ᒨᓯᓯ ᑕᓪᓕᒪᖏᑦ 23
23
ᐊᑕᓂᐅᑉ ᐃᓄᖁᑎᖏᓐᓄᑦ ᐃᓚᒋᔭᐅᔭᕆᐊᖃᖏᑦᑐᑦ
1“ᐊᖑᑦ ᓇᓪᓕᐊᓪᓘᓐᓃᑦ ᓄᓕᐊᕈᓐᓁᓕᑎᑕᐅᓯᒪᔪᖅ ᐅᕝᕙᓗ ᐅᓱᖓ ᓇᑲᑕᐅᓯᒪᒃᐸᑦ ᐊᑕᓂᐅᑉ ᐃᓄᖁᑎᖏᓐᓄᑦ ᐃᓚᒋᔭᐅᑎᑕᐅᔪᒃᓴᐅᓐᖏᓚᖅ.
2“ᑲᑎᑎᑕᐅᓯᒪᖏᑦᑐᒧᑦ ᐃᕐᓂᐊᖑᔪᕕᓂᕐᒥᒃ ᐊᑕᓂᐅᑉ ᐃᓄᖁᑎᖏᓐᓄᑦ ᐃᓚᒋᔭᐅᔪᖃᕐᑐᒃᓴᐅᓐᖏᓚᖅ; ᐊᒡᓛᑦ ᑖᑦᓱᒪ ᑭᖑᕚᖏᑕ ᖁᓕᖏᓐᓄᑦ ᑎᑭᓪᓗᒋᑦ ᐊᑕᓂᐅᑉ ᐃᓄᖁᑎᖏᓐᓄᑦ ᐃᓚᒋᔭᐅᔪᒃᓴᐅᓐᖏᓚᑦ.
3 #
ᓂᕼᐃᒤᐊ 13:1,2. “ᐊᒧᓁᑎᓂᒃ ᐅᕝᕙᓗ ᒧᐊᐱᒥᐅᓂᒡᓘᓐᓃᑦ, ᐊᒡᓛᑦ ᑭᖑᕚᖏᑕ ᖁᓕᖏᓐᓄᑦ ᑎᑭᓯᒪᒐᓗᐊᕐᑎᓪᓗᒋᑦ ᐊᑕᓂᐅᑉ ᐃᓄᖁᑎᖏᓐᓄᑦ ᐃᓚᒋᔭᐅᔪᖃᕐᑐᒃᓴᐅᓐᖏᓚᖅ. 4#ᒨᓯᓯ ᓯᑕᒪᖏᑦ 22:1-6.ᑖᒃᑯᐊ ᓂᕿᒃᓴᓂᒃ ᐃᒥᒃᓴᒥᒡᓗ ᐃᑲᔪᕈᒪᓚᐅᕐᓯᒪᖏᒻᒪᑕ, ᐄᑦᔨᑉᑎᒥᑦ ᐊᐅᓪᓚᓕᕐᑎᓪᓗᓯ ᐊᒡᓛᑦ ᑎᓕᓯᓚᐅᕐᓯᒪᕗᑦ ᐸᓛᒻᒥᒃ ᐱᐅᕆᐅᑉ ᐃᕐᓂᖓᓂᒃ, ᐃᒡᓗᒐᓴᖕᓂᑦ ᐱᑑᕆᒦᑦᑐᒥᑦ ᒥᓱᐳᑍᒥᐊᒦᑦᑐᒥᑦ, ᐃᓕᑦᓯᓐᓂᒃ ᓯᕗᓂᕐᓗᒃᑎᑦᓯᖁᓪᓗᒍ. 5#ᒨᓯᓯ ᓯᑕᒪᖏᑦ 23:7—24:9.ᐊᑕᓂᐅᓪᓕ ᒎᑎᑦᓯ ᐸᓛᒻ ᓈᓚᓚᐅᓐᖏᓛ; ᓯᕗᓂᕐᓗᖁᔭᐅᓂᕆᔭᓯᓕ ᒧᒥᒃᑎᖔᓚᐅᕐᐹ ᐃᓕᑦᓯᓐᓂᒃ ᓮᒻᒪᕐᑎᑦᓯᓂᕐᒧᑦ, ᐊᑕᓂᐅᑉ ᒎᑎᑦᓯ ᓇᒡᓕᒋᒐᒥᓯ. 6ᑖᒃᑯᐊ ᐃᓅᖃᑎᒌᒡᔪᐊᑦ ᖃᓄᑐᐃᓐᓇᑦᓯᐊᖅ ᐃᑲᔪᓚᐅᕐᓯᒪᓂᐊᓐᖏᓚᓯ ᐅᕝᕙᓗ ᐊᔪᕐᓴᕈᓐᓁᕈᑎᒃᓴᖏᓐᓂᒃ ᐃᑲᔪᓚᐅᕐᓯᒪᓂᐊᓐᖏᓚᓯ ᐃᓅᓂᓕᒫᑦᓯᓐᓂ.
