ᓴᒧᐃᓕ ᐂᑉᐸᖏᑦ 4
4
ᐃᔅᐳᓴᐅᑉ ᑐᖁᑕᐅᓂᖓ
1ᓴᐅᓕᐅᓪᓕ ᐃᕐᓂᖓ ᐃᔅᐳᓴᔅ ᑐᓴᕋᒥ ᐋᑉᓅᑉ ᑐᖁᑕᐅᓂᖓᓂᒃ ᕼᐃᐸᕋᓐᒥ, ᑲᑉᐱᐊᓱᓕᕐᐳᖅ, ᐃᓴᕆᐊᓕᒥᐅᓕᒫᓪᓗ ᖁᐊᕐᓵᓚᐅᕐᐳᑦ. 2ᐃᔅᐳᓴᔅ ᓴᐅᓕᑉ ᐃᕐᓂᖓ ᐊᖓᔪᖅᑳᖁᑎᖃᓚᐅᕐᐳᖅ ᒪᕐᕉᖕᓂᒃ ᐅᓇᑕᕆᐊᖃᑦᑕᕐᑐᑦ ᓯᕗᓕᕐᑎᒋᖃᑦᑕᕐᑕᖏᖕᓂᒃ; ᐂᑉᐸᖓ ᐹᓇᒥᒃ ᐊᑎᖃᕐᐳᖅ, ᐂᑉᐸᖓᓗ ᕆᑳᐱᒥᒃ ᐊᑎᖃᕐᓗᓂ, ᕆᒪᓇᐅᑉ ᐃᕐᓂᖓ ᐱ-ᐃᕋᑕᒃᑯᓐᓂᒥᐅᖅ ᐱᓐᔭᒥᓂᐅᑉ ᑭᖑᕚᖏᓐᓂ ᐱᓯᒪᔪᖅ (ᐱ-ᐊᕌᔅ ᐃᓚᒋᔭᐅᓚᐅᕐᒪᑦ ᐱᓐᔭᒥᓂᐅᑉ ᑭᖑᕙᖏᓐᓄᑦ; 3ᐱ-ᐊᕌᔅᑯᑦ ᕿᒫᓚᐅᕐᒪᑕ ᒋᑍᒻᒧᑦ, ᑕᕝᕙᓂᒥᐅᑕᐅᓕᓚᐅᕐᐳᓪᓗ ᑍᒪᓐᖓᓂᑦ ᐱᒋᐊᕐᓗᒍ.)
4 #
ᓴᒧᐃᓕ ᐂᑉᐸᖏᑦ 9:3. ᔫᓇᑕᓂ ᐃᕐᓂᖃᓚᐅᕐᐳᖅ ᐃᑎᒐᖏᑦ ᓄᑭᖃᖏᑦᑐᒥᒃ. ᑖᓐᓇ ᐊᕐᕌᒍᖃᓚᐅᕐᐳᖅ ᑕᓪᓕᒪᓂᒃ ᓴᐅᓕᒃᑯᒃ ᔫᓇᑕᓂᒃᑯᒃ ᑐᖁᑕᐅᑎᓪᓗᒋᒃ ᔨᔭᕆᐅᓪᒥ; ᑐᓴᕋᒥᒃ ᑐᖁᑕᐅᓂᖏᓐᓂᒃ ᑲᒪᔨᒋᔭᖓᑕ ᑎᒍᓪᓗᓂᐅᒃ, ᕿᒪᒃᓯᓚᐅᕐᐳᑦ; ᐊᕐᓇᕐᓕ ᑐᐊᕕᓗᐊᒧᑦ ᐹᓪᓚᒃᑎᓚᐅᕐᒪᒍ, ᑐᓯᐊᑦᑑᓕᓚᐅᕐᐳᖅ ᐱᐅᓯᕐᓗᒃᑑᓕᕐᓗᓂ. ᑖᓐᓇᓗ ᐊᑎᖃᓚᐅᕐᐳᖅ ᒥᐱᐳᓴᑎᒥᒃ.
