ᒨᓯᓯ ᑕᓪᓕᒪᖏᑦ 5
5
ᐱᖁᔭᑦ ᖁᓕᑦ
ᒨᓯᓯ ᐂᑉᐸᖏᑦ 20:1-17
1ᒨᓯᓯᐅᑉ ᐃᓄᓕᒫᑦ ᑲᑎᖁᕔᑦ ᐅᖃᐅᑎᓪᓗᒋᓪᓗ, “ᐃᓴᕆᐊᓕᒥᐅᑦ ᐃᓄᖏᑦ, ᐅᓪᓗᒥ ᓈᓚᓚᐅᕐᓯᓐᖓ ᐱᖁᔭᓂᒃ ᐅᖃᐅᓯᖃᕐᑎᓪᓗᖓ ᐃᓕᑦᓯᓐᓄᑦ. ᑖᒃᑯᐊ ᐃᓕᓐᓂᐊᕐᑕᒃᓴᕆᕙᓯ ᓈᓚᑦᓯᐊᕐᓗᒋᓪᓗ. 2ᖃᖅᑲᒥ ᕼᐆᕆᑉᒥ ᐊᑕᓂᖅ ᒎᑎᕗᑦ ᐊᖏᖃᑎᒌᒍᑎᖃᓚᐅᕐᐳᖅ, 3ᓯᕗᓕᕆᓚᐅᕐᑕᑦᑎᓐᓄᑐᐃᓐᓇᐅᖏᑦᑐᖅ ᐊᖏᖃᑎᒌᒍᑎᖃᓚᐅᕐᐳᖅ, ᐅᕙᑦᑎᓐᓂᒡᓕ ᐅᓪᓗᒥ ᐃᓅᔪᓂᒃ ᐱᖃᓯᐅᑦᔨᓚᐅᕐᐳᖅ. 4ᑕᕝᕙᓂ ᖃᖅᑲᒥ ᐊᑕᓂᖅ ᓇᖕᒥᓂᓪᓚᕆᒃ ᐅᖃᖃᑎᖃᓚᐅᕐᒪᑦ ᐃᓕᑦᓯᓐᓂᒃ ᐃᑯᒪᒥᑦ ᑐᓴᕐᓴᐅᓪᓗᓂ. 5ᑍᑦᓱᒪᓂᐅᑎᓪᓗᒍ ᐊᑕᓂᐅᓪᓗ ᐃᓕᑦᓯᓗ ᐊᑯᓐᓂᑦᓯᓐᓂ ᓇᖏᓚᐅᕐᐳᖓ ᐅᖄᓪᓗᖓ ᑖᑦᓱᒪ ᐅᖃᐅᓯᕆᔭᖏᓐᓂᒃ ᐃᓕᑦᓯᓐᓄᑦ, ᑲᑉᐱᐊᓱᓕᓚᐅᕋᑦᓯ ᐃᑯᒪᒥᒃ ᖃᖅᑲᒧᓪᓗ ᒪᔪᕋᕈᒪᔪᓐᓁᕐᓗᓯ.
“ᐊᑕᓂᖅ ᐅᖃᓚᐅᕐᐳᖅ, 6‘ᐅᕙᖓ ᐊᑕᓂᐅᕗᖓ ᒎᑎᓯ, ᐅᕙᖓ ᐄᑦᔨᑉᑎᒥᑦ ᓴᐳᑎᓚᐅᕐᐸᑦᓯ, ᑕᕝᕙᓐᖓᑦ ᓱᒃᑯᔨᐊᖑᕕᒋᓚᐅᕐᑕᑦᓯᓐᓂᑦ.
7“‘ᐊᓯᓐᓂᒃ ᑐᒃᓯᐊᕐᕕᖃᕐᑐᒃᓴᐅᓐᖏᓚᓯ, ᐅᕙᓐᓂᒃ ᑭᓯᐊᓂ.
