ᒨᓯᓯ ᑕᓪᓕᒪᖏᑦ 18
18
ᑐᓂᕐᕈᓯᕐᑎᑦᓯᔩᑦ ᐱᖃᑕᐅᖃᑦᑕᕆᐊᖃᕐᓂᖏᑦ
1“ᓕᕔᑎᒃᑯᓪᓕ ᑭᖑᕚᖏᑦ ᑐᓂᕐᕈᓯᕐᑎᑦᓯᔩᑦ, ᑖᒃᑯᐊ ᓕᕔᑉ ᑭᖑᕚᓕᒫᖏᑦ, ᐃᓴᕆᐊᓕᒥᐅᓂᑦ ᓄᓇᑖᖃᑕᐅᔪᒃᓴᐅᖏᓚᑦ ᓇᖕᒥᓂᒃᓴᒥᖕᓂᒃ; ᓂᕆᖃᑦᑕᕐᑐᒃᓴᐅᕗᓪᓕ ᐃᑯᐊᓚᑎᑕᐅᓂᒃᑯᑦ ᑐᓂᕐᕈᑎᕕᓂᕐᓂᒃ ᐊᑕᓂᕐᒧᑦ, ᑕᒪᒃᑯᐊ ᑖᒃᑯᓄᖓ ᑐᕌᖓᖕᒪᑕ. 2#ᒨᓯᓯ ᓯᑕᒪᖏᑦ 18:20.ᓄᓇᖁᑎᖃᕐᑐᒃᓴᐅᓐᖏᓚᑦ ᓇᖕᒥᓂᒃᓴᒥᖕᓂᒃ, ᑭᖑᕚᕇᑎᑐᑦ ᐊᓯᒥᒃᑎᑐᑦ; ᐱᖃᖃᑕᐅᓯᒪᕗᓪᓕ ᐊᑕᓂᕐᒧᑦ ᑐᓂᕐᕈᓯᕐᑎᑦᓯᔨᐅᓂᕐᒥᒃ ᑐᓂᓯᕕᐅᓯᒪᖓᒥᒃ, ᑕᒪᓐᓇ ᐊᑕᓂᐅᑉ ᐊᖏᕈᑎᒋᓯᒪᖕᒪᒍ.
3“ᖃᖓᓕᒫᕐᓕ ᐃᒻᒧᒃᓯᐅᒐᕐᒥᒃ ᓰᐱᒥᒡᓘᓐᓃᑦ ᑐᓂᕐᕈᓯᕐᑐᖃᓕᕐᐸᑦ ᑐᖁᑕᒃᓴᒥᒃ, ᑕᕝᕙ ᑐᓂᕐᕈᓯᕐᑎᑦᓯᔩᑦ ᑐᓂᔭᐅᔪᒃᓴᐅᕗᑦ ᑭᐊᓯᖏᖕᓂᒃ, ᐊᒡᓕᕈᖏᖕᓂᒃ, ᕿᓴᕈᐊᖓᓂᒡᓗ. 4ᐊᒻᒪ ᑐᓂᓯᕕᐅᔪᒃᓴᐅᒋᕗᑦ ᐱᕈᕐᑎᑕᓯ ᑲᑎᑕᐅᒋᐊᓕᕐᑎᓪᓗᒋᑦ ᓯᕗᓪᓕᕐᐹᖏᓐᓂᒃ ᓂᐊᖂᔭᓴᓂᒃ, ᕔᓂᒃᓴᓂᒃ, ᓇᐹᕐᑐᐃᓪᓗ ᐸᐅᖓᖏᑕ ᐅᕐᓱᒃᓴᖏᓐᓂᒃ, ᓰᐱᐅᓪᓗ ᒥᖅᑯᖏᓐᓂᒃ ᓴᓕᔭᐅᓂᖏᑕ ᓯᕗᓪᓕᕐᐹᖏᓐᓂᒃ ᑐᓂᓯᕕᒋᔭᕆᐊᖃᕐᐸᓯ. 5ᐊᑕᓂᖅ ᒎᑎᓯ ᑖᒃᑯᓂᖓ ᓂᕈᐊᕐᓯᒪᖕᒪᑦ ᑭᖑᕚᖑᖃᑎᓕᒫᑦᓯᓐᓂᑦ, ᓕᕔᑎᒃᑯᑦ ᑭᖑᕚᖏᓐᓂᒃ ᑐᓂᕐᕈᓯᕐᑎᑦᓯᔨᐅᓂᕐᒧᑦ ᐱᔨᑦᓯᖁᓪᓗᒋᑦ ᐊᑕᓂᐅᑉ ᐊᑎᖓᓂ, ᐃᓱᖃᖏᑦᑐᒧᑦ.
