ᑯᓘᓯᐊᒥᐅᓄᑦ 4
4
1 #
ᐃᐱᓯ 6:9. ᐊᖓᔪᖅᑳᖑᔪᓯ ᓂᐅᕕᐊᕆᓯᒪᓪᓗᒋᑦ ᐱᔨᒋᔭᓯ ᓈᒻᒪᒃᑐᒥᒃ ᐱᐅᔪᒥᒡᓗ ᐱᓂᐊᕐᕕᒋᓯᒋᒃ, ᖃᐅᔨᒪᓗᓯ ᐊᖓᔪᖅᑳᖃᕋᑦᓯᑦᑕᐅᖅ ᕿᓚᖕᒥ.
ᓱᓕ ᐊᑐᕐᑕᐅᔭᕆᐊᓖᑦ
2ᑐᒃᓯᐊᕐᓂᕐᒧᑦ ᑲᔪᓯᑦᓯᐊᕆᑦᓯ, ᖃᐅᔨᓴᑦᓯᐊᖃᑦᑕᕐᓗᓯ ᖁᔭᓕᖃᑦᑕᕐᓗᓯᓗ ᒎᑎᒧᑦ; 3ᐅᕙᒍᓪᓗ ᑐᒃᓯᐅᔭᐅᖃᑦᑕᕐᑕ, ᒎᑎ ᐱᕕᒃᓴᒥᒃ ᐅᒃᑯᐃᕐᓯᖁᓪᓗᒍ, ᐅᖃᐅᓯᖃᕈᓐᓇᖁᓪᓗᑕ ᙭ᔅᑑᓯᐅᑉ ᓇᓗᓇᕐᓂᖓᓂᒃ, ᑕᒪᓐᓇ ᐱᑦᔪᑎᒋᓪᓗᒍ ᑎᒍᔭᐅᓯᒪᕕᖕᒦᓐᓇᒪ. 4ᓇᓗᓁᕐᓯᑦᓯᐊᕈᓐᓇᖁᓪᓗᖓ, ᑍᒫᒃ ᐱᔪᒃᓴᐅᒐᒪ.
5 #
ᐃᐱᓯ 5:16. ᓯᓚᑐᔪᒥᒃ ᐱᓂᐊᕐᓂᖃᕆᑦᓯ ᐅᒃᐱᖏᑦᑐᓄᑦ; ᐱᕕᒃᓴᓯᓗ ᐊᑐᑦᓯᐊᖃᑦᑕᕐᓗᒍ. 6ᐅᖃᐅᓯᕆᔭᓯ ᐱᔪᓐᓇᕐᑎᑦᓯᓂᕐᒥᒃ ᐃᓗᓕᖃᕐᑐᒃᓴᐅᕗᑦ ᑐᓴᕈᒥᓇᕐᓗᑎᒡᓗ ᑕᕆᐅᓕᕐᓯᒪᔪᑎᑐᑦ, ᑕᒤᓐᓄᑦ ᑭᐅᑦᔪᑎᒃᓴᖃᑦᓯᐊᖁᓪᓗᓯ.
