ᒨᓯᓯ ᑕᓪᓕᒪᖏᑦ 6
6
ᐱᖁᔭᖅ ᐱᓪᓚᕆᐅᓂᕐᐸᐅᔪᖅ
1“ᒪᑯᐊ ᑕᕝᕙ ᐱᖁᔧᑦ ᐊᑕᓂᐅᑉ ᒎᑎᑦᓯ ᐱᖁᔨᑦᔪᑎᒋᓚᐅᕐᑕᖏᑦ ᐅᕙᓐᓄᑦ ᐃᓕᓮᑦᔪᑎᒋᔭᐅᖁᓪᓗᒋᑦ ᐃᓕᑦᓯᓐᓄᑦ. ᓈᓚᒃᑕᒃᓴᕆᕙᓯ ᑕᕝᕙᓂ ᓄᓇᒋᓂᐊᓕᕐᑕᑦᓯᓐᓂ ᓄᓇᖃᓕᕐᑎᓪᓗᓯ. 2ᑍᒫᓐᖓᑦ ᐃᓅᓂᑦᓯᓐᓂ, ᐃᓕᑦᓯ ᑭᖑᕚᓕᒫᓯᓗ ᐊᑕᓂᕐᒥᒃ ᒎᑎᑦᓯᓐᓂᒃ ᑲᒪᑦᓯᐊᕐᑐᒃᓴᐅᕗᓯ ᐱᖁᔭᓕᒫᖏᓪᓗ ᓈᓚᒃᓗᒋᑦ ᐃᓕᑦᓯᓐᓄᑦ ᑐᓂᓚᐅᕐᑕᒃᑲ, ᑕᕝᕙᓂ ᓄᓇᑖᕆᓂᐊᕐᑕᑦᓯᓐᓂ ᐊᑯᓂ ᐃᓅᔪᓐᓇᖁᓪᓗᓯ. 3ᑍᒤᒻᒪᑦ ᓈᓚᓚᐅᕐᓯᐅᒃ, ᐃᓴᕆᐊᓕᒥᐅᖑᔪᓯ, ᒪᓕᒡᓗᓯᐅᒡᓗ! ᑕᕝᕙ ᑕᒤᑎᒍᑦ ᖃᓄᐃᖏᑦᓯᐊᕐᓂᐊᕐᐳᓯ, ᐊᔪᖏᑦᑐᕐᔪᐊᖑᓗᓯᓗ ᐃᓅᖃᑎᒌᒡᔪᐊᖑᓕᕐᓂᐊᕐᐳᓯ ᐊᔪᕐᓴᕐᓇᖏᑦᓯᐊᕐᑐᒥᓗ ᓂᕿᒃᓴᖃᑦᓯᐊᕐᑐᒥᓗ ᓄᓇᖃᕐᓗᓯ, ᐊᑕᓂᖅ, ᓯᕗᓕᕕᓂᑦᑕ ᒎᑎᖓᑦ, ᑕᒪᑐᒥᖓ ᐊᖏᕈᑎᖃᕐᓯᒪᖕᒪᑦ.
4 #
ᒫᑯᓯ 12:29. “ᐃᓴᕆᐊᓕᒥᐅᖑᔪᓯ ᑐᓴᕆᑦᓯ! ᐊᑕᓂᖅ ᒎᑎᕗᑦ ᐊᑕᓂᑑᕗᖅ. 5#ᒫᑎᐅᓯ 22:37; ᒫᑯᓯ 12:30; ᓘᑲᓯ 10:27.ᑖᓐᓇ ᐊᑕᓂᖅ ᒎᑎᒋᔧᑦ ᐱᓐᓈᕆᔭᒃᓴᕆᕙᑦ#6:5 ᐱᓐᓈᕆᔭᒃᓴᕆᕙᑦ ᐅᕝᕙᓗ ᓇᒡᓕᒋᔭᒃᓴᕆᕙᑦ ᐆᒻᒪᑎᖕᓄᑦ ᐊᑕᖏᕐᑐᒧᑦ, ᑕᕐᓂᕐᓄᓪᓗ ᐊᑕᖏᕐᑐᒧᑦ, ᐱᔪᓐᓇᕐᓂᕐᓄᓪᓗ ᐊᑕᖏᕐᑐᒧᑦ. 6#ᒨᓯᓯ ᑕᓪᓕᒪᖏᑦ 11:18-20.ᐱᖁᔧᓪᓗ ᐃᓕᑦᓯᓐᓄᑦ ᑐᓂᔭᒃᑲ ᐅᓪᓗᒥ ᐳᐃᒍᕐᑕᒃᓴᕆᓐᖏᓚᓯ. 