8 #
ᒨᓯᓯ ᐱᖓᔪᖏᑦ 26:1; ᒨᓯᓯ ᑕᓪᓕᒪᖏᑦ 4:15-18; 27:15. “‘ᑭᓱᑐᐃᓐᓇᕐᒥᒃ ᓴᓇᔪᒃᓴᐅᓐᖏᓚᓯ ᐊᑦᔨᓕᐅᕆᓗᓯ ᕿᓚᖕᒥᐅᑕᕐᒥᒃ ᓄᓇᒥᐅᑕᒥᒡᓘᓐᓃᑦ, ᐃᒪᕐᒥᐅᑕᕐᒥᒃ ᓄᓇᐅᑉ ᐊᑖᓂᕐᒥᐅᑕᒥᒡᓘᓐᓃᑦ. 9#ᒨᓯᓯ ᐂᑉᐸᖏᑦ 34:6,7; ᒨᓯᓯ ᓯᑕᒪᖏᑦ 14:18; ᒨᓯᓯ ᑕᓪᓕᒪᖏᑦ 7:9,10.ᐹᒻᒪᒃᑎᕐᕕᖃᕐᑐᒃᓴᐅᓐᖏᓚᓯ ᒎᑎᓐᖑᐊᓕᐊᕆᓯᒪᔪᒥᒃ ᑐᒃᓯᐊᕐᕕᖃᕋᓱᐊᕐᑍᓕᓗᓯᓗ ᑍᒤᑦᑐᓂᒃ, ᐅᕙᖓ ᐊᑕᓂᖅ ᒎᑎᒋᕙᑦᓯᓐᖓ ᐊᓯᓐᓂᒃ ᐱᑕᖃᖏᒻᒪᑦ. ᓱᒋᐊᕐᓯᓂᐊᕐᐳᖓ ᐅᕙᓐᓂᒃ ᖀᒥᒍᓱᒃᑐᓂᒃ ᑭᖑᕚᖏᓐᓂᒡᓗ, ᑭᖑᕚᕇᑦ ᐱᖓᔪᖏᑦ ᓯᑕᒪᖏᓪᓘᓐᓃᑦ ᑎᑭᓪᓗᒋᑦ. 10ᐅᕙᓐᓂᒡᓕ ᓇᒡᓕᒍᓱᒃᑐᓄᑦ ᓇᒡᓕᒍᓱᖕᓂᓐᓂᒃ ᑕᑯᑎᑦᓯᓂᐊᕐᐳᖓ ᐱᖁᔭᓐᓂᒡᓗ ᓈᓚᒃᑐᓄᑦ ᑭᖑᕚᕇᑦ 1,000ᓗᐊᕐᑐᑦ ᑎᑭᓪᓗᒋᑦ.
11 #
ᒨᓯᓯ ᐱᖓᔪᖏᑦ 19:12. “‘ᐊᑕᓂᐅᑉ ᒎᑎᕕᑦ ᐊᑎᖓᓂᒃ ᐊᑐᕐᓂᕐᓗᒃᑐᒃᓴᐅᓐᖏᓚᑎᑦ; ᐊᑕᓂᐅᑉ ᓱᒋᐊᕐᓂᐊᕐᐹ ᓇᓪᓕᐊᑦ ᐊᑎᖓᓂᒃ ᐊᑐᕐᓂᕐᓗᒃᑐᖅ.