7“ᐄᑐᒥᒥᐅᓪᓕ ᓇᕐᕈᒋᔭᒃᓴᕆᓐᖏᓚᓯ ᑖᒃᑯᐊ ᐃᓚᑦᓯᓐᓂᑦ ᐱᓯᒪᖕᒪᑕ; ᐄᑦᔨᑉᑎᒥᐅᓪᓗᑦᑕᐅᖅ ᓇᕐᕈᒋᔭᒃᓴᕆᖏᓐᓂᕙᓯ, ᑖᒃᑯᐊ ᓄᓇᖏᓐᓂ ᓄᓇᖃᓚᐅᕐᓯᒪᒐᑦᓯ. 8ᑖᒃᑯᐊ ᑭᖑᕚᖏᑕ ᐱᖓᔪᖏᓐᓂᑦ ᐃᕐᓂᐊᖑᓯᒪᔪᑦ ᐱᒋᐊᕐᓗᑎᒃ ᐊᑕᓂᐅᑉ ᐃᓄᖁᑎᖏᓐᓄᑦ ᐃᓚᐅᓕᕈᓐᓇᕐᐳᑦ.”
ᐅᓇᑕᕐᑐᒃᓮᑦ ᓄᓇᖓᑕ ᓴᓗᒪᑎᑕᐅᔭᕆᐊᖃᕐᓂᖓ
9“ᐅᓇᑕᕆᐊᕐᓯᒪᑎᓪᓗᓯᓕ ᐊᑭᕋᑦᓯᓐᓂᒃ ᑕᖕᒫᕐᓯᒪᕕᖕᒦᓪᓗᓯ, ᐅᒃᐱᕐᓂᒃᑯᑦ ᓴᓗᒪᔪᓐᓃᕈᑕᐅᒐᔭᕐᑐᒥᒃ ᐱᓇᓱᐊᕐᑐᒃᓴᐅᓐᖏᓚᓯ. 10ᐊᖑᓪᓕ ᐅᒃᐱᕐᓂᒃᑯᑦ ᓴᓗᒪᔪᓐᓃᕐᓂᕋᕐᑕᐅᒃᐸᑦ ᓯᓐᓇᒃᑐᕐᓗᓂ ᐅᓐᓄᐊᒃᑯᑦ ᒪᕿᓯᒪᓂᕐᒥᓄᑦ, ᑖᓐᓇ ᑕᖕᒫᕐᓯᒪᕕᐅᑉ ᓯᓚᑖᓄᐊᕐᑐᒃᓴᐅᕗᖅ ᐅᑎᕆᐊᖃᕈᓐᓃᕐᓗᓂ. 11ᐅᓐᓄᓕᕐᑎᓪᓗᒍ ᑕᕝᕙ ᐃᒻᒥᓂᒃ ᐅᐊᓴᕐᑐᒃᓴᐅᕗᖅ, ᓯᕿᓂᕐᓗ ᓂᐱᒃᐸᑦ ᑕᕝᕙ ᐅᓇᑕᕐᑐᒃᓴᐅᖃᑎᖏᑕ ᑕᖕᒫᕐᓯᒪᕕᖓᓄᑦ ᐅᑎᕈᓐᓇᕐᓯᒐᔭᕐᐳᖅ.
12“ᑕᖕᒫᕐᓯᒪᕕᑦᓯ ᓯᓚᑖᓂ ᐊᓇᕆᐊᕐᑐᕐᕕᖃᕐᑐᒃᓴᐅᕗᓯ ᑕᕝᕗᖓ ᐊᓇᕆᐊᕐᑐᖃᑦᑕᖁᓪᓗᓯ ᐊᓇᕈᓱᓕᕌᖓᑦᓯ. 13ᕿᔪᖕᒥᒃ ᓇᒃᓴᕐᑐᒃᓴᕗᓯ ᐃᑎᕐᓴᓕᐅᕆᑦᔪᑎᒃᓴᑦᓯᓐᓂᒃ ᐊᓇᕆᐊᕐᑐᓕᕈᑦᓯ, ᐊᓇᕇᕈᑦᓯᓗ ᑕᒪᑐᒧᖓ ᓴᐅᕙᒡᓗᒍ. 14ᐊᑕᓂᖅ ᒎᑎᓯ ᑕᖕᒫᕐᓯᒪᕕᑦᓯᓐᓂ ᐃᖏᕐᕋᖃᑦᑕᕐᒪᑦ, ᓄᓇᒋᔭᑦᓯᓐᓂ ᓴᐳᑦᔨᓪᓗᓂ ᐊᑭᕋᑦᓯᓐᓂᒡᓗ ᑐᓂᓯᓪᓗᓂ ᐃᓕᑦᓯᓐᓄᑦ, ᑍᒤᒻᒪᑦ ᑕᖕᒫᕐᓯᒪᕕᓯ ᐃᑦᔪᕐᓁᑦᑐᒃᓴᐅᕗᖅ, ᐊᑐᖁᔭᐅᖏᑦᑐᒥᒃ ᐃᓅᓯᖃᕐᑍᓕᓗᓯ ᐊᑕᓂᕐᒧᑦ ᐊᓚᕐᑕᐅᖁᓇᓯ.”
