ᓴᒧᐃᓕ ᐂᑉᐸᖏᑦ 16
16
ᑍᕕᑎᒃᑯᒃ ᔨᐸᒃᑯᒃ
1 #
ᓴᒧᐃᓕ ᐂᑉᐸᖏᑦ 9:9,10. ᑍᕕᑎ ᖃᖅᑲᐅᑉ ᖃᖓᓂᒃ ᕿᒤᕋᑖᕐᑎᓪᓗᒍ, ᑲᑎᔭᐅᑲᓪᓚᓚᐅᕐᐳᖅ ᔨᐸᒧᑦ, ᒥᐱᐳᓴᑎᐅᑉ ᐱᔨᖓᓄᑦ, ᓇᒃᓴᕐᓗᓂ ᓯᐅᑎᖅᑯᕐᑐᔫᖕᓂᒃ ᒪᕐᕉᖕᓂᒃ ᐅᓯᔫᖕᓂᒃ 200ᓂᒃ ᓂᐅᖂᔭᓂᒃ, 100ᓂᒃ ᐊᕕᒃᑐᕐᓯᒪᔪᓂᒃ ᐸᐅᕐᖓᐅᔭᓂᒃ, 100ᓂᒃ ᐊᑦᔨᒌᖏᑦᑐᓂᒃ ᐱᕈᕐᑐᓂᒃ ᓰᕐᓇᕐᑐᓂᒃ, ᕿᓯᖕᒥᒡᓗ ᐃᒃᐱᐊᕐᔪᖕᒥᒃ ᕔᓂᒥᒃ ᑕᑕᑦᑐᒥᒃ. 2ᐊᖓᔪᖅᑳᕐᔪᐊᑉ ᑍᕕᑎᐅᑉ ᐊᐱᕆᕚ, “ᓱᖕᒪᓄᑯᐊ ᓇᒃᓴᕐᐱᒋᑦ?”
ᔨᐸᐅᑉ ᑭᐅᕚ, “ᓯᐅᑎᖅᑯᕐᑐᔪᑦ ᐅᑯᐊ ᐊᖓᔪᖅᑳᕐᔪᐊᑉ ᐃᓚᖏᑕ ᐃᑭᒪᕕᒋᓂᐊᕐᑕᖏᑦ, ᓂᐊᖂᔧᓪᓗ ᐱᕈᕐᑐᕕᓃᓪᓗ ᓰᕐᓇᕐᑐᐃᑦ ᓂᕆᔭᐅᔪᒃᓴᐅᔪᑦ ᐊᖑᑎᓄᑦ ᐃᓅᓱᒃᑐᓄᑦ, ᕔᓂᓗ ᐃᒥᕐᑕᐅᔪᒃᓴᐅᕗᖅ ᑕᖃᒍᑎᒃ ᐃᒥᕈᓕᕈᑎᒡᓗ ᐃᓄᖃᔪᐃᑦᑐᒥ.”
3 #
ᓴᒧᐃᓕ ᐂᑉᐸᖏᑦ 19:25-27. ᐊᖓᔪᖅᑳᕐᔪᐊᑉ ᐊᐱᕆᕚ, “ᓇᐅᒡᓕ ᒥᐱᐳᓴᑎ, ᐊᖓᔪᖅᑳᕕᑦ ᐃᕐᖑᑕᖓ?”
ᔨᐸ ᑭᐅᕗᖅ, “ᔨᕉᓴᓕᒦᖏᓐᓇᕐᐳᖅ, ᐃᓱᒪᓕᕋᒥ ᐃᓴᕆᐊᓕᒥᐅᓄᑦ ᐊᑖᑕᑦᓯᐊᖓᑕ ᐊᖓᔪᖅᑲᐅᕕᖓ ᐃᒻᒥᓄᑦ ᐅᑎᕐᑎᑕᐅᓂᐊᕐᑐᒋᓪᓗᓂᐅᒃ.”
4ᐊᖓᔪᖅᑳᕐᔪᐊᑉ ᔨᐸ ᐅᖃᐅᑎᕚ, “ᒥᐱᐳᓴᑎᐅᑉ ᐱᒋᓚᐅᕐᑕᓕᒫᖏᑦ ᐱᑖᕆᓂᐊᓕᕐᐸᑎᑦ.”
ᔨᐸ ᑭᐅᕗᖅ, “ᐱᔨᒋᕙᕐᒪ, ᖁᕕᐊᒌᓐᓇᐅᔭᓐᖓᑐᖅ ᐊᖓᔪᖅᑳᕐᔪᐊᕋ ᐊᑕᓂᕋᓗ.”
