ᒨᓯᓯ ᑕᓪᓕᒪᖏᑦ 25
25
1“ᐃᓅᒃ ᒪᕐᕉᒃ ᐃᖅᑲᕐᑐᐃᕕᖕᒧᐊᕋᔭᕐᐸᑎᒃ ᐊᑲᐅᖏᑦᔪᑎᒋᔭᒥᖕᓂᒃ ᐋᖅᑭᒃᑕᐅᖁᔨᓗᑎᒃ, ᐃᖅᑲᕐᑐᐃᔨᐅᑉ ᐃᓱᒪᓕᐅᕈᑎᒃᐸᒋᒃ, ᐂᑉᐸᖓ ᐸᓯᔭᒃᓴᐅᖏᓐᓂᕋᕐᓗᒍ ᐂᑉᐸᖓᓗ ᐸᓯᔭᒃᓴᐅᓂᕋᕐᓗᒍ. 2ᐸᓯᔭᒃᓴᐅᔪᕐᓕ ᓇᓗᓁᕐᑕᐅᒃᐸᑦ ᑏᒐᕐᑐᕐᑕᐅᑦᔪᑎᒃᓴᖃᕐᐸᑦ, ᑕᕝᕙ ᐃᖅᑲᕐᑐᐃᔨᐅᑉ ᐹᒻᒪᒃᑎᑕᐅᖁᔭᒃᓴᕆᕚ ᑏᒐᕐᑐᕐᑕᐅᖁᓗᒍ, ᑏᒐᕐᑐᕐᑕᐅᓂᖓᑕᓕ ᐅᓄᕐᑐᐃᕐᓱᑕᐅᔭᕆᐊᖃᕐᓂᖓ ᓇᓗᓁᕐᑕᐅᒐᔭᕐᐳᖅ ᐱᑦᓯᐊᓐᖏᓯᒪᓂᖓ ᒪᓕᒡᓗᒍ. 3#2 ᑯᕆᓐᑎ 11:24.ᑏᒐᕐᑐᕐᑕᐅᔪᒃᓴᐅᕗᖅ 40ᕕᒡᓗᓂ, ᐅᖓᑖᓅᖏᑦᑐᖅ; ᐃᓚᖓᑦᑕᓕ ᐅᓄᕐᓂᕐᓴᓂᒃ ᑏᒐᕐᑐᕐᐸᒍ ᐱᖁᔭᐅᔫᑉ ᐅᖓᑖᓄᑦ, ᑕᕝᕙ ᐃᓅᖃᑎᓯ ᒥᑭᒡᓕᑎᕐᑕᐅᒐᔭᕐᐳᖅ ᑕᑯᓐᓇᕐᑎᓪᓗᓯ.
4 #
1 ᑯᕆᓐᑎ 9:9; 1 ᑎᒧᑎ 5:18. “ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᐃᑦᔭᕈᓰᔪᒃᓴᐅᓐᖏᓚᑎᑦ ᓂᐊᖂᔭᒃᓴᓂᒃ ᐱᕈᕐᓰᕕᖁᑎᕕᑦ ᓄᓇᖓᓂᒃ ᐱᓇᓱᐊᕈᑎᒋᔭᕐᓂᒃ.”
ᖃᑕᓐᖑᑏᑦ ᑐᖁᒃᐸᑦ ᖃᓄᐃᓕᐅᕆᐊᖃᕐᒪᖔᕐᐱᑦ
5 #
ᒫᑎᐅᓯ 22:24; ᒫᑯᓯ 12:19; ᓘᑲᓯ 20:28. “ᖃᑕᓐᖑᑎᒌᖕᓂᒃ ᑲᑎᒪᓗᑎᒃ ᓄᓇᖅᑲᕐᑐᖃᕐᐸᑦ ᖃᑕᓐᖑᑎᖓᓗ ᑐᖁᒃᐸᑦ, ᐃᕐᓂᖃᕋᓂ, ᑕᕝᕙ ᑖᑦᓱᒪ ᑐᖁᔫᑉ ᓄᓕᐊᕕᓂᖓ ᒫᓐᖓᑐᐃᓐᓇᖅ ᐅᐃᓂᒃᑐᒃᓴᐅᓐᖏᓚᖅ; ᑐᖁᔫᓪᓕ ᖃᑕᓐᖑᑎᖓ ᑖᑦᓱᒥᖓ ᓄᓕᐊᓂᒋᐊᖃᕐᐳᖅ ᖃᑕᓐᖑᑎᓂ ᐱᔭᒃᓴᖓᓂᒃ ᐃᓇᖏᕐᓗᒍ. 