ᑯᓘᓯᐊᒥᐅᓄᑦ 3
3
1 #
ᐃᓐᖏᕈᑦ 110:1. ᑕᕝᕙ ᙭ᔅᑑᓯ ᒪᑭᖃᑎᒋᓯᒪᒍᑦᓯᐅᒃ, ᐹᓃᑦᑐᓂᒃ ᐃᓱᒪᖃᕆᑦᓯ, ᙭ᔅᑑᓯ ᑕᑉᐹᓃᒻᒪᑦ, ᒎᑎᐅᑉ ᑕᓕᕐᐱᐊᓂ ᐃᒃᓯᕙᓪᓗᓂ. 2ᐹᓃᑦᑐᑦ ᐱᓇᓱᐊᕐᓯᒋᑦ, ᓄᓇᒦᑦᑐᑦ ᐱᓇᒋᑦ. 3ᑐᖁᓯᒪᒐᑦᓯ, ᐃᓅᓯᓯᓗ ᙭ᔅᑑᓯ ᐃᓚᒋᓗᒍ ᐃᔨᕐᓯᒪᕗᑦ ᒎᑎᒥ. 4᙭ᔅᑑᓯᓕ ᐃᓅᑦᔪᑎᒋᔭᓯ ᓴᖅᑭᑉᐸᑦ, ᐃᓕᑦᓯᑦᑕᐅᖅ ᓴᖅᑭᖃᑎᒋᔪᒫᕐᐸᓯ ᐱᓐᓇᕐᓇᕐᑐᕐᔪᐊᕐᒥᒃ ᐱᖃᖃᑎᒋᓗᒍ.
ᐃᓅᓯᑐᖃᖅ ᐃᓅᓯᕐᓗ ᓄᑖᖅ
5ᑍᒤᒻᒪᑦ ᓯᓚᕐᔪᐊᕐᒥᐅᑦ ᐱᔪᒪᕕᒡᔪᐊᕐᓂᖏᑦ ᐃᓕᑦᓯᓐᓃᑦᑐᑦ ᑐᖁᓕᕐᓯᒋᒃ ᒪᑯᐊ: ᓄᓕᐊᕐᓃᑦ, ᐃᑦᔪᕐᓇᕐᑐᓕᓃᑦ, ᐃᒃᓯᒎᕐᓃᑦ, ᐱᐅᖏᑦᑐᒥᒃ ᐱᔪᒪᕕᒡᔪᐊᕐᓃᑦ, ᐱᖃᕈᒪᓗᐊᕐᓃᓪᓗ, ᑕᒪᒃᑯᐊ ᒎᑎᐅᑉ ᐊᓯᐊᓂᒃ ᒎᑎᖃᕐᓂᐅᖕᒪᑕ. 6ᑕᒪᒃᑯᐊ ᐱᓪᓗᒋᑦ ᒎᑎᐅᑉ ᓂᓐᖓᐅᓯᖓ ᑎᑭᑦᓱᒫᕐᒪᑦ ᒎᑎᒥᒃ ᓈᓚᖏᑦᑐᓄᑦ. 7ᑍᒫᒃᑕᐅᖅ ᑕᒪᒃᑯᐊ ᐱᔪᒪᕕᒡᔪᐊᕐᓃᑦ ᐊᑐᕐᓗᒋᑦ ᐃᓅᕙᓚᐅᕆᕗᓯ, ᑍᑦᓱᒪᓂ ᑍᒫᒃ ᐃᓅᑎᓪᓗᓯ.
