ᑯᓘᓯᐊᒥᐅᓄᑦ 2
2
1ᖃᐅᔨᒪᖁᕙᑦᓯ ᐱᔭᕐᓂᖏᑦᑐᒃᑰᕈᑎᒋᓚᐅᕋᑦᓯ, ᓚᐅᑏᓯᐊᒥᐅᓪᓗ ᐱᖃᑕᐅᓪᓗᑎᒃ, ᑍᒃᑯᐊᓗ ᐅᕙᓐᓂᒃ ᑕᑯᓚᐅᕐᓯᒪᖏᑦᑐᑦ. 2ᑍᒤᓕᐅᕐᐳᖓ ᐆᒻᒪᑎᖏᑦ ᖃᔪᖏᕐᑎᑕᐅᖁᓪᓗᒋᑦ ᑲᑎᑦᓯᐊᖁᓪᓗᒋᓪᓗ ᓇᒡᓕᖕᓂᒃᑯᑦ, ᐊᔪᕐᓴᖏᑦᓯᐊᖁᓪᓗᒋᑦ ᑐᑭᓯᑦᓯᐊᕐᓂᕐᒥᒃ ᖃᐅᔨᖁᓪᓗᒋᓪᓗ ᒎᑎᐅᑉ ᓇᓗᓇᕐᓂᖓᓂᒃ, ᙭ᔅᑑᓯᒥᒡᓗ. 3ᑖᓐᓇᑐᐊᖅ ᒪᑐᐃᕐᓯᔪᓐᓇᕐᒪᑦ ᑕᒤᓐᓂᒃ ᐃᔨᕐᓯᒪᔪᓂᒃ ᓯᓚᑐᓂᕐᒥᒃ ᖃᐅᔨᒪᓂᕐᒥᒡᓗ.
4ᐅᖃᐅᑎᕙᑦᓯ ᑭᓇᒧᓪᓘᓐᓃᑦ ᓯᓔᕐᕆᔭᐅᖁᓇᓯ ᐅᖃᐅᓯᕐᓄᑦ ᑲᔪᖏᕐᓮᔪᓄᑦ, ᓱᓕᔫᔮᕋᓗᐊᕐᐸᑕ. 5ᑎᒥᒃᑯᑦ ᐊᕕᓯᒪᒐᓗᐊᕐᓗᓯ, ᐊᓂᕐᓂᒃᑯᓪᓕ ᓇᔪᕐᐸᑦᓯ, ᖁᕕᐊᓱᒡᓗᖓ ᖃᐅᔨᒐᒪ ᓱᖁᓯᓚᐅᖏᓐᓂᑦᓯᓐᓂᒃ ᑲᔪᓯᑦᓯᐊᕐᓂᑦᓯᓐᓂᒡᓗ ᐅᒃᐱᕐᓂᑦᓯᒍᑦ ᙭ᔅᑑᓯᒥ.
ᐃᓗᐃᑦᑐᒥᒃ ᐃᓅᓯᖃᕐᓂ ᙭ᔅᑑᓯᒥ
6᙭ᔅᑑᓯ ᔩᓱᓯᒥᒃ ᐃᓚᓕᐅᕆᓯᒪᓕᕋᑦᓯ ᐊᑕᓂᕆᔪᒪᓕᕐᓗᒍ, ᑍᒤᒻᒪᑦ ᐃᓅᔪᒃᓴᐅᓕᕐᐳᓯ ᑖᑦᓱᒪᓃᓪᓗᓯ, 7ᐊᒫᖃᑦᓯᐊᓕᕆᑦᓯ ᑖᑦᓱᒪᓂ, ᐃᓅᓯᓯᓗ ᑖᑦᓱᒪᓂ ᐋᖅᑭᒃᓱᓕᕐᓯᐅᒃ, ᐅᒃᐱᕐᓂᑦᓯ ᓴᓐᖏᒃᑎᑉᐸᓪᓕᐊᑎᓪᓗᒍ ᑖᑦᓱᒪᓂ, ᑍᒫᒃ ᐃᓕᓐᓂᐊᕐᑎᑕᐅᓚᐅᕋᑦᓯ, ᐊᖏᔪᒥᒡᓗ ᖁᔭᓕᓂᖃᓕᕆᑦᓯ.
