ᑖᓂᐊᓕᐅᑉ ᐊᒡᓚᖏᑦ 10
10
ᑖᓂᐊᓕᐅᑉ ᑕᑯᑎᑕᐅᓂᖓ ᑰᑉ ᑍᒐᕆᓯᒥᒃ ᐊᑎᓕᐅᑉ ᓴᓂᐊᓂ
1ᐊᖓᔪᖅᑳᕐᔪᐊᑉ ᓮᕋᓯᐅᑉ, ᐴᕐᓯᐊᒥᐅᑕᐅᑉ, ᐊᖓᔪᖅᑲᐅᓂᖓᑕ ᐊᕐᕌᒍᑦ ᐱᖓᔪᖓᓐᓂ, ᑖᓂᐊᓕ ᓇᓗᓁᕐᓯᕕᐅᓚᐅᕐᐳᖅ, ᑖᓐᓇ ᐊᑎᖃᕐᑎᑕᐅᔪᖅ ᐱᐊᓪᓴᔮᕆᒥᒃ. ᐅᖃᐅᓯᖅ ᑕᒪᓐᓇ ᓱᓕᑦᓯᐊᕐᐳᖅ ᐱᑦᔪᑎᖃᕐᓗᓂᓗ ᐅᓇᑕᕐᔪᐊᕐᓂᕐᒥᒃ: ᐅᖃᐅᑦᔭᐅᓂᐅᑉ ᑐᑭᓯᓇᕐᓂᖓ ᓴᖅᑭᓚᐅᕐᐳᖅ ᑕᑯᑎᑕᐅᓂᒃᑯᑦ.
2ᑍᑦᓱᒪᓂ ᐅᕙᖓ ᑖᓂᐊᓕ, ᐃᓔᓕᕿᔪᑎᑐᑦ ᕿᒃᓵᓚᐅᕐᐳᖓ ᐱᓇᓱᐊᕈᓯᕐᓂᒃ ᐱᖓᓱᓂᒃ. 3ᓂᕿᑦᓯᐊᕙᖕᓂᒃ ᓂᕆᓚᐅᓐᖏᓚᖓ; ᓂᕿᒥᒡᓘᓐᓃᑦ ᕔᓂᒥᒡᓘᓐᓃᑦ ᖃᓂᓐᓄᑦ ᐊᒃᑐᕐᓯᓚᐅᓐᖏᓚᖓ, ᐅᕙᓐᓂᒡᓗ ᐅᕐᓱᕐᑎᓚᐅᓐᖏᓚᖓ ᐱᓇᓱᐊᕈᓰᑦ ᐱᖓᓱᑦ ᐊᓂᒍᕐᓗᒋᑦ.
4ᐅᓪᓗᐃᑦ 24ᖓᓐᓂ ᑕᖅᑮᑦ ᓯᕗᓪᓕᕐᐹᖓᓂ, ᓇᖏᕐᑎᓪᓗᖓ ᑰᒡᔪᐊᑉ ᑍᒍᕆᓯᒥᒃ ᐊᑎᓕᐅᑉ ᓯᓈᓂ. 5#ᑕᑯᑎ 1:13-15; 2:18; 19:12.ᖁᒻᒧᑦ ᑕᑯᓴᕋᒪ, ᑕᑯᕗᖓ ᐊᖑᒻᒥᒃ ᓇᖏᕐᑐᒥᒃ, ᐊᓐᓄᕌᓯᒪᔪᖅ ᖃᓪᓗᓈᕐᑕᓂᒃ ᕿᑎᕈᓯᕐᓯᒪᓪᓗᓂᓗ ᒎᓗᒥᒃ ᐱᐅᓂᕐᐹᒥᒃ ᐆᐸᔾᒥᐅᑕᕐᒥᒃ. 6ᑎᒥᖓ ᐅᔭᕋᒃᑎᑐᑦ ᐱᓐᓇᕐᓇᕐᑐᑎᑐᑦ ᑯᕆᓱᓔᑎᒥᒃ ᐊᑎᓕᒃᑐᑦ ᖁᕐᓱᕐᑕᑐᑦ ᑍᒤᑦᑑᕗᖅ, ᑮᓇᖓ ᖃᐅᒻᒪᓪᓚᒃᑎᑐᑦ ᑕᐅᑦᑐᖃᕐᐳᖅ, ᐃᔨᖏᒡᓗ ᐃᑯᐊᓚᔪᑎᑐᑦ ᑍᒤᑦᑑᕗᒃ, ᑕᓕᖏᒃ ᓂᐅᖏᒡᓗ ᑲᓐᓄᔭᑎᑐᑦ ᕿᓪᓚᕆᒃᓴᕐᓯᒪᔪᑎᑐᑦ ᑍᒤᓪᓗᑎᒃ, ᓂᐱᖃᕐᓗᓂᓗ ᐃᓄᒋᐊᒃᑐᕐᔪᐃᑦ ᓂᐱᖏᑎᑐᑦ.
