ᒨᓯᓯ ᑕᓪᓕᒪᖏᑦ 26
26
ᐱᕈᕐᑐᕕᓂᕐᓂᒃ ᑲᑎᑕᕕᓂᕐᓂᒃ ᑐᓂᕐᕈᑎᖃᕐᓂᖅ
1“ᓄᓇᑖᕐᓯᒪᓕᕈᑦᓯᓕ ᐊᑕᓂᐅᑉ ᒎᑎᑦᓯ ᐃᓕᑦᓯᓐᓄᑦ ᑐᓂᔭᖓᓂᒃ ᑕᕝᕙᓂᓗ ᐃᓂᓪᓚᑦᓯᐊᕐᓯᒪᓕᕈᑦᓯ, 2#ᒨᓯᓯ ᐂᑉᐸᖏᑦ 23:19.ᑕᕝᕙᓂ ᓯᕗᓪᓕᕐᐹᒥᒃ ᐱᕈᕐᑎᑕᑦᓯᓐᓂ ᐊᑕᓂᐅᑉ ᒎᑎᑦᓯ ᑐᓂᔭᖓᓂᒃ ᐃᓕᑦᓯᓐᓄᑦ, ᑲᑎᑦᓯᓯᒋᐊᕈᑦᓯ ᐊᑐᓂᑦ ᐃᕕᐅᔭᕐᓂᒃ ᐴᒃᓴᑦᓯᓐᓂᒃ ᓇᒃᓴᕐᑐᒃᓴᐅᕗᓯ ᑖᒃᑯᐊᓗ ᓯᕗᓪᓖᕐᐹᒥᒃ ᐲᔭᕐᑕᑎᑦ ᑐᓂᕐᕈᑎᒋᔭᒃᓴᕆᕙᑎᑦ ᑐᒃᓯᐊᕐᕕᖕᒧᑦ. 3ᑕᒪᓐᓇ ᓇᓪᓕᐅᑎᓯᒪᓕᕐᑎᓪᓗᒍ ᑐᓂᕐᕈᓯᕐᑎᑦᓯᔨᒧᑦ ᐂᔪᒃᓴᐅᕗᓯ ᐅᖃᐅᑎᓗᒍᓗ, ‘ᒫᓐᓇ ᓇᓗᓁᕐᓯᓕᕐᐳᖓ ᐊᑕᓂᕐᒧᑦ ᒎᑎᑦᑎᓐᓄᑦ ᓄᓇᑖᕐᓯᒪᓕᕋᒪ ᓯᕗᓕᕕᓂᑦᑎᓐᓄᑦ ᐅᖃᕕᒃᓱᓂ ᐅᕙᑦᑎᓐᓄᑦ ᑐᓂᔪᒪᓚᐅᕐᑕᖓᓄᑦ.’
4“ᑕᕝᕙ ᑐᓂᕐᕈᓯᕐᑎᑦᓯᔨᐅᑉ ᐃᕕᐅᔭᖅ ᐃᓕᖕᓂᑦ ᑎᒍᓗᓂᐅᒃ ᑐᓂᕐᕈᓯᕐᕕᖕᒧᑦ ᐃᓕᔭᒃᓴᕆᕚ ᑐᓂᕐᕈᑕᐅᖁᓪᓗᒍ ᐊᑕᓂᕐᒧᑦ ᒎᑎᑦᓯᓐᓄᑦ. 5ᑕᕝᕙ ᐊᑕᓂᐅᑉ ᓵᖓᓂ ᐅᖃᐅᓯᖃᕐᑐᒃᓴᐅᕗᑎᑦ ᐃᒤᑦᑐᓂᒃ; ‘ᐊᕋᒥᐊᒥᐅᑕᕐᒥᒃ ᓯᕗᓕᖃᓚᐅᕐᐳᖓ ᑍᒪᓐᖓᑦ ᐃᖏᕐᕋᖃᑦᑕᓚᐅᕐᑐᒥᒃ, ᑖᑦᓱᒪ ᐃᓚᓂ ᐄᑦᔨᑉᑎᒧᐊᕈᑎᓚᐅᕐᐰᑦ ᑕᕝᕙᓂ ᓄᓇᖃᖁᓪᓗᒋᑦ; ᖃᑦᓰᓐᓇᐅᓪᓗᑎᒃ ᑕᕝᕗᓐᖓᓚᐅᕐᐳᑦ; ᑕᕝᕙᓂᓕ ᐅᓄᕐᓯᓚᐅᕐᐳᑦ ᐊᔪᖏᑦᑐᕐᔪᐊᖑᓕᕐᓗᑎᒃ, ᐃᓅᖃᑎᒌᒡᔪᐊᖑᓕᕐᓗᑎᒡᓗ. 