ᑍᕕᑎᒃᑯᒃ ᓯᒥᐂᒃᑯᒃ
5ᐊᖓᔪᖅᑳᕐᔪᐊᖅ ᑍᕕᑎ ᑎᑭᓐᓇᒥ ᐸᕼᐅᕆᒻᒧᑦ, ᓴᐅᓕᐅᑉ ᐃᓚᖓᑕ ᐃᓚᖓᑦ ᒋᕋᐅᑉ ᐃᕐᓂᖓ ᓯᒥᐂ, ᐸᕐᕆᐊᕐᐳᖅ ᐅᖃᕐᓂᕐᓗᐊᕕᒋᓪᓗᒍ ᐅᐸᒃᐸᓪᓕᐊᓪᓗᓂᐅᒃ. 6ᓯᒤ ᒥᓪᓗᓕᓚᐅᕐᐳᖅ ᐅᔭᕋᖕᓄᑦ ᑍᕕᑎᒧᑦ ᐊᖓᔪᖅᑳᖁᑎᖏᓐᓂᒡᓗ; ᑍᕕᑎ ᐅᖓᓗᔭᐅᓯᒪᒐᓗᐊᕐᑎᓪᓗᒍ ᐃᓄᖁᑎᒥᓄᑦ ᓴᐳᓐᓂᐊᕐᑎᒥᓄᓪᓗ ᑕᓕᕐᐱᐊᓂ ᓴᐅᒥᐊᓂᓗ. 7ᓯᒥᐂᑉ ᐅᖃᕐᓂᕐᓗᐊᕕᒋᓚᐅᕐᐹ ᐅᖃᐅᑎᓪᓗᒍᓗ, “ᐊᐅᓪᓚᓚᐅᕆᑦ! ᐊᐅᓪᓚᓚᐅᕆᑦ! ᑐᖁᕅᔩ! ᐱᖁᔭᓂᒃ ᓯᖁᑦᑎᕆᔩ! 8ᓴᐅᓕ ᐊᖓᔪᖅᑲᐅᕕᖓᓂᒃ ᐊᕐᓵᓚᐅᕋᕕᐅᒃ, ᒫᓐᓇᓕ ᐊᑕᓂᐅᑉ ᓱᒋᐊᕐᐹᑎᑦ ᑐᖁᕅᓚᐅᕐᓂᕐᓄᑦ ᓴᐅᓕᐅᑉ ᐃᓚᖏᓐᓂᒃ ᐅᓄᕐᑐᓂᒃ; ᐊᑕᓂᐅᑉ ᐊᖓᔪᖅᑲᐅᕕᒃ ᑐᓂᕚ ᐃᕐᓂᕐᓄᑦ ᐋᑉᓴᓚᒻᒧᑦ, ᓱᒃᑯᑕᐅᓕᕐᐳᑎᑦ ᑐᖁᕅᔩ!”
9ᑕᕝᕙ ᐊᐱᓮ, ᔨᕈᐃᐊᐅᑉ ᐃᕐᓂᖓ ᐊᖓᔪᖅᑳᕐᔪᐊᕐᒧᑦ ᐅᖃᕐᐳᖅ, “ᓱᖕᒪᓄᓇ ᕿᒻᒥᕈᓗᒃ ᑐᖁᖓᔪᖅ ᐃᓕᖕᓂᒃ ᓇᕐᕈᓇᕐᓯᑎᑦᓯᑎᓪᓗᒍ ᓱᖁᑎᒋᖏᑉᐱᐅᒃ? ᐅᐸᒡᓗᒍ ᓂᐊᖁᐊ ᓇᑲᓚᐅᕐᓚᒍ!”