6“ᓇᓪᓕᐊᓪᓕ ᓕᕔᑎᑦ ᐃᓴᕆᐊᓕᒥᐅᑦ ᓄᓇᖏᓐᓂᑦ ᑐᒃᓯᐊᕐᕕᐅᕙᒃᑐᒧᐊᕈᒪᒍᓂ ᖃᖓᑐᐃᓐᓇᖅ ᐂᔪᓐᓇᕐᐳᖅ ᐱᔪᒪᓕᕈᓂ, ᐊᑕᓂᐅᑉ ᑐᒃᓯᐊᕐᕕᐅᖁᓪᓗᒍ ᓂᕈᐊᕐᓯᒪᔭᖓᓄᑦ, 7ᑕᕝᕙᓂᓗ ᐱᔨᑦᓯᕋᔭᕐᐳᖅ ᑐᓂᕐᕈᓯᕐᑎᑦᓯᔨᐅᓂᕐᒥᒃ ᐱᓇᓱᐊᕐᓗᓂ ᐊᑕᓂᕐᒧᑦ ᒎᑎᒥᓄᑦ, ᓕᕔᑎᐅᖃᑎᒥᑐᑦ ᐱᔨᑦᓯᕐᑐᑎᑐᑦ ᐊᑕᓂᐅᑉ ᓵᖓᓂ ᐱᔪᓐᓇᕐᓂᖃᑦᓯᐊᕋᔭᕐᐳᖅ. 8ᑍᒫᓪᓗᐊᕐᑕᐅᖅ ᓂᕿᒃᓴᓂᒃ ᐱᑎᑕᐅᖃᑦᑕᕐᑐᒃᓴᐅᕗᖅ ᐊᓯᖏᑎᑐᑦ ᑐᓂᑦᕈᓯᕐᑎᑦᓯᔨᑎᑐᑦ, ᐱᖁᑎᖏᑕᓗ ᓂᐅᕕᕐᑕᐅᑦᔪᑎᕕᓂᖏᓐᓂᒃ ᐱᖃᑕᐅᔪᒃᓴᐅᓪᓗᓂ.”
ᒎᑎᒧᑦ ᐅᒃᐱᖏᑦᑐᑦ ᐊᑐᕐᐸᒃᑕᖏᑕ ᐅᓗᕆᐊᓇᕐᓂᖏᑦ
9“ᓄᓇᒧᓪᓕ ᑎᑭᒃᑯᑦᓯ ᐊᑕᓂᐅᑉ ᒎᑎᑦᓯ ᑐᓂᔭᖓᓄᑦ, ᑕᒫᓂ ᓄᓇᓖᑦ ᐃᓅᖃᑎᒌᒡᔪᐊᑦ ᐊᑐᕐᐸᒃᑕᖏᓐᓂᒃ ᒎᑎᒧᑦ ᓇᕐᕈᓇᕐᑐᓂᒃ ᒪᓕᒃᓴᕐᑐᒃᓴᐅᓐᖏᓚᓯ. 10#ᒨᓯᓯ ᐱᖓᔪᖏᑦ 19:26; ᒨᓯᓯ ᐂᑉᐸᖏᑦ 22:18.ᑐᓂᕐᕈᓯᕐᕕᖕᒥ ᐃᑯᐊᓚᑦᓯᓂᒃᑯᑦ ᑐᓂᓯᓕᕐᑎᓪᓗᓯ ᕿᑐᕐᖓᑦᓯᓐᓂᒃ ᑐᓂᕐᕈᓯᕐᑐᒃᓴᐅᓐᖏᓚᓯ; ᐃᓄᖁᑎᓯ ᓇᓚᐅᑦᑍᓇᓱᐊᖃᑦᑕᕐᑐᒃᓴᐅᓐᖏᓚᑦ ᐅᕝᕙᓗ ᓯᕗᓂᕐᒧᑦ ᓇᓚᐅᑦᑍᑦᔪᑎᖃᕋᓱᒃᑐᒃᓴᐅᓐᖏᓚᑦ ᐅᕝᕙᓗ ᐃᓕᓰᕐᓯᓇᓱᒃᑐᒃᓴᐅᓇᑎᒃ ᓱᓇᑐᐃᓐᓇᕐᒥᒃ ᐊᑐᕐᓗᑎᒃ; 11#ᒨᓯᓯ ᐱᖓᔪᖏᑦ 19:31.