ᒨᓯᓯ ᑕᓪᓕᒪᖏᑦ 33
33
ᒨᓯᓯᐅᑉ ᐃᓴᕆᐊᓕᒥᐅᑦ ᑭᖑᕚᕇᖏᓐᓂᒃ ᓮᒻᒪᕐᑎᑦᓯᓂᖓ
1ᐅᑯᐊ ᑕᕝᕙ ᒨᓯᓯᐅᑉ ᒎᑎᐅᑉ ᐃᓄᖁᑎᖓᑕ ᓮᒻᒪᕐᑎᑦᓯᑦᔪᑎᒋᓚᐅᕐᑕᖏᑦ, ᐃᓴᕆᐊᓕᒥᐅᓄᑦ ᑐᖁᓚᐅᖅᑳᕋᓂ.
2ᐅᖃᕐᓗᓂ, “ᐊᑕᓂᖅ ᐊᖅᑲᓚᐅᕐᐳᖅ ᖃᖅᑲᒥᑦ ᓮᓁᒥᑦ;
ᓴᖅᑭᓚᐅᕐᐳᕐᓗ ᓯᕿᓂᕐᑐᑦ ᐄᑐᒥᒧᑦ ᓴᖅᑭᑦᑐᑎᑐᑦ ᓰᐊᕆᒥᑦ ᐅᕙᑦᑎᓐᓄᑦ,
ᖃᐅᒻᒪᒃᑎᑦᓯᓚᐅᕐᐳᖅ ᖃᖅᑲᒥᑦ ᐸᕌᓐᒥᑦ.
ᐂᖏᓕᖁᑎᓂ 10,000 ᐃᑦᔪᕐᓁᑦᑐᑦ ᐃᓚᒋᓪᓗᒋᑦ,
ᑕᓕᕐᐱᖕᒥᒍᑦ ᐃᑯᒪᒥᒃ ᐃᑯᐊᓚᔪᒥᒃ ᑎᒍᒥᐊᕐᓗᓂ.
3ᑖᑦᓱᒪ, ᐃᓄᖁᑎᓂ ᓇᒡᓕᒋᓚᐅᕐᐰᑦ;
ᐃᑦᔪᕐᓁᑎᑕᐅᓯᒪᔪᓕᒫᑦ ᑖᑦᓱᒪ ᑎᒍᒥᐊᓚᐅᕐᐰᑦ;
ᑭᖑᓂᖓᓂᓗ ᐱᓱᓚᐅᕐᐳᑦ ᒪᓕᒡᓗᑎᒃ,
ᓇᒧᓐᖓᐅᓂᕐᒥᒃ ᐊᔪᕆᕐᑐᕐᑕᐅᓪᓗᑎᒃ ᐃᓕᖕᓄᑦ,
4ᒨᓯᓯᐅᑉ ᒪᓕᖁᓚᐅᕐᒪᑎᒍᑦ ᐱᖁᔭᓂᒃ,
ᐱᓪᓚᕆᐅᓂᕐᐹᕆᔭᐅᔪᓂᒃ ᔧᑰᑉ ᑲᑎᒪᔪᖁᑎᖏᓐᓄᑦ.
5ᐊᑕᓂᖅ ᐊᖓᔪᖅᑳᕐᔪᐊᕈᓚᐅᕐᐳᖅ ᔨᓱᕋᓐᒥ,#33:5 ᔨᓱᕋᓐ ᐅᕝᕙᓗ ᐃᓴᕆᐊᓕ
ᐃᓄᐃᑦ ᐊᖓᔪᖅᑳᖏᑦ ᑲᑎᒪᑎᓪᓗᒋᑦ.
ᐃᓴᕆᐊᓕᒥᐅᑦ ᑭᖑᕚᖑᖃᑎᒌᓕᒫᑦ ᑲᑎᒪᑎᓪᓗᒋᑦ.
6ᕉᐱᓂᐅᑉ ᑭᖑᕚᖏᑦ ᐃᓅᓕᑦ, ᑐᖁᕋᖏᓪᓗᑎᒃ,
ᐃᓄᖁᑎᖏᓪᓗ ᖃᑦᓰᓐᓇᐅᓗᐊᓕᕐᑍᓕᓕᑦ.”