ᑕᕝᕙᐅᕗᑏᕐᓃᑦ
7 #
ᐋᐴᓯᑕᓖᑦ 20:4; 2 ᑎᒧᑎ 4:12. #
ᐃᐱᓯ 6:21,22. ᑍᑭᑰᓯᐅᑉ ᐅᓂᒃᑲᐅᓯᕆᑦᓯᐊᕐᓂᐊᕐᐹᖓ ᐃᓕᑦᓯᓐᓄᑦ; ᑖᓐᓇ ᐅᒃᐱᕐᑑᖃᑎᒋᒐᑦᑎᒍ ᓇᒡᓕᖕᓇᕐᑐᖅ ᓱᖁᓯᔪᐃᑦᑑᓪᓗᓂᓗ ᐱᔨᑦᓯᕐᑎᐅᔪᖅ ᐱᔨᐅᖃᑎᒋᓪᓗᒍᓗ ᐊᑕᓂᕐᒥ. 8ᑍᒤᒻᒪᑦ ᑖᓐᓇ ᑕᒪᑐᒥᖓ ᐱᑦᔪᑎᖃᕐᓗᖓ ᑎᓕᕙᕋ ᐃᓕᑦᓯᓐᓄᑦ, ᖃᓄᐃᓐᓂᑦᑎᓐᓂᒃ ᖃᐅᔨᑦᓯᐊᖁᓪᓗᓯ ᑖᑦᓱᒧᖓᓗ ᐱᕙᓪᓕᕐᑎᑕᐅᖁᓪᓗᓯ. 9#ᐰᓕᒨ 1:10-12.ᑖᓐᓇᓗ ᐃᓚᖃᕐᓂᐊᕐᐳᖅ ᐅᓂᓯᒪᓯᒥᒃ, ᓱᖁᓯᔪᐃᑦᑑᓪᓗᓂ ᐅᒃᐱᕐᑑᖃᑎᑦᑎᓐᓂᒃ ᓇᒡᓕᖕᓇᕐᑐᒥᒃ, ᐃᓕᑦᓯᓗ ᐃᓚᒋᒐᑦᓯᐅᒃ. ᑖᒃᑯᖕᓇᓐᖓᑦ ᐅᖃᐅᑦᔭᐅᑦᓯᐊᕈᒫᕐᐳᓯ ᒫᓂ ᖃᓄᐃᒻᒪᖔᑦᑕ.
10 #
ᐋᐴᓯᑕᓖᑦ 19:29; 27:2; ᐰᓕᒨ 1:24;
ᐋᐴᓯᑕᓖᑦ 12:12,25; 13:13; 15:37-39. ᑎᒍᔭᐅᓯᒪᖃᑎᒪ ᐊᕆᔅᑕᑰᓯᐅᑉ ᑕᕝᕙᐅᕗᑏᕐᐹᓯ, ᒫᑯᓯᐅᓪᓗ ᐸᕐᓇᐹᓯᐅᑉ ᑎᒥᒥᒍᑦ ᖃᑕᓐᖑᑎᖓᑕ. (ᑐᓴᕐᑎᑕᐅᔭᕇᕐᓯᒪᕗᓯ ᖃᓄᖅ ᐱᔭᕆᐊᖃᕐᒪᖔᑦᓯ ᑖᑦᓱᒧᖓ, ᑐᓐᖓᓱᒃᑎᑦᓱᒫᕐᐸᓯ ᐃᓕᑦᓯᓐᓄᑦ ᑎᑭᑉᐸᑦ.) 11ᔩᓱᓯᐅᓪᓗ ᔭᔅᑕᓯᒥᒃ ᑍᔭᐅᔫᑉ, ᑕᕝᕙᐅᕗᑏᕐᐹᓯ ᑖᒃᑯᐊᑐᐊᑦ ᔫᑎᐅᕗᑦ ᐱᓇᓱᐊᖃᑎᓐᓂ ᒎᑎᐅᑉ ᐊᑕᓂᐅᕕᖓᓄᑦ, ᐅᕙᓐᓂᒡᓗ ᐃᑲᔪᒻᒪᕆᒃᓯᒪᕗᑦ.
