ᒨᓯᓯ ᑕᓪᓕᒪᖏᑦ 24
24
ᐊᕕᑦᓯᓪᓚᕆᖕᓂᖅ ᑲᑎᑎᑕᐅᒃᑲᓐᓂᕐᓂᕐᓗ
1 #
ᒫᑎᐅᓯ 5:31; 19:7; ᒫᑯᓯ 10:4. “ᐊᖑᓪᓕ ᓄᓕᐊᓂᒃᐸᑦ ᑲᑎᑎᑕᐅᖃᑎᒋᓗᒍᓗ, ᑭᖑᓂᖓᒍᓪᓕ ᐊᕐᓇᖅ ᐂᑉᐸᕆᔪᒪᔪᓐᓃᕈᓂᐅᒃ ᖁᕕᐊᒋᔪᓐᓃᕐᓗᒍᓗ ᐊᖑᑦ ᖃᐅᔨᒍᓂ ᓈᒻᒪᖏᑦᑐᒥᒃ ᐱᓯᒪᓂᖓᓂᒃ, ᐊᕕᑦᓯᓪᓚᕆᒍᑎᓂᒃ ᑎᑎᕋᕐᑐᒃᓴᐅᕗᖅ ᐊᕐᓇᒧᓪᓗ ᑐᓂᓗᒋᑦ, ᐃᒡᓗᒥᓂᓪᓗ ᐊᓂᑎᓪᓗᓂᐅᒃ, 2ᐊᕐᓇᕐᓕ ᐊᓯᐊᓂᒃ ᐊᖑᒻᒥᒃ ᐅᐃᓂᒃᑲᓐᓂᕐᐸᑦ, 3ᐊᒻᒪ ᑖᑦᓱᒪ ᐊᖑᑎᐅᑉ ᓄᓕᐊᕆᔪᒪᔪᓐᓁᕐᒥᒃᐸᒍ, ᐊᕕᑦᓯᓪᓚᕆᒍᑎᓂᒡᓗ ᑎᑎᕋᕐᒥᓗᓂ, ᐊᕐᓇᒧᓪᓗ ᑐᓂᖕᒥᓗᒋᑦ, ᐃᒡᓗᒥᓂᓪᓗ ᐊᓂᑎᓪᓗᓂᐅᒃ, ᐅᕝᕙᓗ ᑭᖑᓪᓕᕐᒥᒃ ᐅᐃᑖᕆᓚᐅᕐᑕᖓ ᑐᖁᒃᐸᑦ. 4ᓯᕗᓪᓕᕐᒥᒃ ᐅᐃᒋᓚᐅᕐᑕᖓᑕ ᓄᓕᐊᕐᑖᕆᒃᑲᓐᓂᕆᐊᖃᓐᖏᓛ; ᑖᑦᓱᒪ ᐱᓇᓱᐊᕇᕐᓯᒪᖕᒪᒍ; ᑍᒫᒃ ᐊᑕᓂᕐᒧᑦ ᓇᕐᕈᓇᕐᒪᑦ, ᑕᒪᑐᒧᖓᓗ ᓄᓇ ᐸᓯᔭᒃᓴᕈᕐᑎᑕᒃᓴᕆᓐᖏᓚᓯ ᐊᑕᓂᐅᑉ ᒎᑎᑦᓯ ᑐᓂᔭᖓᓂᒃ ᐃᓕᑦᓯᓐᓄᑦ ᓄᓇᑖᕆᖁᓪᓗᒍ.”
ᐱᖁᔧᑦ ᐊᑦᔨᒌᖏᑦᑐᑦ
5“ᐊᖑᓪᓕ ᓄᓕᐊᓂᕋᑖᕐᓯᒪᔪᖅ, ᐅᓇᑕᕐᑐᒃᓴᓄᑦ ᐃᓚᓕᐅᑎᔪᒃᓴᐅᓐᖏᓚᖅ ᐅᕝᕙᓗ ᐊᓯᖏᓐᓄᑦ ᐃᓄᖕᓄᑦ ᐱᔨᑦᓯᕐᓂᐅᔪᓄᑦ; ᐱᓇᓱᐊᕐᑎᑕᐅᔪᒃᓴᐅᓐᖏᓚᖅ ᐊᕐᕌᒍᒥᒃ ᐊᑕᐅᓯᕐᒥᒃ, ᐊᖏᕐᕋᕐᓯᒪᔪᓐᓇᖁᓪᓗᒍ ᓄᓕᐊᓂ ᖁᕕᐊᓱᖃᑎᒋᓗᒍ.
