ᐂᒨᓯᐅᑉ ᐊᒡᓚᖏᑦ 2
2
ᒧᐊᐱ
1 #
ᐂᓮᐊᓯ 15:1—16:14; 25:10-12; ᔨᕆᒤᐊ 48:1-47; ᐃᓯᑭᐊᓕ 25:8-11; ᔨᐸᓁᐊ 2:8-11. ᐊᑕᓂᖅ ᐃᒫᒃ ᐅᖃᕐᐳᖅ, “ᒧᐊᐱᐅᑉ ᐊᔪᕐᑐᓕᓂᖏᓐᓄᑦ ᐱᖓᓱᓄᑦ ᓯᑕᒪᓄᓪᓗ, ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ, ᐄᑐᒥᐅᑉ ᐊᖓᔪᖅᑳᕐᔪᐊᖓᑕ ᓴᐅᓂᖏᑦ ᐃᑭᑕᐅᓚᐅᕐᒪᑕ ᐊᕐᔭᓕᓂᓐᖑᕐᓗᒋᑦ. 2ᒧᐊᐱ ᐃᑯᐊᓪᓚᒃᑎᓐᓂᐊᕐᐸᕋ ᑭᕆᐅᑎᐅᓪᓗ ᕿᒫᕕᖏᑦ ᓄᖑᓪᓗᒋᑦ; ᒧᐊᐱ ᑐᖁᓂᐊᕐᐳᖅ ᓂᐱᓕᐊᓗᖕᒥ, ᕾᒐᓛᕐᑎᓪᓗᒋᑦ ᑎᑦᑐᓚᐅᑎᓗ ᑐᓴᕐᓴᐅᑎᓪᓗᒋᑦ. 3ᐊᐅᓚᑦᓯᔨᖏᑦ ᓄᖑᓐᓂᐊᕐᐸᒃᑲ ᐊᑯᓐᓂᖓᓐᓂ, ᐊᖓᔪᖅᑳᖁᑎᖏᓪᓗ ᑐᖁᓐᓂᐊᕐᐸᒃᑲ,” ᐊᑕᓂᖅ ᐅᖃᕐᐳᖅ.
ᔫᑕ
4“ᔫᑕᐅᑉ ᐊᔪᕐᑐᓕᓂᖏᓐᓄᑦ ᐱᖓᓱᓄᑦ, ᓯᑕᒪᖓᓪᓗ, ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ. ᓇᕐᕈᓕᓚᐅᕐᒪᑕ ᐊᑕᓂᐅᑉ ᐱᖁᔭᖓᓂᒃ, ᒪᓕᒃᑕᐅᖁᔭᖏᓐᓂᒡᓗ. ᓱᓕᖏᑦᑐᓄᑦ ᐃᒻᒥᖕᓂᒃ ᑕᒻᒪᕐᑎᒻᒪᑕ, ᓯᕗᓕᖏᑕ ᐱᐅᓯᕆᓚᐅᕐᑕᖏᑎᑐᑦ. 5ᔫᑕ ᐃᑯᐊᓪᓚᒃᑎᓐᓂᐊᕐᐸᕋ, ᔨᕉᓴᓕᐅᓪᓗ ᕿᒫᕕᖏᑦ ᓄᖑᑎᓐᓂᐊᕐᐸᒃᑲ.”
ᒎᑎᐅᑉ ᐃᖅᑲᕐᑐᐃᓂᖓ ᐃᓴᕆᐊᓕᒥᒃ
6ᐊᑕᓂᖅ ᐃᒫᒃ ᐅᖃᕐᐳᖅ, “ᐃᓴᕆᐊᓕᐅᑉ ᐊᔪᕐᑐᓕᓂᖏᓐᓄᑦ ᐱᖓᓱᓄᑦ ᓯᑕᒪᓄᓪᓗ, ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ. ᐃᓱᐊᕐᑐᓂᒃ ᓂᐅᕐᕈᑎᖃᓚᐅᕐᒪᑕ ᓯᐅᓪᕕᕆᒧᑦ, ᐊᔪᕐᓴᕐᑐᓂᒡᓗ ᓂᐅᕐᕈᑎᖃᓚᐅᕐᐳᑦ ᐃᑎᒐᒍᑎᓄᑦ. 7ᑐᓪᓕᕋᕐᒪᑕ ᐊᔪᕐᓴᕐᑐᑦ ᓂᐊᖁᖏᓐᓂᒃ ᒪᓂᖅᑲᒥᒃ ᑐᓪᓕᕋᕐᑐᑎᑐᑦ, ᓵᓚᐅᓯᒪᔪᓪᓗ ᐱᑦᓯᐊᕐᓇᒋᑦ ᐊᒡᕖᕐᑎᓚᐅᕐᒪᒋᑦ; ᐊᑖᑕᒌᓪᓗ ᐊᕐᓇᒥᒃ ᑖᑦᓱᒥᖓᑦᓮᓐᓇᖅ ᐱᖃᑎᖃᖃᑦᑕᓚᐅᕐᒪᑕ, ᑕᒪᑐᒧᖓ ᐊᑎᕋ ᐃᑦᔪᕐᓁᑦᑐᖅ ᐃᑦᔪᕐᓇᕐᓯᑎᕐᑕᐅᕗᖅ. 8ᑐᓂᕐᕈᓯᕐᕕᓕᒫᓪᓗ ᑭᒡᓕᖏᓐᓂ ᓇᓚᖃᑦᑕᕐᒪᑕ ᐊᑭᓕᐅᑕᐅᓯᒪᔪᑦ ᐊᓐᓄᕌᑦ ᖄᖏᓐᓂ; ᒎᑎᖏᑦᑕᓗ ᐃᒡᓗᖓᓂ ᕔᓂᑐᖃᑦᑕᕐᒪᑕ ᐊᑭᓖᔭᕆᐊᓖᑦ ᐊᑭᓕᐅᑎᕕᓂᖏᓐᓂᒃ.