ᐅᕝᕙᓗ ᓴᐳᑎᔭᐅᑦᔪᑎᖃᕋᓱᒃᑐᒃᓴᐅᓐᖏᓚᓯ ᓂᕕᖓᑎᑕᑦᓯᓐᓂᒃ,#18:11 ᓂᕕᖓᑎᑕᑦᓯᓐᓂᒃ ᐅᕝᕙᓗ ᐋᕐᖑᐊᖃᕐᑐᒃᓴᐅᓐᖏᓚᓯ ᑐᖁᓯᒪᔪᓂᒡᓗ ᐅᖃᖃᑎᖃᕋᓱᒃᑐᒃᓴᐅᓐᖏᓚᓯ. 12ᐊᑕᓂᖅ ᒎᑎᓯ ᐃᓄᖕᓂᒃ ᑍᒤᓕᐅᕐᑐᓂᒃ ᓈᒻᒪᖏᑦᑐᓕᔪᓂᒃ ᐆᒥᒋᔭᖃᕐᒪᑦ, ᑍᒤᒻᒪᑦ ᑕᕝᕙ ᐃᓄᐃᑦ ᑕᒫᓂ ᓄᓇᖃᕐᑐᑦ ᓄᓇᒥᖕᓂᑦ ᐊᐅᓪᓚᕐᑎᓚᐅᕐᐰᑦ ᓯᕗᓂᑦᓯᓐᓂ. 13#ᒫᑎᐅᓯ 5:48.ᐊᑕᓂᐅᑉ ᒎᑎᑦᓯ ᓵᖓᓂ ᐸᓯᔭᒃᓴᐅᓂᖃᕐᑐᒃᓴᐅᓐᖏᓚᓯ ᑖᑦᓱᒧᖓ.”
ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᓂᒃ ᑎᓕᔭᐅᔪᒫᕐᑐᒥᒃ ᐊᖏᕈᑎᖃᕐᓂᖅ
14“ᐃᓅᖃᑎᒌᒡᔪᐊᑦ, ᓄᓁᕐᓂᐊᓕᕐᑕᓯ, ᓈᓚᖃᑦᑕᓚᐅᕐᒪᑕ ᓯᕗᓂᒃᓴᒥᒃ ᓇᓚᐅᑦᑍᓇᓱᐊᖃᑦᑕᕐᑐᓂᒃ ᓇᓚᐅᑦᑍᑦᔪᑎᖃᕋᓱᒃᑐᓂᒡᓗ; ᐃᓕᑦᓯᓕ, ᐊᑕᓂᐅᑉ ᒎᑎᑦᓯ ᑕᒪᒃᑯᓂᖓ ᐊᑐᖁᓐᖏᓛᓯ. 15#ᐋᐴᓯᑕᓖᑦ 3:22; 7:37.ᐊᑕᓂᕐᓕ ᒎᑎᓯ ᒪᑭᑎᑦᓯᔪᒫᕐᐳᖅ ᐱᔪᖃᓛᕐᑐᒥᒃ ᐅᖃᕐᑎᒥᓂᒃ ᐅᕙᑦᑐᑦ ᑍᒤᑦᑐᒥᒃ ᐃᓅᖃᑎᓪᓚᕆᑦᓯᓐᓂᑦ ᐱᓯᒪᔪᒥᒃ, ᑖᓐᓇᓗ ᓈᓚᒋᐊᖃᕈᒫᕐᐸᓯ.
