ᒨᓯᓯ ᑕᓪᓕᒪᖏᑦ 34
34
ᒨᓯᓯᐅᑉ ᑐᖁᓂᖓ
1ᒨᓯᓯ ᑕᕝᕙ ᒧᐊᐱᐅᑉ ᓇᑎᕐᓇᖓᓂᑦ ᒪᔪᕋᓕᕐᐳᖅ ᖃᖅᑲᒧᑦ ᓂᐴᒧᑦ, ᒪᔪᕐᓗᓂᓗ ᖃᖅᑲᒧᑦ ᖁᕝᕙᓯᖕᓂᕐᐹᒧᑦ ᐱᔅᒐᒥᒃ ᐊᑎᓕᖕᒧᑦ, ᔨᕆᑰᑉ ᐊᑭᐊᓃᑦᑐᒧᑦ, ᑕᕝᕙᓂ ᐊᑕᓂᐅᑉ ᓄᓇᓕᒫᒥᒃ ᑕᑯᑎᑉᐹ: ᒋᓕᐊᑎᒥᑦ ᑖᓂᐅᑉ ᓄᓇᖓ ᑎᑭᓪᓗᒍ; 2ᓈᑉᑕᓕᐅᓪᓗ ᓄᓇᖁᑎᓕᒫᖓᓂᒃ; ᐃᕗᕅᒥᐅᓪᓗ ᒫᓇᓯᐅᓪᓗ ᓄᓇᖁᑎᓕᒫᖏᖕᓂᒃ; ᔫᑕᐅᓪᓗ ᓄᓇᖁᑎᓕᒫᖓᓂᒃ ᑕᐅᕗᖓ ᓯᕿᓂᐅᑉ ᓂᐱᕕᐊᓄᑦ ᒥᑎᑎᕇᓂᐊ ᐃᒪᕐᔪᐊᖅ ᑎᑭᓪᓗᒍ; 3ᓯᕿᓂᐅᑉ ᓇᓛᓂᑦ ᓂᒋᑉᒥᑦ ᓇᑎᕐᓇᒥᓪᓗ, ᔨᕆᑰᑉ ᐃᒡᓗᒐᓴᖏᓐᓄᑦ ᐹᓪᒥᓂᒃ ᓇᐹᕐᑐᓕᖕᓄᑦ ᔪᐊᕆᒧᑦ ᑎᑭᓪᓗᒍ. 4#ᒨᓯᓯ ᓯᕗᓪᓖᑦ 12:7; ᒨᓯᓯ ᓯᕗᓪᓖᑦ 26:3; ᒨᓯᓯ ᓯᕗᓪᓖᑦ 28:13.ᑕᕝᕙ ᐊᑕᓂᐅᑉ ᐅᖃᐅᑎᕚ, “ᑕᒪᓐᓇ ᑕᕝᕙ ᓄᓇ ᐅᖃᕕᒃᓗᖓ ᐊᖏᕈᑎᒋᓚᐅᕐᑕᕋ ᐂᑉᕋᕼᐋᒧᑦ, ᐂᓴᑭᒧᑦ, ᔧᑯᒧᓪᓗ, ᐅᖃᐅᑎᓪᓗᒋᑦ, ‘ᑭᖑᕚᕐᓄᑦ ᑕᒪᓐᓇ ᑐᓂᔪᒫᕐᐸᕋ.’ ᐃᓕᖕᓄᑦ ᑕᑯᔭᐅᑎᑉᐸᕋ, ᑕᒪᐅᖓᓕ ᓄᓇᒧᑦ ᐃᑎᕐᓂᐊᓐᖏᓚᑎᑦ.”