7ᔫᑕᐅᓪᓕ ᑭᖑᕚᖏᑦ ᐱᑦᔪᑎᒋᓪᓗᒋᑦ ᐅᖃᓚᐅᕐᐳᖅ:
“ᐊᑕᓃᖅ, ᔫᑕᐅᑉ ᑭᖑᕚᖏᑕ ᓂᓪᓕᐊᓂᖏᑦ ᑐᓴᒃᑭᑦ,
ᑭᖑᕚᖑᖃᑎᒥᖕᓄᑦ ᐃᓚᓕᐅᑎᑎᒃᑭᑦ.
ᐱᔪᓐᓇᕐᓂᕐᓄᑦ ᐅᓇᑕᕈᑎᓗᒋᑦ,
ᐊᑭᕋᕐᑐᕐᑎᖏᓐᓂᓪᓗ ᐊᑭᓂᐊᕈᑎᓗᒋᑦ ᐃᑲᔪᒃᑭᑦ.”
8 #
ᒨᓯᓯ ᐂᑉᐸᖏᑦ 28:30;
ᒨᓯᓯ ᐂᑉᐸᖏᑦ 17:7;
ᒨᓯᓯ ᐂᑉᐸᖏᑦ 17:7; ᒨᓯᓯ ᓯᑕᒪᖏᑦ 20:13. ᓕᕔᓪᓕ ᑭᖑᕚᖏᑦ ᐱᑦᔪᑎᒋᓪᓗᒋᑦ ᐅᖃᓚᐅᕐᐳᖅ:
“ᓕᕔᑉ ᑭᖑᕚᖏᑦ ᑐᒥᒻᒥᒃ#33:8 ᑐᒥᒻ ᑖᒃᑯᐊ ᓇᓚᐅᑦᓵᕈᑏᑦ ᑐᓂᓯᕕᒋᒃᑭᑦ,
ᔪᕆᒻᑯᓪᓗ#33:8 ᔪᕆᒻ ᑖᒃᑯᐊ ᓇᓚᐅᑦᓵᕈᑏᑦ ᐃᑦᔪᕐᓁᑦᑐᖁᑎᖕᓄᑦ,
ᐆᒃᑐᓚᐅᕋᕕᒋᑦ ᓄᓇᒥ ᒫᓴᒥ;
ᐊᑭᒪᖃᑎᒋᓚᐅᕐᑕᑎᓪᓗ ᒥᕆᐸᐅᑉ ᐃᒪᖏᓐᓂ.
9ᑖᒃᑯᐊ ᐊᑖᑕᒥᖕᓂᒃ ᐊᓈᓇᒥᖕᓂᒡᓗ ᐃᒫᒃ ᐅᖃᐅᓯᖃᓚᐅᕐᐳᑦ,
‘ᑖᒃᑯᐊ ᐃᓱᒪᒋᓐᖏᓚᒃᑲ’; ᖃᑕᓐᖑᑎᑎᒃ ᐃᓚᒋᓂᕋᓐᖏᓔᑦ,
ᕿᑐᕐᖓᑎᒡᓗ ᐃᒃᐱᒋᓇᒋᑦ.
ᐅᖃᐅᓯᕐᓂᒃ ᒪᓕᑦᓯᐊᓗᐊᒧᑦ,
ᐊᖏᖃᑎᒌᖕᓂᒃᑯᑦ ᐅᖃᕐᕕᒋᓯᒪᔭᑎᑦ ᒪᓕᒡᓗᒋᑦ.
10ᑖᒃᑯᐊ ᐃᓕᓮᓂᐊᕐᐳᑦ ᒪᓕᒐᒃᓴᓂᒃ ᔧᑰᑉ ᑭᖑᕚᖏᓐᓄᑦ,
ᐱᖁᔭᕐᓂᒡᓗ ᐃᓴᕆᐊᓕᒥᐅᓄᑦ; ᐃᓯᕐᓗᐊᕐᓂᑎᑦᓯᓗᑎᒡᓗ ᓵᖕᓂ,
ᑐᓂᕐᕈᓯᕐᕕᖁᑎᖕᓂᓗ ᐃᑯᐊᓚᑦᓯᓗᑎᒃ ᑐᓂᕐᕈᓯᕐᓂᐊᕐᐳᑦ.