6ᑕᕝᕙᓂ ᐄᑦᔨᑉᑎᒥᐅᓂᑦ ᐱᑦᓯᐊᕐᑕᐅᓚᐅᓐᖏᓚᒍᑦ, ᓱᒃᑯᔨᐊᕆᔭᐅᓪᓗᑕ ᓴᓇᑎᑕᐅᓚᐅᕐᐳᒍᑦ ᐅᖁᒤᑦᑐᓂᒃ ᐱᓇᓱᐊᕐᑎᑕᐅᓪᓗᑕ. 7ᐊᑕᓂᕐᒧᓪᓕ ᐊᒃᓱᕈᕐᓗᑕ ᐃᑲᔪᕐᑕᐅᔪᒪᓪᓗᑕ ᑐᒃᓯᐊᓚᐅᕐᐳᒍᑦ, ᓯᕗᓕᕕᓂᑦᑕ ᒎᑎᖓᓄᑦ, ᑖᑦᓱᒪᓗ ᑐᓴᓚᐅᕐᐹᑎᒍᑦ, ᐊᒃᓱᕈᕐᑎᑕᐅᓂᕗᓪᓗ ᑕᑯᓚᐅᕐᐹ, ᐅᑯᒤᒃᓴᕐᑎᑕᐅᓂᕗᑦ, ᐱᑦᓯᐊᕐᑕᐅᖏᓐᓂᕗᓪᓗ, 8ᑖᑦᓱᒪᓕ ᐱᔪᓐᓇᕐᓂᕐᔪᐊᒥᓄᑦ ᓲᖑᓂᕐᒥᓄᓪᓗ ᐊᐅᓪᓚᕐᑎᓚᐅᕐᐹᑎᒍᑦ ᐄᑦᔨᑉᑎᒥᑦ, ᑲᒪᓇᕐᑐᑎᒍᑦ ᓇᓗᓁᒃᑯᑕᕐᑎᒍᓪᓗ ᐱᓇᓱᐊᕐᓗᓂ, ᑕᐰᕐᓇᕐᑐᓂᒡᓗ ᐊᑐᕐᓗᓂ. 9ᑖᑦᓱᒪ ᑕᒪᐅᖓ ᑎᑭᑎᓚᐅᕐᐹᑎᒍᑦ ᑐᓂᓯᕕᒋᓪᓗᑕᓗ ᓄᓇᒥᒃ ᐊᔪᕐᓴᕐᓇᖏᑦᑐᒥᒃ ᓂᕿᒃᓴᖃᑦᓯᐊᕐᑐᒥᒡᓗ. 10ᑕᑯᒋᓪᓗ, ᒫᓐᓇ ᐊᑕᓂᕐᒧᑦ ᕾᑦᓯᕗᖓ ᐅᕙᓐᓄᑦ ᑐᓂᓯᒪᔭᖓᑕ ᓄᓇᐅᑉ ᓯᕗᓪᓕᕐᐹᒥᒃ ᐱᕈᕐᑐᕕᓂᖏᓐᓂᒃ.’
“ᑕᕝᕙ ᐃᕕᐅᔭᖅ ᐴᕆᔧᑦ ᐃᓕᓗᒍ ᐊᑕᓂᐅᑉ ᒎᑎᕕᑦ ᓵᖓᓄᑦ, ᑕᕝᕙᓂ ᐅᐱᒋᓗᒍ ᑐᒃᓯᐊᕐᕕᒋᔭᒃᓴᕆᕙᑦ ᐊᑕᓂᖅ ᒎᑏᑦ. 11ᐊᑕᓂᕐᒧᑦ ᒎᑎᖕᓄᑦ ᖁᔭᓕᔪᒃᓴᐅᕗᓯ ᐱᐅᔪᓂᒃ ᐊᑕᓂᐅᑉ ᒎᑎᑦᓯ ᑐᓂᓯᕕᒋᖕᒪᓯ ᐃᓚᑎᓪᓗ, ᑕᕝᕙ ᖁᕕᐊᓱᖃᑎᒌᒃᑐᒃᓴᐅᕗᓯ ᓕᕔᑎᓪᓗ ᓄᓇᖃᕐᑐᑐᖃᐅᖏᑦᑐᓪᓗ ᑕᕝᕙᓂ ᓄᓇᖅᑲᑎᒋᔭᓯ ᐃᓚᒋᓗᒋᑦ.