8ᒫᓐᓇᓕ ᒪᑯᐊ ᑕᒪᕐᒥᒃ ᐊᑐᕆᐊᖃᕈᓐᓃᕐᐸᓯ: ᓂᓐᖓᖕᓂᖅ, ᓂᓐᖓᕕᒡᔪᐊᕐᓂᖅ, ᐆᒥᓱᖕᓂᖅ, ᐅᖃᕐᓂᕐᓘᑎᖃᕐᓂᖅ, ᐅᖃᐅᓯᕐᓗᒡᓂᒡᓗ ᖃᓂᑦᓯᓐᓂᑦ ᐊᓂᔪᖃᕐᑍᓕᓕᕐᓕ. 9#ᐃᐱᓯ 4:22.ᐃᓕᑦᓯᓐᓄᑦ ᓴᒡᓗᖃᑦᑕᐅᑎᓂᐊᕋᓯ, ᐃᓅᓯᑐᖃᓯ ᐃᓕᖅᑯᓯᖏᓪᓗ ᖁᔭᓈᕐᓯᒪᓕᕋᑦᓯᐅᒃ, 10#ᐃᐱᓯ 4:24; ᒨᓯᓯ ᓯᕗᓪᓖᑦ 1:26.ᐃᓅᓯᕐᒥᒡᓗ ᓄᑖᒥᒃ ᐊᑎᓯᓯᒪᓕᕋᑦᓯ, ᑕᒪᓐᓇᓗ ᓄᑖᓐᖑᕐᑎᑕᐅᕙᓪᓕᐊᕗᖅ ᖃᐅᔨᕙᓪᓕᐊᓂᒃᑯᑦ ᒎᑎ ᐱᓐᖑᕐᑎᑦᓯᔨᓂ ᐊᑦᔨᒋᓗᒍ. 11ᑕᕝᕙᓂ ᐃᓅᓯᕐᒥ ᓄᑖᒥ ᒍᕇᑭᑕᖃᓐᖏᓚᖅ ᔫᑎᑕᖃᕋᓂᓗ, ᑭᐱᓯᒪᔪᖃᓐᖏᓚᖅ ᑭᐱᓯᒪᖏᑦᑐᖃᕋᓂᓗ, ᐅᖓᓯᕐᑐᒥᐅᑕᖃᕋᓂᓗ ᐋᓪᓚᑕᖃᕋᓂᓗ,#3:11 ᑕᑯᒋᐅᕐᓇᕐᑐᖃᕋᓂᓗ ᓂᐅᕕᐊᖑᓯᒪᓂᒃᑯᓪᓗ ᐱᔨᑕᖃᕋᓂ, ᐱᔨᐅᖏᕐᑐᖃᕋᓂᓗ, ᙭ᔅᑑᓯᓕ ᑕᒤᓐᓅᕐᐳᖅ, ᑕᒤᓐᓃᓪᓗᓂᓗ.
12 #
ᐃᐱᓯ 4:2. ᑍᒤᒻᒪᑦ ᐊᓐᓄᕌᕐᓯᒪᓕᕆᑦᓯ ᒎᑎᐅᑉ ᓂᕈᐊᕐᓯᒪᔭᖏᑎᑐᑦ, ᐃᑦᔪᕐᓁᑦᑐᑎᑐᑦ, ᓇᒡᓕᒋᔭᐅᔪᑎᑐᓪᓗ, ᐊᓐᓄᕌᕐᓯᒪᓗᓯ ᓇᒡᓕᖕᓂᕐᒥᒃ, ᐱᑦᓯᐊᕐᓂᕐᒥᒃ, ᒥᑭᒡᓕᑎᕐᓯᒪᓂᕐᒥᒃ, ᐱᐅᔪᕆᖏᓐᓂᕐᒥᒃ, ᕿᓄᐃᓵᕐᓂᕐᒥᒡᓗ. 13#ᐃᐱᓯ 4:32.