11ᐊᑕᓃᖅ, ᑭᖑᕚᖑᖃᑎᒌᑦ ᑖᒃᑯᐊ ᐱᒋᔭᖏᑦ ᓮᒻᒪᕐᑎᒃᑭᑦ,
ᐱᓂᐊᕐᓂᖏᓪᓗ ᐃᓚᓕᐅᒃᑭᑦ;
ᐊᑭᕋᕐᑐᕐᑎᓕᒫᖏᑦ ᓵᓚᒋᓗᒋᑦ;
ᐆᒥᓱᒃᑐᓪᓗ ᑖᒃᑯᓂᖓ ᒪᑭᒃᑲᓐᓂᕈᓐᓁᖁᓪᓗᒋᑦ.”
12ᐱᓐᔭᒥᓂᐅᓪᓕ ᑭᒍᕚᖏᑦ ᐱᑦᔪᑎᒋᓪᓗᒋᑦ ᐅᖃᓚᐅᕐᐳᖅ:
“ᐊᑕᓂᐅᑉ ᓇᒡᓕᒋᔭᖏᑦ
ᐃᓂᖃᕐᐳᑦ ᓴᐳᑦᔭᐅᓯᒪᓂᕐᒥ ᑖᑦᓱᒧᖓ;
ᑬᕙᓪᓚᒃᓯᒪᓪᓗᒋᑦ ᓴᐳᑎᓯᒪᕔᑦ ᐅᓪᓗᓕᒫᖅ ᓈᓪᓗᒍ,
ᑖᒃᑯᓇᓂᓗ ᐃᓂᖃᕐᓗᓂ.”
13ᔫᓯᐱᐅᓪᓕ ᑭᖑᕚᖏᑦ ᐱᑦᔪᑎᒋᓪᓗᒋᑦ ᐅᖃᓚᐅᕐᐳᖅ:
“ᐊᑕᓂᕐᒧᑦ ᓮᒻᒪᕐᑎᑕᐅᓯᒪᓕ ᓄᓇᖁᑎᖓ,
ᓄᓇᖁᑎᖓᑕᓗ ᐊᑖᓃᑦᑐᑦ ᐊᒃᐸᓯᒃᑐᒥ,
14ᐱᐅᓂᕐᐹᓄᑦ ᐸᐅᕐᖓᓄᑦ ᓯᕿᓂᕐᒧᑦ ᐱᕈᕐᑎᑕᐅᔪᓄᑦ,
ᐱᕈᕐᕕᐅᓯᐊᕐᐸᒡᓗᓂ ᐱᕈᕐᑐᑦ ᐱᕈᕐᐸᓪᓕᐊᕕᖏᓐᓂ ᑕᖅᑭᓂ.
15ᑖᑦᓱᒪ ᐱᖑᖁᑎᖏᑦ ᓄᑕᐅᖏᑦᑐᑦ ᐱᕈᕐᑐᓄᑦ ᐱᕈᕐᕕᐅᖃᑦᑕᕐᓕ ᐱᐅᓂᕐᐹᓂᒃ,
ᐅᓕᒃᑕᐅᓯᒪᓚᐅᕐᓕᑦ ᓂᕿᒃᓴᓄᑦ ᑍᒪᓐᖓᓕᒫᖅ,
16ᓄᓇᐅᑉ ᑐᓂᕐᕈᑎᖏᓐᓂᒃ ᐱᐅᓂᕐᐹᓂᒃ ᑕᑕᑎᓚᐅᕈᒃ,
ᐊᑕᓂᖅ ᓂᕐᑐᕐᓇᕐᓯᑎᑕᐅᓕ ᐅᕐᐱᖕᓂᑦ ᐃᑯᐊᓚᔪᓂᑦ ᐅᖃᓪᓚᓚᐅᕐᓯᒪᔪᖅ.