ᐱᖁᔧᑦ ᐊᑦᔨᒌᖏᑦᑐᑦ
15“ᓯᐊᓛᕆᔭᐅᔪᒥᒃ ᐊᖓᔪᖅᑳᒥᓂᑦ ᕿᒫᔪᒧᑦ ᐅᐸᒃᑕᐅᒍᕕᑦ ᐃᓕᖕᓄᑦ ᓴᐳᑎᔭᐅᔪᒪᓗᓂ, ᐊᖓᔪᖅᑳᖓᓄᑦ ᐅᑎᕐᑎᑕᒃᓴᕆᓐᖏᓚᑦ; 16ᓄᓇᒋᔭᑦᓯᓐᓂ ᓇᓂᑐᐃᓐᓇᖅ ᓄᓇᖃᕈᓐᓇᕐᐳᖅ ᐃᓂᒋᔪᒪᔭᒥᓂ; ᐃᕝᕕᓪᓕ ᐅᖁᒤᒃᓴᕐᑎᑕᒃᓴᕆᓐᖏᓚᑦ.
17 #
ᒨᓯᓯ ᐱᖓᔪᖏᑦ 19:29. “ᐃᓴᕆᐊᓕᒥᐅᑕᕐᒥᒃ ᐊᕐᓇᒥᒃ ᐊᖑᑎᒥᒡᓘᓐᓃᑦ ᒎᑎᐅᖏᑦᑐᓄᑦ ᑐᒃᓯᐊᕐᕕᐅᕙᒃᑐᓂ ᓄᓕᐊᒐᐅᔪᖃᕐᑐᒃᓴᐅᓐᖏᓚᖅ ᓄᓕᐊᕐᑐᖃᖃᑦᑕᕐᑐᒃᓴᐅᓇᓂᓗ ᐃᓴᕆᐊᓕᐅᑉ ᑭᖑᕚᖏᓐᓂ. 18ᑍᒤᑦᑐᒧᓪᓗ ᑮᓇᐅᔧᕈᑕᐅᔪᕕᓃᑦ ᐊᑕᓂᐅᑉ ᒎᑎᑦᓯ ᐃᒡᓗᖓᓄᑦ ᑐᓂᕐᕈᑕᐅᔪᒃᓴᐅᓐᖏᓚᑦ ᐊᖏᒻᒪᕆᒍᑎᐅᓯᒪᔪᒧᑦ ᐊᑭᓕᐅᑎᒋᔭᐅᓇᓱᒡᓗᑎᒃ. ᐊᑕᓂᐅᑉ ᒎᑎᑦᓯ ᑍᒤᑦᑐᑦ ᓇᕐᕈᓇᕐᑐᐊᓘᓂᕋᕐᒪᒋᑦ. 19#ᒨᓯᓯ ᐂᑉᐸᖏᑦ 22:25; ᒨᓯᓯ ᐱᖓᔪᖏᑦ 25:36,37; ᒨᓯᓯ ᑕᓪᓕᒪᖏᑦ 15:7-11.ᑮᓇᐅᔭᒥᒃ ᐊᑐᕐᑎᑦᓯᒍᕕᑦ ᓂᕿᒥᒡᓘᓐᓃᑦ ᓱᓇᑐᐃᓐᓇᕐᒥᒡᓘᓐᓃᑦ ᐃᓴᕆᐊᓕᒥᐅᖑᖃᑎᖕᓄᑦ, ᐊᑐᕐᑐᐊᕐᓯᒪᔭᖏᓐᓂᒃ ᐃᓚᒃᑲᓐᓂᕐᑎᑦᓯᔪᒃᓴᐅᓐᖏᓚᑎᑦ. 20ᐃᓚᓯᔪᓐᓇᕐᐳᑎᓪᓕ ᓄᓇᖃᑎᑐᖃᕆᓐᖏᑕᕐᓄᑦ ᐊᑐᕐᑕᐅᑎᑦᓯᒍᕕᑦ, ᐃᓴᕆᐊᓕᒥᐅᖑᖃᑎᕕᓪᓕ ᐊᑐᕐᓯᒪᓂᖓᓄᑦ ᐃᓚᓯᔪᒃᓴᐅᓐᖏᓚᑎᑦ; ᑕᒪᓐᓇ ᐱᖁᔭᖅ ᓈᓚᒃᑕᒃᓴᑕᕆᕚᓯ, ᑕᕝᕙ ᐊᑕᓂᐅᑉ ᒎᑎᑦᓯ ᓮᒻᒪᕐᑎᓐᓂᐊᕐᐹᓯ ᑕᒤᑎᒍᑦ ᐱᓂᐊᕐᓂᕆᔭᑦᓯᒍᑦ ᑕᒫᓂ ᓄᓇᒋᓂᐊᓕᕐᑕᑦᓯᓐᓂ ᓄᓇᖃᓕᕐᑎᓪᓗᓯ.