12 #
ᒨᓯᓯ ᑕᓪᓕᒪᖏᑦ 14:28,29. “ᐊᕐᕌᒍᑦ ᐱᖓᓱᑦ ᓈᔭᕌᖓᑕ ᑕᒫᑦ ᓂᐊᖂᔭᒃᓴᓂᒃ ᐱᕈᕐᑎᑕᕕᓂᕐᓯ ᑕᓪᓕᒪᐅᔪᖏᓐᓂᒃ ᑐᓂᓯᖃᑦᑕᕐᑐᒃᓴᐅᕗᓯ, ᓕᕔᑎᒃᑯᓐᓄᑦ, ᓄᓇᖃᕐᑐᑐᖃᐅᖏᑦᑐᓄᓪᓗ, ᐃᓕᐊᕐᔪᖕᓄᓪᓗ, ᐅᐃᒡᒐᕐᓂᕐᓄᓪᓗ, ᓄᓇᓕᓕᒫᓂ ᓂᕆᔪᒪᔭᓕᒫᒥᖕᓂᒃ ᓂᕿᒃᓴᕐᑕᖃᑦᓯᐊᖁᓪᓗᒍ. ᑍᒤᓕᐅᕇᕈᑦᓯᓕ, 13ᐊᑕᓂᕐᒧᑦ ᒎᑎᑦᓯᓐᓄᑦ ᐅᖃᕐᑐᒃᓴᐅᕗᓯ, ‘ᑕᓪᓕᒪᐅᔪᐃᕈᑎᒃᓴᓐᓂᒃ ᐃᑦᔪᕐᓁᑦᑐᓂᒃ ᐃᒡᓗᓐᓂ ᐊᒥᐊᒃᑯᓯᒪᔪᓐᓁᕐᐳᖓ; ᑕᒪᕐᒥᒃ ᑐᓂᓯᒪᕙᒃᑲ ᓕᕔᑎᓄᑦ, ᓄᓇᖃᕐᑐᑐᖃᐅᖏᑦᑐᓄᑦ, ᐃᓕᐊᕐᔪᖕᓄᑦ, ᐅᐃᒡᒐᕐᓂᕐᓄᓪᓗ, ᑕᒪᑐᒥᖓ ᐅᕙᑦᑎᓐᓄᑦ ᐱᖁᔭᓕᐊᕆᓯᒪᔭᓕᒫᕐᓂᒃ. ᓈᓚᖏᑦᑑᓯᒪᓐᖏᓚᖓ ᐳᐃᒍᕐᓯᒪᓇᖓᓗ ᐱᖁᔨᑦᔪᑎᒋᓯᒪᔭᕐᓂᒃ ᑕᓪᓕᒪᐅᔪᐃᕐᓂᖅ ᐱᑦᔪᑎᒋᓪᓗᒍ. 14ᓂᕆᓚᐅᓐᖏᓚᖓ ᑕᓪᓕᒪᐅᔪᐃᕈᑎᒃᓴᓐᓂᒃ ᐃᓚᓐᖓᕋᑖᕐᓯᒪᓂᕐᒧᑦ ᕿᒃᓵᒃᑎᓪᓗᖓ; ᐃᒡᓗᓐᓂᓪᓗ ᐊᓐᓂᑦᔨᓚᐅᓐᖏᓚᖓ ᐅᒃᐱᕐᓂᒃᑯᑦ ᓴᓗᒤᓕᓯᒪᓂᕋᕐᑕᐅᑎᓪᓗᖓ; ᑐᓂᕐᕈᑎᖃᓚᐅᕐᓇᖓᓗ ᑖᒃᑯᐊ ᐃᓚᖏᓐᓂᒃ ᑐᖁᖓᔪᓄᑦ, ᐊᑕᓃᖅ, ᓈᓚᑦᓯᐊᓚᐅᕐᐸᒋᑦ ᐱᖁᔨᑦᔪᑎᒋᓯᒪᔭᓕᒫᑎᑦ ᐅᕙᓐᓄᑦ ᐊᑐᕐᓯᒪᕙᒃᑲ ᑕᓪᓕᒪᐅᔪᐃᕐᓂᕐᒧᑦ. 15ᕿᓚᖕᒥᑦ ᐃᓂᒋᔭᕐᓂᑦ ᐃᑦᔪᕐᓁᑦᑐᒥᑦ ᑕᑯᓴᓚᐅᕆᑦ, ᐃᓄᖁᑎᑎᓪᓗ ᐃᓴᕆᐊᓕᒥᐅᑦ ᓮᒻᒪᕐᑎᓪᓗᒋᑦ ᓄᓇᓗ ᓯᕗᓕᕕᓂᑦᑎᓐᓄᑦ ᐊᖏᕈᑎᒋᓯᒪᔧᑦ, ᐊᔪᕐᓴᕐᓇᖏᑦᑐᖅ ᓂᕿᒃᓴᖃᑦᓯᐊᕐᑐᕐᓗ ᓮᒻᒪᕐᑎᓚᐅᕈᒃ ᐅᕙᑦᑎᓐᓄᑦ ᑐᓂᓚᐅᕐᑍᑦ.’”
