ᓴᒧᐃᓕ ᐂᑉᐸᖏᑦ 9
9
ᑍᕕᑎᓗ ᒥᕼᐃᐳᓯᑎᓗ
1 #
ᓴᒧᐃᓕ ᓯᕗᓪᓖᑦ 20:15-17. ᑍᕕᑎᓗ ᐅᖃᕐᐳᖅ, “ᓴᐅᓕᐅᑉ ᐃᓚᖏᓐᓂᒃ ᐊᒥᐊᒃᑯᑕᖃᓐᖏᓛᖅ? ᐱᑕᖃᑐᐊᕐᐸᑦ ᐱᑦᓯᐊᕐᕕᖃᕈᒪᒐᒪ ᔫᓇᑕᓂ ᐱᓪᓗᒍ.”
2ᓴᐅᓕᐅᑉ ᐃᓚᖏᓐᓄᑦ ᐱᔨᑲᑖᒃᑕᖃᓚᐅᕐᐳᖅ ᐊᑎᓕᖕᒥᒃ ᔨᐸᒥᒃ, ᑖᓐᓇᓗ ᕾᖁᔭᐅᕗᖅ ᑍᕕᑎᒧᐊᖁᓪᓗᒍ; ᐊᖓᔪᖅᑳᕐᔪᐊᓪᓗ ᐊᐱᕆᕚ, “ᔨᐸᐅᕖᑦ?”
ᑭᐅᕗᖅ, “ᑖᓐᓇᐅᕗᖓ ᐱᔩᑦ ᐊᖓᔪᖅᑳᒃ.”
3 #
ᓴᒧᐃᓕ ᐂᑉᐸᖏᑦ 4:4. ᐊᖓᔪᖅᑳᕐᔪᐊᓪᓗ ᐅᖃᐅᑎᕚ, “ᓴᐅᓕᐅᑉ ᐃᓚᖏᓐᓃᒃ ᐊᒥᐊᒃᑯᑕᖃᓐᖏᓛᖅ? ᐱᑦᓯᐊᕐᕕᒋᔪᒪᓪᓗᒋᑦ ᒎᑎᒧᑦ ᐊᖏᓚᐅᕐᓯᒪᒐᒪ.”
ᔨᐸ ᑭᐅᕗᖅ, “ᐱᑕᖃᕐᐳᖅ ᓱᓕ ᐊᑕᐅᓯᕐᒥᒃ ᔫᓇᑕᓂᐅᑉ ᐃᕐᓂᖓᓂᒃ; ᓯᕝᕖᑦᑐᒥᒃ.”#9:3 ᓯᕝᕖᑦᑐᒥᒃ ᐅᕝᕙᓗ ᑐᓯᐊᑦᑐᒥᒃ
4ᑕᕝᕙ ᐊᖓᔪᖅᑳᕐᔪᐊᑉ ᐅᖃᐅᑎᕚ, “ᓇᓃᑉᐸᓖ?” ᔨᐸ ᑭᐅᕗᖅ, “ᒪᑬᕆᐅᑉ ᐊᖏᕐᕋᖓᓃᑉᐳᖅ ᐊᒥᐅᓕᐅᑉ ᐃᕐᓂᖓᓂ, ᓘᑎ-ᐸᒥᐅᑕᒥ.” 5ᑕᕝᕙ ᐊᖓᔪᖅᑳᕐᔪᐊᑉ ᑍᕕᑎᐅᑉ ᕾᖁᔭᐅᒃᑲᕐᐹ, ᒪᑬᕆᐅᑉ ᐊᖏᕐᕋᖓᓂᑦ ᐊᒥᐅᓕᐅᑉ ᐃᕐᓂᖓᑕ, ᓘᑎ-ᐸᒥᐅᑕᒥᑦ.
6ᒥᐱᐳᓴᑎᓕ ᔫᓇᑕᓂᐅᑉ ᐃᕐᓂᖓ, ᓴᐅᓕᐅᑉ ᐃᕐᖑᑕᖓ, ᕾᒐᒥ ᐹᒻᒪᒃᐳᖅ ᑍᕕᑎᐅᑉ ᓵᖓᓄᑦ ᐃᒃᐱᒍᓱᑦᓯᐊᕐᓂᕐᒧᑦ. ᑍᕕᑎᓗ ᐅᖃᕐᐳᖅ, “ᒥᐱᐳᓴᑏ!” ᑖᓐᓇ ᑭᐅᕗᖅ, “ᐱᔨᒋᕙᕐᒪ ᐊᖓᔪᖅᑳᒃ.”