9 #
ᒨᓯᓯ ᑕᓪᓕᒪᖏᑦ 3:8-11. “ᐊᓯᕈᓚᐅᕋᓗᐊᕋᒃᑭᑦ ᐊᒧᕅᑎᒥᐅᑦ ᓵᖏᓐᓂ, ᓇᐹᕐᑐᑎᑐᑦ ᓰᑕᕆᑎᑐᑦ ᐳᕐᑐᑎᒋᓚᐅᕋᓗᐊᕐᐳᑦ ᑐᑭᓕᐊᕐᑐᑎᑐᑦ ᐳᕐᑐᔪᑎᑐᑦ, ᓲᖑᑎᒋᓚᐅᕋᓗᐊᕐᑎᓪᓗᒋᑦ ᓯᑕᒃᑕᑎᑐᑦ ᐆᒃᑎᑐᑦ; ᖄᖓᓃᑦᑐᑦ ᐱᕈᕐᑐᖏᑦ ᐊᓯᕈᓚᐅᕐᐸᒃᑲ, ᐊᒫᖏᓪᓗ ᐊᑖᓃᑦᑐᑦ ᐱᖃᓯᐅᑎᓪᓗᒋᑦ. 10ᐊᐅᓪᓚᕐᑎᓚᐅᕐᐸᑦᓯ ᐄᑦᔨᑉᑎᐅᑉ ᓄᓇᖓᓂᑦ, ᑕᓯᐅᓚᐅᕐᐸᑦᓯᓗ ᐊᕐᕌᒍᓂᒃ 40ᓂᒃ ᐃᓄᖃᔪᐃᑦᑐᒥ, ᓄᓇᑖᖁᓪᓗᓯ ᐊᒧᕅᑎᑦ ᓄᓇᖓᓐᓂᒃ. 11#ᒨᓯᓯ ᓯᑕᒪᖏᑦ 6:1-8.ᐃᕐᓂᓯᓗ ᐃᓚᖏᑦ ᐅᖃᕐᑎᑖᕆᓚᐅᕐᐸᒃᑲ, ᐃᓅᓱᒃᑐᖁᑎᓯᓗ ᐊᖑᑎᑦ ᐃᓚᖏᑦ ᓴᓂᕐᕙᓚᐅᕐᐸᒃᑲ ᓈᓴᕅᑎᐅᖁᓪᓗᒋᑦ. ᑍᒤᓚᐅᓐᖏᓛᖅ, ᐃᓕᑦᓯᓐᓂ ᐃᓴᕆᐊᓕᒥᐅᖑᔪᓯ?” ᐊᑕᓂᖅ ᐅᖃᕐᐳᖅ. 12“ᓴᓂᕐᕙᒃᓯᒪᔭᒃᑲᓗ ᓈᓴᕅᑎᑦ ᕔᓂᑐᕐᑎᓚᐅᕐᐸᓯ, ᐅᖃᕐᑎᒃᑲᓗ ᐅᖃᐅᑎᓚᐅᕐᐸᓯ, ‘ᓂᐱᖃᓐᖏᓚᐅᕆᑦᓯ!’ 13ᑕᑯᒋᑦ, ᐊᕐᑐᕐᓴᕐᑎᓐᓂᐊᕐᐸᑦᓯ ᐅᓂᐊᒐᐅᑉ ᐅᖁᒤᓐᓂᖓᑐᑦ ᑕᑕᑦᑐᑎᑐᑦ ᓂᐊᖂᔭᒃᓴᒥᒃ. 14ᐅᕿᓚᔫᒐᓗᐊᑦ ᐊᓐᓇᖕᓂᐊᓐᖏᓚᑦ, ᓴᓐᖏᔪᓪᓗ ᓴᓐᖐᓕᓂᐊᕐᐳᑦ, ᐊᔪᖏᑦᑐᕐᔪᐊᓪᓗ ᐅᓇᑕᕐᑏ ᐃᒻᒥᖕᓂᒃ ᓴᐳᑎᔪᓐᓇᕐᓂᐊᓐᖏᓚᑦ. 15ᐱᓯᒃᓯᓕᔭᕐᑐᓪᓗ ᓴᐳᑦᔨᓯᒪᔪᓐᓇᕐᓂᐊᓐᖏᓚᑦ, ᐅᕿᓚᔪᓪᓗ ᐊᓐᓇᒍᓐᓇᕐᓂᐊᓐᖏᓚᑦ, ᕿᒻᒥᕐᔪᐊᒦᑦᑐᓪᓗ ᕿᒫᔪᓐᓇᕐᓂᐊᕋᑎᒃ. 16ᐅᓇᑕᕐᑏᓪᓗ ᐱᓯᑎᐊᓗᐃᑦ ᐅᓪᓗᒥ ᑕᕝᕙᓂ ᕿᒫᔪᒫᕐᐳᑦ ᓱᓇᖃᕈᓐᓃᕐᓗᑎᒃ,” ᐊᑕᓂᖅ ᐅᖃᕐᐳᖅ.
Currently Selected:
ᐂᒨᓯᐅᑉ ᐊᒡᓚᖏᑦ 2: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