7ᐊᔪᐃᓐᓇᕐᓗᓯ ᕿᑐᕐᖓᑦᓯᓐᓄᑦ ᐃᓕᓐᓂᐊᕐᑎᑦᓯᑦᔪᑎᒋᔭᒃᓴᕆᕙᓯ. ᑍᒧᖎᓐᓇᕆᐅᒃᓴᒐᒃᓴᕆᕙᓯᓗ ᐃᓕᓐᓂᐊᕐᓗᒋᑦ ᐊᖏᕐᕋᑦᓯᓐᓂ ᐊᐅᓪᓚᕐᓯᒪᑎᓪᓗᓯᓗ, ᓄᖅᑲᖓᑎᓪᓗᓯ ᓴᓇᑎᓪᓗᓯᓗ. 8ᐊᒡᒐᐅᑎᑦᓯᓐᓂ ᓇᓗᓁᒃᑯᑕᐅᓗᑎᒃ ᕿᓚᒃᓯᒪᔪᒃᓴᐅᕗᑦ ᖃᐅᕐᒥᐅᑕᕆᓗᒋᓪᓗ ᖃᐅᕈᑎᒧᑦ ᐃᓕᓯᒪᓗᒋᑦ ᐃᖅᑬᑦᔪᑎᒃᓴᐅᖁᓪᓗᒋᑦ. 9ᑎᑎᕋᕐᓯᒪᔪᒃᓴᐅᕗᓪᓗ ᐃᑎᕐᑕᕐᕕᑦᓯ ᖁᓛᓂ ᐃᒡᓗᑦᓯᓐᓂ ᐃᒡᓗᒐᓮᓪᓗ ᐊᕙᓗᕐᔪᐊᖓᑕ ᐃᑎᕐᑕᕐᕕᖏᑕ ᖁᓛᓐᓂ.”
ᓈᓚᖏᑦᑐᓄᑦ ᓯᕘᕋᒋᔭᒃᓴᑦ
10 #
ᒨᓯᓯ ᓯᕗᓪᓖᑦ 12:7;
ᒨᓯᓯ ᓯᕗᓪᓖᑦ 26:3;
ᒨᓯᓯ ᓯᕗᓪᓖᑦ 28:13. “ᑍᒫᒃᑕᐅᖅ ᐊᑕᓂᐅᑉ ᒎᑎᑦᓯ ᓯᕗᓕᓯ ᐊᖏᕐᕕᒋᓚᐅᕐᒪᒋᑦ, ᐂᑉᕋᕼᐋᒻ, ᐂᓴᑭ, ᔧᑯᓗ, ᓄᓇᒥᒃ ᑐᓂᓯᕕᒋᓂᐊᕐᓂᕋᕐᓗᒋᑦ ᐊᖏᔪᒥᒃ ᐊᔪᕐᓴᕐᓇᖏᑦᑐᒥᒡᓗ ᐃᒡᓗᒐᓴᒡᔪᐊᓂᒡᓗ ᐃᓕᑦᓯ ᓇᖕᒥᓂᖅ ᓴᓇᓚᐅᓐᖏᑕᑦᓯᓐᓂᒃ. 11ᐃᒡᓗᐃᓪᓗ ᑖᒃᑯᐊ ᐱᐅᔫᑎᐊᓗᖕᓂᒃ ᑕᑕᓐᓂᐊᕐᐳᑦ ᑕᕝᕗᖓ ᐃᓕᐅᕋᓚᐅᓐᖏᑕᑦᓯᓐᓂᒃ, ᐃᒥᕐᑕᕐᕕᖃᐅᕐᓂᐊᕐᐳᓪᓗ ᐃᑎᕐᓴᓕᐊᕆᓚᐅᓐᖏᑕᑦᓯᓐᓂᒃ, ᕔᓂᒃᓴᓂᒃ ᓇᐹᕐᑐᐃᓪᓗ ᐅᕐᓱᒃᓴᓖᑦ ᐱᕈᕐᕕᖏᓐᓂᒃ ᐱᑕᖃᕈᒫᕐᐳᖅ ᑲᓐᖓᕐᓱᓚᐅᓐᖏᑕᑦᓯᓐᓂᒃ. ᐊᑕᓂᐅᑉ ᑕᕝᕗᖓ ᓄᓇᒧᑦ ᑎᑭᐅᑎᑎᒍᓂᓯ ᓂᕆᔪᒪᔪᓐᓇᕐᑕᓕᒫᑦᓯᓐᓂᒃ ᑕᒪᓐᓇ ᓄᓇ ᐱᑕᖃᕈᒫᕐᐳᖅ, 12ᐃᒃᐱᒍᓱᑦᓯᐊᕐᑐᒃᓴᐅᕗᓯᓕ ᐊᑕᓂᕐᒥᒃ ᐳᐃᒍᖁᓇᓯ ᓴᐳᑦᔨᔨᒋᓚᐅᕐᑕᑦᓯᓐᓂᒃ ᐄᑦᔨᑉᑎᒥᑦ, ᑕᕝᕙᓐᖓᑦ ᑎᒍᔭᐅᓯᒪᕕᒋᓚᐅᕐᑕᑦᓯᓐᓂᑦ ᓯᐊᓛᖑᕕᒋᓚᐅᕐᑕᑦᓯᓐᓂᓪᓗ. 