6ᐃᕐᓂᕐᑖᕈᑎᒡᓗ ᓯᕗᓪᓕᕐᐹᒥᒃ ᑐᖁᓯᒪᔫᑉ ᐃᕐᓂᖓᓂᒃ ᑍᔭᐅᔪᒃᓴᐅᕗᖅ ᐊᑎᖃᐅᑎᒋᓕᕐᓗᓂᐅᒡᓗ, ᑖᒃᑯᐊ ᑭᖑᕚᕆᖕᓂᖏᑕ ᐊᑎᖏᑦ ᓄᖑᑐᐃᓐᓇᖁᓇᒋᑦ ᐃᓴᕆᐊᓕᒥᐅᓂ. 7#ᕉᑎᐅᑉ 4:7,8.ᑐᖁᓚᐅᕐᑑᓪᓕ ᓄᑲᖓ ᐂᒥᓂᒃ ᓄᓕᐊᓂᒍᒪᖏᑉᐸᑦ, ᑕᕝᕙ ᐊᕐᓇᖅ ᓄᓇᓕᖕᓂ ᐊᖓᔪᖅᑳᓄᑦ ᐅᐸᒍᑎᔪᒃᓴᐅᕗᖅ ᐅᖃᐅᑎᓗᒋᓪᓗ, ‘ᐅᐃᒋᓚᐅᕐᑕᒪ ᓄᑲᖓ ᐱᔭᒃᓴᕆᔭᒥᓂᒃ ᑲᔪᓯᑎᑦᓯᔪᒪᖏᒻᒪᑦ; ᐊᖓᔪᒋᓚᐅᕐᑕᓂᓗ ᑭᖑᕚᒃᓴᓕᐅᕈᒪᓇᓂᐅᒃ ᐃᓴᕆᐊᓕᒥᐅᑦ ᑭᖑᕚᕇᖕᓂᖏᑎᒍᑦ.’ 8ᑕᕝᕙ ᓄᓇᓕᖕᓂ ᐊᖓᔪᖅᑳᑦ ᐊᖑᑦ ᕾᖁᓗᒍ ᐅᖃᐅᑎᔭᒃᓴᕆᕚᑦ. ᓱᓕᓕ ᐂᒥᓂᒃ ᓄᓕᐊᓂᒍᒪᖏᑉᐸᑦ, 9ᑕᕝᕙ ᐊᕐᓇᐅᑉ ᐂᓂ ᐅᐸᒃᑕᒃᓴᕆᕚ ᓄᓇᓕᖕᓂ ᐊᖓᔪᖅᑳᑦ ᑕᑯᓐᓇᕐᑎᓪᓗᒋᑦ, ᐊᖑᑎᐅᓪᓗ ᐃᑎᒐᒍᑎᖓᑕ ᐃᒡᓗᐊ ᐲᕐᓗᓂᐅᒃ, ᑮᓇᖓᑦ ᑎᕝᕗᐊᕐᕕᒋᔭᒃᓴᕆᕚ, ᐅᖃᕐᓗᓂᓗ, ‘ᐊᖑᑦ ᑍᒤᓕᐅᕐᑕᐅᔪᒃᓴᐅᕗᖅ ᐊᖓᔪᒥᓂᒃ ᑭᖑᕚᒃᓴᓕᐅᕈᒪᖏᑦᑐᖅ.’ 10ᑭᖑᕚᖏᓪᓗ ᐃᓴᕆᐊᓕᒥᐅᓂᑦ ᖃᐅᔨᒪᔭᐅᔪᒃᓴᐅᓕᕐᓗᑎᒃ ᑍᒎᓯᕐᑕᖃᓕᕐᓗᑎᒡᓗ ‘ᐊᖑᑎᐅᑉ ᑭᖑᕚᖏᑦ ᐃᑎᒐᒍᑎᖏᓐᓂᒃ ᐲᕐᓯᕕᐅᓯᒪᔪᑦ.’”
ᐱᖁᔧᑦᑕᐅᖅ ᐊᓯᖏᑦ
11“ᐊᖑᑏᖕᓂᒃ ᒪᕐᕉᖕᓂᒃ ᐃᒻᒥᖕᓄᑦ ᐹᔪᖃᕐᐸᑦ ᐊᖑᑎᐅᓪᓗ ᐂᑉᐸᖓᑕ ᓄᓕᐊᖓ ᐅᐃᒥᓂᒃ ᓴᐳᑦᔨᓇᓱᒡᓗᓂ ᐊᖑᑎᐅᑉ ᐋᓐᓂᕐᓯᕆᔫᑉ ᐅᓱᖓᓂᒃ ᑎᒍᓯᒃᐸᑦ, 12ᐊᖑᑎᐅᑉ ᓂᑲᒋᑐᐃᓐᓇᖏᓪᓗᓂᐅᒃ; ᐊᕐᓇᐅᑉ ᐊᒡᒐᖏᑦ ᓇᑲᑕᒃᓴᕆᕔᑦ.