5ᑕᕝᕙ ᒨᓯᓯ ᐊᑕᓂᐅᑉ ᐱᔨᖓ ᑐᖁᓚᐅᕐᐳᖅ ᓄᓇᒥ ᑕᒫᓂ ᒧᐊᐱᒥ, ᐊᑕᓂᐅᑉ ᐅᖃᐅᓯᖓ ᒪᓕᒡᓗᒍ. 6ᐊᑕᓂᐅᓪᓕ ᐃᓗᕕᕐᓚᐅᕐᐹ ᒧᐊᐱᐅᑉ ᓇᕐᓴᖓᓂ, ᓄᓇᓖᑦ ᐱᑦ-ᐱᐅᕋᐅᑉ ᐊᑭᐊᓃᑦᑐᒧᑦ; ᑭᓯᐊᓂᓕ ᓱᓕ ᐅᓪᓗᒥᒧᑦ ᑎᑭᓪᓗᒍ ᑭᓇᒧᓪᓘᓐᓃᑦ ᖃᐅᔨᒪᔭᐅᓪᓚᕆᓐᖏᓚᖅ ᓇᓂ ᐃᓗᕕᕐᓯᒪᖕᒪᖔᑦ. 7ᒨᓯᓯ ᐊᕐᕌᒍᖃᓕᕐᓗᓂ 120ᓂᒃ ᑐᖁᓚᐅᕐᐳᖅ; ᐃᔨᖏᒃ ᑕᒃᐲᓕᓯᒪᓇᑎᒃ, ᐱᒡᒐᖏᑦᓯᐊᕐᓗᓂᓗ. 8ᐃᓴᕆᐊᓕᒥᐅᓂᑦ ᕿᒃᓵᒍᑕᐅᓚᐅᕐᐳᖅ ᐅᓪᓗᓂᒃ 30ᓂᒃ ᒧᐊᐱᐅᑉ ᓇᕐᓴᖓᓃᓪᓗᑎᒃ; ᐊᒻᒪ ᐅᓪᓗᐃᑦ ᕿᐊᕖᑦ ᕿᒃᓵᒡᕖᓪᓗ ᐃᓱᓕᒻᒪᑕ.
9ᔮᓱᐊᓕ ᓈᓂᐅᑉ ᐃᕐᓂᖓ ᓯᓚᑐᓂᕐᒥᒃ ᐃᓗᒻᒥᕐᑕᐅᓚᐅᕐᐳᖅ, ᒨᓯᓯᐅᑉ ᐸᑎᒻᒥᓚᐅᕐᒪᒍ, ᐃᓴᕆᐊᓕᒥᐅᓂᑦ ᔮᓱᐊ ᓈᓚᒃᑕᐅᓚᐅᕐᐳᖅ ᐊᑕᓂᐅᓪᓗ ᐊᑐᕐᑕᐅᖁᔭᖏᑦ ᒪᓕᒃᑕᐅᓚᐅᕐᐳᑦ ᒨᓯᓯᒃᑯᑦ ᑐᓂᓚᐅᕐᑕᖏᑦ.
10 #
ᒨᓯᓯ ᐂᑉᐸᖏᑦ 33:11. ᐃᓴᕆᐊᓕᒥᐅᓂᓕ ᑍᒪᓐᖓᓂᑦ ᒎᑎᒧᑦ ᐱᔪᖃᓛᕐᑐᒥᒃ ᐅᖃᕐᑎᑕᖃᓚᐅᕐᓯᒪᓐᖏᓚᖅ ᒨᓯᓯᑐᑦ ᑍᒤᑦᑐᒥᒃ; ᐊᑕᓂᐅᑉ ᑮᓇᕐᒥᑦ ᑮᓇᕐᒧᑦ ᐅᖃᖃᑎᒋᖃᑦᑕᓚᐅᕐᒪᒍ. 11ᒎᑎᒧᓪᓗ ᐱᔪᖃᓛᕐᑐᒥᒃ ᐅᖃᕐᑎᒋᔭᐅᔪᒥᒃ ᑖᑦᓱᒪ ᐊᓯᐊᓂᒃ ᑲᒪᓇᕐᑐᓕᓂᕐᓂᒃ ᓇᓗᓁᒃᑯᑕᕐᓂᒡᓗ ᐱᔪᖃᓚᐅᕐᓯᒪᓐᖏᓚᖅ ᑍᑦᓱᒪᓂ ᐊᑕᓂᐅᑉ ᐱᓇᓱᐊᕐᓂᕆᓚᐅᕐᑕᖓᑎᑐᑦ ᒨᓯᓯᒃᑯᑦ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓐᓄᑦ, ᐊᖓᔪᖅᑳᖁᑎᓕᒫᖏᓐᓄᓪᓗ, ᓄᓇᖁᑎᓕᒫᖓᓄᓪᓗ. 12ᐊᔪᒐᖃᖏᑦᑐᓕᓂᕐᔪᐊᓂᒡᓗ ᐱᓂᐊᕐᓂᕐᓂᒡᓗ ᑕᑕᓐᓇᕐᑐᓂᒃ ᒨᓯᓯᐅᑉ ᐱᓇᓱᐊᕐᓂᕆᓚᐅᕐᑕᖏᓐᓂᒃ ᐃᓴᕆᐊᓕᒥᐅᑦ ᑕᑯᓐᓇᕐᑎᓪᓗᒋᑦ.
Currently Selected:
ᒨᓯᓯ ᑕᓪᓕᒪᖏᑦ 34: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