ᐃᓕᑦᓯᓐᓄᑦ ᐃᑲᔪᕐᑐᖃᑦᑕᐅᑎᓗᓯ, ᓱᓇᒥᒡᓗ ᓈᒻᒪᒃᓴᖏᑦᔪᑎᖃᕐᑐᖃᕐᐸᑦ ᓇᓕᑦᓯᓐᓄᑦ, ᐃᓱᒪᒋᔪᓐᓁᖃᑎᒌᖃᑦᑕᕐᓗᓯ; ᐊᑕᓂᐅᑦᑕᐅᖅ ᐃᓱᒪᒋᔪᓐᓁᕐᕕᒋᓚᐅᕐᒪᓯ, ᑍᒫᒃᑕᐅᖅ ᐃᓱᒪᒋᔪᓐᓁᕐᓯᖃᑦᑕᕆᑦᓯ. 14ᑕᒪᒃᑯᐊᓕ ᖄᖏᑎᒍᑦ ᐊᑎᓯᓯᒪᓗᓯ ᓇᒡᓕᖕᓂᕐᒥᒃ, ᑖᓐᓇ ᑕᒤᓐᓂᒃ ᑲᑎᓐᖓᑎᑦᓯᖕᒪᑦ ᓈᒻᒪᑦᓯᐊᕐᑐᒥᒡᓗ ᐊᑕᐅᓯᐅᓂᖃᕐᑎᑦᓯᓪᓗᓂ. 15᙭ᔅᑑᓯᐅᑉ ᓮᒻᒪᕐᑎᑦᓯᓂᖓᑕ ᐆᒻᒪᑎᓯ ᐊᐅᓚᓪᓕᒋᑦ, ᕾᖁᔭᐅᓯᒪᒐᑦᓯ ᑎᒥᐅᖁᓪᓗᓯ ᐊᑕᐅᓯᕐᒥ. ᑕᒪᓐᓇᓗ ᖁᔭᓕᑦᔪᑎᒋᓯᐅᒃ. 16#ᐃᐱᓯ 5:19,20.᙭ᔅᑑᓯᐅᑉ ᐅᖃᐅᓯᖏᑦ ᐃᓗᑦᓯᓐᓂ ᐃᓂᖃᑦᓯᐊᕐᓕᑦ, ᐊᔪᕆᕐᑐᖃᑦᑕᐅᑎᓗᓯ ᐃᕾᑎᑦᓯᔨᒌᒃᓗᓯᓗ ᐃᓕᑦᓯᓐᓄᑦ ᑕᒤᑎᒍᑦ ᓯᓚᑐᓂᖃᕐᓗᓯ, ᐃᓐᖏᕐᓗᓯᓗ ᑍᕕᑎᐅᑉ ᐃᓐᖏᕈᑎᖏᓐᓄᑦ ᐱᓯᕐᓄᓪᓗ ᐊᓂᕐᓂᒃᑯᓪᓗ ᐃᓐᖏᕐᓗᓯ ᒎᑎᒧᑦ ᖁᔭᓕᓗᓯ ᐆᒻᒪᑎᑦᓯᒍᑦ. 17ᓱᓇᑐᐃᓐᓇᕐᓂᒡᓗ ᐱᓇᓱᐊᕌᖓᑦᓯ, ᐅᖃᐅᓯᒃᑯᓪᓘᓐᓃᑦ ᐱᓂᐊᕐᓂᒃᑯᓪᓘᓐᓃᑦ, ᐱᓇᓱᐊᖃᑦᑕᕆᑦᓯ ᐊᑕᓂᐅᑉ ᔩᓱᓯᐅᑉ ᐊᑎᖓᓂ, ᖁᔭᓕᓗᓯ ᒎᑎᒧᑦ ᐊᑖᑕᒧᑦ ᑖᑦᓱᒨᓇ.
ᐃᓅᑉ ᐃᓕᖅᑯᓯᕆᔭᕆᐊᖃᕐᑕᖏᑦ ᐃᓅᓯᕐᒥ ᓄᑖᒥ
18 #
ᐃᐱᓯ 5:22; 1 ᐲᑦᑐᕉᓯ 3:1. ᓄᓕᐊᖑᔪᓯ, ᐅᐃᑦᓯᓐᓄᑦ ᑐᓂᓯᒪᒋᑦᓯ, ᑕᒪᓐᓇ ᑍᒫᒃ ᓈᒻᒪᓈᕐᒪᑦ ᐊᑕᓂᕐᒥ.