12 #
ᒨᓯᓯ ᐂᑉᐸᖏᑦ 16:23-30; 31:12-14. “‘ᐅᓪᓗᖅ ᓴᐸᑎᐅᔪᖅ ᑲᒪᒋᑦᓯᐊᕈᒃ, ᐃᑦᔪᕐᓁᑎᓪᓗᒍᓗ, ᐊᑕᓂᐅᑉ ᒎᑎᑦᓯ ᑍᒫᒃ ᐱᖁᓚᐅᕐᒪᓯ. 13#ᒨᓯᓯ ᐂᑉᐸᖏᑦ 23:12; 31:15; 34:21; 35:2; ᒨᓯᓯ ᐱᖓᔪᖏᑦ 23:3.ᐅᓪᓗᓂᒃ ᐱᖓᓲᔪᕐᑐᓂᒃ ᐱᓇᓱᐊᒐᒃᓴᕐᓂᒃ ᐱᓇᓱᐊᕐᑐᒃᓴᐅᕗᑎᑦ, 14ᐅᓪᓗᓪᓕ 7ᖓᓐᓂ ᐅᓪᓗᖅ ᑕᕾᕐᓯᕐᕕᒃᓴᖅ ᓇᓪᓕᐅᑎᕗᖅ ᐊᑕᓂᕐᒧᑦ ᒎᑎᑦᓯᓐᓄᑦ ᑐᕌᕐᑐᖅ. ᐅᓪᓗᒥ ᑕᕝᕙᓂ ᑭᓇᓘᓐᓃᑦ ᓴᓇᔪᒃᓴᐅᓐᖏᓚᖅ ᓇᖕᒥᓂᖅ ᕿᑐᕐᖓᑎᓪᓘᓐᓃᑦ, ᐱᔨᑎᓪᓗ ᐆᒪᔪᖁᑎᑎᓪᓘᓐᓃᑦ, ᓂᐅᕐᕈᐊᖑᔪᓪᓘᓐᓃᑦ ᓄᓇᑦᓯᓐᓄᑦ. ᐱᔨᓯᑦᑕᐅᖅ ᐃᓕᑦᓯᑎᑐᑦ ᑕᕾᕐᓯᕐᑐᒃᓴᐅᒋᕗᑦ. 15ᐃᖅᑲᐅᒪᓚᐅᕆᑦᓯ ᓯᐊᓛᕆᔭᐅᓚᐅᕐᓂᑦᓯᓐᓂᒃ ᓄᓇᒥ ᐄᑦᔨᑉᑎᒥ, ᐅᕙᖓᓗ, ᐊᑕᓂᖅ ᒎᑎᒋᔭᓯ ᐃᓕᑦᓯᓐᓂᒃ ᓴᐳᑦᔨᓚᐅᕐᐳᖓ ᐱᔪᓐᓇᕐᓂᕐᔪᐊᓐᓄᑦ ᓴᓐᖏᓂᕐᔪᐊᓐᓄᓪᓗ. ᑍᒤᒻᒪᑦ ᑕᕝᕙ ᑲᒪᑦᓯᐊᖁᓪᓗᓯ ᐱᖁᕙᑦᓯ ᐅᓪᓗᒥᒃ ᓴᐸᑎᒥᒃ.
16 #
ᒨᓯᓯ ᑕᓪᓕᒪᖏᑦ 27:16; ᒫᑎᐅᓯ 15:4; 19:19; ᒫᑯᓯ 7:10; 10:19; ᓘᑲᓯ 18:20; ᐃᐱᓯ 6:2;
ᐃᐱᓯ 6:3. “‘ᐊᑖᑕᖕᓂᒃ ᐊᓈᓇᖕᓂᒡᓗ ᑲᒪᑦᓯᐊᕐᑐᒃᓴᐅᕗᑎᑦ, ᐅᕙᖓ ᐊᑕᓂᖅ ᒎᑎᒋᔭᓯ ᑍᒫᒃ ᐱᖁᔨᒐᒪ ᐃᓕᖕᓂᒃ, ᖃᓄᐃᖏᑦᓯᐊᖁᓪᓗᑎᑦ ᐊᑯᓂᓗ ᐃᓅᖁᓪᓗᑎᑦ ᓄᓇᒥ ᐊᑕᓂᐅᑉ ᒎᑎᕕᑦ ᑐᓂᔭᖓᓂᒃ ᐃᓕᖕᓄᑦ.
