ᓴᒧᐃᓕ ᐂᑉᐸᖏᑦ 24
24
ᑍᕕᑎᐅᑉ ᓈᓮᑎᑦᓯᓂᖓ
ᑯᕉᓂᑲ ᓯᕗᓪᓖᑦ 21:1-27
1ᐊᑕᓂᖅ ᓂᓐᖓᒃᑎᑕᐅᓚᐅᕆᕗᖅ ᐃᓴᕆᐊᓕᒥᐅᓄᑦ, ᑍᕕᑎᓗ ᖁᕕᐊᓇᖏᑦᑐᒥᒃ ᓴᖅᑭᑎᑦᓯᑎᓚᐅᕐᐹ ᑖᒃᑯᓄᖓ, ᐅᖃᐅᑎᓪᓗᒍ, “ᐂᓕᕆᑦ ᐃᓴᕆᐊᓕᒥᐅᓪᓗ ᔫᑕᒥᐅᓪᓗ ᐃᓄᖏᑦ ᓈᓴᕆᐊᕐᑐᒃᑭᑦ.” 2ᑕᕝᕙ ᑍᕕᑎ ᐅᖃᕐᐳᖅ ᔪᐊᐱᒧᑦ ᐅᓇᑕᕐᑐᒃᓮᑦ ᐊᖓᔪᖅᑳᖓᓐᓄᑦ, “ᐂᓕᕆᑦ ᐊᖓᔪᖅᑳᖁᑎᑎᑦ ᐃᓚᒋᓗᒋᑦ ᐃᓴᕆᐊᓕᒥᐅᑉ ᑭᖑᕚᖏᓐᓄᑦ ᓄᓇᓖᑦ ᑖᓐᒥᑦ ᐱᐊᕐᓯᐸᒧᑦ ᑎᑭᓪᓗᒋᑦ, ᐃᓄᐃᑦ ᓈᓴᕐᓗᒋᑦ, ᖃᐅᔨᔪᒪᒐᒪ ᖃᑦᓯᐅᖕᒪᖔᑕ.”
3ᔪᐊᐱᓕ ᑭᐅᕗᖅ ᐊᖓᔪᖅᑳᕐᔪᐊᒧᑦ, “ᐊᖓᔪᖅᑳᕐᔪᐊᖅ, ᐊᑕᓂᐅᑉ ᒎᑎᕕᑦ ᐃᓴᕆᐊᓕᒥᐅᑦ ᐃᓄᖏᑦ ᐅᓄᕐᓯᒋᐊᕐᑎᓪᓕᒋᑦ 100ᐃᕐᓱᕐᓗᒋᑦ, ᐃᓅᓗᑎᑦ ᓱᓕ ᑕᑯᖁᓪᓗᑎᑦ; ᓱᖕᒪᓪᓕ ᐊᖓᔪᖅᑳᕐᔪᐊᕋ ᑍᒤᓕᐅᖁᔨᕚ?” 4ᐊᖓᔪᖅᑳᕐᔪᐊᓪᓕ ᔪᐊᐱᒃᑯᑦ ᐊᖓᔪᖅᑳᖁᑎᖏᓪᓗ ᐱᖁᔨᓂᕐᒥᓂᒃ ᒪᓕᒃᑎᓚᐅᕐᐰᑦ. ᑕᕝᕙᓐᖓᑦ ᓇᔪᕐᑕᖓᓂᑦ ᐊᐅᓪᓚᕐᐳᑦ ᐃᓴᕆᐊᓕᒥᐅᑦ ᐃᓄᖏᑦ ᓈᓴᕆᐊᕐᑐᕐᓗᒋᑦ.