7ᐅᕙᖓ ᑖᓂᐊᓕ, ᑕᑯᑎᑦᔪᑎᒥᒃ ᑕᑯᔪᑑᓚᐅᕐᐳᖓ, ᐊᖑᑎᑦ ᐃᓚᒋᔭᒪ ᑕᑯᓚᐅᓐᖏᓛᑦ, ᑲᑉᐱᐊᓱᖕᓂᕐᒧᓪᓕ ᑕᑕᑕᐅᒐᒥᒃ ᕿᒫᕗᑦ ᐃᔨᕆᐊᕐᑐᕐᓗᑎᒡᓗ. 8ᑍᒤᒻᒪᑦ ᐃᓄᑑᓕᓚᐅᕐᐳᖓ, ᑕᒪᑐᒥᖓ ᑕᑯᑎᑕᐅᓂᕐᔪᐊᒥᒃ ᑕᑯᓐᓈᕐᓗᖓ; ᓄᑭᖃᕈᓐᓃᓚᐅᕐᐳᖓ, ᑮᓇᕋᓗ ᑐᖁᖓᔪᑎᑐᑦ ᖃᑯᕐᓯᓪᓗᓂ, ᓄᑭᖃᖏᑦᓯᐊᓕᕐᓗᖓᓗ. 9ᑐᓵᕙᕋᓗ ᐅᖃᓪᓚᒃᑐᖅ, ᓈᓚᒃᑎᓪᓗᖓᓗ ᐃᑎᔪᒥᒃ ᓯᓂᓕᓚᐅᕐᐳᖓ, ᑮᓇᕋ ᒪᓂᖅᑲᒧᑦ ᑐᓐᖓᓪᓗᓂ. 10ᐊᒡᒐᒧᑦ ᐊᒃᑐᕐᑕᐅᒐᒪ ᓴᔪᒃᓗᖓ ᒪᑭᓕᕐᐳᖓ, ᓰᖅᑯᖓᓪᓗᖓ ᒪᓂᖅᑲᒧᓪᓗ ᐊᔭᑉᐹᕐᓗᖓ.
11ᐅᖃᐅᑎᕚᖓ, “ᑖᓂᐊᓖ, ᐊᖏᔪᒥᒃ ᐅᐱᒋᔭᐅᕗᑎᑦ, ᐃᓱᒪᒋᑦᓯᐊᒃᑭᑦ ᐅᖃᐅᓰᑦ ᐃᓕᖕᓄᑦ ᐅᖃᐅᓯᒃᓴᒃᑲ, ᓂᑯᕕᓕᕆᑦ ᐃᓕᖕᓄᑦ ᒫᓐᓇ ᑎᓕᔭᐅᒐᒪ.” ᑍᒫᒃ ᐅᖃᕇᕐᒪᑦ ᓴᔪᒡᓗᖓ ᓂᑯᕕᑉᐳᖓ.
12ᐅᖃᒃᑲᓐᓂᕆᕗᖅ, “ᑲᑉᐱᐊᓱᖏᓪᓗᑎᑦ ᑖᓂᐊᓖ: ᐅᓪᓗᐃᑦ ᓯᕗᓪᓕᕐᐹᖓᓂ, ᑐᑭᓯᔪᒪᓪᓗᑎᑦ ᐃᓱᒪᓕᓚᐅᕋᕕᑦ ᒥᑭᒡᓕᑎᕐᓗᑎᓪᓗ ᒎᑎᒧᑦ, ᐅᖃᐅᓯᕐᑎᑦ ᑐᓵᔭᐅᓚᐅᕐᐳᑦ, ᕾᕗᖓᓗ ᑭᐅᔭᐅᑦᔪᑎᖕᓂᒃ ᐅᖃᐅᑎᔭᕐᑐᕐᓗᑎᑦ. 13#ᑕᑯᑎ 12:7.ᐴᕐᓯᐊᒥᐅᓪᓕ ᐊᖓᔪᖅᑳᖓᑦᑕ ᐊᑭᕋᕐᑐᓚᐅᕐᐹᖓ ᐅᓪᓗᓂᒃ 21ᓂᒃ: ᒤᑰᓪᓕ, ᐊᖓᔪᖅᑳᑦ ᐃᓚᖓᑦᑕ ᐃᑲᔪᕆᐊᓚᐅᕐᐹᖓ, ᐳᕐᓯᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᓄᖅᑲᖓᑎᑐᐃᓐᓇᓕᓚᐅᕐᒪᖓ. 14ᒫᓐᓇᓕ ᕾᕗᖓ ᓇᓗᓁᕐᓯᕕᒋᔭᕐᑐᕐᓗᑎᑦ ᐃᓅᖃᑎᑎᑦ ᐅᓪᓗᐃᑦ ᑭᖑᓪᓕᖏᓐᓂ ᖃᓄᐃᓕᖓᔪᒫᕐᒪᖔᑕ, ᑕᑯᑎᑦᔪᑦ ᑕᒪᓐᓇ ᓇᓪᓕᐅᑎᔪᒫᕐᒪᑦ ᓯᕗᓂᒃᓴᒥ.”