ᑕᒪᒃᑯᐊ ᓮᒻᒪᕐᑎᑕᐅᓇᕐᑐᑦ ᔫᓯᐱᐅᑉ ᑭᖑᕚᖏᓐᓄᑦ ᑎᑭᓚᐅᕐᓕᑦ,
ᖃᑕᓐᖑᑎᖏᑕᓗ ᑭᖑᕚᖏᑕ ᐊᖓᔪᖅᑳᖏᓐᓄᑦ ᑎᑭᓪᓗᓂ.
17ᐃᕐᓂᐊᖑᖅᑳᕐᑐᖅ ᐊᖑᓴᓪᓗᖅ ᐆᒪᔪᖁᑎᖏᓐᓂ ᐱᔪᓐᓇᕐᓂᖃᕐᐳᖅ,
ᓇᒡᔪᖃᕐᓗᓂᓗ ᐃᒻᒧᒃᓯᐅᒐᐅᑉ ᓄᔪᐊᕐᑑᑉ ᐊᖑᓴᓪᓗᖓᑎᑐᑦ;
ᑖᑦᓱᒪ ᓇᒡᔪᖕᒥᒃᐰᑦ ᐃᓄᒐᓮᑦ ᐊᔭᒡᓗᒋᑦ, ᐃᓘᓐᓇᑦᓯᐊᑎᒃ ᓯᓚᕐᔪᐊᑉ ᐃᓱᐊᓄᑦ ᑎᑭᓪᓗᒋᑦ.
ᑍᒤᑦᑑᕗᑦ ᐃᕗᕅᒥᐅᑉ ᑭᖑᕚᖏᑦ 10,000 ᐅᖓᑖᓃᑦᑐᑦ,
ᑍᒤᒃᑭᓪᓗᑎᒡᓗ ᒫᓇᓯᐅᑉ ᑭᖑᕚᖏᑦ 10,000 ᐅᖓᑖᓃᑦᑐᑦ.”
18ᓯᐳᓗᓂᐅᑉ ᑭᖑᕚᖏᑦ ᐱᑦᔪᑎᒋᓪᓗᒋᑦ ᐅᖃᓚᐅᕐᐳᖅ:
“ᖁᕕᐊᓱᒻᒪᕆᒋᑦᓯ ᓯᐳᓗᓂᐅᑉ ᑭᖑᕚᖏᑦ ᐊᓂᓕᕈᑦᓯ;
ᐃᓴᑳᕆᐅᓪᓗ ᑭᖑᕚᖏᑦ, ᐱᕈᕐᐸᓪᓕᐊᓕ ᐊᖏᕐᕋᒥᖕᓂ.
19ᑖᒃᑯᐊ ᐃᓅᖃᑎᒌᒡᔪᐊᓂᒃ ᕾᖁᔨᔪᒫᕐᐳᑦ ᖃᖅᑲᖁᑎᒥᖕᓄᑦ;
ᑕᕝᕙᓂᓗ ᑐᓂᕐᕈᑎᒃᓴᓂᒃ ᓈᒻᒪᒋᔭᐅᔪᓂᒃ ᑐᓂᕐᕈᓯᕐᓗᑎᒃ;
ᐊᔪᕐᓴᖏᑦᔪᑎᓂᒃ ᐃᒪᕐᒥᑦ ᑕᕆᐅᒥᑦ ᐱᔪᓂᒃ ᓂᐅᕐᓯᖕᒪᑕ
ᓯᐅᕋᕐᒥᓪᓗ ᐃᔨᕐᓯᒪᔪᓂᒃ ᐊᒃᓱᐃᑦᔪᑎᓂᒃ ᑕᕆᐅᑉ ᓯᓈᓂᑦ.”
20ᒑᑎᐅᑉ ᑭᖑᕚᖏᑦ ᐱᑦᔪᑎᒋᓪᓗᒋᑦ ᐅᖃᓚᐅᕐᐳᖅ:
“ᓮᒻᒪᕐᑎᑕᐅᓕᑦ ᒑᑎᐅᑉ ᑭᖑᕚᖏᑕ ᓄᓇᖁᑎᖓᓂᒃ ᐊᖏᒡᓕᒋᐊᕐᑎᑦᓯᔪᑦ!