5ᔪᐊᕐᑕᓂᐅᑉ ᑰᖓᓂᒃ ᐃᑳᕋᒥᒃ ᑕᖕᒫᓚᐅᕐᐳᑦ ᐊᕈᐃᕆᐅᑉ ᓯᕿᓂᖓᓂ, ᐃᒡᓗᒐᓴᒡᔪᐊᓂ ᓇᕐᓴᐅᑉ ᕿᑎᐊᓃᑦᑐᒥ, ᒑᑦ ᓄᓇᖓᓂᑦ ᑍᑲᓐᖓᑦ ᐱᓪᓗᑎᒃ ᔧᔨᕆᒧᐊᓚᐅᕐᐳᑦ. 6ᑲᔪᓯᓪᓗᑎᒡᓗ ᒋᓕᐊᑎᒧᑦ, ᑲᑎᓯᒧᑦ ᕼᐃᑍᑎᒥᐅᑦ ᓄᓇᖓᓄᑦ; ᑕᕝᕙᓐᖓᑦ ᑖᓐᒨᓚᐅᕐᐳᑦ, ᑖᓐᒥᓪᓗ ᓴᖑᓪᓗᑎᒃ ᓮᑐᓂᒧᐊᓚᐅᕐᐳᑦ. 7ᑕᕝᕙᓐᖔᕐᓗᑎᒃ ᐃᒡᓗᒐᓴᖕᓄᑦ ᓴᐴᓗᑕᓕᖕᒧᑦ ᑍᕆᒧᐊᓚᐅᕐᐳᑦ, ᑲᔪᓯᓪᓗᑎᒃ ᐃᒡᓗᒐᓴᖕᓄᑦ ᕼᐃᕔᑎᒥᐅᓄᑦ ᑬᓇᓂᒥᐅᓄᓪᓗ; ᑭᖑᓪᓕᕐᐹᒥᒡᓗ ᓂᒋᑉᒧᑦ, ᔫᑕᐅᑉ ᓄᓇᖓᓄᐊᓚᐅᕐᐳᑦ ᐱᐊᕐᓯᐸᒧᑦ. 8ᓄᓇᓕᓕᒫᓂᒃ ᐅᐸᒍᑎᔭᕇᕋᒥᒃ, ᐅᑎᓚᐅᕐᐳᑦ ᔨᕉᓴᓕᒧᑦ ᑕᖅᑮᑦ 9 ᐅᓪᓗᐃᓪᓗ 20 ᐊᓂᒍᕐᑎᓪᓗᒋᑦ. 9ᑕᕝᕙ ᔪᐊᐱ ᐊᖓᔪᖅᑳᕐᔪᐊᕐᒧᑦ ᐅᖃᕆᐊᕐᑐᕐᐳᖅ ᐊᖑᑏᑦ ᐅᓇᑕᕈᓐᓇᕐᑐᑦ ᐅᓄᕐᓂᖏᓐᓂᒃ: 800,000ᐃᑦ ᐃᓴᕆᐊᓕᒥ ᐅᓇᑕᕈᓐᓇᕐᐳᑦ, 500,000ᐃᓪᓗ ᔫᑕᒥ ᐅᓇᑕᕈᓐᓇᕆᓪᓗᑎᒃ.
10ᑍᕕᑎᓕ ᓈᓮᑎᑦᓯᔭᕇᕋᒥ ᐃᓗᒥᒍᑦ ᐋᓐᓂᐊᓂᕐᒥᒃ ᐃᒃᐱᖕᓂᐊᓕᓚᐅᕐᐳᖅ, ᐊᑕᓂᕐᒧᓪᓗ ᐅᖃᕐᓗᓂ, “ᐱᐅᖏᑦᑐᐊᓗᖕᒥᒃ ᐊᔪᕐᑐᓕᓯᒪᕗᖓ ᑍᒤᓕᐅᕐᑎᑦᓯᓂᓐᓄᑦ. ᒫᓐᓇᓕ ᐊᑕᓃᖅ ᐃᓱᒪᒋᔪᓐᓁᕐᕕᒋᓚᐅᓐᖓ ᐱᐅᖏᑦᑐᓕᓯᒪᓂᓐᓂᑦ; ᓯᓔᑦᑐᐊᓗᖕᒥᒃ ᐱᓇᓱᐊᕐᓯᒪᒐᒪ.”