17 #
ᒨᓯᓯ ᓯᕗᓪᓖᑦ 9:6; ᒨᓯᓯ ᐱᖓᔪᖏᑦ 24:17; ᒫᑎᐅᓯ 5:21; 19:18; ᒫᑯᓯ 10:19; ᓘᑲᓯ 18:20; ᕉᒪᒥᐅᓄᑦ 13:9; ᔧᒥᓯ 2:11. “‘ᐱᔮᕆᓗᑎᑦ ᐃᓄᐊᕐᑐᒃᓴᐅᓐᖏᓚᑎᑦ.
18 #
ᒨᓯᓯ ᐱᖓᔪᖏᑦ 20:10; ᒫᑎᐅᓯ 5:27; 19:18; ᒫᑯᓯ 10:19; ᓘᑲᓯ 18:20; ᕉᒪᒥᐅᓄᑦ 13:9; ᔧᒥᓯ 2:11. “‘ᓄᓕᐊᕇᖕᓂᕐᒥᒃ ᐊᓯᓐᓂᐊᕐᑐᒃᓴᐅᓐᖏᓚᑎᑦ.
19 #
ᒨᓯᓯ ᐱᖓᔪᖏᑦ 19:11; ᒫᑎᐅᓯ 19:18; ᒫᑯᓯ 10:19; ᓘᑲᓯ 18:20; ᕉᒪᒥᐅᓄᑦ 13:9. “‘ᑎᒡᓕᒃᑐᒃᓴᐅᓐᖏᓚᑎᑦ.
20 #
ᒨᓯᓯ ᐂᑉᐸᖏᑦ 23:1; ᒫᑎᐅᓯ 19:18; ᒫᑯᓯ 10:19; ᓘᑲᓯ 18:20. “‘ᐃᓅᖃᑎᖕᓂᒃ ᓱᓕᖏᑦᑐᒧᑦ ᐅᖃᐅᓯᖃᕐᑐᒃᓴᐅᓐᖏᓚᑎᑦ.
21 #
ᕉᒪᒥᐅᓄᑦ 7:7; 13:9. “‘ᐃᓅᖃᑎᕕᑦ ᓄᓕᐊᖓᓂᒃ ᐃᒃᓯᒎᕐᑐᒃᓴᐅᓐᖏᓚᑎᑦ; ᐃᒡᓗᖓᓂᒡᓘᓐᓃᑦ ᐱᔪᒪᔪᒃᓴᐅᓐᖏᓚᑎᑦ, ᓄᓇᖁᑎᖓᓂᒡᓘᓐᓃᑦ, ᐱᔨᖓᓂᒡᓘᓐᓃᑦ, ᐆᒪᔪᖁᑎᖓᓂᒡᓘᓐᓃᑦ, ᓯᐅᑎᖅᑯᕐᑐᔪᖁᑎᖓᓂᒡᓘᓐᓃᑦ, ᓱᓇᑐᐃᓐᓇᕐᒥᒡᓘᓐᓃᑦ ᐃᓅᖃᑎᕕᑦ ᐱᒋᔭᖓᓂᒃ ᐱᔪᒪᓗᐊᕐᑐᒃᓴᐅᓐᖏᓚᑎᑦ.’
22 #
ᐄᑉᕈᐃᓄᑦ 12:18,19. “ᑖᒃᑯᐊ ᑕᕝᕙ ᐊᑕᓂᐅᑉ ᐃᓕᑦᓯᓐᓄᑦ ᑐᓂᓚᐅᕐᑕᖏᑦ ᖃᖅᑲᒥ ᑲᑎᒪᑎᓪᓗᓯ. ᑍᑦᓱᒪᓂ ᐅᖃᓪᓚᒃᑎᓪᓗᒍ ᓂᐱᕐᔪᐊᕐᒧᑦ ᐃᑯᒪᒥᑦ ᐱᔪᒧᑦ ᓄᕗᔭᒥᓪᓗ, ᑖᒃᑯᐊᓗ ᐊᓯᖃᕐᑎᓐᓇᒋᑦ ᑐᓂᓚᐅᕐᐰᑦ. ᐅᔭᕌᖕᓄᓪᓗ ᒪᕐᕉᖕᓄᑦ ᑎᑎᕋᓚᐅᕐᓗᒋᑦ ᐅᕙᓐᓄᑦ ᑐᓂᓚᐅᕐᐰᑦ.”