ᒑᑎ ᐅᑕᖅᑭᖕᒪᑦ ᓛᔭᑎᑐᑦ ᐹᒻᒪᖓᔪᑎᑐᑦ,
ᑕᓖᕐᓯᔪᓐᓇᕐᒪᑦ ᓂᐊᖁᐃᕐᓯᔪᓐᓇᕐᓗᓂᓗ.
21ᓄᓇᐅᑉ ᐱᐅᓂᕐᐹᖓᓂᒃ ᑖᒃᑯᐊ ᓂᕈᐊᕐᓯᒪᕗᑦ ᓇᖕᒥᓂᒃᓴᒥᖕᓂᒃ,
ᑕᕝᕙᓂ ᐅᓇᑕᕐᑐᒃᓮᑦ ᐊᖓᔪᖅᑳᖓᑦᑕ ᓄᓇᖁᑎᒃᓴᖓ ᖁᒥᐅᑕᐅᓯᒪᖕᒪᑦ;
ᑖᓐᓇ ᑎᑭᓚᐅᕐᐳᖅ ᐃᓄᐃᑦ ᐊᖓᔪᖅᑳᖏᓐᓄᑦ,
ᐃᓴᕆᐊᓕᒥᐅᑦ ᐊᖓᔪᖅᑳᖏᑦ ᐃᓚᒋᓪᓗᒋᑦ ᐱᖁᔭᐅᓯᒪᔪᑦ ᒪᓕᒃᑕᐅᑎᑉᐰᑦ
ᐃᓱᐊᕐᑐᑦ ᒪᓕᒐᒃᓮᑦ ᐊᑕᓂᕐᒥᑦ ᐱᓯᒪᔪᑦ.”
22ᑖᓂᐅᑉ ᑭᖑᕚᖏᑦ ᐱᑦᔪᑎᒋᓪᓗᒋᑦ ᐅᖃᓚᐅᕐᐳᖅ:
“ᑖᓐ ᓛᔭᑎᑐᑦ ᐃᓅᓱᒃᑐᑎᑐᑦ ᑍᒤᑉᐳᖅ;
ᓄᓇᒥᑦ ᐹᓴᓂᒥᑦ ᒥᓯᓚᐅᕐᐳᖅ ᓯᓚᒻᒧᑦ.”
23ᓈᑉᑕᓕᐅᑉ ᑭᖑᕚᖏᑦ ᐱᑦᔪᑎᒋᓪᓗᒋᑦ ᐅᖃᓚᐅᕐᐳᖅ:
“ᓈᑉᑕᓕᐅᑉ ᑭᖑᕚᖏᑦ, ᓈᒻᒪᒃᓯᑎᑕᐅᕗᑦ ᓮᒻᒪᕐᑎᑕᐅᓂᕐᒥᒃ,
ᑕᑕᑕᐅᓪᓗᑎᒃ ᐊᑕᓂᐅᑉ ᓮᒻᒪᕐᑎᑦᓯᓂᖓᓄᑦ,
ᑖᒃᑯᐊ ᓄᓇᒋᔭᖓᑦ ᑕᓯᕐᒥᑦ ᐱᒋᐊᕐᓗᓂ ᐅᓪᓗᓪᓗᐊᑉ ᓇᓛᓃᑦᑐᒧᑦ ᑎᑭᓯᒪᕗᖅ.”
24ᐋᓱᕆᐅᓪᓕ ᑭᖑᕚᖏᑦ ᐱᑦᔪᑎᒋᓪᓗᒋᑦ ᐅᖃᓚᐅᕐᐳᖅ:
“ᐋᓱᕆᐅᑉ ᑭᖑᕚᖏᑦ ᓮᒻᒪᕐᑎᑕᐅᓯᒪᓂᕐᐹᖑᕗᑦ ᑭᖑᕚᖑᖃᑎᒥᖕᓄᑦ ᖁᕕᐊᒋᔭᐅᓪᓗᑎᒃ.
ᐃᑎᒐᑎᒃ ᒥᓱᒡᓕᒋᑦ ᐅᕐᓱᒧᑦ.