8ᖃᐅᔨᓴᕆᑦᓯ ᑭᓇᒧᓪᓘᓐᓃᑦ ᐊᔪᓕᕐᕕᒋᓂᐊᕐᑕᑦᓯᓐᓄᑦ ᐱᑎᑕᐅᑦᑍᓕᓗᓯ ᑐᑭᖃᖏᑦᑐᓄᑦ ᐃᓄᐃᑦ ᓯᓚᑐᓂᖏᑕ ᐋᖅᑭᒃᑕᖏᓐᓄᑦ, ᐃᓄᑐᐃᓐᓁᑦ ᐃᓕᖅᑯᓯᖏᓐᓄᑦ, ᐊᓂᕐᓂᐅᔪᓄᑦ ᓯᓚᕐᔪᐊᕐᒥ ᐊᐅᓚᑕᐅᓯᒪᔪᓄᑦ, ᙭ᔅᑑᓯᒥᓐᖔᖏᑦᑐᓄᑦ. 9ᒎᑎᐅᑉ ᐃᓕᖅᑯᓯᖓ ᑕᒪᒃᑭᑦᓯᐊᕐᓗᓂ#2:9 ᓱᓇᒥᑦᓯᐊᕐᑕᓂ ᙭ᔅᑑᓯᒦᒻᒪᑦ ᑎᒥᖃᕐᓗᓂ. 10ᐃᓅᓯᕐᒥᒡᓗ ᓈᒻᒪᒃᓯᑦᓯᐊᕐᑐᒥᒃ ᐱᑎᑕᐅᓯᒪᕗᓯ ᙭ᔅᑑᓯᒥ, ᑖᓐᓇ ᓂᐊᖁᕆᔭᐅᖕᒪᑦ ᑕᒤᓐᓄᑦ ᐱᔪᓐᓇᕐᓂᕐᓄᑦ ᐊᖓᔪᖅᑲᐅᓂᕐᓄᓪᓗ.
11ᑖᑦᓱᒪᓂᑦᑕᐅᖅ ᑭᐱᔭᐅᓯᒪᕗᓯ ᐃᓄᐃᑦ ᐊᒡᒐᖏᓐᓅᖏᑦᑐᖅ, ᙭ᔅᑑᓯᐅᑉ ᑭᐱᓯᒪᕚᓯ ᑎᒥᐅᑉ ᐱᔪᒪᔭᖓᓂᑦ ᐊᔪᕐᓂᕐᒥᑦ ᕿᓚᕈᑦᔮᕐᑕᐅᓂᑦᓯᓐᓄᑦ. 12#ᕉᒪᒥᐅᓄᑦ 6:4.ᐹᑉᑎᑕᐅᑎᓪᓗᓯ ᙭ᔅᑑᓯ ᐃᓗᕕᕐᑕᐅᖃᑎᒋᒐᑦᓯᐅᒃ, ᒪᑭᖃᑎᒋᓚᐅᕐᐸᓯᓗ ᐅᒃᐱᕐᓂᑯᑦ ᒎᑎᐅᑉ ᐱᔪᓐᓇᕐᓂᖓᒍᑦ, ᑖᑦᓱᒥᖓ ᒪᑭᑎᑦᓯᓚᐅᕐᑐᒃᑯᑦ ᑐᖁᖓᔪᓂᑦ. 13#ᐃᐱᓯ 2:1-5.ᒪᑐᒪ ᓯᕗᓂᖓᒍᑦ ᐅᒃᐱᕐᓂᑦᓯᒍᑦ ᑐᖁᖓᓚᐅᕐᑐᓯ ᐊᔪᕐᓂᑦᓯᓐᓄᑦ ᑭᐱᔭᐅᓯᒪᖏᓐᓂᑦᓯᓐᓄᓪᓗ, ᒎᑎᐅᓪᓕ ᐃᓅᓯᕐᑖᕐᑎᓚᐅᕐᐹᓯ ᙭ᔅᑑᓯᒃᑯᑦ, ᐃᓱᒪᒋᔪᓐᓁᕐᕕᒋᓪᓗᑕᓗ ᐊᔪᕐᑐᓕᓂᑦᑎᓐᓂᑦ ᑕᒤᓐᓂᑦ. 14#ᐃᐱᓯ 2:15.