5ᕆᒪᓇᐅᓪᓕ ᐃᕐᓂᖏᒃ ᐱ-ᐊᕌᔅᑕᒃᑯᒥᐅᒃ, ᕆᑳᐱ ᐹᓇᓗ ᐊᐅᓪᓚᓚᐅᕐᐴᒃ ᐅᖅᑰᕕᒃᔪᐊᓕᕐᑎᓪᓗᒍᓗ ᕿᑎᕋᓕᕐᑎᓪᓗᒍ ᐅᓪᓗᒃᑯᑦ ᑎᑭᓚᐅᕐᐴᒃ ᐃᔅᐳᓴᐅᑉ ᐃᒡᓗᖓᓄᑦ, ᐅᓪᓘᑉ ᕿᑎᕋᓕᕐᓂᖓᓂ ᓇᓪᓚᖓᓪᓗᓂ ᑕᕾᕐᓯᕐᑎᓪᓗᒍ. 6ᐊᕐᓇᕐᓗ ᐅᒃᑯᐊᖓᓂᒥᐅᑕᖅ ᓇᔭᖓᓕᕋᒥ ᓂᐊᖂᔭᒃᓴᓕᕆᓪᓗᓂ ᓯᓂᓕᓚᐅᕐᐳᖅ; ᑕᕝᕙ ᕆᑳᐱᒃᑯᒃ ᐹᓇᒃᑯᒃ ᓄᑲᕆᒃ ᖃᐅᔨᔭᐅᒐᑎᒃ ᐃᑎᕐᐴᒃ. 7ᐃᑎᕐᓯᒪᓕᕋᒥᒡᓗ, ᐃᔅᐳᓴᐅᑉ ᐃᒡᓗᕈᓯᖓᓄᐊᕐᐴᒃ, ᓯᓂᒡᕕᒥᓂ ᓇᓚᑎᓪᓗᒍ, ᑲᐱᕚᒡᓗ, ᓂᐊᖁᐃᕐᓗᒍᓗ. ᓂᐊᖁᐊᓗ ᓇᒃᓴᕐᓗᒍ, ᐅᓐᓄᐊᓕᒫᖅ ᐱᓱᓚᐅᕐᐴᒃ ᔪᐊᕐᑕᓂᐅᑉ ᓇᕐᓴᖓᒍᑦ, 8ᓂᐊᖁᐊᓗ ᑍᕕᑎᒧᐊᕈᑎᓚᐅᕐᐹᒃ ᕼᐃᐸᕋᓐᒦᑦᑐᒧᑦ. ᐅᖃᐅᑎᓪᓗᒍᓗ, “ᐅᓇ ᑕᕝᕙ ᓴᐅᓕᐅᑉ ᐊᑭᕋᕕᑦ ᐃᕐᓂᖓᑕ ᐃᔅᐳᓴᐅᑉ ᓂᐊᖁᐊ, ᐃᓕᖕᓂᒃ ᑐᖁᑦᓯᓇᓱᖃᑦᑕᓚᐅᕐᑐᖅ; ᐅᓪᓗᒥ ᐊᑕᓂᐅᑉ ᐊᖓᔪᖅᑳᕐᔪᐊᖑᓂᕐᓄᑦ ᐊᑭᓂᐊᕈᑎᓕᕐᐹᑎᑦ ᓴᐅᓕᒥᒃ ᑭᖑᕚᖏᓐᓂᒡᓗ.”
9ᑍᕕᑎᐅᓪᓕ ᑭᐅᕔᒃ, ᕆᑳᐱ ᐹᓇᓗ ᖃᑕᓐᖑᑎᒌᒃ, ᕆᒪᓇᐅᑉ ᐱᐊᕌᔅᑕᒃᑯᒥᐅᑕᐅᑉ ᐃᕐᓂᖏᒃ, “ᐊᖏᕈᑎᖃᒻᒪᕆᒃᓯᒪᕗᖓ ᐊᑕᓂᒃᑯᑦ ᐆᒪᔪᒃᑯᑦ, ᑖᑦᓱᒪ ᐱᐅᓕᖃᑦᑕᓚᐅᕐᒪᖓ ᑲᑉᐱᐊᓇᕐᑐᓕᒫᓂᑦ, 10#ᓴᒧᐃᓕ ᐂᑉᐸᖏᑦ 1:1-16.ᐅᖃᕆᐊᕐᑐᕐᑐᒧᑦ ᔨᒡᓛᒡᒥᑦ ᐅᖃᐅᑦᔭᐅᓚᐅᕐᐳᖓ ᓴᐅᓕᐅᑉ ᑐᖁᓂᖓᓂᒃ, ᐃᓱᒪᖃᓚᐅᕐᐳᕐᓗ ᑐᓴᕈᒥᓇᕐᑐᓂᒃ ᐅᖃᕋᓱᒋᓪᓗᑎᒃ ᐅᕙᓐᓄᑦ. ᑎᒍᔭᐅᑎᓚᐅᕐᐸᕋᓗ ᑐᖁᑕᐅᑎᓪᓗᒍ, ᑕᒪᓐᓇ ᐊᑭᓕᐅᑎᐅᓚᐅᕐᐳᖅ ᑐᓴᕐᑎᑦᓯᔪᒧᑦ. 11ᐱᐅᖏᓐᓂᕐᓴᒻᒪᕆᐅᕗᖅ ᐱᐅᖏᑦᑐᑦ ᑐᖁᑦᓯᑎᓪᓗᒋᑦ ᐸᓯᔭᒃᓴᐅᖏᑦᑐᒥᒃ ᐃᓄᖕᒥᒃ ᓯᓂᒃᑐᒥᒃ ᐊᖏᕐᕋᒥᓂ, ᒫᓐᓇᓗ ᐊᑭᓂᐊᕈᒪᕗᖓ ᐃᓕᑦᓯᖕᓄᑦ ᑖᑦᓱᒥᖓ ᑐᖁᑦᓯᓂᑦᓯᓐᓂᒃ ᓄᓇᕐᔪᐊᒥᓪᓗ ᐃᒋᑕᐅᑎᓐᓂᐊᕐᐸᑦᓯᒃ.” 12ᑕᕝᕙ ᑍᕕᑎ ᐃᓅᓱᒃᑐᖁᑎᒥᓂᒃ ᑎᓕᓯᕗᖅ, ᑖᒃᑯᐊᓗ ᑐᖁᑉᐹᒃ, ᕆᑳᐱ ᐹᓇᓗᒃᑯᒃ, ᐊᒡᒐᖏᓪᓗ ᐃᑎᒐᖏᓪᓗ ᓇᑲᑎᕐᓗᒋᑦ, ᓂᕕᓐᖓᓚᐅᕐᐰᓪᓗ ᑕᓯᓕᐊᖑᓯᒪᔫᑉ ᓴᓂᐊᓂ ᕼᐃᐸᕋᓐᒥ. ᐃᔅᐳᓴᐅᓪᓗ ᓂᐊᖁᐊ ᑎᒍᓪᓗᒍ ᐃᓗᕕᓚᐅᕐᐹᑦ ᐋᑉᓅᑉ ᐃᓗᕕᐊᓄᑦ ᕼᐃᐸᕋᓐᒥ.
Currently Selected:
ᓴᒧᐃᓕ ᐂᑉᐸᖏᑦ 4: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