10ᐊᖓᔪᖅᑳᕐᔪᐊᕐᓕ ᐅᖃᕐᐳᖅ ᐊᐱᓮᒧᑦ ᐊᖓᔪᐊᓄᓪᓗ ᔪᐊᐱᒧᑦ, “ᑕᒪᓐᓇ ᐱᓇᓱᐊᒐᕆᓐᖏᓚᓯᒃ ᔨᕈᐃᐊᐅᑉ ᐃᕐᓂᖏᒃ, ᓇᕐᕈᓇᕐᓯᑎᑉᐹᖓ ᐊᑕᓂᐅᑉ ᐱᖁᔨᓂᖓᒍᑦ ᐅᖃᕐᑎᑕᐅᒃᐸᑦ, ‘ᑍᕕᑎ ᓇᕐᕈᓇᕐᓯᓕ’ ᑍᒤᓕᐅᓚᐅᕐᓕ, ᑭᓇᓖ ᐅᖃᕈᓐᓇᕐᐸ, ‘ᓱᖕᒪᑦ ᑍᒤᓕᐅᕐᒪᖔᑦ?’” 11ᑍᕕᑎᓗ ᐅᖃᕐᐳᖅ ᐊᐱᓮᒧᑦ ᐊᖓᔪᖅᑳᖁᑎᖏᓐᓄᓪᓗ, “ᓇᖕᒥᓂᖅ ᐃᕐᓂᕐᒪ ᑐᖁᓐᓇᓱᐊᕐᐹᖓ; ᖃᓄᐃᒻᒪᑦ ᑲᒪᓇᓱᐊᕐᐲᑦ ᑖᑦᓱᒥᖓ ᐱᓐᔭᒥᓂᒃᑯᓐᓂᒥᐅᑕᕐᒥᒃ? ᐊᑕᓂᐅᑉ ᓇᕐᕈᓇᕐᓯᑎᑦᓯᖁᒃᐸᒍ ᑲᒪᒋᔭᐅᔭᕆᐊᖃᓐᖏᓚᖅ. 12ᐊᑕᓂᐅᑉ ᖁᕕᐊᓱᖏᓐᓂᓐᓂᒃ ᖃᐅᔨᒍᓂᖓ, ᐊᑭᓕᕐᓂᐊᕐᐹᖓ ᐱᐅᔪᒥᒃ ᐅᓪᓗᒥ ᓇᕐᕈᓇᕐᑎᑕᐅᓂᕋ ᐲᖔᕐᓗᓂᐅᒃ.” 13ᑕᕝᕙ ᑍᕕᑎᓗ ᐃᓚᒋᔭᖏᓪᓗ ᑲᔪᓯᓚᐅᕐᐳᑦ ᐃᖏᕐᕋᓂᕐᒥᓂᒃ, ᓯᒥᐂᑉ ᒪᓖᓐᓇᓚᐅᕐᐰᑦ ᖃᖅᑬᑦ ᐊᑭᐊᒍᑦ ᓯᕕᖓᔪᒃᑯᑦ ᐱᓱᒡᓗᓂ; ᓇᕐᕈᓇᕐᓯᑎᑦᓯᓪᓗᓂ ᐅᖃᓪᓔᓐᓇᓚᐅᕐᐳᖅ, ᒥᓪᓗᕐᓗᓂᓗ ᐅᔭᕋᖕᓄᑦ ᒪᕐᕋᕐᒥᒡᓗ ᐃᒋᐅᖅᑬᕕᒋᓪᓗᒋᑦ. 14ᐊᖓᔪᖅᑳᕐᔪᐊᓪᓗ ᐃᓚᒋᔭᖏᓪᓗ ᑕᖃᓪᓗᑎᒃ ᔪᐊᕐᑕᓂᐅᑉ ᑰᖓᓄᑦ ᑎᑭᓚᐅᕐᐳᑦ, ᑕᕝᕙᓂᓗ ᑕᕾᕐᓯᓕᕐᓗᑎᒃ.
ᐋᑉᓴᓚᐅᑉ ᔨᕉᓴᓕᒦᓐᓂᖓ
15ᐋᑉᓴᓚᒻ ᐃᓴᕆᐊᓕᒥᐅᓕᒫᓪᓗ ᐃᓚᒋᔭᖏᑦ ᔨᕉᓴᓕᒧᐊᓚᐅᕐᐳᑦ, ᐊᕼᐃᑐᐱᓕᓗ ᐃᓚᒋᓚᐅᕐᐹᑦ. 16ᕼᐅᓮᓕ ᐊᑬᑎᒥᐅᑕᖅ, ᑍᕕᑎᐅᑉ ᐱᖃᓐᓇᕆᔭᖓ, ᐋᑉᓴᓚᒻᒥᒃ ᑲᑎᓯᒐᒥ, ᕾᒐᓪᓚᓚᐅᕐᐳᖅ, “ᐊᖓᔪᖅᑳᕐᔪᐊᖅ ᐊᑯᓂ ᐃᓅᓕ! ᐊᖓᔪᖅᑳᕐᔪᐊᖅ ᐊᑯᓂ ᐃᓅᓕ!”