ᐃᖅᑲᕐᑐᕐᑕᐅᑦᔪᑎᒃᓴᕗᑦ ᑎᑎᕋᕐᓯᒪᓚᐅᕐᑐᑦ ᓵᑕᐅᑦᔪᑎᒃᓴᕗᑦ ᐲᓚᐅᕐᐰᑦ; ᑕᒪᕐᒥᒡᓗ ᐊᑐᕈᓐᓃᕐᑎᓪᓗᒋᑦ, ᑭᑭᐊᒃᑐᓚᐅᕐᐰᑦ ᓴᓐᓂᖓᔪᓕᖕᒧᑦ. 15ᑕᕝᕙᓂ ᐱᔪᓐᓇᕐᓃᑦ ᐊᖓᔪᖅᑲᐅᕖᓪᓗ ᐱᔪᓐᓇᕐᓃᕈᑎᓚᐅᕐᐰᑦ, ᓯᓚᕐᔪᐊᕐᒥᐅᓄᓪᓗ ᑲᓐᖑᓇᕐᓯᑎᓪᓗᒋᑦ, ᓵᓚᒋᓚᐅᕐᐰᑦ ᓴᓐᓂᖓᔪᓕᖕᒥ.
16 #
ᕉᒪᒥᐅᓄᑦ 14:1-6. ᑍᒤᒻᒪᑦ ᒪᓕᒐᓕᐅᕐᑕᐅᓂᐊᕋᓯ ᖃᓄᐃᑦᑐᓂᒃ ᐃᒥᖃᑦᑕᕆᐊᖃᕐᒪᖔᑦᓯ ᓂᕆᖃᑦᑕᕆᐊᖃᕐᒪᖔᑦᓯᓘᓐᓃ; ᐅᓪᓗᐃᓪᓗ ᓇᓪᓕᖏᑦ ᐃᑦᔪᕐᓁᑎᑕᐅᔪᒃᓴᐅᖕᒪᖔᑕ, ᑕᖅᑭᒥᓘᓐᓃᑦ ᓇᓪᓕᐊᓐᓂ ᓇᓪᓕᐅᓐᓂᕐᓯᐅᕆᐊᖃᕐᒪᖔᑦᓯ, ᓴᐸᑎᒥᓘᓐᓃᑦ ᖃᓄᐃᑦᑐᒃᓴᐅᖕᒪᖔᑦᓯ. 17ᑕᒪᒃᑯᐊ ᑕᕐᕋᑐᐃᓐᓇᐅᖕᒪᑕ ᓯᕗᓂᒃᓴᒥ ᐱᔪᒫᕐᑐᒧᑦ; ᑎᒥᑕᓪᓚᕆᖓᓕ ᙭ᔅᑑᓯᒦᑉᐳᖅ. 18ᐱᑖᕆᔭᒃᓴᑦᓯᓐᓂᑦ ᓴᖑᑎᑕᐅᑦᑍᓕᒋᑦᓯ, ᐊᑦᔨᐅᖏᑦᑐᓂᒃ ᑕᑯᑎᑕᐅᓯᒪᓂᕋᕐᑐᓄᑦ ᐂᖏᓕᓂᒡᓗ ᑐᒃᓯᐊᕐᕕᖃᕐᐸᒃᑐᓄᑦ, ᑕᑯᑎᑕᐅᓯᒪᓂᕐᒥᒃ ᑐᓐᖓᕕᖃᕐᑐᓄᑦ, ᑍᒤᑦᑐᑦ ᐱᐅᔪᕆᕗᑦ ᐱᐅᔪᕆᑦᔪᑎᒃᓴᖃᕋᑎᒃ ᐃᓱᒪᑐᐃᓐᓇᕐᒥᖕᓂᒡᓗ ᐋᖅᑮᕙᒃᓗᑎᒃ. 19#ᐃᐱᓯ 4:16.ᑖᒃᑯᐊ ᓂᐊᖁᕐᒥᒃ ᓴᒃᑯᐃᓯᒪᕗᑦ, ᑕᕝᕙᓐᖓᑦ ᑎᒥᓕᒫᖅ ᓂᕆᑎᑕᐅᖕᒪᑦ ᑲᑎᓐᖓᑎᑕᐅᓪᓗᓂᓗ ᓇᒡᒍᐊᓄᑦ ᓄᑭᖕᓄᓪᓗ, ᐱᕈᕐᐸᓪᓕᐊᕗᕐᓗ ᒎᑎᐅᑉ ᐱᕈᕐᐸᓪᓕᐊᕕᐅᖁᔭᖓᓄᑦ.