16“ᑍᑦᓱᒪᓂ ᐃᒫᒃ ᐱᖁᔨᓚᐅᕐᐳᓯ ᐊᑕᓂᕐᒥᒃ ᒎᑎᑦᓯᓐᓂᒃ ᖃᖅᑲᒥ ᕼᐆᕆᑉᒥ ᑲᑎᒪᑎᓪᓗᓯ, ᐅᖃᓚᐅᕐᓯᒪᒐᑦᓯ, ‘ᐅᖃᓪᓚᒃᑎᓪᓗᒍ ᑐᓵᒃᑲᓐᓂᕈᒪᔪᓐᓃᕐᐳᒍᑦ ᐊᑕᓂᐅᑉ ᒎᑎᑦᑕ ᓂᐱᖓᓂᒃ, ᐃᑯᐊᓚᔪᕐᔪᐊᖁᑎᖓᓂᒡᓘᓐᓃᑦ ᑕᑯᓐᓇᕈᒪᔪᓐᓁᕐᐳᒍᑦ, ᑐᖁᖁᓇᑕ.’ 17ᐊᑕᓂᐅᓪᓕ ᐅᖃᐅᑎᓚᐅᕐᐹᖓ, ‘ᓱᓕᔪᒥᒃ ᐱᔪᒪᔭᖃᕐᐳᑦ. 18ᐱᔪᖃᓛᕐᑐᒥᒡᓕ ᐅᖃᕐᑎᓐᓂᒃ ᑎᓕᓯᕕᒋᔪᒫᕐᐸᒃᑲ ᐃᓕᒃᑐᑦ ᑍᒤᑦᑐᒥᒃ ᐃᓅᖃᑎᓪᓚᕆᖏᓐᓂᑦ ᐱᓯᒪᔪᒥᒃ; ᖃᓂᖓᓄᓪᓗ ᐅᖃᐅᓯᒃᓴᖏᓐᓂᒃ ᐃᓕᓯᔪᒫᕐᐳᖓ, ᐃᓄᖕᓂᒡᓗ ᐅᖃᐅᑦᔨᔪᒫᕐᐳᖅ ᐅᖃᐅᓯᕆᔭᐅᖁᔭᓕᒫᓐᓂᒃ. 19#ᐋᐴᓯᑕᓖᑦ 3:23.ᓇᓪᓕᐊᓪᓗ ᐅᖃᐅᓯᐅᖁᔭᓐᓂᒃ ᓈᓚᒍᒪᖏᑦᑐᖅ ᑖᑦᓱᒪ ᐅᖃᐅᓯᕆᔭᖏᓐᓂᒃ ᐅᕙᖓ ᐊᑎᓐᓂ ᐅᕙᖓ ᓇᖕᒥᓂᖅ ᑖᓐᓇ ᓱᒋᐊᕈᒫᕐᐸᕋ. 20ᓇᓪᓕᐊᓪᓕ ᐅᖃᓪᓚᒐᓱᐊᕐᐸᑦ ᐅᕙᓐᓄᑦ ᐅᖃᖁᔭᐅᓯᒪᖏᓪᓗᓂ, ᑖᓐᓇ ᑍᒫᑦᓮᓐᓇᕐᑕᐅᖅ ᒎᑎᒋᔭᐅᔪᓂᒃ ᐱᑦᔪᑎᖃᕐᓗᓂ ᐅᖃᓪᓚᒐᓱᐊᕐᑐᖅ ᑍᒫᑦᓮᓐᓇᖅ ᑖᓐᓇ ᑐᖁᔪᒪᕐᐳᖅ.’
21“ᐃᓱᒪᒐᔭᕐᑐᒃᓴᐅᕗᓯ, ‘ᖃᓄᕐᓕ ᖃᐅᔨᒪᔪᓐᓇᕋᑦᑕ ᓇᓪᓕᐊᑦ ᐅᖃᐅᓯᖅ ᐊᑕᓂᕐᒥᑦ ᐅᖃᐅᓯᐅᖁᔭᐅᓯᒪᖏᓐᓂᖓᓂᒃ?’ 22ᐱᔪᖃᓛᕐᑐᒥᒡᓕ ᐅᖃᕐᑎ ᐊᑕᓂᐅᑉ ᐊᑎᖓᓂ ᐅᖃᓪᓚᒃᐸᑦ, ᐅᖃᓪᓚᐅᓯᖏᓪᓗ ᓇᓚᐅᑦᓯᖏᑉᐸᑕ, ᓱᓕᓂᖏᓪᓗ ᓴᖅᑭᖏᑉᐸᑕ, ᑖᓐᓇ ᑕᕝᕙ ᐊᑕᓂᕐᒧᑦ ᑎᓕᔭᐅᓯᒪᓐᖏᓚᖅ. ᐃᒻᒥᓃᓐᓇᕐᓕ ᐅᖃᓪᓚᒃᐳᖅ ᐃᓱᒪᑐᐃᓐᓇᕐᒥᓂᒃ, ᑍᒤᑦᑐᑦ ᓯᕘᕋᒋᔭᒃᓴᕆᓐᖏᓚᓯ.”
Currently Selected:
ᒨᓯᓯ ᑕᓪᓕᒪᖏᑦ 18: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
