ᐂᒨᓯᐅᑉ ᐊᒡᓚᖏᑦ 6
6
ᐃᓴᕆᐊᓕᒥᐅᑦ ᐊᓯᕈᕐᑕᐅᓂᖓ
1ᑲᑉᐱᐊᓇᒦᒃ ᐃᓕᑦᓯ ᐊᒃᓱᕈᕐᓇᖏᑦᑐᒥ ᐃᓅᔪᓯ ᓮᐅᓂᒥ, ᑕᑎᖃᕐᑐᓪᓗ ᓴᒥᐊᕆᐊᑉ ᖃᖅᑲᖓᓂᒃ, ᓯᕗᓕᕐᑎᐅᔪᓯᓗ ᐅᐱᒋᔭᐅᓪᓗᓯ ᐃᓅᖃᑎᒌᒡᔪᐊᓂ ᐊᔪᖏᑦᑐᕐᔪᐊᓂ, ᐃᓴᕆᐊᓕᐅᑉ ᑭᖑᕚᖏᓐᓄᑦ ᑕᑎᒋᔭᐅᕙᒃᑐᓯ! 2ᐂᓕᕆᑦᓯ ᐃᒡᓗᒐᓴᖕᓄᑦ ᑳᓪᓂᒧᑦ ᑕᑯᓗᓯᐅᒡᓗ, ᑍᑲᓐᖓᓪᓗ ᐃᒡᓗᒐᓴᒡᔪᐊᓄᑦ ᕼᐊᒫᑎᒧᑦ; ᑕᐅᓄᖓᓗ ᐃᒡᓗᒐᓴᖕᓄᑦ ᒑᑎᒧᑦ ᐱᓕᔅᑍᓂᒥᐅᓄᑦ. ᐊᖓᔪᖅᑲᐅᕕᖏᑦ ᐱᐅᓂᕐᓴᐅᕚ ᐊᖓᔪᖅᑲᐅᕕᑦᓯᓐᓂᑦ? ᓄᓇᖁᑎᖏᓪᓗ ᐊᖏᓂᕐᓴᐅᕚᑦ ᓄᓇᖁᑎᑦᓯᓃᑦ? 3ᑲᑉᐱᐊᓐᓇᒦᖑᔪᓯ ᐅᓪᓗᕐᒥᒃ ᓱᒋᐊᕐᑕᐅᕕᖕᒥᒃ ᐅᖓᓯᖕᓂᕅᔪᓯ, ᖃᒡᓕᒋᐊᕐᑎᑦᓯᒐᑦᓯ ᑲᑉᐱᐊᓇᕐᑐᒥᒃ. 4ᑲᑉᐱᐊᓐᓇᒦᒃ ᐃᓕᑦᓯ ᐃᓐᓇᖓᕙᒃᑐᓯ ᐃᒡᓕᕐᓂ ᑑᒑᕐᓂᒃ ᐱᐅᓴᐅᑎᓕᖕᓂ, ᐃᒃᓯᕙᐅᑖᓗᖕᓂᓗ ᐊᑭᑐᔪᓂ ᓇᓚᕈᕐᐸᒃᑐᓯ, ᓰᐱᖁᑎᑦᓯᓗ ᓄᕐᕋᖏᓐᓂᒃ ᓂᕆᕙᒃᑐᓯ, ᐃᒻᒧᒃᓯᐅᒊᓪᓗ ᓄᕐᕋᖏᓐᓂᒃ ᓂᕆᕙᒃᑐᓯ ᐃᒻᒧᒃᓯᐅᒐᒃᑯᕕᑦᓯᓐᓂᑦ ᐱᔪᓂᒃ. 5ᕼᐊᕐᐱᓄᓪᓗ ᐃᓐᖏᕐᐸᒃᑐᓯ ᐊᑑᑎᖃᖏᑦᑐᓂᒃ, ᑍᕕᑎᑐᓪᓗ ᐃᓐᖏᐅᑎᓕᐅᕐᓗᓯ ᓄᑖᓂᒃ; 6ᕔᓂᒥᒃ ᐃᒥᕐᑐᐊᓘᕙᒃᑐᓯ ᖃᑦᑕᕐᓄᑦ, ᐅᕐᓱᕐᑎᕐᐸᒃᑐᓯᓗ ᐅᕐᓱᕐᑎᕈᑎᑦᓯᐊᕙᐅᓂᕐᐹᓄᑦ ᑎᐱᑦᓯᐊᕆᒃᑐᓄᑦ, ᕿᒃᓵᒍᑎᖃᖏᑦᑐᓯᓗ ᐃᓴᕆᐊᓕᐅᑉ#6:6 ᐃᓚᖏᓐᓂ ᐅᖃᕐᓯᒪᔪᖅ ᔫᓯᐱᐅᑉ ᐊᓯᕈᕐᑕᐅᓂᖓᓂᒃ. 7ᑍᒤᒻᒪᑦ ᑎᒍᔭᐅᓂᐊᕐᐳᓯ ᐊᐅᓪᓚᕈᑦᔭᐅᓗᓯ ᑎᒍᔭᐅᔪᓄᑦ ᓯᕗᓪᓕᕐᐸᐅᓗᓯ, ᖁᕕᐊᓱᖃᑎᒌᒡᓗᓯᓗ ᓂᕆᕕᒃᔪᐊᖃᑦᑕᕐᓂᓯ ᓄᖅᑲᕐᓂᐊᕐᐳᑦ.