17ᐋᑉᓴᓚᐅᑉ ᕼᐅᓮ ᐊᐱᕆᕚ, “ᖃᓄᐃᓕᓐᓂᕐᐱᑦ ᐱᖃᓐᓇᕆᔭᕐᓄᑦ ᑍᕕᑎᒧᑦ? ᖃᓄᐃᒻᒪᑦ ᐊᐅᓪᓚᖃᑎᒋᓚᐅᖏᑉᐱᐅᒃ?”
18ᕼᐅᓮ ᐋᑉᓴᓚᒻᒧᑦ ᑭᐅᕗᖅ, “ᖃᓄᕐᓕ? ᑎᓕᔭᐅᓯᒪᕗᖓ ᐊᑕᓂᐅᑉ ᓂᕈᐊᕐᑕᖓᓄᑦ, ᐃᓄᖕᓄᑦ ᐃᓴᕆᐊᓕᒥᐅᓕᒫᓄᓪᓗ; ᐃᓕᖕᓃᖏᓐᓇᕐᓂᐊᕐᐳᖓ. 19ᑭᓇᒥᒡᓕ ᐱᔨᑦᓯᕐᑐᒃᓴᐅᕗᖔ, ᐊᖓᔪᖅᑳᒪ ᐃᕐᓂᖓᓂᒃ ᑭᓯᐊᓂ? ᐊᑖᑍᑦ ᐱᔨᑦᓯᓚᐅᕋᒃᑯ, ᒫᓐᓇᑦᑕᐅᖅ ᐱᔨᑦᓯᕐᓂᐊᕆᕙᒋᑦ.”
20ᐋᑉᓴᓚᒻ ᓵᓚᐅᕐᐳᖅ ᐊᕼᐃᑐᐱᓕᒧᑦ, ᐅᖃᕐᓗᓂᓗ, “ᒫᓐᓇ ᑕᒫᓂᓕᕋᑦᑕ, ᖃᓄᐃᓕᐅᕆᐊᖃᓕᕐᐱᑕ?”
21ᐊᕼᐃᑐᐱᓕᓗ ᐋᑉᓴᓚᒻᒧᑦ ᑭᐅᕗᖅ, “ᐊᑖᑕᕕᑦ ᓄᓕᐊᖏᓐᓂᒃ ᐱᖃᑎᖃᕆᐊᕐᑐᓕᕆᑦ ᕿᒪᓚᐅᕐᑕᖏᓐᓂᒃ ᐊᖓᔪᖅᑳᕐᔪᐊᖃᕐᕕᒃ ᑲᒪᒋᔭᐅᖁᓪᓗᓂᐅᒃ; ᐃᓴᕆᐊᓕᒥᐅᓕᒫᓪᓗ ᖃᐅᔨᓂᐊᕐᐳᑦ ᐊᑖᑕᕕᑦ ᐊᑭᕋᕆᓕᕐᒪᑎᑦ, ᒪᓕᒃᑎᑎᓪᓗ ᑲᑦᓱᖎᕐᑎᑕᐅᒻᒪᕆᖕᓂᐊᕐᐳᑦ.” 22#ᓴᒧᐃᓕ ᐂᑉᐸᖏᑦ 12:11,12.ᑍᒤᒻᒪᑦ ᐊᖓᔪᖅᑳᕐᔪᐊᖃᕐᕕᐅᑉ ᖄᖓᓂ ᑐᐱᕐᒥᒃ ᓇᑉᐰᓚᐅᕐᐳᑦ; ᐃᓴᕆᐊᓕᒥᐅᓕᒫᓪᓗ ᑕᑯᓐᓇᕐᑎᓪᓗᒋᑦ ᐋᑉᓴᓚᒻ ᐃᑎᓚᐅᕐᐳᖅ ᐊᑖᑕᖓᑕᓗ ᓄᓕᐊᖏᑦ ᐃᓐᓇᖓᖃᑎᒋᓪᓗᒋᑦ.
23ᐊᕼᐃᑐᐱᓕᐅᑉ ᐃᓱᒻᒥᕐᑐᐃᑦᔪᑎᒋᔭᖏᑦ ᑍᑦᓱᒪᓂᐅᑎᓪᓗᒍ ᒪᓕᒐᒃᓴᓪᓚᕆᐅᑎᑕᐅᕙᓚᐅᕐᐳᖅ ᒎᑎᐅᑉ ᐅᖃᐅᓯᖓᑐᑦ; ᑕᒪᖏᖕᓄᑦ ᑍᕕᑎᒧᑦ ᐋᑉᓴᓚᒻᒧᓪᓗ.
Currently Selected:
ᓴᒧᐃᓕ ᐂᑉᐸᖏᑦ 16: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