ᐃᓄᐃᑦ ᓯᕘᕋᓪᓗᑎᒃ ᑲᑉᐱᐊᓱᖕᓂᖓᑦ
ᒨᓯᓯ ᐂᑉᐸᖏᑦ 20:18-21
23“ᖃᖅᑲᓕᒫᖅ ᐃᑯᒪᒧᑦ ᐊᒃᑐᐊᔭᐅᓕᕐᒪᑦ ᓂᐱᒥᒡᓗ ᑕᕝᕙᓐᖓᑦ ᑖᕐᑐᒥᑦ ᑐᓵᓕᕋᑦᓯ, ᓯᕗᓕᕐᑎᓯ ᑭᖑᕚᕇᓪᓗ ᐊᖓᔪᖅᑳᖏᑦ ᐅᕙᓐᓄᑦ ᕾᓚᐅᕐᐳᑦ 24ᐅᖃᕐᓗᑎᒡᓗ, ‘ᑕᑯᒋᑦ, ᐊᑕᓂᐅᑉ ᒎᑎᑦᑕ ᑕᑯᑎᑉᐹᑎᒍᑦ ᓂᕐᑐᕐᓇᕐᓂᕐᔪᐊᒥᓂᒃ ᐱᔪᓐᓇᕐᓂᕐᔪᐊᒥᓂᒡᓗ, ᓂᐱᖓ ᑐᓵᓕᕋᑦᑎᒍ ᐃᑯᒪᒥᑦ! ᐅᓪᓗᒥ ᑕᑯᕗᒍᑦ ᐃᓅᑉ ᓱᓕ ᐆᒪᔪᓐᓇᕐᓂᖓᓂᒃ, ᒎᑎᒧᑦ ᐅᖄᕕᐅᓯᒪᒐᓗᐊᕐᓗᓂ. 25ᓱᖕᒪᓪᓕ ᑐᖁᑐᐃᓐᓇᕆᐊᖃᕐᓇᕐᑐᒧᑦ ᓱᓕ ᐱᓇᓱᐊᕐᑐᓱᒃᓴᐅᕕᑖ? ᑖᑦᓱᒪ ᐃᑯᒪᕐᔪᐊᑉ ᓄᖑᑐᐃᓐᓇᕆᐊᖃᕐᐹᑎᒍᑦ. ᑐᖁᑐᐃᓐᓇᕆᐊᖃᓪᓚᕆᒃᐳᒍᑦ ᐊᑕᓂᐅᑉ ᒎᑎᑦᑕ ᓂᐱᖓᓂᒃ ᓱᓕ ᑐᓴᒃᑲᓐᓂᕐᓂᐊᑐᐊᕈᑦᑕ. 26ᐃᓄᖕᒥᒃ ᐆᒪᔪᖃᓚᐅᕐᓯᒪᕚ? ᒎᑎᐅᑉ ᐆᒪᔫᑉ ᓂᐱᖓᓂᒃ ᑐᓵᓯᒪᔪᒥᒃ ᐅᖄᑎᓪᓗᒍ ᐃᑯᒪᒥᑦ? ᐅᕙᑦᑎᑐᑦ, ᑐᓵᓯᒪᒐᑦᑕ ᓂᐱᖓᓂᒃ ᐆᒪᓪᓗᑕ? 27ᒨᓯᓰ ᐅᐸᒡᓗᒍ ᓈᓚᒋᐊᕐᑐᓚᐅᕈᒃ ᐊᑕᓂᐅᑉ ᒎᑎᑦᑕ ᐅᖃᐅᓯᕆᔪᒪᔭᓕᒫᖏᑦ. ᑕᕝᕙ ᐅᕙᑦᑎᓐᓄᑦ ᐅᑎᕐᓗᑎᑦ ᐅᖃᕐᓂᐊᕐᐳᑎᑦ ᖃᓄᖅ ᐃᓕᖕᓄᑦ ᐅᖃᐅᓯᖃᕐᒪᖔᑦ. ᐅᕙᒍᑦ ᑕᕝᕙ ᓈᓚᖕᓂᐊᕐᐳᒍᑦ ᒪᓕᒡᓗᑕᓗ.’