21 #
ᒨᓯᓯ ᓯᑕᒪᖏᑦ 30:1-16; ᒫᑎᐅᓯ 5:33. “ᐊᑕᓂᕐᒧᑦ ᒎᑎᑦᓯᓐᓄᑦ ᐅᖃᕕᒍᑎᓕᐅᕈᑦᓯ, ᐊᑐᕐᓂᐊᕐᓂᕋᕐᓯᒪᔭᑦᓯᓐᓂᒃ, ᐱᓐᖏᓮᓐᓇᕐᑎᑦᓯᔪᒃᓴᐅᓐᖏᓚᓯ; ᐊᑕᓂᐅᑉ ᒎᑎᑦᓯ ᐅᖃᕕᒍᑎᒋᓯᒪᔧᑦ ᑲᔪᓯᑏᓐᓇᕐᓂᐊᕐᒪᒍ, ᐊᔪᕐᓂᐅᓕᕋᔭᕐᐳᖅ ᐅᖃᕕᒍᑎᒋᓯᒪᔭᕐᓂᒃ ᑲᔪᓯᑎᑦᓯᓐᖏᑐᐊᕈᕕᑦ. 22ᐅᖃᕕᒍᑎᓕᐅᖏᒃᑯᕕᓪᓕ ᐊᔪᕐᑐᓕᓂᐅᓐᖏᓚᖅ ᐃᓕᖕᓄᑦ, 23ᐃᒃᐱᒍᓱᑦᓯᐊᕐᑐᒃᓴᐅᕗᓯᓕ ᖃᓂᒃᑯᑦ ᐊᓂᔪᒥᒃ ᑲᔪᓯᑎᑦᓯᒋᐊᖃᕋᑦᓯ, ᐃᓱᒪᕐᓱᑦᓯᐊᕐᓗᓯ ᐅᖃᕕᒍᑎᓕᐅᕐᐸᒃᑲᑦᓯ ᐊᑕᓂᕐᒧᑦ ᒎᑎᑦᓯᓐᓄᑦ ᐊᖏᕈᑎᒋᓯᒪᔭᕐᓂᒃ ᑲᔪᓯᑎᑦᓯᔪᒃᓴᐅᕗᓯ.
24“ᐊᓯᕕᑦ ᕔᓂᒃᓴᓂᒃ ᐱᕈᕐᓰᕕᖁᑎᖓᓄᐊᕈᕕᑦ, ᕔᓂᒃᓮᑦ ᐸᐅᕐᖓᖏᓐᓂᒃ ᓂᕆᔪᒪᔭᓕᒫᕐᓂᒃ ᓂᕆᔪᓐᓇᕐᐳᑎᑦ, ᑭᓯᐊᓂᓕ ᐴᖃᕐᓗᑎᑦ ᓄᐊᑦᓯᔪᒃᓴᐅᓐᖏᓚᑎᑦ. 25ᐊᓯᕕᓪᓕ ᓂᐊᖂᔭᒃᓴᓂᒃ ᐱᕈᕐᓰᕕᖁᑎᖓᒍᑦ ᐱᓱᒃᑯᕕᑦ, ᐱᓱᒡᕕᒋᔭᕐᓂ ᐱᕈᕐᑐᐃᑦ ᓄᕗᖏᓐᓂᒃ ᐊᒡᒐᖕᓄᑦ ᐲᔧᓗᑎᑦ ᓂᕆᔪᓐᓇᕐᐳᑎᑦ, ᑭᓯᐊᓂᓕ ᐃᓅᖃᑎᕕᑦ ᓂᐊᖂᔭᒃᓴᓂᒃ ᐱᕈᕐᓰᕕᖁᑎᖓᓂᑦ ᓂᐊᖂᔭᒃᓴᖃᐅᑎᓄᑦ ᐴᖅᑬᔪᒃᓴᐅᓐᖏᓚᑎᑦ.”
Currently Selected:
ᒨᓯᓯ ᑕᓪᓕᒪᖏᑦ 23: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