11ᖃᐅᑎᓪᓗᒍ ᐅᓪᓛᒃᑯᑦ ᑍᕕᑎ ᒪᑭᒻᒪᑦ, ᐊᑕᓂᖅ ᐅᖃᕐᐳᖅ ᒑᑦᒧᑦ, ᑍᕕᑎᐅᑉ ᐅᖃᕐᑎᖓᓄᑦ ᐅᖃᕐᓗᓂ, 12“ᑍᕕᑎᒧᐊᕐᓗᑎᑦ ᐅᖃᐅᑎᔭᕐᑐᓚᐅᕈᒃ, ‘ᐊᑕᓂᖅ ᐃᒫᒃ ᐅᖃᕐᐳᖅ, ᐱᖓᓱᓂᒃ ᓇᓖᕌᕐᑎᓐᓂᐊᕋᒃᑭᑦ; ᐊᑕᐅᓯᕐᒥᒃ ᓂᕈᐊᕐᓂᐊᕐᐳᑎᑦ, ᐱᓇᓱᐊᕐᓂᐊᕋᒪ ᓂᕈᐊᕐᑕᕐᓂᒃ.’” 13ᑕᕝᕙ ᒑᑦ ᑍᕕᑎᒧᐊᕐᐳᖅ ᐅᖃᐅᑎᓪᓗᒍᓗ, “ᐊᕐᕌᒍᑦ ᐱᖓᓱᑦ ᑳᖕᓇᑐᕐᔪᐊᑦ ᑎᑭᑦᑐᒃᓴᐅᕚᑦ ᐃᓕᖕᓄᑦ ᓄᓇᖕᓄᓪᓗ? ᐅᕝᕙᓗ ᑕᖅᑭᓂᒃ ᐱᖓᓱᓂᒃ ᕿᒫᓯᒪᓗᑎᑦ ᐊᑭᕋᕐᓂᑦ ᐱᔭᐅᓇᓱᐊᕐᑎᓪᓗᑎᑦ? ᐅᕝᕙᓗ ᐅᓪᓗᓂᒃ ᐱᖓᓱᓂᒃ ᖃᓂᒪᓐᓇᕐᑐᒧᑦ ᑎᑭᑕᐅᓗᑎᑦ ᓄᓇᖕᓂ? ᑖᒃᑯᐊ ᐃᓱᒪᒃᓴᕐᓯᐅᕈᑎᒋᓕᒃᑭᑦ, ᐅᖃᐅᑎᓂᐊᕐᐸᕐᒪ ᑭᐅᒍᑎᖕᓂᒃ ᐊᑕᓂᕐᒧᑦ ᐅᕙᓐᓂᒃ ᑎᓕᓯᓚᐅᕐᑐᒧᑦ ᐅᖃᐅᓯᕆᓂᐊᕋᒃᑯ.”
14ᑕᕝᕙ ᑍᕕᑎ ᑭᐅᕗᖅ ᒑᑦᒧᑦ, “ᐊᖏᔪᒥᒃ ᐊᒃᓱᕈᕐᓇᕐᑐᒦᓕᕐᐳᖓ; ᐊᑕᓂᐅᑉ ᓇᖕᒥᓂᖅ ᓱᒋᐊᓕᕐᓕᑎᒍᑦ, ᑖᓐᓇ ᓈᒃᑭᒍᓱᖕᓂᕐᔪᐊᖃᕐᒪᑦ; ᑭᓯᐊᓂᓕ ᐃᓄᖕᓄᑦ ᓱᒋᐊᕐᑕᐅᔪᒪᓐᖏᓚᖓ.” 15ᑍᒤᒻᒪᑦ ᐊᑕᓂᖅ ᖃᓂᒪᓇᕐᑐᒥᒃ ᑎᑭᑎᑦᓯᓚᐅᕐᐳᖅ ᐃᓴᕆᐊᓕᒥᐅᓄᑦ, ᑕᕝᕙᓐᖓᑦ ᐅᓪᓛᒥᑦ ᐱᒋᐊᕐᓗᓂ ᓄᖅᑲᕐᕕᒋᖁᓚᐅᕐᑕᒥᓄᑦ ᑎᑭᓪᓗᒍ; ᑖᓐᒥᑦ ᐱᐊᕐᓯᐸᒧᑦ ᑎᑭᓪᓗᒋᑦ 70,000ᐃᑦ ᐃᓴᕆᐊᓕᒥᐅᑦ ᑐᖁᓚᐅᕐᐳᑦ. 16ᐊᑕᓂᐅᓪᓕ ᐂᖏᓕᖓ ᐊᓯᕈᐃᒋᐊᕐᓂᐊᓕᕐᑎᓪᓗᒍ ᔨᕉᓴᓕᒥᒃ, ᐊᑕᓂᐅᑉ ᐃᓱᒪᓂ ᓴᖑᑎᓚᐅᕐᐹ ᓱᒋᐊᕐᓯᔪᒪᓂᓂ ᐃᓄᖕᓂᒃ, ᐂᖏᓕᓗ ᑐᖁᕅᔪᖅ ᐅᖃᐅᑎᕚ, “ᓄᖅᑲᕆᑦ! ᑍᒪ ᓈᒻᒪᒃᓯᕗᖅ.” ᐂᖏᓕᓗ ᐊᕋᐅᓇᐅᑉ ᓂᐊᑰᔭᒃᓴᓂᒃ ᐃᕖᔧᕕᖓᓃᓚᐅᕐᐳᖅ ᔨᐳᓮᑎᒥᐅᑕᐅᑉ.
