ᑎᓴᓗᓁᑲᒥᐅᓄᑦ ᓯᕗᓪᓖᑦ 1
1
1 #
ᐋᐴᓯᑕᓖᑦ 17:1. ᐸᐅᓗᓯᒥᑦ, ᓯᓪᕙᓅᓯᒥᓪᓗ, ᑎᒧᑎᒥᓪᓗ,
ᐅᒃᐱᕐᑑᖃᑎᒌᓄᑦ ᑎᓴᓗᓁᑲᒥᐅᓄᑦ, ᒎᑎ ᐊᑖᑕᒥ ᐊᑕᓂᕐᒥᓗ ᔩᓱᓯ ᙭ᔅᑑᓯᒥ:
ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᓮᓕᓇᕐᑑᓪᓗ ᐃᓚᒋᓕᓯ.
ᑎᓴᓗᓁᑲᒥᐅᑦ ᐃᓅᓯᖏᑕ ᐅᒃᐱᕐᓂᒦᓂᖏᑦ
2ᑍᒪᓐᖓᑦ ᒎᑎ ᖁᔭᒋᕙᒃᐸᕗᑦ ᑕᒪᑦᓯ ᐱᑦᔪᑎᒋᓪᓗᓯ, ᑐᒃᓯᐊᓕᕌᖓᑦᑕᓗ ᑍᒪᓐᖓᑦ ᑐᒃᓯᐅᑎᖃᑦᑕᕐᐸᑦᓯ. 3ᐃᖅᑲᐅᒪᒐᑦᑕ ᒎᑎᑦᑕ ᐊᑖᑕᑦᑕᓗ ᓵᖓᓂ ᐅᒃᐱᕐᓂᖃᕐᓗᓯ ᐱᓂᐊᕐᓂᑦᓯᒍᑦ ᓴᖅᑭᑎᑕᐅᖕᒪᑦ ᓇᒡᓕᖕᓂᕐᒧᓪᓗ ᐊᒃᓱᕈᕐᓗᓯ ᐱᓇᓱᐊᕐᓂᑦᓯᓐᓂᒃ, ᓂᕆᐅᖕᓂᓯᓗ ᓱᕐᕋᔪᐃᑦᑑᓂᖓ ᐊᑕᓂᑦᑎᓐᓂᒃ ᔩᓱᓯ ᙭ᔅᑑᓯᒥ. 4ᐅᒃᐱᕐᑑᖃᑎᕗᑦ, ᖃᐅᔨᒪᒐᑦᑕ ᒎᑎᐅᑉ ᓇᒡᓕᒋᖕᒪᓯ, ᑖᑦᓱᒪᓗ ᓂᕈᐊᕐᓯᒪᖕᒪᓯ; 5ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐃᓕᑦᓯᓐᓄᑦ ᐅᖃᐅᓯᖃᓚᐅᕋᑦᑕ ᐅᖃᐅᓯᑐᐃᓐᓇᕐᑎᒎᖏᑦᑐᖅ, ᐊᓂᕐᓂᐅᓪᓕ ᐃᑦᔪᕐᓁᑦᑑᑉ ᐱᔪᓐᓇᕐᓂᖓᒍᑦ, ᓱᓕᓂᖓᓗ ᓴᖅᑭᑎᑕᐅᑦᓯᐊᕐᓗᓂ. ᖃᐅᔨᒪᕗᓯ ᖃᓄᖅ ᐃᓅᓯᖃᓚᐅᕐᒪᖔᑦᑕ ᐃᓕᑦᓯᓐᓃᑦᑎᓪᓗᑕ ᐱᕙᓪᓕᕐᑎᑕᐅᖁᓪᓗᓯ. 6#ᐋᐴᓯᑕᓖᑦ 17:5-9.ᐅᕙᑦᑎᓐᓂᒃ ᒪᓕᒃᑎᐅᓕᓚᐅᕐᐳᓯ ᐊᑕᓂᕐᒥᒡᓗ; ᐊᖏᔪᒥᒃ ᐅᖁᒤᒃᓴᕐᑎᑕᐅᒐᓗᐊᕐᑎᓪᓗᓯ, ᐅᖃᐅᓰᑦ ᐃᓚᓕᐅᓚᐅᕋᑦᓯᐅᒃ ᖁᕕᐊᓱᒃᑎᑦᑕᐅᓪᓗᓯ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ; 7ᑍᒤᒻᒪᑦ ᒪᓕᒐᒃᓴᐅᓕᕐᐳᓯ ᐅᒃᐱᕐᑑᖃᑎᒌᓕᒫᓄᑦ ᑕᒤᓐᓄᑦ ᒫᓯᑑᓂᐊᒦᑦᑐᓄᑦ ᐊᑬᐊᒦᑦᑐᓄᓪᓗ. 8ᐊᑕᓂᕐᒥᒡᓕ ᐅᖃᐅᓯᖃᕐᓂᓯ ᑐᓴᐅᒪᔭᐅᓕᕐᐳᖅ ᒫᓯᑑᓂᐊᓕᒫᒥ ᐊᑬᐊᓕᒫᒥᓗ, ᑖᒃᑯᑑᓐᖏᓚᓪᓕ, ᒎᑎᒧᓪᓕᑦᑕᐅᖅ ᐅᒃᐱᕐᓂᑦᓯ ᑕᒤᓐᓄᑦ ᑐᓴᐅᒪᔭᐅᓕᕐᐳᖅ, ᑕᒪᑐᒥᖓᓗ ᐅᖃᒃᑲᓐᓂᕆᐊᖃᓐᖏᓚᒍᑦ. 9ᐃᓄᓕᒫᑦ ᐃᓕᑦᓯᓐᓂᒃ ᐅᓐᓂᕐᓯᐅᑎᖃᕐᒪᑕ ᐅᕙᑦᑎᓐᓂᒃ ᑐᓐᖓᓱᒃᑎᑦᓯᓂᕆᓚᐅᕐᑕᑦᓯᓐᓂᒃ ᑎᑭᑎᓪᓗᑕ, ᖃᓄᕐᓗ ᒎᑎᓐᖑᐊᖃᕐᓂᒥᒃ ᕿᒤᓪᓗᓯ ᒎᑎᒧᑦ ᓵᒋᐊᓚᐅᕐᓂᑦᓯᓐᓂᒃ, ᒎᑎ ᓱᓕᔪᑐᐊᖅ ᐱᔨᑦᓯᓕᕐᓗᒍ. 10ᐃᕐᓂᖓᓗ ᓂᕆᐅᒋᓪᓗᒍ ᕿᓚᖕᒥᑦ, ᑖᓐᓇ ᑐᖁᖓᔪᓂᑦ ᒪᑭᑎᓚᐅᕐᑕᖓ, ᔩᓱᓯ ᓴᐳᑦᔨᔨᒋᔭᕗᑦ ᒎᑎᐅᑉ ᓂᓐᖓᐅᓯᖓᓂᑦ ᑎᑭᑦᓱᒫᕐᑐᒥᑦ.
Currently Selected:
ᑎᓴᓗᓁᑲᒥᐅᓄᑦ ᓯᕗᓪᓖᑦ 1: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