12 #
ᑯᓘᓯ 1:7; ᐰᓕᒨ 1:23. ᐃᐸᐳᕌᓯᐅᑉ ᑕᕝᕙᐅᕗᑏᕆᕚᓯ, ᐃᓕᑦᓯᓐᓂᑦᑕᐅᖅ ᐱᓯᒪᔫᑉ, ᙭ᔅᑑᓯᐅᑉ ᔩᓱᓯᐅᑉ ᐱᔨᖓᑕ, ᑖᓐᓇ ᑍᒪᓐᖓᑦ ᐊᒃᓱᕈᕐᓗᓂ ᐃᓕᑦᓯᓐᓂᒃ ᑐᒃᓯᐅᑦᔨᖃᑦᑕᕐᐳᖅ, ᓇᖏᕈᓐᓇᕐᑎᑕᐅᖁᓪᓗᓯ ᐊᐅᓚᖏᓪᓗᓯ ᐱᕈᕇᑦᓯᐊᖁᓪᓗᓯᓗ ᖁᓚᕐᓂᖃᖏᑦᓯᐊᕐᓗᓯ ᒎᑎᐅᑉ ᐱᔪᒪᔭᖓᓂᒃ ᓈᓚᑦᓯᐊᕐᓗᓯ. 13ᑖᓐᓇ ᓇᓗᓁᔭᕈᑎᒋᕙᕋ ᐃᓕᑦᓯᓐᓄᑦ ᐱᓇᓱᐊᕐᒪᑦ ᐊᒃᓱᕈᕐᓗᓂ ᓚᐅᑏᓯᐊᒦᑦᑐᓄᓪᓗ ᕼᐂᕋᐴᓕᓯᒦᑦᑐᓄᓪᓗ. 14#2 ᑎᒧᑎ 4:11; ᐰᓕᒨ 1:24; 2 ᑎᒧᑎ 4:10; ᐰᓕᒨ 1:24.ᐃᓚᓐᓇᕆᔭᑦᑕ ᓘᑲᓯᐅᑉ ᐋᓐᓂᐊᓯᐅᕐᑎᒻᒪᕆᐅᔫᑉ ᑏᒪᓯᐅᓪᓗ ᑕᕝᕙᐅᕗᑏᕐᐹᓯ.
15ᐅᒃᐱᕐᑑᖃᑎᒌᑦ ᓚᐅᑏᓯᐊᒥᐅᑦ ᑕᕝᕙᐅᕗᑏᕐᐸᕗᑦ, ᓂᒻᐸᓗ ᐅᒃᐱᕐᑑᖃᑎᒌᓪᓗ ᑖᑦᓱᒪ ᐊᕐᓇᐅᑉ ᓂᒻᐸᐅᑉ ᐃᒡᓗᖓᓂ ᑲᑎᒪᕙᒃᑐᑦ ᑕᕝᕙᐅᕗᑏᕐᐸᕗᑦ. 16ᑖᒃᑯᐊ ᑎᑎᕋᕐᑕᕗᑦ ᐅᖃᓕᒫᕇᕈᑦᓯᐅᒃ, ᐅᖃᓕᒫᕐᑕᐅᑎᑦᓱᒫᕆᕙᓯ ᐅᒃᐱᕐᑑᖃᑎᒌᓄᑦ ᓚᐅᑏᓯᐊᒥᐅᓄᑦ. ᐃᓕᑦᓯᓗᑦᑕᐅᖅ ᑎᑎᖅᑲᑦ ᓚᐅᑏᓯᐊᒧᐊᕐᑐᑦ ᐅᖃᓕᒫᕈᒫᕆᕙᓯ. 17#ᐰᓕᒨ 1:2.ᐋᑭᐸᓯ ᐅᖃᐅᑎᓯᐅᒃ, “ᐱᔭᕇᑦᓯᐊᕋᓱᖕᓂᐊᕐᐸᑦ ᐱᓇᓱᐊᒐᒃᓴᖅ ᐱᔭᒃᓴᕐᑖᕆᓚᐅᕐᑍᑦ ᐊᑕᓂᕐᒥᑦ.”
18ᐅᕙᖓ, ᐸᐅᓗᓯ ᓇᖕᒥᓂᖅ ᐅᓇ ᐊᒡᒐᓐᓄᑦ ᑎᑎᕋᕐᑕᕋ. ᑕᕝᕙᐅᕗᓯ ᐸᐅᓗᓯᒥᑦ. ᐊᑦᓱᖏᕐᑕᐅᓯᒪᓂᕋ ᐳᐃᒍᕐᑍᓕᓯᐅᒃ.
ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᐃᓚᒋᓕᓯ.
Currently Selected:
ᑯᓘᓯᐊᒥᐅᓄᑦ 4: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