17ᑍᕕᑎᐅᓪᓕ ᐂᖏᓕ ᐃᓄᖕᓂᒃ ᑐᖁᕅᔪᖅ ᑕᑯᒐᒥᐅᒃ, ᐊᑕᓂᕐᒧᑦ ᐅᖃᕐᐳᖅ, “ᐅᕙᖓ ᐊᔪᕐᑐᓕᓯᒪᕗᖓ, ᐅᕙᖓ ᐱᐅᖏᑦᑐᓕᓚᐅᕐᐳᖓ; ᐅᑯᐊᓕ ᐃᓄᐃᑦ ᖃᓄᐃᓕᐅᓚᐅᕐᐹ? ᑐᒃᓯᐊᕐᕕᒋᕙᒋᑦ ᐅᕙᓐᓂᒃ ᐃᓚᓐᓂᒡᓗ ᓱᒋᐊᕐᓯᖔᕐᑐᒃᓴᐅᕗᑎᑦ.”
18ᑍᑦᓱᒪᓂᑦᓮᓐᓇᖅ ᒑᑦ ᑍᕕᑎᒧᐊᕐᐳᖅ ᐅᖃᐅᑎᓪᓗᒍᓗ, “ᒪᔪᕋᓚᐅᕆᑦ, ᐊᕋᐅᓇᐅᑉ ᐃᕖᔧᕕᖓᓄᑦ ᔨᐳᓮᑎᒦᑦᑐᒧᑦ, ᑍᑲᓂ ᑐᓂᕐᕈᓯᕐᕕᓕᐅᓕᕆᑦ ᐊᑕᓂᕐᒧᑦ.” 19ᑕᕝᕙ ᑍᕕᑎ ᐂᓚᐅᕐᐳᖅ ᒑᑦ ᐅᖃᐅᓯᖏᑦ ᒪᓕᒡᓗᒋᑦ, ᐊᑕᓂᐅᑉ ᑎᓕᓯᑦᔪᑎᒋᔭᖓᓂᒃ. 20ᐊᕋᐅᓇᓕ ᑕᑯᒐᒥ ᐊᖓᔪᖅᑳᕐᔪᐊᒥᒃ ᐊᖓᔪᖅᑳᖁᑎᖏᓐᓂᒡᓗ ᕾᓕᕐᑐᓂᒃ ᐃᒻᒥᓄᑦ; ᐊᕋᐅᓇ ᐸᕐᕆᐊᓚᐅᕐᐳᖅ, ᐹᒻᒪᒃᓗᓂᓗ ᒪᓂᖅᑲᒧᑦ ᑍᕕᑎᐅᑉ ᓵᖓᓄᑦ. 21ᐊᕋᐅᓇᐅᓪᓗ ᐊᐱᕆᕚ, “ᐊᖓᔪᖅᑳᖅ, ᓱᖕᒪᑦ ᑕᒪᐅᓐᖓᕐᐲᑦ?”
ᑍᕕᑎ ᑭᐅᕗᖅ, “ᓂᐊᖂᔭᒃᓴᓂᒃ ᐃᕖᔧᕕᖕᓂᒃ ᓂᐅᕕᕆᐊᕐᐳᖓ, ᑐᓂᕐᕈᓯᕐᕕᖕᒥᒃ ᓴᓇᔪᒪᓪᓗᖓ ᐊᑕᓂᕐᒧᑦ, ᖃᓂᒻᒪᓯᖅ ᑕᒪᓐᓇ ᐃᓄᖕᓂᑦ ᓄᖅᑲᕐᑎᑕᐅᖁᓪᓗᒍ.”