6“ᐊᖑᒻᒥᒡᓕ ᑎᒍᓯᔪᖃᕐᑐᒃᓴᐅᓐᖏᓚᖅ ᓯᖃᓪᓕᓯᕕᐅᑉ ᐅᔭᕌᓗᖓᓂᒃ ᖄᖓᓃᑦᑐᒥᒡᓘᓐᓃᑦ ᓱᓕᑦᔪᑎᒋᓇᓱᐊᕐᓗᒍ; ᐃᓅᓯᐅᑉ ᐊᑦᔨᖓᓂᒃ ᓱᓕᑦᔪᑎᖃᕋᓱᐊᕋᔭᕐᒪᑦ.
7 #
ᒨᓯᓯ ᐂᑉᐸᖏᑦ 21:16. “ᓇᓪᓕᐊᑦ ᐃᓴᕆᐊᓕᒥᐅᖑᖃᑎᒥᓂᒃ ᐃᔨᕋᕐᑐᕐᓗᓂ ᑎᒍᓯᒃᐸᑦ ᑖᓐᓇᓗ ᓯᐊᓛᕐᑖᕆᓗᓂᐅᒃ ᐅᕝᕙᓗ ᓯᐊᓛᕐᑕᕆᔭᐅᖁᓪᓗᒍ ᓂᐅᕐᕈᑎᒋᒃᐸᒍ ᑖᓐᓇ ᑍᒤᓕᐅᕐᑐᖅ ᑐᖁᑕᐅᔪᒃᓴᐅᕗᖅ; ᑕᕝᕙ ᑍᒤᓕᐅᕐᓗᓯ ᑕᒪᓐᓇ ᐊᔪᕐᑐᓕᓂᖅ ᓄᖅᑲᕐᑎᒃᑲᔭᕐᐸᓯ.
8 #
ᒨᓯᓯ ᐱᖓᔪᖏᑦ 13:1—14:54. “ᐃᒃᐱᒍᓱᑦᓯᐊᕐᑐᒃᓴᐅᕗᓯ ᐋᓐᓂᐊᕐᑖᕋᔭᕈᑦᓯ ᐸᕐᑎᕐᓂᕐᒥᒃ, ᐊᑐᑦᓯᐊᕆᐊᖃᕋᔭᕐᐳᓯ ᓕᕔᑎᒃᑯᑦ ᑐᓂᕐᕈᓯᕐᑎᑦᓯᔩᑦ ᐱᖁᔨᑦᔪᑎᖏᓐᓂᒃ ᑕᒤᓐᓂᒃ ᐃᓕᑦᓯᓐᓄᑦ; ᐱᖁᔨᑦᔪᑎᒋᓯᒪᔭᓐᓂᒃ ᑖᒃᑯᓄᖓ, ᐃᓘᓐᓇᖏᓐᓂᒃ ᒪᓕᒃᑐᒃᓴᐅᕗᓯ. 9#ᒨᓯᓯ ᓯᑕᒪᖏᑦ 12:10.ᐃᖅᑲᐅᒪᓯᐅᒃ ᐊᑕᓂᐅᑉ ᒎᑎᑦᓯ ᖃᓄᐃᓕᑎᑦᓯᓂᕆᓚᐅᕐᑕᖓ ᒥᕆᐊᒻᒥᒃ ᐊᖅᑯᑎᑦᓯᓐᓂ ᐄᑦᔨᑉᑎᒥᑦ ᐊᐅᓪᓚᓯᒪᓕᕐᑎᓪᓗᓯ.