13#ᒫᑎᐅᓯ 4:10; ᓘᑲᓯ 4:8.ᐊᑕᓂᖅ ᒎᑎᓯ ᓯᕘᕋᒋᔭᒃᓴᕆᕙᓯ, ᑖᓐᓇᑐᐊᕐᓗ ᑐᒃᓯᐊᕐᕕᒋᓗᒍ, ᐊᖏᒻᒪᕆᓕᕈᑦᓯᓗ ᐊᑎᖓ ᑖᓐᓇᑐᐊᖅ ᐊᑐᕐᑕᒃᓴᕆᕙᓯ. 14ᒎᑎᒋᔭᐅᔪᓂᒃ ᑖᑦᓱᒪ ᐊᓯᐊᓂᒃ ᑐᒃᓯᐊᕐᕕᖃᕐᑐᒃᓴᐅᓐᖏᓚᓯ, ᓇᓪᓕᐊᓐᓂᒡᓘᓐᓃᑦ ᖃᓂᒋᔭᑦᓯᓐᓂ ᓄᓇᖃᕐᑐᓄᑦ ᒎᑎᒋᔭᐅᔪᓂᒃ. 15ᑖᓐᓇ ᐊᑕᓂᖅ ᒎᑎᒋᔭᓯ ᐃᓕᑦᓯᓐᓃᑦᑐᖅ ᐃᓕᑦᓯᓐᓂᒃ ᓯᖕᓇᑐᔫᖕᒪᑦ, ᐊᑕᓂᐅᑉ ᒎᑎᑦᓯ ᓂᓐᖓᐅᓯᖓᓄᑦ ᑎᑭᕝᕕᐅᖁᓇᓯ, ᐃᑯᒪᔪᒧᑦ ᓄᖑᑕᐅᔪᑎᑐᑦ ᑍᒤᖁᓇᓯ ᑕᕝᕙᓂ ᓄᓇᑦᓯᓐᓂ.
16 #
ᒫᑎᐅᓯ 4:7; ᓘᑲᓯ 4:12;
ᒨᓯᓯ ᐂᑉᐸᖏᑦ 17:1-7. “ᐊᑕᓂᕐᓂᒃ ᒎᑎᖕᓂᒃ ᐆᒃᑐᕐᓗᐃᔪᒃᓴᐅᓐᖏᓚᑎᑦ, ᑍᒫᒃ ᐆᒃᑐᕐᓗᐃᓚᐅᕐᓂᑦᓯᑐᑦ ᓄᓇᒥ ᒫᓴᒥ. 17ᐊᑕᓂᐅᑉ ᒎᑎᑦᓯ ᐱᖁᔭᓕᒫᖏᑦ ᓈᓚᒃᑕᒃᓴᕆᕙᓯ ᐃᓕᑦᓯᓐᓄᑦ ᑐᓂᓯᒪᔭᖏᑦ. 18ᐊᑕᓂᐅᑉ ᓵᖓᓂ ᐃᓅᑦᓯᐊᕐᑐᒃᓴᐅᕗᓯ ᐱᑦᓯᐊᕐᑐᒃᓴᐅᓪᓗᓯᓗ, ᑕᒤᑎᒍᑦ ᖃᓄᐃᖏᑦᓯᐊᖁᓪᓗᓯ. ᐊᑕᓂᐅᑉ ᓯᕗᓕᕕᓂᑦᑎᓐᓄᑦ ᐊᖏᕈᑎᒋᓯᒪᔭᖓᓂᒃ ᓄᓇᑦᓯᐊᕙᖕᒥᒃ ᓄᓇᑖᕈᓐᓇᖁᓪᓗᓯ, 19ᑕᕝᕙᓂ ᓄᓇᖃᕐᑐᑐᕾᑦ ᐊᑭᕋᓯ ᐊᒡᕔᕐᑎᖔᕐᓗᒋᑦ, ᐊᑕᓂᐅᑉ ᑕᒪᑐᒥᖓ ᑍᒫᒃ ᐊᖏᕐᕕᒋᓯᒪᖕᒪᓯ.