8ᐊᑕᓂᖅ ᒎᑎᐅᓂᕐᒥᒍᑦ ᐊᖏᒻᒪᕆᒃᐳᖅ, ᕿᓚᖕᒥᐅᒐᓴᒃᔪᐊᑦ ᐊᑕᓂᖓ ᒎᑎ ᐅᖃᕐᐳᖅ, “ᔧᑰᑉ ᐱᐅᔪᕆᓂᖓ ᓇᕐᕈᒋᕙᕋ, ᕿᒫᕕᖏᓪᓗ ᐆᒥᒋᕙᒃᑲ, ᑍᒤᒻᒪᑦ ᐃᒡᓗᒐᓴᖓ ᐂᑦᑑᑎᒋᓂᐊᕐᐸᕋ ᑕᕝᕙᓃᑦᑐᓕᒫᓪᓗ.”
9ᑕᒪᓐᓇᓗ ᓇᓪᓕᐅᑎᔪᒫᕐᐳᖅ, ᐊᖑᑏᑦ ᖁᓖᑦ ᐃᒡᓗᒥ ᐊᑕᐅᓯᕐᒥ ᐊᒥᐊᒃᑰᒃᐸᑕ, ᑖᒃᑯᐊ ᑐᖁᔪᐃᓐᓇᐅᔪᒫᕐᐳᑦ. 10ᑐᖁᔪᓪᓗ ᐃᓚᒋᔭᖓᑦ, ᑎᒥᖏᓐᓂᒃ ᐃᑯᐊᓪᓔᓂᐊᕐᑐᖅ, ᐊᓂᑦᔨᔭᕐᑐᓕᕐᐸ ᐃᒡᓗᒥᑦ, ᐃᒡᓗᒦᑦᑐᒧᑦ ᐊᐱᕆᒃᐸᑦ, “ᓱᓕ ᑕᕝᕙᓃᑦᑐᖃᕐᐹ?”
ᑭᐅᔭᐅᓂᐊᕐᐳᖅ, “ᓄᖑᑉᐳᑦ!”
ᑕᕝᕙ ᐃᓚᒋᔭᖓ ᐅᖃᕐᓂᐊᕐᐳᖅ, “ᓂᐸᖏᕆᑦ, ᐊᑕᓂᐅᑉ ᐊᑎᖓᓂᒃ ᑍᓯᔭᕆᐊᖃᖏᓐᓇᑦᑕ.”
11ᑕᑯᒋᑦ, ᐊᑕᓂᖅ ᐱᖁᔨᓕᕐᐸᑦ, ᐃᒡᓗᕐᔪᐊᖅ ᓯᖁᑦᑎᕐᓂᐊᕐᐳᖅ, ᐃᒡᓗᕋᓛᕐᓗ ᓯᖃᓪᓕᓗᓂ. 12ᕿᒻᒥᕐᔪᐊᑦ ᐸᖓᓕᓲᖑᕚᑦ ᐅᔭᖅᑲᑎᒍᑦ? ᐊᖑᑏᑦ ᐃᒪᕕᖕᒥᒃ ᒪᒃᐱᕐᑎᕆᓲᖑᕚᑦ ᐃᒻᒧᒃᓯᐅᒐᕐᓄᑦ? ᐃᖅᑲᕐᑐᐃᑦᓯᐊᕐᓂᖅ ᑐᖁᓐᓇᕐᑐᓐᖑᕐᑎᑉᐸᓯ, ᐃᓱᐊᕐᑐᓕᓂᐅᓪᓗ ᐱᕈᕐᑐᖓ ᖁᐱᕐᕈᓐᖑᕐᑎᑉᐸᓯ ᓇᐹᕐᑐᓂᒃ ᓂᕆᓲᑎᑐᑦ.
13ᐃᓕᑦᓯ ᖁᕕᐊᓲᑎᖃᕐᑐᓯ ᓵᓚᒃᓴᕐᓂᕐᒥᒃ ᓘ-ᑎᐹᕐᒥᒃ, ᐅᖃᕐᑐᓯᓗ, “ᑳᕐᓁᒻ ᑎᒍᓚᐅᓐᖏᓚᕘᑦ ᓇᖕᒥᓂᖅ ᓴᓐᖏᓂᑦᑎᓐᓅᑦ?”
14ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᒎᑎ ᐅᖃᕐᐳᖅ, “ᑕᑯᒋᑦ, ᐃᓅᖃᑎᒋᒡᔪᐊᓂᒃ ᒪᑭᑎᑦᓯᓂᐊᕐᐳᖓ ᐃᓕᑦᓯᓐᓂᒃ ᐊᑭᕋᕐᑐᕐᓂᐊᕐᑐᓂᒃ, ᐃᓴᕆᐊᓕᒧᑦ ᑭᖑᕚᖑᔪᓯ; ᐊᒃᓱᕈᕐᑎᑦᓯᓂᐊᕐᐳᓪᓗ ᐃᓕᑦᓯᓐᓂᒃ ᕼᐊᒫᑎᐅᑉ ᐃᑎᕆᐊᕐᕕᖓᓂᑦ ᐋᕋᐸᐅᑉ ᓇᕐᓴᖓ ᑎᑭᓪᓗᒍ.”
Currently Selected:
ᐂᒨᓯᐅᑉ ᐊᒡᓚᖏᑦ 6: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