10 #
ᒨᓯᓯ ᐂᑉᐸᖏᑦ 22:26,27. “ᐃᓅᖃᑎᑦᓯᓐᓂᒡᓕ ᐊᑐᕐᑎᑦᓯᒍᑦᓯ ᓱᓇᑐᐃᓐᓇᕐᒥᒃ, ᐃᒡᓗᖓᓄᑦ ᐃᑎᕐᑐᒃᓴᐅᓐᖏᓚᓯ ᐊᑭᓖᓕᕐᐸᑦ ᐅᑎᕐᑐᒃᓴᒥᒃ ᐱᔭᕐᑐᕐᓗᓯ ᓱᓕᑦᔪᑎᖓᓄᑦ; 11ᐃᒡᓗᖓᑕᓕ ᓯᓛᑖᓂ ᐅᑕᖅᑭᔪᒃᓴᐅᕗᓯ ᓱᓇᑐᐃᓐᓇᕐᒥᒃ ᐃᓱᒪᕐᓱᕐᓗᓂ ᑐᓂᓯᔪᒃᓴᐅᕗᖅ ᐃᓕᖕᓄᑦ. 12ᐊᖑᓪᓕ ᐊᔪᕐᓴᕐᐸᑦ, ᐅᓐᓄᐊᓕᒫᖅ ᐱᓯᒪᔭᒃᓴᕆᓐᖏᓚᑦ ᐅᑎᕐᑎᑦᓯᓛᕐᓂᕐᒧᑦ ᓇᓗᓁᒃᑯᑕᖓᓂᒃ; 13ᓯᕿᓂᕐᓕ ᓂᐱᒃᐸᑦ, ᑖᑦᓱᒧᖓ ᐅᑎᕐᑎᑕᒃᓴᕆᕙᑦ ᐅᑎᕐᑎᑦᓯᓛᕐᓂᕐᒧᑦ ᓇᓗᓁᒃᑯᑕᖓ ᐱᓯᒪᔪᓐᓇᖁᓪᓗᓂᐅᒃ ᓯᓂᖕᓂᕐᒥᓂ ᑖᑦᓱᒪ ᑕᕝᕙ ᖁᔭᒋᒐᔭᕐᐹᑎᑦ ᓈᒻᒪᑦᓯᐊᕐᑐᒥᒡᓗ ᐱᒐᔭᕐᐳᑎᑦ ᐃᓕᖕᓄᑦ ᐊᑕᓂᐅᑉ ᒎᑎᑦᓯ ᓵᖓᓂ.
14 #
ᒨᓯᓯ ᐱᖓᔪᖏᑦ 19:13. “ᑎᓕᓯᒪᔭᕐᓂᒃ ᐱᔨᒥᒃ ᐊᔪᕐᓴᕐᑐᒥᒃ ᐃᑲᔪᕐᑕᐅᔭᕆᐊᖃᕐᑐᒥᒡᓗ ᓴᒡᓗᕿᑦᓯᓗᑎᑦ ᐱᔮᕆᔪᒃᓴᐅᓐᖏᓚᑎᑦ, ᐃᓴᕆᐊᓕᒥᐅᖑᖃᑎᒋᒍᕕᐅᒃ ᐅᕝᕙᓗ ᓄᓇᖃᑎᑐᖃᕆᖏᒃᑲᓗᐊᕈᕕᐅᒃ ᐃᒡᓗᒐᓴᒡᔪᐊᑦᓯᓐᓂ ᓇᓪᓕᐊᓐᓂ ᓄᓇᖃᖃᑕᐅᒃᐸᑦ. 15ᖃᐅᑕᒫᓪᓕ ᓯᕿᓂᖅ ᓂᐱᓚᐅᕐᑎᓐᓇᒍ ᐊᑭᓕᖃᑦᑕᕐᑕᒃᓴᕆᕙᓯ ᐅᓪᓗᒥ ᐱᓇᓱᐊᕐᓂᖓᓄᑦ ᐊᑭᓕᐅᑎᐅᔪᓂᒃ ᐱᔭᕆᐊᖃᕐᒪᒋᑦ, ᓯᕿᓂᖅ ᓂᐱᓚᐅᖏᓐᓂᖓᓂ; ᑮᓇᐅᔭᕐᑖᕆᐊᖃᕐᒪᑦ ᐊᒃᓱᕈᕐᓗᓂᓗ ᐱᓇᓱᐊᕐᒪᑦ ᓂᕆᐅᒃᓱᓂᓗ. ᐊᑭᓕᓐᖏᑐᐊᕈᕕᐅᒃ, ᐊᑕᓂᕐᒧᑦ ᓂᓪᓕᐊᓕᕋᔭᕐᒪᑦ ᐃᓕᑦᓯᓐᓂᒃ ᓂᓪᓕᐊᑦᔪᑎᖃᕐᓗᓂ, ᑍᒤᑉᐸᑦ ᐸᓯᔭᒃᓴᐅᓕᕋᔭᕐᐳᓯ ᐊᔪᕐᑐᓕᓗᓯᓗ ᑕᒪᑐᒧᖓ.