13 #
ᒨᓯᓯ ᐱᖓᔪᖏᑦ 19:35,36. “ᐃᒃᐱᐊᕐᔫᑉ ᐅᖁᒤᓐᓂᕐᓯᐅᑎᖓᓂᒃ ᓱᓕᖏᑦᑐᒧᑦ ᐅᖁᒤᓐᓂᕐᓯᐅᕆᔪᒃᓴᐅᓐᖏᓚᑎᑦ. 14ᐆᒃᑑᑎᐅᓪᓗ ᐆᒃᑐᕋᐅᑎᐅᓂᖓᓂᒃ ᓱᓕᖏᑦᑐᒥᒃ ᐆᒃᑑᕋᐅᑎᖃᕐᑐᒃᓴᐅᓐᖏᓚᑎᑦ. 15ᓱᓕᔪᓂᒃ ᐅᖁᒤᓐᓂᕐᓯᐅᑎᓂᒃ ᐆᒃᑐᕋᐅᑎᓂᒡᓗ ᐊᑐᖃᑦᑕᕐᑐᒃᓴᐅᕗᑎᑦ, ᓄᓇᒥ ᐊᑕᓂᐅᑉ ᒎᑎᕕ ᑐᓂᓯᒪᔭᖓᓂ ᐃᓕᖕᓄᑦ ᐊᑯᓂ ᐃᓅᔪᓐᓇᖁᓪᓗᑎᑦ. 16ᑕᒪᕐᒥᑦᓯᐊᖅ ᓱᓕᖏᑦᑐᒥᒃ ᐱᓕᕆᔪᑦ ᐊᑕᓂᐅᑉ ᒎᑎᑦᓯ ᖁᕕᐊᒋᖏᒻᒪᒋᑦ.”
ᐊᒫᓕᑬᑎᑦ ᑐᖁᑕᐅᖁᔭᐅᓂᖏᓐᓄᑦ ᐱᖁᔨᑦᔪᑏᑦ
17 #
ᒨᓯᓯ ᐂᑉᐸᖏᑦ 17:8-14; ᓴᒧᐃᓕ ᓯᕗᓪᓖᑦ 15:2-9. “ᐃᖅᑲᐅᒪᔪᒃᓴᐅᕗᓯ ᐊᒪᓕᖕᒥᐅᑦ ᖃᓄᐃᓕᐅᓚᐅᕐᓂᖏᓐᓂᒃ ᐄᑦᔨᑉᑎᒥᑦ ᐊᐅᓪᓚᓕᕐᑎᓪᓗᓯ. 18ᒎᑎᒥᒃ ᓯᕘᕋᖏᑦᓯᐊᕐᒪᑕ, ᑍᒤᒻᒪᑦ ᐅᓇᑕᕆᐊᕐᑐᓚᐅᕐᐹᓯ ᑭᖑᓂᖔᑦᓯᓐᓂᑦ ᑕᖃᓯᒪᑎᓪᓗᓯ ᓄᑮᕈᑎᓯᒪᑎᓪᓗᓯᓗ, ᐃᓚᒋᔭᓯᓗ ᑭᖑᓪᓕᐅᔪᑦ ᐊᒃᓱᕈᕋᓱᒃᑲᓗᐊᕐᑎᓪᓗᒋᑦ ᑐᖁᓚᐅᕐᐰᑦ; ᒎᑎᒥᒃ ᓯᕘᕋᖏᓐᓇᒥᒃ, 19ᑍᒤᒻᒪᑦ, ᐊᑕᓂᐅᑉ ᒎᑎᑦᓯ ᓄᓇᑖᕐᑎᓯᒪᓕᕐᐸᓯ ᑕᕝᕙᓂᓗ ᐃᓂᓪᓚᑦᓯᐊᕐᓯᒪᓕᕈᑦᓯ ᐊᑭᕋᓕᒫᑦᓯᓐᓂᓪᓗ ᖃᓂᒋᔭᑦᓯᓐᓃᑦᑐᓂᑦ ᐅᐸᒃᑕᐅᓂᐅᓴᔪᓐᓁᕈᑦᓯ, ᐊᒪᓕᖕᒥᐅᑦ ᐊᑕᖏᑦᓯᐊᕐᓗᒋᑦ ᑐᑯᕋᕐᑕᒃᓴᕆᕙᓯ, ᓇᓪᓕᐊᓐᓄᓪᓘᓐᓃᑦ ᐃᖅᑲᐅᒪᔭᐅᔪᓐᓁᖁᓪᓗᒋᑦ, ᑕᒪᑐᒥᖓ ᐳᐃᒍᕐᑍᓕᒋᑦᓯ!”
Currently Selected:
ᒨᓯᓯ ᑕᓪᓕᒪᖏᑦ 25: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