22ᑕᕝᕙ ᐊᕋᐅᓇ ᑍᕕᑎᒧᑦ ᐅᖃᕐᐳᖅ, “ᐱᒋᓕᕈᖅ ᐊᖓᔪᖅᑳᒃ, ᐃᓱᒪᕐᓱᑎᒋᓗᒍ ᐊᑕᓂᕐᒧᑦ ᑐᓂᕐᕈᓯᓕᕆᑦ ᐃᓱᐊᕐᑑᔪᕆᔭᕐᓂᒃ; ᐅᑯᐊ ᑕᕝᕙ ᐆᒪᔪᐃᑦ ᐃᒻᒧᒃᓯᐅᒊᑦ ᐃᑯᐊᓪᓚᒡᓗᒋᑦ ᑐᓂᕐᕈᑎᒃᓮᑦ; ᐅᑯᐊᓗ ᑕᕝᕙ ᓇᖕᒪᐅᑕᖏᑦ ᓯᖃᓕᑦᓯᕕᐅᓪᓗ ᕿᔪᒃᓴᖏᑦ ᐃᑯᐊᓪᓚᖅᑯᑎᒃᓮᑦ.” 23ᐊᕋᐅᓇᐅᑉ ᑕᒪᕐᒥᒃ ᑕᒪᒃᑯᐊ ᑐᓂᓚᐅᕐᐰᑦ ᐊᖓᔪᖅᑳᕐᔪᐊᕐᒧᑦ ᐅᖃᐅᑎᓪᓗᒍᓗ, “ᐊᑕᓂᐅᑉ ᒎᑎᕕᑦ ᑐᓂᕐᕈᑎᑎᑦ ᓈᒻᒪᒋᓕᒋᑦ.”
24ᐊᖓᔪᖅᑳᕐᔪᐊᕐᓕ ᐊᕋᐅᓇᒧᑦ ᑭᐅᕗᖅ, “ᐊᑭᓕᕐᓂᐊᕐᐸᒃᑲ ᑐᓂᕐᕈᓯᕈᒪᖏᓐᓇᒪ ᐊᑕᓂᕐᒧᑦ ᒎᑎᓐᓄᑦ ᑐᓂᕐᕈᑎᓂᒃ ᐊᑭᖃᖏᑦᑐᓂᒃ.” ᑕᕝᕙ ᑍᕕᑎᐅᑉ ᓂᐅᕕᓚᐅᕐᐹ ᓂᐊᖂᔭᒃᓴᓂᒥᒃ ᐃᕖᔧᕕᒃ ᐃᒻᒧᒃᓯᐅᒊᓪᓗ 50ᓄᑦ ᓯᐅᕕᕆᓄᑦ. 25ᑕᕝᕙᓂᓗ ᑍᕕᑎ ᑐᓂᕐᕈᓯᕐᕕᖕᒥᒃ ᐊᑕᓂᕐᒧᑦ ᓴᓇᕗᖅ, ᑐᓂᕐᕈᓯᕐᓗᓂᓗ ᐃᑯᐊᓪᓚᑎᑦᓯᓂᕐᒧᑦ ᑐᓂᕐᕈᑎᓂᒃ ᐃᓚᒌᑦᓯᐊᓕᕐᓂᕐᒧᓪᓗ ᑐᓂᕐᕈᑎᒥᒃ. ᐊᑕᓂᐅᓪᓗ ᑐᓂᕐᕈᓯᕈᑎᐅᔪᑦ ᓄᓇ ᐱᓪᓗᒍ ᐃᓚᓕᐅᓚᐅᕐᐰᑦ, ᖃᓂᒻᒪᓯᕐᓗ ᐃᓴᕆᐊᓕᒥᐅᓂ ᓄᖅᑲᕐᑎᓚᐅᕐᐹ.
Currently Selected:
ᓴᒧᐃᓕ ᐂᑉᐸᖏᑦ 24: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