19 #
ᐃᐱᓯ 5:25; 1 ᐲᑦᑐᕉᓯ 3:7. ᐅᐃᖑᔪᓯ, ᓄᓕᐊᓯ ᓇᒡᓕᒋᓯᒋᒃ, ᐃᓕᕋᓇᕋᓱᐊᕐᓂᐊᕋᓯᓗ ᑖᒃᑯᓄᖓ.
20 #
ᐃᐱᓯ 6:1. ᕿᑐᕐᖓᐅᔪᓯ, ᐊᖓᔪᖅᑳᓯ ᓱᓇᓕᒫᓄᑦ ᓈᓚᒃᓯᒋᒃ, ᑕᒪᓐᓇ ᐊᑕᓂᐅᑉ ᐊᑲᐅᒋᖕᒪᒍ.
21 #
ᐃᐱᓯ 6:4. ᐊᑖᑕᐅᔪᓯ, ᕿᑐᕐᖓᓯ ᓂᓐᖓᒃᓴᕐᓂᐊᕋᓯᒋᒃ, ᓴᐱᓕᖁᓇᒋᑦ.
22 #
ᐃᐱᓯ 6:5-8. ᓂᐅᕕᕐᑕᐅᓪᓗᓯ ᐱᔨᑖᕆᔭᐅᓯᒪᔪᓯ, ᐊᖓᔪᖅᑳᓯ ᓄᓇᒦᑦᑐᑦ ᓈᓚᒃᓯᒋᒃ ᓱᓇᓕᒫᓄᑦ, ᑕᑯᓐᓇᕐᑎᓪᓗᒋᑦ ᑭᓯᐊᓂᐅᖏᑦᑐᖅ, ᐱᐅᒋᔭᐅᔪᒪᓂᑐᐃᓐᓇᕐᒨᖏᑦᑐᕐᓗ, ᓱᓕᑦᓯᐊᕐᑐᒥᒡᓕ ᐆᒻᒪᑎᑦᓯᓐᓂᑦ ᐱᔪᒧᑦ, ᐊᑕᓂᖅ ᓯᕘᕋᒋᓗᒍ. 23ᓱᓇᑐᐃᓐᓇᕐᒥᒃ ᐱᓇᓱᐊᕈᕕᑦ, ᐊᒃᓱᕈᕐᓗᑎᑦ ᐱᓇᓱᐊᖃᑦᑕᕆᑦ, ᐊᑕᓂᕐᒧᑦ ᐱᓇᓱᐊᕐᑐᑎᑐᑦ ᐃᓄᖕᓅᖏᑦᑐᖅ. 24ᖃᐅᔨᒪᒐᑦᓯ ᐊᑕᓂᕐᒥᑦ ᐊᑭᓕᕐᑕᐅᔪᒫᕋᑦᓯ ᑭᖑᕐᖑᑎᔭᒃᓴᐅᑎᑕᖓᓂᒃ ᐊᑭᓕᕐᑕᐅᓗᓯ; ᐊᑕᓂᖅ ᙭ᔅᑑᓯ ᐱᔨᑦᓯᕋᑦᓯᐅᒃ. 25#ᒨᓯᓯ ᑕᓪᓕᒪᖏᑦ 10:17; ᐃᐱᓯ 6:9.ᐱᐅᖏᑦᑐᓕᔪᕐᓕ ᐊᑭᓕᕐᑕᐅᔪᒫᕐᐳᖅ ᐱᐅᖏᑦᑐᓕᓯᒪᓂᖓ ᒪᓕᒡᓗᒍ, ᐃᓅᑉ ᑭᓇᐅᑦᔪᓯᖓ ᑲᒪᒋᔭᐅᖏᒻᒪᑦ.
Currently Selected:
ᑯᓘᓯᐊᒥᐅᓄᑦ 3: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