25ᐃᑎᕐᑕᕐᕕᒃᓯ ᓴᕕᕋᔭᐅᔪᒃᓴᐅᕗᑦ ᑲᓐᓄᔭᐅᓗᑎᒡᓗ,
ᐃᓅᑎᓪᓗᓯ ᑍᒤᒃᑲᑦᓯ, ᑍᒤᓐᓂᐊᕆᕗᖅ ᓴᓐᖏᔫᓂᓯ.”
26“ᒎᑎ ᐊᑦᔨᖃᓐᖏᓚᖅ, ᔨᓱᕋᓐᖑᔪᓯ#33:26 ᔨᓱᕋᓐᖑᔪᓯ ᐅᕝᕙᓗ ᐃᓴᕆᐊᓕᒥᐅᖑᔪᓯ
ᐃᖏᕐᕋᖕᒪᑦ ᕿᓚᒃᑎᒍᑦ ᐃᓕᑦᓯᓐᓂᒃ ᐃᑲᔪᕆᐊᕐᓗᓂ,
ᐱᓐᓇᕐᓇᕐᓂᖓ ᐃᖏᕐᕋᕗᖅ ᕿᓚᒃᑎᒍᑦ.
27ᒎᑎ ᐃᓱᖃᖏᑦᑐᖅ ᐃᓂᒋᕙᓯ;
ᑖᑦᓱᒪᓗ ᑕᓕᖏᒃ ᐃᓱᖃᖏᑦᑑᒃ ᓇᔪᒻᒪᖅᑯᑎᒋᕙᓯ.
ᑖᑦᓱᒪᓗ ᐊᑭᕋᕐᑐᕐᑎᓯ ᐊᓂᑎᑉᐰᑦ ᓯᕗᓂᑦᓯᓐᓂ,
ᐅᖃᐅᑎᓪᓗᓂᓯ ᓄᖑᕅᒋᑦᓯ.
28ᑍᒤᒻᒪᑦ ᐃᓴᕆᐊᓕᐅᑉ ᑭᖑᕚᖏᑦ ᐃᓅᕗᑦ ᐃᓱᒫᓗᓇᖏᑦᑐᒥ,
ᐸᒡᕕᓴᒃᑕᐅᓐᖏᓚᕐᓗ ᔧᑰᑉ ᑭᖑᕚᖏᑕ ᐃᓂᖓᑦ, ᓄᓇᖓᑦ ᐱᕈᕐᑐᓕᒃ ᓂᕿᒃᓴᓂᒃ ᕔᓂᒃᓴᓂᒡᓗ;
ᐃᓛᒃ, ᕿᓚᖕᒥᑦ ᒥᓂᔪᒧᑦ ᓄᓇ ᖃᐅᓯᓕᕐᑎᕐᑕᐅᖃᑦᑕᕐᓗᓂ.
29ᐃᓴᕆᐊᓕᒥᐅᖑᔪᓯ, ᖁᕕᐊᓱᒃᑐᒃᓴᐅᕗᓯ! ᐊᑦᔨᖃᓐᖏᓚᓯ,
ᐊᑕᓂᕐᒧᑦ ᐱᐅᓕᔭᐅᓯᒪᔪᓂᒃ.
ᑖᓐᓇ ᓴᐴᓗᑕᕆᒐᑦᓯᐅᒃ ᐃᑲᔪᕐᑎᒋᓪᓗᒍ,
ᓴᕕᒡᔪᐊᕆᓪᓗᒍᓗ ᓵᓚᖃᐅᑎᒋᓪᓗᒍ!
ᐊᑭᕋᓯ ᐃᓕᑦᓯᓐᓄᑦ ᕾᕙᖕᓂᐊᕐᐳᑦ ᐃᓚᓐᓂᕐᓴᕐᓗᑎᒃ;
ᐃᓕᑦᓯᓕ ᑐᒃᓯᐊᕐᕕᖏᑦ ᐳᕐᑐᔪᒦᑦᑐᑦ ᑐᓪᓕᕋᕐᓂᐊᕐᐸᓯ.”
Currently Selected:
ᒨᓯᓯ ᑕᓪᓕᒪᖏᑦ 33: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