28“ᐊᑕᓂᐅᓪᓕ ᑕᒪᓐᓇ ᑐᓴᕋᒥᐅᒃ, ᐅᕙᓐᓄᑦ ᐅᖃᕐᐳᖅ, ‘ᐅᑯᐊ ᐃᓄᐃᑦ ᐅᖃᐅᓯᕆᔭᖏᑦ ᑐᓵᕙᒃᑲ, ᓈᒻᒪᓈᑦᓯᐊᕐᓗᑎᒃ ᐅᖃᕐᐳᑦ. 29ᑍᒪᓐᖓᓪᓕ ᑍᒫᒃ ᐃᒃᐱᒋᓕᕐᓂᕈᑎᒃ! ᓯᕘᕋᒋᓗᓂᖓ ᐱᖁᔭᒃᑲᓗ ᓈᓚᒡᓗᒋᑦ, ᑕᕝᕙ ᑕᒤᑎᒍᑦ ᖃᓄᐃᖏᑦᓯᐊᕋᔭᕐᐳᑦ ᑭᖑᕚᖏᓪᓗ ᐃᓱᖃᖏᑦᑐᒧᑦ! 30ᐅᐸᒡᓗᒋᑦ ᐅᖃᐅᑎᔭᕐᑐᓕᒃᑭᑦ ᑐᐱᕐᒥᖕᓄᑦ ᐅᑎᖁᓗᒋᑦ. 31ᐃᕝᕕᓪᓕ ᒨᓯᓰ, ᐅᕙᓐᓂ ᓇᔫᑎᓕᕆᑦ, ᑐᓂᓯᕕᒋᓂᐊᕋᒃᑭᑦ ᐱᖁᔭᓐᓂᒃ ᐊᑐᕐᑕᐅᖁᔭᓐᓂᒡᓗ. ᐃᓄᖕᓄᑦ ᐃᓕᓮᑦᔪᑎᒋᔭᒃᓴᕆᕙᑎᑦ, ᑖᒃᑯᓄᖓ ᓈᓚᒃᑕᐅᖁᓪᓗᒋᑦ ᑕᒫᓂ ᓄᓇᒥ ᑐᓂᓂᐊᕐᑕᓐᓂ ᑖᒃᑯᓄᖓ.’
32“ᐃᓴᕆᐊᓕᒥᐅᖑᔪᓯ, ᐃᒃᐱᒍᓱᑦᓯᐊᕆᐊᖃᕐᐳᓯ ᐱᓇᓱᐊᖁᓪᓗᓯ ᐊᑕᓂᐅᑉ ᒎᑎᑦᓯ ᐱᖁᔨᓂᖏᓐᓂᒃ. ᓇᓪᓕᐊᓐᓂᒡᓘᓐᓃᑦ ᐱᖁᔭᖏᓐᓂᒃ ᓈᓚᖏᑦᑑᔪᒃᓴᐅᓐᖏᓚᓯ. 33ᓈᓚᒃᑕᒃᓴᕆᕙᓯ ᐊᑕᓂᐅᑉ ᒎᑎᑦᓯ ᑍᒫᒃ ᐱᖁᓚᐅᕐᒪᓯ, ᑕᒤᑎᒍᑦ ᖃᓄᐃᖏᑦᓯᐊᖁᓪᓗᓯ ᑕᒫᓂᓗ ᓄᓇᑖᕆᓂᐊᕐᑕᑦᓯᓐᓂ ᐊᑯᓂ ᓄᓇᖃᕈᓐᓇᖁᓪᓗᓯ.”
Currently Selected:
ᒨᓯᓯ ᑕᓪᓕᒪᖏᑦ 5: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