20“ᓯᕗᓂᕆᔪᒫᕐᑕᑦᓯᓐᓂ ᕿᑐᕐᖓᑦᓯᓐᓄᑦ ᐊᐱᕆᔭᐅᒐᔭᕈᑦᓯ, ‘ᓱᖕᒪᑦ ᐊᑕᓂᐅᑉ ᒎᑎᑦᑕ ᐱᖁᔭᓂᒃ ᑕᒪᒃᑯᓂᖓ ᒪᓕᖁᓯᒪᕚᑎᒎᑦ?’ 21ᑕᕝᕙ ᕿᑐᕐᖓᑦᓯᓐᓄᑦ ᑭᐅᔪᒃᓴᐅᕗᓯ, ‘ᐰᕉᒧᑦ ᐃᓖᔭᕆᔭᐅᓚᐅᕋᑦᑕ ᐄᑦᔨᑉᑎᒥ, ᐊᑕᓂᐅᓪᓕ ᐄᑦᔨᑉᑎᒥᑦ ᓴᐳᑎᓚᐅᕐᐹᑎᒍᑦ ᐱᔪᓐᓇᕐᓂᕐᔪᐊᒥᓄᑦ. 22ᓇᖕᒥᓂᖅ ᑕᑯᓐᓇᕐᑎᓪᓗᑕ ᓇᓗᓁᒃᑯᑕᕐᓂᒃ ᑲᒪᓇᕐᑐᓂᒡᓗ ᐊᖏᔪᕐᔪᐊᓂᒃ ᑲᑉᐱᐊᓇᕐᑐᓂᒡᓗ ᐱᓇᓱᐊᖃᑦᑕᓚᐅᕐᐳᖅ ᐄᑦᔨᑉᑎᒥᐅᓄᑦ ᐊᖓᔪᖅᑳᕐᔪᐊᖓᓄᓪᓗ ᐊᖓᔪᖅᑳᖁᑎᖏᓐᓄᓪᓗ. 23ᐄᑦᔨᑉᑎᒥᐅᓂᑦ ᐊᓂᑎᓪᓗᑕ ᑕᒪᐅᖓ ᓄᓇᒧᑦ ᐱᑎᓚᐅᕐᐹᑎᒍᑦ ᑕᒪᑐᒥᖓᓗ ᓄᓇᑖᕐᑎᓪᓗᓂᑎᒍᑦ, ᑕᒪᓐᓇ ᓯᕗᓕᕕᓂᑦᑎᓐᓄᑦ ᐊᖏᕈᑎᒋᓯᒪᓚᐅᕐᒪᒍ ᑐᓂᓛᕐᓂᐊᕐᓂᕋᕐᓗᒍ. 24ᐊᑕᓂᐅᓪᓗ ᐱᖁᓚᐅᕐᐹᑎᒍᑦ ᒪᓕᖁᓪᓗᑕ ᐱᖁᔨᑦᔪᑎᓕᒫᖏᓐᓂᒃ ᐅᐱᒋᑦᓯᐊᕐᓗᒍᓗ, ᐊᑕᓂᖅ ᒎᑎᕗᑦ ᓯᕘᕋᒋᓗᒍ ᑕᕝᕙ ᑍᒤᒍᑦᑕ, ᐃᓅᖃᑎᒌᒡᔪᐊᖑᓂᕗᑦ ᑍᒫᓐᖓᑦ ᑲᒪᒋᑦᓯᐊᕐᓂᐊᕐᐰᑦ ᐱᕙᓪᓕᐊᑎᑦᓯᐊᕐᓗᓂᒋᓪᓗ. 25ᑕᕝᕙ ᑕᒪᒃᑯᓂᖓᓕᒫᖅ ᒪᓕᑦᓯᐊᕈᑦᑕ ᒎᑎᐅᑉ ᒪᓕᒃᑕᐅᖁᓯᒪᔭᖏᓐᓂᒃ, ᖁᕕᐊᒋᓂᐊᕐᐹᑎᒍᑦ.’”
Currently Selected:
ᒨᓯᓯ ᑕᓪᓕᒪᖏᑦ 6: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