16 #
ᐊᑕᓃᑦ ᐂᑉᐸᖏᑦ 14:6; ᑯᕉᓂᑲ ᐂᑉᐸᖏᑦ 25:4; ᐃᓯᑭᐊᓕ 18:20. “ᐊᑖᑍᑦ ᑐᖁᑕᐅᔪᒃᓴᐅᓐᖏᓚᑦ ᕿᑐᕐᖓᖏᑕ ᐱᐅᖏᑦᑐᓕᓂᖏᓐᓄᑦ, ᕿᑐᕐᖎᓪᓗᑦᑕᐅᖅ ᑐᖁᑕᐅᔪᒃᓴᐅᖏᓐᓂᕗᑦ ᐊᑖᑕᖏᑕ ᐱᐅᖏᑦᑐᓕᓂᖏᓐᓄᑦ; ᐃᓄᒡᓕ ᑐᖁᑕᐅᔪᒃᓴᐅᕗᖅ ᓇᖕᒥᓂᖅ ᑭᓯᐊᓂ ᐱᐅᖏᑦᑐᓕᓯᒪᓂᕐᒥᖕᓄᑦ.
17 #
ᒨᓯᓯ ᐂᑉᐸᖏᑦ 23:9; ᒨᓯᓯ ᐱᖓᔪᖏᑦ 19:33,34; ᒨᓯᓯ ᑕᓪᓕᒪᖏᑦ 27:19. “ᓄᓇᖅᑲᑎᑐᖃᕆᓐᖏᑕᕕᑦ ᐃᓕᐊᕐᔪᐃᓪᓗ ᐱᔪᓐᓇᕐᓂᕆᔭᕆᐊᖃᕐᑕᖏᓐᓂᒃ ᓄᖅᑲᕐᑎᑦᓯᓇᓱᐊᕐᑐᒃᓴᐅᓐᖏᓚᑎᑦ; ᐅᐃᒡᒐᕐᓃᓪᓗ ᐊᓐᓄᕌᖏᓐᓂᒃ ᐱᔪᒃᓴᐅᓐᖏᓚᑎᑦ ᐊᑐᕐᑕᖏᓐᓄᑦ ᐅᑎᕐᑎᑦᓯᔭᕆᐊᖃᕐᓂᖓᓂᒃ ᓇᓗᓁᒃᑯᑕᐅᑎᓐᓇᓱᐊᕐᓗᒍ. 18ᐃᖅᑲᐅᒪᔪᒃᓴᐅᕗᓯ ᐃᓖᔭᕆᔭᐅᓚᐅᕐᒥᖓᑦᓯ ᐄᑦᔨᑉᑎᒥ ᐊᑕᓂᐅᓪᓕ ᒎᑎᑦᓯ ᑍᑲᓐᖓᑦ ᓴᐳᑎᓪᓗᓯ ᐊᓂᑎᓚᐅᕐᐹᓯ; ᑕᒪᓐᓇ ᐱᑦᔪᑎᒋᓪᓗᒍ ᑕᒪᑐᒥᖓ ᐱᖁᔭᒥᒃ ᑐᓂᓯᕕᒋᕙᑦᓯ.