᙭ᔅᑑᓯᒥᒃ ᑐᖁᖃᑎᖃᕐᓂᖅ ᒪᑭᖃᑎᖃᕐᓂᕐᓗ
20᙭ᔅᑑᓯ ᑐᖁᖃᑎᒋᓯᒪᒐᑦᓯᐅᒃ ᓯᓚᕐᔪᐊᓪᓗ ᐱᔪᓐᓇᕐᓂᖏᓐᓂᑦ ᕿᓚᕈᑦᔮᕐᑕᐅᓯᒪᓕᕐᓗᓯ, ᓱᖕᒪᓪᓕ ᓱᓕ ᓯᓚᕐᔪᐊᕐᒥᐅᑎᑐᑦ ᐃᓅᓯᖃᕋᓱᐊᕐᐱᓰ ᓱᖕᒪᓪᓗ ᒪᓕᓕᕐᐱᓰ ᒪᑯᓂᖓ ᐱᖁᔭᓂᒃ ᐃᒤᓕᔪᓂᒃ, 21“ᐅᓇ ᑎᒍᒥᐊᕐᑍᓕᓯᐅᒃ,” “ᐅᓇ ᐆᒃᑐᕐᓂᐊᕐᓇᒍ,” “ᐅᓇ ᐊᒃᑐᕐᑍᓕᓯᐅᒃ”? 22ᑕᒪᒃᑯᐊ ᐊᑑᑎᖃᕈᓐᓃᕐᓂᐊᕐᐳᑦ, ᐊᑐᕐᑕᐅᔭᕇᑐᐊᕈᑎᒃ ᐃᓄᑐᐃᓐᓇᕐᓄᑦ ᐱᖁᔭᓕᐊᖑᓯᒪᖕᒪᑕ ᐊᔪᕆᕐᑑᑎᒋᔭᐅᓪᓗᑎᒡᓗ. 23ᑕᒪᒃᑯᐊ ᓯᓚᑐᓂᕐᒧᑦ ᐱᓯᒪᔫᔭᕐᒪᑕ ᑐᒃᓯᐊᖃᑦᑕᕐᓗᑎᒡᓗ ᓇᖕᒥᓂᖅ ᐋᖅᑭᒃᓯᒪᔭᒥᖕᓂᒃ, ᓱᓕᓇᑎᒡᓗ ᒥᑭᒡᓕᑎᕐᓯᒪᔫᔮᕐᐳᑦ, ᑎᒥᒥᒡᓗ ᐊᒃᓱᕈᕐᑎᑦᓯᒻᒪᕆᒃᓗᑎᒃ; ᐱᓪᓚᕆᖕᒥᒡᓕ ᐱᓯᒪᓐᖏᓚᑦ ᑎᒥᐅᓪᓗ ᐱᔪᒪᓂᕐᔪᐊᖏᓐᓂᒃ ᓄᖅᑲᖓᑎᑦᓯᔪᓐᓇᕋᑎᒃ.
Currently Selected:
ᑯᓘᓯᐊᒥᐅᓄᑦ 2: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