ᐊᑕᓂᐅᑉ ᓇᖕᒥᓂᖅ ᐃᓄᖁᑎᖏᑦ
16“ᐅᓪᓗᒥ ᐊᑕᓂᐅᑉ ᒎᑎᑦᓯ ᐱᖁᕚᓯ ᓈᓚᖁᓪᓗᓯ ᐱᖁᔨᑦᔪᑎᓕᒫᖏᓐᓂᒃ; ᑍᒤᒻᒪᑦ ᓈᓚᒃᑕᒃᓴᕆᕙᓯ ᓱᖁᓯᔪᐃᑦᑑᓗᓯ ᐆᒻᒪᒻᒧᑦ ᐃᓗᐃᑦᑐᒧᑦ ᑕᕐᓂᕐᓄᓪᓗ ᐃᓗᐃᑦᑐᒧᑦ. 17ᐅᓪᓗᒥ ᓇᓗᓁᕐᓯᓯᒪᖓᑦᓯ ᐊᑕᓂᕐᒥᒃ ᒎᑎᖃᕐᓂᑦᓯᓐᓂᒃ; ᐊᖏᕐᕕᒋᓯᒪᓪᓗᒍᓗ ᓈᓚᖕᓂᐊᕐᓂᕋᕐᓗᒍ, ᐱᖁᔭᓕᒫᖏᓪᓗ ᒪᓕᖕᓂᐊᕐᓂᕋᕐᓗᒋᑦ, ᐱᖁᔨᑦᔪᑎᒋᓯᒪᔭᓕᒫᖏᓪᓗ ᐊᑐᕐᓂᐊᕐᓂᕋᕐᓗᒋᑦ. 18#ᒨᓯᓯ ᐂᑉᐸᖏᑦ 19:5; ᒨᓯᓯ ᑕᓪᓕᒪᖏᑦ 4:20; 7:6; 14:2; ᑍᑑᓯᑦ 2:14; 1 ᐲᑦᑐᕉᓯ 2:9.ᐅᓪᓗᒥ ᐊᑕᓂᐅᑉ ᐃᓚᓕᐅᓕᕐᐹᓯ ᓇᖕᒥᓂᖅ ᐃᓄᖁᑎᒋᔪᒪᓪᓗᓯ, ᑕᒪᑐᒥᖓ ᐊᖏᕐᕕᒋᓯᒪᖕᒪᓯ, ᑖᑦᓱᒪᓗ ᐱᖁᕚᓯ ᐱᖁᔭᖏᓐᓂᒃ ᑕᒤᓐᓂᒃ ᒪᓕᖁᓪᓗᓯ. 19ᐱᓐᖑᕐᑎᓯᒪᔭᓕᒫᒥᓂᓪᓗ ᐃᓅᖃᑎᒌᒡᔪᐊᓕᒫᓂᑦ ᐊᔪᖏᓐᓂᕐᓴᐅᑎᓐᓂᐊᕐᐹᓯ, ᑖᓐᓇᓗ ᓂᕐᑐᕐᓇᕐᓯᑎᓐᓂᐊᕐᐸᓯ ᐊᑎᖓᓗ ᐅᐱᓐᓇᕐᓯᑎᓪᓗᒍ. ᑖᑦᓱᒪᓗ ᓇᖕᒥᓂᕆᓗᓂᓯ ᐃᓄᖁᑎᒋᓂᐊᕐᐹᓯ, ᑕᒪᓐᓇ ᐊᖏᕈᑎᒋᓯᒪᖕᒪᒍ.”
Currently Selected:
ᒨᓯᓯ ᑕᓪᓕᒪᖏᑦ 26: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