7ᑍᕕᑎᐅᓪᓗ ᐅᖃᐅᑎᕚ, “ᑲᑉᐱᐊᓱᖏᓪᓗᑎᑦ; ᐱᑦᓯᐊᕐᕕᒋᓂᐊᕐᐸᒋᑦ ᐊᑖᑍᑦ ᔫᓇᑕᓂ ᐱᓪᓗᒍ, ᑐᓂᓯᕕᒋᓂᐊᕐᐸᒋᑦ ᐅᑎᕐᑎᑦᓯᕕᒋᓗᑎᑦ ᐊᑖᑕᑦᓯᐊᕕᑦ ᓴᐅᓕᐅᑉ ᓄᓇᖁᑎᒋᓚᐅᕐᑕᓕᒫᖓᓂᒃ; ᑍᒪᓐᖓᓕᒫᕐᓗ ᓂᕆᖃᑦᑕᕐᓂᐊᕐᐳᑎᑦ ᓂᕆᕕᓐᓂ.”
8ᒥᐱᐳᓯᑎᓕ ᐅᑯᒋᐊᓪᓚᒃᐳᖅ ᐅᖃᕐᓗᓂᓗ, “ᐱᐅᓂᕐᓴᐅᓐᖏᓚᖓ ᕿᒻᒥᒥᑦ ᑐᖁᖓᔪᒥᑦ ᐊᖓᔪᖅᑳᒃ! ᓱᖕᒪᑦ ᐱᑦᓯᐊᕆᐊᖃᕐᐱᖓ?”
9ᑕᕝᕙ ᐊᖓᔪᖅᑳᕐᔪᐊᑉ ᔨᐸ ᕾᖁᕚ, ᓴᐅᓕᐅᑉ ᐱᔨᖓ, ᐅᖃᐅᑎᓪᓗᒍᓗ, “ᒥᐱᐳᓯᑎ ᐊᖓᔪᖅᑳᕕᑦ ᐃᕐᖑᑕᖓ, ᑐᓂᕙᕋ ᓴᐅᓕᐅᑉ ᐃᓚᖏᑕᓗ ᐱᒋᓚᐅᕐᑕᓕᒫᖏᓐᓂᒃ. 10ᐃᕝᕕᑦ, ᐃᕐᓂᑎᓪᓗ, ᐱᔨᕕᓪᓗ ᓄᓇᖓᓂᒃ ᐆᒪᔪᖃᐅᑎᖓᓂᒃ ᑲᒪᔪᒃᓴᐅᕗᓯ ᐊᖓᔪᖅᑳᑦᓯ ᐃᓚᖏᓐᓂᒃ ᐱᕈᕐᑐᓂᒡᓗ ᓄᐊᑦᓯᕙᒡᓗᓯ, ᓂᕿᒃᓴᖃᕈᓐᓇᖁᓪᓗᒋᑦ; ᒥᐱᐳᓴᑎᓕ ᐊᖓᔪᖅᑳᕕᑦ ᐃᕐᓂᖓ ᓂᕆᕕᓐᓂ ᓂᕆᖃᑕᐅᖏᓐᓇᕐᑐᒃᓴᐅᕗᖅ.” ᔨᐸᓕ 15ᓂᒃ ᐃᕐᓂᖃᓚᐅᕐᐳᖅ 20ᓂᒡᓗ ᐱᔨᖃᕐᓗᓂ.
11ᑕᕝᕙ ᔨᐸ ᐅᖃᕐᐳᖅ, “ᐱᔭᐅᖁᔭᓕᒫᕐᓂᒃ ᐊᑕᓃᖅ ᐊᖓᔪᖅᑳᕐᔪᐊᖅ ᐱᓇᓱᐊᕐᓂᐊᕐᐳᖓ.”
ᑍᒤᒻᒪᑦ ᒥᐱᐳᓴᑎ ᓂᕆᖃᑕᐅᖃᑦᑕᓚᐅᕐᐳᖅ ᐊᖓᔪᖅᑳᕐᔪᐊᑉ ᓂᕆᕕᖓᓂ, ᐊᖓᔪᖅᑳᕐᔪᐊᑉ ᐃᕐᓂᖏᑎᑐᑦ. 12ᒥᐱᐳᓴᑎᓗ ᐃᕐᓂᖃᓚᐅᕐᐳᖅ ᓄᑲᑉᐱᐊᒥᒃ ᐊᑎᓕᖕᒥᒃ ᒤᑲᒥᒃ. ᔨᐸᐅᓪᓗ ᐃᒡᓗᒥᐅᖃᑎᓕᒫᖏᑦ ᐱᔨᑖᕆᔭᐅᓚᐅᕐᐳᑦ ᒥᐱᐳᓴᑎᒧᑦ. 13ᑍᒤᒻᒪᑦ ᒥᐱᐳᓴᑎ ᓄᓇᖃᓕᓚᐅᕐᐳᖅ ᔨᕉᓴᓕᒥ; ᓂᕆᖃᑕᐅᕙᒡᓗᓂᓗ ᐊᖓᔪᖅᑳᕐᔪᐊᑉ ᓂᕆᕕᖓᓂ, ᓯᕝᕖᑦᑑᓚᐅᕐᐳᕐᓕ ᐃᑎᒐᖏᒃ ᐃᒡᓗᒃᑐᑦ ᓯᖁᒥᓯᒪᖕᒪᑎᒃ.
Currently Selected:
ᓴᒧᐃᓕ ᐂᑉᐸᖏᑦ 9: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