15ᑍᒫᒃ ᐅᕙᓐᓄᑦ ᐅᖃᓪᓚᒃᑎᓪᓗᒍ, ᐅᑯᖓᓚᐅᕐᐳᖓ ᑮᓇᕋ ᒪᓂᖅᑲᒧᑦ ᓵᓐᖓᓪᓗᒍ ᐅᖃᕈᓐᓁᕐᓗᖓᓗ. 16ᑕᕝᕙ ᐊᖑᑎᑎᑐᑦ ᑕᐅᑦᑐᓕᐅᑉ ᖃᓂᕋ ᐊᒃᑐᕐᐹ, ᐂᑦᑕᕐᓗᖓᓗ ᐅᖃᓕᕐᐳᖓ ᓵᓐᓂ ᓇᖏᕐᑐᒧᑦ, “ᐊᑕᓂᕋ, ᕿᒃᓵᒃᑐᐊᓘᒐᒪ ᑕᑯᑎᑕᐅᓂᕋ ᑕᒪᓐᓇ ᐱᑦᔪᑎᒋᓪᓗᒍ, ᐱᔪᓐᓇᕐᓂᖃᖏᑦᓯᐊᓕᕋᒪ. 17ᐊᑕᓂᕋ, ᖃᓄᕐᓕ ᐱᔨᐅᓗᖓ ᐃᓕᖕᓄᑦ, ᐅᖃᕐᓂᐊᓕᕋᒪ? ᓄᑭᖃᕈᓐᓁᕋᒪ ᐊᓂᕐᓵᕐᑐᑦᓯᐊᕈᓐᓁᕋᒪᓘᓐᓃᑦ.”
18ᓱᓕ ᐊᖑᑎᑎᑐᑦ ᑕᐅᑦᑐᓕᐅᑉ ᐊᒃᑐᕐᐹᖓ ᓄᑭᒃᑖᕐᑎᑉᐹᖓᓗ. 19ᐅᖃᐅᑎᓪᓗᖓᓗ, “ᑲᑉᐱᐊᓱᖏᓪᓗᑎᑦ, ᐊᒃᓱᐊᓗᒃ ᐅᐱᒋᔭᐅᑦᓯᐊᕐᐳᑎᑦ, ᓮᓪᓕᓕᕆᑦ! ᓴᓐᖏᔫᓕᕆᑦ! ᓴᓐᖏᔫᓕᕆᑦ!” ᐅᖃᕐᕕᒋᖕᒪᖓ, ᓄᑭᒃᑖᓚᐅᕐᐳᖓ ᐅᖃᕐᓗᖓᓗ, “ᐊᑕᓂᕋ ᐅᖃᓕᕆᑦ, ᓄᑭᒃᑖᕐᑎᒃᑲᕕᖓ.”
20ᐅᖃᓕᕆᕗᖅ, “ᖃᐅᔨᒪᕖᑦ ᓱᖕᒪᑦ ᐃᓕᖕᓄᑦ ᕾᖕᒪᖔᕐᒪ? ᐅᑎᕇᕐᓂᐊᕋᒪ ᐴᕐᓯᐊᒥᐅᑦ ᐊᖓᔪᖅᑳᖓᑦ ᐅᓇᑕᕆᐊᕐᑐᕐᓗᒍ, ᐊᐅᓪᓚᕈᒪᓗ ᒍᕇᓯᒥᐅᑦ ᐊᖓᔪᖅᑳᖓᑦ ᕾᓂᐊᕆᕗᖅ; 21ᓯᕗᓪᓕᕐᒥᒡᓕ ᐅᖃᐅᑎᔪᒪᕙᒋᑦ ᒪᒃᐱᕐᑐᖅᑲᑦ ᓱᓕᑦᓯᐊᕐᓂᕐᒥᒃ ᐅᖃᐅᓯᓖᑦ ᖃᓄᖅ ᐅᖃᕐᒪᖔᑕ, ᑭᐊᓘᓐᓃᑦ ᑕᒪᑐᒥᖓ ᐃᑲᔪᕐᓯᓐᖏᓛᖓ ᒤᑰᑉ ᑭᓯᐊᓂ, ᑖᑦᓱᒪ ᐊᖓᔪᖅᑳᕕᑦ.”
Currently Selected:
ᑖᓂᐊᓕᐅᑉ ᐊᒡᓚᖏᑦ 10: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
