᐅᒃᐸᑦ, ᐊᖓᔪᖅᑳᕐᔪᐊᓪᓗ ᕿᑐᕐᒐᖏᑦ ᓂᕆᕕᒃᔪᐊᕐᐸᑕ ᓇᓪᓕᐅᓐᓂᕐᓂ, ᑎᒥᐅᑉ ᓄᑭᖃᕈᑎᒃᓴᖓᓄᑦ ᐊᖓᔮᕈᒪᓂᕐᒨᖏᑦᑐᖅ.
18ᐃᕿᐊᓱᖕᓂᕐᒧᑦ ᐃᒡᓗ ᓯᖁᒥᓕᕐᐳᖅ, ᐊᒡᒊᓪᓗ ᓱᓕᕆᖏᓐᓂᖏᓐᓄᑦ ᐃᒡᓗ ᑯᑐᓕᕐᐳᖅ.
19ᓂᕆᕕᒃᔪᐊᕐᓂᖅ ᐃᒡᓚᕐᓂᕐᒥᒃ#10:19 ᐃᒡᓚᕐᓂᕐᒥᒃ ᐅᕝᕙᓗ ᐃᔪᕐᓂᕐᒥᒃ ᓄᐃᑎᑦᓯᕗᖅ, ᕔᓂᓗ ᖁᕕᐊᓱᒃᑎᑦᓯᓪᓗᓂ; ᑮᓇᐅᔭᕐᓕ ᑕᒤᓐᓂᒃ ᓄᐃᑎᑦᓯᕗᖅ.
20ᐊᖓᔪᖅᑳᕐᔪᐊᖅ ᓇᕐᕈᓇᕐᑎᑦᑍᓕᒍᑦ, ᐃᓱᒪᑐᐃᓐᓇᑯᓪᓘᓐᓃᑦ; ᐊᔪᕐᓴᖏᑦᑐᕐᓗ ᓇᕈᓇᕐᑎᑦᑍᓕᒍᒃ, ᐃᒡᓗᕈᓯᕐᓂᓘᓐᓃᑦ ᓯᓂᒡᕕᖕᓂ; ᑎᖕᒥᐊᑦ ᖃᖓᑕᔪᑦ ᐅᖃᐅᓯᕐᑎᑦ ᑐᓴᕐᑕᐅᑎᑦᓱᓐᓇᕐᒪᒋᑦ, ᑎᖕᒥᐊᓪᓗ ᖃᖓᑕᔪᑦ ᐅᖃᐅᓯᕐᑎᑦ ᐅᖃᐅᓯᕆᔪᓐᓇᕐᒪᒋᑦ.
Currently Selected:
ᐃᓕᓯᒪᓃᑦ ᐃᒃᓖᓯᐊᓯᑏᔅ 10: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