19 #
ᒨᓯᓯ ᐱᖓᔪᖏᑦ 19:9,10; 23:22. “ᓂᐊᖂᔭᒃᓴᓂᒃ ᑲᑎᕐᓱᐃᓕᕈᑦᓯ, ᐃᓚᖏᓐᓂᒡᓗ ᕿᒤᒍᕕᑦ ᓇᑲᑎᓚᐅᕐᑕᕐᓂᒃ, ᐂᓗᒋᑦ ᐅᑎᕐᕕᒋᔭᒃᓴᕆᓐᖏᓚᑎᑦ; ᑖᒃᑯᐊᓕ ᕿᒪᒃᑕᐅᓯᒪᔪᒃᓴᐅᕗᑦ ᓄᓇᖃᑎᑐᖃᕆᓐᖏᑕᑦᓯᓐᓄᑦ, ᐃᓕᐊᕐᔪᖕᓄᓪᓗ, ᐅᐃᒡᒐᕐᓂᕐᓄᓪᓗ ᐱᔭᒃᓴᐅᖁᓪᓗᒋᑦ, ᑕᕝᕙ ᐊᑕᓂᐅᑉ ᒎᑎᑦᓯ ᑍᒤᓕᐅᕈᑦᓯ ᓮᒻᒪᕐᑎᓐᓂᐊᕐᐹᓯ ᐱᓂᐊᕐᓂᑦᓯᒍᑦ ᑕᒤᑎᒍᑦ. 20ᓇᐹᕐᑑᑉ ᐅᕐᓱᒃᓴᓕᖕᓂᒃ ᐸᐅᕐᖓᓕᐅᑉ ᐊᕙᓚᖓᔪᖏᑦ ᐊᓇᐅᓕᕐᓗᒋᑦ ᑲᑕᒑᑎᒍᑦᓯᐅᒃ, ᑕᒪᐅᖓᑐᐃᓐᓈᕐᓂᑯᑦ ᐅᑎᕐᕕᒋᓗᒋᑦ ᐂᔭᒃᓴᕆᓐᖏᓚᓯ; ᐱᔭᒃᓴᐅᖁᓪᓗᒋᑦ ᓄᓇᖃᑎᑐᖃᕆᓐᖏᑕᑦᓯᓐᓄᑦ, ᐃᓕᐊᕐᔪᖕᓄᓪᓗ, ᐅᐃᒡᒐᕐᓂᕐᓄᓪᓗ. 21ᐸᐅᕐᖓᓂᒡᓗ ᕔᓂᒃᓴᓂᒃ ᑲᑎᕐᓱᐃᓕᕈᕕᑦ, ᐊᒥᐊᒃᑯᓯ ᐅᑎᕐᓗᓯ ᐂᔭᒃᓴᕆᓐᖏᓚᓯ; ᑖᒃᑯᐊ ᐸᐅᕐᖎᑦ ᕿᒪᒃᑕᐅᔪᒃᓴᐅᕗᑦ ᐱᔭᒃᓴᐅᖁᓪᓗᒋᑦ ᓄᓇᖃᑎᑐᖃᕆᓐᖏᑕᑦᓯᓐᓄᑦ, ᐃᓕᐊᕐᔪᖕᓄᓪᓗ, ᐅᐃᒡᒐᕐᓂᕐᓄᓪᓗ. 22ᑍᒪᓐᖓᑦ ᐳᐃᒍᕐᑐᒃᓴᐅᓐᖏᓚᓯ ᓯᐊᓛᕆᔭᐅᓚᐅᕐᒥᖓᑦᓯ ᐄᑦᔨᑉᑎᒥ; ᑕᒪᓐᓇ ᐱᑦᔪᑎᒋᓪᓗᒍ ᑕᒪᑐᒥᖓ ᐱᖁᔭᒥᒃ ᑐᓂᓯᕕᒋᕙᑦᓯ.”
Currently Selected:
ᒨᓯᓯ ᑕᓪᓕᒪᖏᑦ 24: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
